Queensehala Leren Mae Magnaye Bautista

📚🎒 𝐖𝐄𝐋𝐂𝐎𝐌𝐄 𝐁𝐀𝐂𝐊 𝐓𝐎 𝐒𝐂𝐇𝐎𝐎𝐋, 𝐋𝐎𝐒 𝐁𝐀Ñ𝐎𝐒 𝐋𝐄𝐀𝐑𝐍𝐄𝐑𝐒!

Muling nagbubukas ang panibagong yugto ng pagkatuto, mga pangarap, at mga oportunidad para sa ating mga mag-aaral. Sa pagsisimula ng School Year 2026–2027, nawa’y maging masigla, ligtas, at makabuluhan ang bawat araw ninyo sa paaralan.

Huwag kalimutang magsikap sa pag-aaral, makinig sa inyong mga g**o, at pahalagahan ang bawat aral na inyong matututuhan.

✨ Sama-sama nating abutin ang mas maliwanag na kinabukasan sa pamamagitan ng edukasyon!

𝐂𝐎𝐍𝐆𝐑𝐀𝐓𝐔𝐋𝐀𝐓𝐈𝐎𝐍𝐒 𝐒𝐀 𝐌𝐆𝐀 𝐍𝐀𝐏𝐈𝐋𝐈𝐍𝐆 𝐁𝐄𝐍𝐄𝐏𝐈𝐒𝐘𝐀𝐑𝐘𝐎 𝐍𝐆 𝐋𝐁 𝐋𝐈𝐁𝐑𝐄𝐍𝐆 𝐆𝐔𝐏𝐈𝐓! ✂️🎉

Narito na ang listahan ng mga masuwerteng napili para sa ating programang 𝐋𝐁 𝐋𝐈𝐁𝐑𝐄𝐍𝐆 𝐆𝐔𝐏𝐈𝐓 sa pakikipagtulungan ng 𝐍𝐚𝐧𝐢 𝐒𝐚𝐥𝐨𝐧 bilang paghahanda sa nalalapit na pagbabalik-eskwela.

📌 𝐏𝐀𝐀𝐋𝐀𝐋𝐀 𝐒𝐀 𝐌𝐆𝐀 𝐍𝐀𝐍𝐀𝐋𝐎:
✅ Hintayin ang text message mula sa aming tanggapan na naglalaman ng inyong 𝐏𝐄𝐑𝐒𝐎𝐍𝐀𝐋 𝐋𝐁 𝐂𝐎𝐃𝐄.

✅ Ipakita ang inyong 𝐏𝐄𝐑𝐒𝐎𝐍𝐀𝐋 𝐋𝐁 𝐂𝐎𝐃𝐄 sa Nani Salon bilang patunay na kayo ang opisyal na benepisyaryo.

✅ Maaaring magpagupit sa anumang araw ngayong buwan ng Hunyo 2026 mula 𝟏𝟎:𝟎𝟎 𝐀𝐌 – 𝟓:𝟎𝟎 𝐏𝐌.

📩 Kung hindi pa ninyo natatanggap ang inyong 𝐏𝐄𝐑𝐒𝐎𝐍𝐀𝐋 𝐋𝐁 𝐂𝐎𝐃𝐄, mangyaring magpadala ng mensahe sa aming page para sa beripikasyon.

Maraming salamat sa lahat ng nakiisa at sumali. 𝐀𝐛𝐚𝐧𝐠𝐚𝐧 𝐚𝐧𝐠 𝐢𝐛𝐚 𝐩𝐚𝐧𝐠 𝐩𝐫𝐨𝐠𝐫𝐚𝐦𝐚𝐧𝐠 𝐡𝐚𝐧𝐝𝐨𝐠 𝐧𝐠 𝐢𝐲𝐨𝐧𝐠 𝐥𝐢𝐧𝐠𝐤𝐨𝐝 𝐩𝐚𝐫𝐚 𝐬𝐚 𝐚𝐭𝐢𝐧𝐠 𝐤𝐨𝐦𝐮𝐧𝐢𝐝𝐚𝐝!

