Kabataan Partylist UPLB

𝗟𝗢𝗦 𝗕𝗔𝗡𝗢𝗦, 𝗧𝗨𝗟𝗢𝗬-𝗧𝗨𝗟𝗢𝗬 𝗔𝗡𝗚 𝗟𝗔𝗕𝗔𝗡 𝗞𝗢𝗡𝗧𝗥𝗔 𝗞𝗨𝗥𝗔𝗣𝗦𝗬𝗢𝗡!

𝗠𝗮𝗺𝗮𝗺𝗮𝘆𝗮𝗻 𝗻𝗴 𝗟𝗼𝘀 𝗕𝗮𝗻𝗼𝘀, 𝘀𝘂𝗺𝗮𝗺𝗮 𝘀𝗮 𝗡𝗮𝘁𝗶𝗼𝗻𝗮𝗹 𝗗𝗮𝘆 𝗼𝗳 𝗪𝗮𝗹𝗸𝗼𝘂𝘁 𝗔𝗴𝗮𝗶𝗻𝘀𝘁 𝗖𝗼𝗿𝗿𝘂𝗽𝘁𝗶𝗼𝗻 𝘀𝗮 𝗡𝗼𝗯𝘆𝗲𝗺𝗯𝗿𝗲 𝟮𝟭, 𝟮𝟬𝟮𝟱 𝘀𝗮 𝗴𝗮𝗻𝗮𝗽 𝗻𝗮 𝗶𝗸𝗮-𝟮 𝗻𝗴 𝗵𝗮𝗽𝗼𝗻, 𝘀𝗮 𝗛𝘂𝗺𝗮𝗻𝗶𝘁𝗶𝗲𝘀 𝗦𝘁𝗲𝗽𝘀 𝗨𝗣𝗟𝗕!

Hindi pa tapos ang ating paglaban kontra sa mga kurap at mga tiwali! Higit 100 araw na ang lumipas, ngunit wala pa ring naipakukulong sa mga opisyal ng pamahalaang sinamsam ang kaban ng taumbayan, sa pangunguna ng hari at reyna ng kurapsyon, si Pangulong Marcos Jr. at si Bise Pangulong Duterte.

Kagyat ang pangangailangan na tayo ay kumilos at ipakita ang ating nagkakaisang hanay laban sa mga kurap at tiwali. Patuloy ang ating pagpapanawagan na panagutin ang lahat ng sangkot sa pangungurakot, mula itaas hanggang sa pinakamababang mga lebel ng pamahalaan.

CEM 4 KABATAAN 💙

Youth Advocates for Peace with Justice UP Los Baños - Yapjust UPLB 4 KABATAAN 💙

YAPJUST Proudly Supports Kabataan Partylist

In the 2025 midterm elections, we stand behind Kabataan Partylist (KPL) as the only genuine youth representative in Congress. Youth Advocates for Peace with Justice (YAPJUST UPLB) supports the KPL’s 10-point Youth Agenda, which prioritizes pressing national issues such as the right to education, justice and human rights, advocacy for genuine peace, and addressing other socio-economic problems that continue to deny Filipinos their basic human rights.

Amidst the annual proposed budget cuts for state universities, while the National Task Force to End Local Communist Armed Conflict (NTF-ELCAC) continues to receive funding for its fascist agenda, we stand with the call to increase the education budget and abolish NTF-ELCAC. Since its establishment, the NTF-ELCAC has done nothing but worsen human rights violations, making the program not only ineffective but also counterproductive. Instead, the state should allocate the people’s budget toward making education accessible to all and creating programs that truly serve the interests of the youth and the Filipino people.

Last March, through our persistent call for justice, former President Rodrigo Duterte was finally arrested for his bloody “war on drugs,” which killed thousands of innocent lives and gravely violated human rights. Today, we believe justice must go even further. It’s time to dismantle an unaccountable justice system and hold law violators responsible for their actions.

