What are the opening hours?

Monday 8am - 5pm Tuesday 8am - 5pm Wednesday 8am - 5pm Thursday 8am - 5pm Friday 8am - 5pm

https://www.facebook.com/354597545202768/

Loreto - Lungsod Nga Minahal Ko

Home
Philippines
Loreto
Loreto - Lungsod Nga Minahal Ko

Municipal Information Office of Loreto, Dinagat Islands Official FB Page

02/11/2026

UNDAS 2026 | FULL ALERT

Sa pag-abot sa Undas 2026, ang Loreto MDRRMO, PNP ug BFP anaa sa full alert status aron masiguro ang kaluwasan, kahapsay ug kahilwasan sa tanang mga molawig sa atong mga sementeryo sa Loreto Public Cemetery (Brgy.San Juan) ug Santiago Catholic Cemetery, aron sa paghinumdom ug pag-ampo alang sa atong mga minahal nga nangpanaw.

Atong hinumdoman ang atong mga minahal nga nanglakat na, dili lamang pinaagi sa pagbisita sa ilang mga lubnganan, apan pinaagi usab sa atong mga pag-ampo, gugma ug maayong mga buhat nga magpadayon sa ilang panumduman sa atong mga kasingkasing.

Palihog magmatngon, magtinabangay ug mosunod sa mga pahimangno sa mga otoridad aron malinawon, hapsay ug luwas ang atong pag-obserbar sa Undas.

Malinawon, Hapsay ug Luwas nga Undas sa Atong Loreto!

01/11/2026

84th Commemoration of the Battle of San Juan against the Japanese Imperial Army on October 31, 1942

Barangay San Juan
Loreto, Dinagat Islands
Caraga, Philippines 🇵🇭

29/10/2026

LGU LORETO, NAGPAHIGAYON OG SKILLS ENHANCEMENT TRAINING ON CAMP COORDINATION AND CAMP MANAGEMENT UG COMPREHENSIVE EMERGENCY PROGRAM FOR CHILDREN

LORETO, DINAGAT ISLANDS — Gipahigayon sa Lokal nga Panggamhanan sa Loreto, pinaagi sa Municipal Social Welfare and Development Office (MSWDO), ang Skills Enhancement Training on Camp Coordination and Camp Management (CCCM) cm Comprehensive Emergency Program for Children (CEPC) Workshop niadtong Oktubre 28-29, 2026.

Gitambongan ang maong kalihokan sa mga partisipante nga mga empleyado sa LGU, nga gitumong sa pagpalig-on sa ilang kahibalo ug kapasidad sa pagdumala sa mga evacuation center ug pagpanalipod sa mga bata panahon sa emerhensiya ug kalamidad. Anaa usab ang mga guest speaker nga sila Maam Cecille Faith M. Segador, Maam Maribeth E. Damiao, Sir Vincent Flores, Engr. Catherine Gay B. Llasos, Maam Maricel Lambunao, Municipal Administrator Engr. Roldan Labastida, ug Maam Richelle Alpahando.

Tungod sa nahimutangan sa Loreto nga nag-atubang sa Pacific Ocean, ang lungsod nameligro sa nagkalainlaing kalamidad sama sa bagyo, pagbaha, pagdahili sa yuta, storm surge, linog, ug uban pang natural ug hinimo sa tawo nga mga emerhensiya.

Pinaagi sa Camp Coordination and Camp Management (CCCM), gipalig-on ang kahibalo sa mga responder ug lokal nga awtoridad aron masiguro ang hapsay, luwas, ug organisadong pagdumala sa mga evacuation center. Lakip niini ang pagpanalipod sa katungod, kaluwasan, ug dignidad sa mga pamilyang nabakwit, ingon man ang paglikay sa pagdoble o kakulang sa mga serbisyong gikinahanglan sa mga evacuee.