𝐋𝐄𝐓'𝐒 𝐓𝐀𝐋𝐊 𝐀𝐁𝐎𝐔𝐓 | 𝐖𝐎𝐑𝐋𝐃 𝐄𝐍𝐕𝐈𝐑𝐎𝐍𝐌𝐄𝐍𝐓 𝐃𝐀𝐘 🌏💚

Ngayong World Environment Day, ating alalahanin na ang pangangalaga sa kalikasan ay responsibilidad ng bawat isa. Sa simpleng pagtatanim ng puno, wastong pamamahala ng basura, at pagprotekta sa ating likas na yaman, nakakatulong tayo sa pagbuo ng mas malinis, mas ligtas, at mas luntiang kinabukasan para sa susunod na henerasyon.

Sama-sama nating pangalagaan ang ating nag-iisang tahanan—ang Inang Kalikasan. 🌱♻️

𝐋𝐈𝐁𝐑𝐄𝐍𝐆 𝐆𝐔𝐏𝐈𝐓 𝐏𝐀𝐑𝐀 𝐒𝐀 𝐀𝐓𝐈𝐍𝐆 𝐌𝐆𝐀 𝐌𝐀𝐆-𝐀𝐀𝐑𝐀𝐋! 💇‍♂️💇‍♀️

Handog ni Queensehala Leren Mae Magnaye Bautista sa pakikipagtulungan ng Nani Salon, ang isang espesyal na pagkakataon para sa mga nais magpagupit nang libre!

📌 𝐅𝐈𝐑𝐒𝐓 𝟏𝟎𝟎 𝐒𝐋𝐎𝐓𝐒 𝐎𝐍𝐋𝐘!
Kaya't huwag nang magpahuli at sundin lamang ang mga mekaniks na nakasaad sa poster upang makasali.

Ang mga mapipiling kalahok ay 𝐦𝐚𝐤𝐚𝐤𝐚𝐭𝐚𝐧𝐠𝐠𝐚𝐩 𝐧𝐠 𝐩𝐞𝐫𝐬𝐨𝐧𝐚𝐥 𝐋𝐁 𝐜𝐨𝐝𝐞 na gagamitin upang makapag-avail ng libreng gupit.

Maraming salamat sa ating partner na Nani Salon sa pakikiisa sa pagbibigay-serbisyo para sa ating komunidad. Sama-sama nating gawing mas magaan at mas maayos ang buhay ng bawat isa.

𝐋𝐄𝐓'𝐒 𝐓𝐀𝐋𝐊 𝐀𝐁𝐎𝐔𝐓 | 𝟒𝟎𝐭𝐡 𝐑𝐞𝐠𝐮𝐥𝐚𝐫 𝐒𝐞𝐬𝐬𝐢𝐨𝐧 𝐨𝐟 𝐭𝐡𝐞 𝐒𝐚𝐧𝐠𝐠𝐮𝐧𝐢𝐚𝐧𝐠 𝐁𝐚𝐲𝐚𝐧

Sa ginanap na ika-40 Regular Session ng Sangguniang Bayan ng Los Baños, tinalakay at inaprubahan ang ilang mahahalagang ordinansa at resolusyon na naglalayong higit pang mapabuti ang serbisyong pampubliko at kapakanan ng mga mamamayan. Kabilang dito ang pagpapatupad ng programang “TODA Para sa Bayan” para sa libreng sakay ng mga buntis, bagong silang na sanggol, mga pasyenteng may TB, at mga medical emergency, gayundin ang pag-aampon ng National Policy on Nutrition in Emergencies para sa mas mahusay na pagtugon sa mga pangangailangan ng komunidad sa panahon ng kalamidad at krisis.