While red-tagging continues to silence progressive voices, we must fight back against its worsening effects, which threaten the lives, liberty, and security of its victims. We call for the repeal of the Anti-Terror Act of 2020, which has already harmed many progressives and continues to be weaponized to charge and detain innocent individuals.

Finally, we support KPL’s agenda of resuming peace talks to address long-standing national issues, such as the lack of genuine land reform, non-livable wages, and neoliberal education. Only through peace talks can the government take a meaningful step toward resolving the ongoing armed conflict—not through fascist suppression of the people.

In these trying times, when voices are ignored and silenced, YAPJUST places its full trust in KPL to represent the youth in Congress.

UP Agricultural Society 4 KABATAAN 💙

UPLB College of Engineering and Agro-Industrial Technology Student Council 4 KABATAAN 💙

Pahayag ng Suporta ng CEAT Student Council at CEAT Freshman Council sa Kabataan Partylist:

INHINYERO NG BAYAN 4 KABATAAN! 💙💛

Sa harap ng krisis sa edukasyon, tumitinding kawalang-trabaho, at patuloy na pagkalugmok ng kabataan sa mga polisiyang salungat sa interes ng mga estudyante at mamamayan, buong dangal at paninindigan ipinapahayag ng CEAT Student Council at Freshman Council ang suporta sa Kabataan Partylist sa nalalapit na 2025 National Elections.

Hindi maikakaila ang lumalalang krisis sa edukasyon. Patuloy na sinusubukan ang tatag ng mga estudyante sa harap ng tambak na academic requirements, kakarampot na suporta sa mental health, kawalan ng sapat na espasyong pang-estudyante, at kurikulum na lubos na nakaangkla sa dayuhang interes. Ang edukasyon, na dapat ay nagsisilbi sa sambayanan at kinikilala bilang karapatan sa ilalim ng Konstitusyon, ay ginagawang negosyo ng estado’t pribadong sektor. Sa halip na ihanda ang kabataan upang paglingkuran ang bayan, sistematikong itinutulak ang mga iskolar ng bayan na maging murang lakas-paggawa para sa dayuhan.

Bilang tanging youth sectoral representative sa Kongreso, ang Kabataan Partylist ay may kasaysayan ng aktibong pagtindig para sa karapatan at kapakanan ng kabataan. Sa Kongreso, itinulak nila ang Students’ Rights Bill, Anti-No Permit No Exam Law, at libreng edukasyon sa SUCs. Hanggang sa lansangan, nakikiisa pa rin sila sa panawagan natin para sa mas mataas na budget sa edukasyon, academic ease, at laban sa red-tagging at militarisasyon ng mga pamantasan.

Ang mga panawagan at ang 10 Point Youth Agenda ng Kabataan Partylist ay malinaw na nakaugat sa mga suliraning kinakaharap ng kabataan, kasama na ang mga estudyante ng CEAT. Kabilang dito ang kakulangan ng suporta sa larangan ng agham at inhinyeriya, kawalan ng oportunidad sa lokal na industriya, at patuloy na pagkitil sa demokratikong espasyo, pag-oorganisa, at pagpapahayag para sa mga mag-aaral. Sa halip na matahimik, kinakailangan ang boses na matapang, makabayan, at tunay na kumakatawan sa interes ng kabataan.

Sa panahong nais tayong patahimikin, tayo'y lalong mag-iingay. Sa panahong nililimitahan ang ating karapatan, tayo’y lalong kikilos. At sa panahong kailangan ng bayan ang ating paninindigan, tayo'y maninindigan kasama ng Kabataan Partylist!

INHINYERO NG BAYAN 4 KABATAAN! Ipanalo ang !

CEAT Alliance for Student Empowerment - CEASE 4 KABATAAN 💙

CASmates 4 KABATAAN 💙

UPLB University Student Council 4 KABATAAN 💙

𝙋𝘼𝙂-𝘼𝙎𝘼 𝙉𝙂 𝘽𝘼𝙔𝘼𝙉! 𝙆𝘼𝘽𝘼𝙏𝘼𝘼𝙉! 💙💛

Taas-kamaong ine-endorso ng laksa laksang hanay ng mga estudyante ng UPLB ang KABATAAN PARTYLIST—ang nag-iisa, tunay, at natatanging representante ng kabataan sa Kongreso!