Gihatagan usab og dakong pagtagad ang Comprehensive Emergency Program for Children (CEPC), nga nagtumong sa pagpanalipod sa mga bata panahon sa kalamidad pinaagi sa paghatag og luwas nga lugar, pagpadayon sa edukasyon, serbisyong panglawas, nutrisyon, proteksiyon sa kabataan, ug psychosocial support.

Pinaagi sa maong pagbansay, gilaoman nga mas mapalambo ang kahandam sa mga kawani sa LGU Loreto sa pag-atubang sa mga kalamidad, pagdumala sa mga evacuation center, ug pagtubag sa piho nga panginahanglan sa mga bata ug pamilyang apektado.

Kini nga inisyatibo kabahin sa padayong paningkamot sa Lokal nga Panggamhanan sa Loreto sa pagpalig-on sa disaster preparedness, episyenteng paghatag og serbisyo, ug pagsiguro sa kaluwasan ug kaayohan sa tanang Loretonhon.

29/10/2026

4Ps PARTNERS CONSULTATION, GIPAHIGAYON SA LORETO

Gipahigayon ang Partners Consultation sa Pantawid Pamilyang Pilipino Program (4Ps) Oktubre 29, 2026 sa Conference Hall, New Municipal Building, Barangay Carmen, Loreto, Dinagat Islands. Gitambungan kini sa Provincial Operations Officers ug mga representante gikan sa nagkalainlaing kaabag nga sektor, lakip ang mga representante sa Department of Education (DepEd) ug health representative. Anaa usab sila SB Absalon Colandog ug MSWD Officer Bless A. Pabito.

Tumong sa konsultasyon nga palig-onon ang koordinasyon ug panagtambayayong sa mga kaabag nga sektor, maghatag og mga bag-ong impormasyon kabahin sa pagpatuman sa 4Ps, ug gihisgutan ang mga kabalaka, hagit, ug posibleng mga lakang aron mas mapaayo ang paghatod sa mga serbisyo ngadto sa mga benepisyaryong panimalay.

Pinaagi sa maong konsultasyon, gilauman nga mas mapalig-on ang panag-uyon ug kooperasyon sa mga hingtungdang ahensiya ug sektor alang sa kaayohan sa mga benepisyaryo sa 4Ps ug sa ilang mga pamilya.

28/10/2026

DILG CARAGA, NAGPAHIGAYON OG AUDIT SA LGU LORETO PARA SA EASE OF DOING BUSINESS (EODB) 2026

Gipahigayon karong Oktubre 28, 2026, sa Lokal nga Panggamhanan sa Loreto ang audit sa Department of the Interior and Local Government (DILG) Region XIII–Caraga kalabot sa implementasyon sa Ease of Doing Business (EODB) 2026 aron susihon ang pagsunod sa mga lokal nga panggamhanan sa mga sumbanan sa pagpasayon sa transaksiyon ug pagpauswag sa serbisyo publiko.

Gipangunahan ang audit ni LGOO V Karen A. Adalid, uban nila LGOO II Edel Maeh Cariate ug Floreme Goña, AA II. Anaa usab si LGOO VI Desiree B. Bakit, kauban ang mga miyembro sa Committee on Anti-Red Tape (CART) sa LGU Loreto.

Tumong sa maong audit ang pagsusi ug pag-verify sa mga report nga gisumite sa LGU pinaagi sa Business Permits and Licensing System–Business Permits and Licensing Office (BPLS-BPCO) Online Monitoring System, lakip na ang pagsunod sa mga sumbanan sa pagproseso sa mga permit ug uban pang transaksiyon sa gobyerno.

Kabahin usab sa audit ang pag-interbyu sa mga miyembro sa Committee on Anti-Red Tape (CART) ug Regulatory Reform Team (RRT), lakip ang aktuwal nga pag-obserbar sa citizens charter sa mga opisina sa LGU.