Inaprubahan din ng konseho ang mga programang nakatuon sa proteksyon ng mga bata, pakikipagtuwang sa Laguna State Polytechnic University para sa “Gabay Komunidad” Program, at paghahanda ng delegasyon ng bayan para sa nalalapit na Laguna Intertown Basketball Tournament.

Ang mga hakbang na ito ay sumasalamin sa patuloy na hangarin ng lokal na pamahalaan na maglatag ng mga makabuluhan at inklusibong programa para sa kapakanan, kaligtasan, at pag-unlad ng buong komunidad. Sama-sama nating isulong ang isang mas maunlad, mas malusog, at mas matatag na Los Baños para sa lahat.

𝐋𝐄𝐓'𝐒 𝐓𝐀𝐋𝐊 𝐀𝐁𝐎𝐔𝐓 | 𝐏𝐀𝐊𝐈𝐊𝐈𝐈𝐒𝐀 𝐒𝐀 𝐆𝐀𝐁𝐀𝐘 𝐊𝐎𝐌𝐔𝐍𝐈𝐃𝐀𝐃 𝐏𝐑𝐎𝐆𝐑𝐀𝐌 𝐍𝐆 𝐋𝐒𝐏𝐔 🤝📖

Dumalo ang inyong lingkod sa Committee Meeting on Women, GAD and Family Welfare kaugnay ng “Gabay Komunidad: Gender-Responsive Capacity Development Program for Civil Society Organizations” ng Laguna State Polytechnic University – College of Arts and Sciences.

Sa nasabing pagpupulong, tinalakay ang mga hakbang at inisyatibang naglalayong palakasin ang partisipasyon ng mga organisasyong pangkomunidad sa pagsusulong ng gender-responsive na mga programa at mga gawaing nakatuon sa kapakanan ng kababaihan, pamilya, at iba pang sektor ng lipunan.

Ang mga ganitong talakayan ay mahalagang bahagi ng pagbuo ng mas inklusibo, makatarungan, at responsableng pamayanan. Patuloy nating suportahan ang mga programang nagbibigay ng kaalaman at kakayahan sa ating mga komunidad tungo sa mas maunlad at mas makataong lipunan.

Maraming salamat sa Laguna State Polytechnic University sa pangunguna sa makabuluhang programang ito.

𝐋𝐄𝐓'𝐒 𝐓𝐀𝐋𝐊 𝐀𝐁𝐎𝐔𝐓 | 𝐏𝐫𝐢𝐝𝐞 𝐌𝐨𝐧𝐭𝐡 🏳️‍🌈

Ang Tanggapan ni Konsehala Leren Mae Bautista ay nakikiisa sa pagdiriwang ng Pride Month bilang pagkilala sa kahalagahan ng pagkakapantay-pantay, paggalang, at inklusibong lipunan para sa lahat.

Nawa’y magsilbing inspirasyon ang pagdiriwang na ito upang patuloy nating itaguyod ang karapatang pantao, pagkakaunawaan, at pagtanggap sa ating kapwa. Sama-sama nating buuin ang isang komunidad na nagbibigay-halaga sa dignidad at pagkakapantay-pantay ng bawat mamamayan.

Happy Pride Month! 🏳️‍🌈

𝐌𝐚𝐥𝐢𝐠𝐚𝐲𝐚𝐧𝐠 𝐩𝐚𝐠𝐩𝐚𝐬𝐨𝐤 𝐧𝐠 𝐛𝐮𝐰𝐚𝐧 𝐧𝐠 𝐇𝐮𝐧𝐲𝐨! 💙

Nasa kalagitnaan na po tayo ng taon—parang kailan lang nang salubungin natin ang unang araw ng Enero, at ngayon ay nasa ika-anim na buwan na tayo. Mabilis man ang paglipas ng panahon, marami na rin tayong mga karanasan, tagumpay, at aral na baon sa ating paglalakbay.

Sama-sama nating salubungin ang Hunyo na may pag-asa, positibong pananaw, at panibagong sigla para sa mga darating na araw.

Magandang buwan ng Hunyo sa ating lahat! 🌿✨