Sa gitna ng lumalalang krisis sa edukasyon, sa harap ng tuloy-tuloy na red-tagging, budget cuts, at militarisasyon ng mga pamantasan, tumitindig ang mga estudyante ng UPLB para sa kinatawang hindi kailanman naging tahimik, hindi kailanman naging kasabwat, at hindi kailanman iniwan ang masang Pilipino lalo na ang mga mag-aaral.

Noong 25 Abril 2025, nagtipon ang iba’t ibang lider-estudyante ng UPLB sa 10th Council of Student Leaders, kung saan kinilala ng mga mag-aaral ang bilang tunay na kinatawan ng kabataan sa Kongreso. Sa mga nagdaang taon, naging pangunahing tagapagtaguyod ang KPL ng mga makabuluhang panukalang batas gaya ng Universal Access to Quality Tertiary Education Act na sa esensya libreng edukasyon sa state universities and colleges at tinatamasa ngayon ng libo-libong estudyante. Isinusulong din nila ang Students’ Rights Bill upang tiyakin ang kabutihan at kagalingan ng mga mag-aaral, at ang Anti-’No Permit, No Exam’ Law na layuning alisin ang patakarang naglilimita sa mga estudyanteng hindi pa bayad ang matrikula.

Ngayong araw din, naghain ang Kabataan Partylist Southern Tagalog, katuwang ang National Union of Students of the Philippines - Southern Tagalog, ng position paper na nananawagan sa pagbabalik ng academic calendar sa Hunyo hanggang Marso bilang tugon sa tumitinding init ng panahon. Ang mga hakbanging ito ay patunay ng patuloy na paninindigan ng KPL para sa karapatan, kapakanan, at kinabukasan ng kabataang Pilipino.

Dito sa Timog Katagalugan, dama ang presensya ng sa pamamagitan ng kanilang konkretong pagkilos para sa kabataan. Noong 2021, ibinahagi ng KPL sa Kongreso ang Safe Haven Resolution kasama ang Defend UP Network bilang mekanismo upang protektahan ang mga progresibong indibidwal laban sa atake sa kalayaan sa pamamahayag at kalayaang pang-akademiko. Pagsapit ng 2023–2024, isinulong ng KPL–ST ang ST Five-Point Student Demands na tumugon sa mga pangunahing isyu ng mga estudyante sa rehiyon. Sa kanilang muling pagtakbo, dala nila ang 10-Point Youth Agenda, platapormang nakatuon sa edukasyon, trabaho, pambansang soberanya, tunay na repormang agraryo, kalusugan, batayang serbisyo, hustisya, kapayapaan, aksyong pangklima, at pagsugpo sa diskriminasyon sa kasarian. Ito ay dahil kinikilala ng KPL na ang kabataan ay nahahati pa sa iba't ibang sektor gaya ng mga kabataang manggagawa, magsasaka, estudyante, kababaihan, LGBTQ+, at iba pa.

Ang KABATAAN PARTYLIST ay hindi lamang naninindigan, bagkus ay mangahas na nagmumulat, nag-oorganisa at nagpapakilos din. Sa laban para sa libre at aksesibleng edukasyon, demokratikong espasyo, karapatan ng mga estudyante, at hustisya para sa mamamayan, andiyan ang KPL—kinokonsolida ang lakas ng kabataan para ating mapanindigan ang pagiging pag-asa ng bayan.

Hindi ito simpleng suporta. Ito’y paninindigang galing sa hanay ng mga Iskolar ng Bayan. Suportang may kasaysayan, may laman, at may panata.

Ipaglaban ang edukasyon. Ipaglaban ang karapatan. Ipanalo ang kabataang lumalaban. Ipanalo ang !

UP Society of Agricultural Engineering Students - UP SAGES 4 KABATAAN 💙

Maraming salamat sa suporta UPLB Kaiban!