Pinaagi niini nga audit, gitinguha sa DILG nga mapalig-on ang pagsunod sa mga sumbanan sa paghatag og serbisyo publiko, mapadali ang mga transaksiyon sa gobyerno, ug masiguro ang mas episyente ug transparent nga pagserbisyo sa katawhan.

27/10/2026

LGU LORETO, NAGPAHIGAYON SA IKA-3 NGA QUARTERLY MEETING SA MDRRMC

LORETO, Dinagat Islands — Nagpahigayon ang Municipal Disaster Risk Reduction and Management Council (MDRRMC) sa Lokal nga Panggamhanan sa Loreto sa ilang Ikatulong Quarter Council Meeting karong Oktubre 27, 2026, sa Executive Municipal Conference Hall.

Lakip sa mga gihisgotan sa tigom mao ang mga indikador ug findings sa Gawad KALASAG, pagrepaso sa 2026 Local Disaster Risk Reduction and Management (LDRRM) Plan, presentasyon sa Technical Working Group (TWG) alang sa Gawad KALASAG, ug presentasyon sa Annual Disaster Risk Reduction and Management (DRRM) Plan.

Gihisgotan usab ang pag-apruba sa Annual Investment Plan (AIP) alang sa Calendar Year 2027, lakip ang mga gisugyot nga polisiya, giya ug ordinansa nga may kalabotan sa DRRM, kahimtang sa Barangay Disaster Risk Reduction and Management (BDRRM) Plan, ug iskedyul sa pagpahigayon sa safety drills sa mga eskwelahan.

Pinaagi niini nga tigom, gilauman nga mapalig-on pa ang koordinasyon sa mga miyembro sa konseho ug masiguro ang hapsay nga pagpatuman sa mga programa, polisiya, ug interbensiyon alang sa kaluwasan ug kalig-on sa komunidad batok sa mga katalagman.

27/10/2026

ALS Loreto is pleased to announce the Livelihood Skills Training for Loreto Learners in Candle & Liquid Soap Making.

Where: Loreto Community Learning Center (Near Municipal Tennis Cout)
When: Friday, October 30, 2026 @ 8AM

Admission is FREE! FREE! FREE!

Note: This workshop is open for Loreto ALS learners of S.Y. 2026-2027 ONLY

SEE YOU THERE!

27/10/2026

LGU LORETO UG DOTR, NAGTINABANGAY ALANG SA PAGPALIG-ON SA KAHIBALO SA MGA TRAFFIC ENFORCERS SA LORETO PDI

LORETO, Dinagat Islands — Isip kabahin sa padayon nga paningkamot sa pagpalig-on sa kahapsay sa trapiko ug kaluwasan sa kadalanan, gikonsiderar sa Department of Transportation (DOTr) – Caraga Regional Office XIII ang hangyo sa Lokal nga Pangagamhanan sa Loreto para sa gipahigayon nga Training and Possible Deputization of Local Traffic Enforcers. Gipangunahan kini ni MDRRM Officer Engr. Joy Conales kauban sa mga guest speaker nga sila Marife G. Gambe - Head, Traffic Safety Unit, Jelanie J. Sepe - ADOF I, Joene S. Lisondra - ADAS II.

Tumong sa maong inisyatibo nga mapalambo ang kahibalo, kahanas, ug kapasidad sa mga traffic enforcers sa hustong pagpatuman sa mga balaod, lagda, ug regulasyon sa transportasyon sa yuta, subay sa mga sumbanan sa Department of Transportation ug Land Transportation Office (LTO).

Nipahigayon usab kini sila sa pag field demo sa kadalanan para sa dugang kahibalo sa atong mga traffic enforcers sa lungsod.

Pinaagi niini, gilauman nga mas mapalig-on ang disiplina sa trapiko, masiguro ang mas luwas ug hapsay nga pagbiyahe sa mga motorista ug pedestrian, ug mapauswag ang pagdumala sa trapiko sa tibuok Munisipyo sa Loreto.

27/10/2026

LCPC NAGPAHIGAYON OG DUHA KA ADLAW NGA WORKSHOP ALANG SA COMPREHENSIVE EMERGENCY PROGRAM FOR CHILDREN

Nagpahigayon ang Local Council for the Protection of Children (LCPC) sa pakig-alayon sa Municipal Disaster Risk Reduction and Management Council (MDRRMC) sa Munisipyo sa Loreto og Two-Day Updating Workshop on the Comprehensive Emergency Program for Children (CEPC) karong Oktubre 26-27, 2026, sa Executive Conference Room, New Municipal Hall, Barangay Carmen, Loreto, Dinagat Islands. Gitunghaan kini sa mga miyembro sa LCPC kauban ni guest speaker Zandro Rhyme D. Bañez.

Gitumong kini sa pagpalig-on sa kapasidad sa mga lokal nga hingtungdan aron masiguro ang pagpanalipod sa mga katungod, kaluwasan, ug kaayohan sa mga bata sa wala pa, panahon sa, ug human sa mga emerhensiya ug kalamidad.

Pinaagi niini, gilauman nga mapalambo ang kahibalo ug kahanas sa mga partisipante sa pag-andam ug pagpatuman sa mga estratehiya sa pagpangandam ug pagtubag sa kalamidad nga nakasentro sa mga panginahanglan sa kabataan. Lakip usab sa tumong niini ang pagsiguro nga matubag ang mga espesipikong panginahanglan ug kahuyang sa mga bata panahon sa mga kalamidad.

Gipasiugda usab sa maong workshop ang kamahinungdanon sa koordinasyon tali sa nagkadaiyang ahensiya ug mga stakeholder aron mas mapalig-on ang hiniusang paningkamot sa pagpanalipod sa mga bata, ilabina kadtong anaa sa huyang nga kahimtang panahon sa mga emerhensiya.

Pinaagi sa maong kalihokan, padayon nga gipalig-on sa Lokal nga Panggamhanan sa Loreto ang paningkamot sa pagpalambo sa sistema sa pagpanalipod sa mga bata ug sa pagseguro nga dili mapasagdan ang ilang mga panginahanglan sa panahon sa kalamidad.

27/10/2026

Malampusong Gipahigayon ang Local Social Pension sa Loreto nga Dugtong Buhay Para Kay Lolo at Lola

Nagmalampusong gipahigayon ang programang Dugtong Buhay para kay Lolo at Lola nga usa ka local social pension alang sa mga rehistradong senior citizen nga aktibong miyembro sa barangay association karong Octubre 27, 2026 sa Maximo Omandam Sports and Training Complex, Barangay Carmen, Loreto, Dinagat Islands

Ubos sa maong programa, ang matag rehistradong senior citizen nakadawat og Php1,000 annual pay out isip tabang ug pag-ila sa ilang kontribusyon sa komunidad.

Aron mas mapadali ug mas mapaduol ang serbisyo sa mga lolo ug lola, gihimo ang pamaagi pinaagi sa clustering.

First Cluster: Barangay San Juan, Carmen, Santiago, ug Santa Cruz
Second Cluster: Barangay Ferdinand
Third Cluster: Barangay Panamaon
Fourth Cluster: Barangay Esperanza
Fifth Cluster: Gibusong

Gilauman nga pinaagi sa Dugtong Buhay para kay Lolo at Lola, mas mapabati sa mga katigulangan ang pag-atiman ug suporta gikan sa lokal nga panggamhanan.

Address

Rizal Street Brgy. Carmen, Dinagat Islands
Loreto
8415

Opening Hours

Monday	8am - 5pm
Tuesday	8am - 5pm
Wednesday	8am - 5pm
Thursday	8am - 5pm
Friday	8am - 5pm

Website

facebook.com

Alerts

Be the first to know and let us send you an email when Loreto - Lungsod Nga Minahal Ko posts news and promotions. Your email address will not be used for any other purpose, and you can unsubscribe at any time.