https://www.facebook.com/161916083670691/

SK Gio Ivan Racsag, Barangay Cotta, Lucena (2026)

28/08/2026

Model Congress, A Modern Congress Year 3: Ms. Gay KudaEh?Ra | August 25, 2026

"...para po sa akin, ang pinakamainam na gawin ng ating gobyerno ay ang makinig....Ngunit ang tanong, may pagkakataon at plataporma ba ang taumbayan na makapagsalita sa paulit-ulit na isyu at suliranin ng ating bansa o lipunan?"

Ano ba ang dapat ginagawa ng ating gobyerno? Ano ba ang dapat ginagawa ng mga Barangay, ng mga SK?

Sabi ng iba, dapat daw nagsasagawa ng maayos na flood-control projects, dapat daw namimigay ng ayuda, pwede ring nagpapagawa ng kalsada o ‘di kaya ay namimigay ng solar lights, mga poso, at kung ano-ano pa, pero para po sa akin, ang pinakamainam na gawin ng ating gobyerno ay ang makinig. Kung may problema ang isang magsasaka, magsasaka ang dapat tinatanong kung ano ang maaaring solusyon sa kanilang problema. Kung may problema ang mangingisda, ang mga mangingisda ang pinaka mainam na tanungin patungkol sa solusyon sa kanilang problema. Maraming hinanaing ang mga mahihirap, ang mga nakakaranas ng baha, ng hindi maayos na kalsada, ng problema natin sa basura, ng hindi maayos na educational system at kung ano-ano pa. Ngunit ang tanong, may pagkakataon at plataporma ba ang taumbayan na makapagsalita sa paulit-ulit na isyu at suliranin ng ating bansa o lipunan.

Sa ikatlong taon ng Model Congress, binigyang kulay nito ang iba’t ibang pamamaraan ng pagpapahayag, dumaan ito sa paaralan, sa larangan ng fliptop, at ngayon ay sa larangan ng Ms. Gay. Mahalagang nakakapagsalita ang taumbayan sa lengwaheng kaya nilang bigkasin. Kung maipapahayag nila ang kanilang hinain sa pamamagitan ng fliptop, eh ‘di mag fliptop tayo. Kung maipapahayag nila sa kudaan at baklaan, eh ‘di magbaklaan tayo.

Ang pangatlong taon ng Model Congress ay pagpapatunay na ang Sangguniang Kabataan ay may taingang nakikinig para sa kabataan at sa mga mamamayang nasasakupan nito. Sa mundong maingay, piliin nating makinig. At kung may kapasidad tayong tumugon sa panawagan ng pagbibigay ng tulong, nawa ay tumugon tayo nang may pag-ibig at pagmamalasakit.

26/08/2026

Voter's Education Seminar | August 22, 2026

Sa pagpili ng iboboto, piliin natin yung matino at mahusay.

"Hindi na sapat na tayo ay matino lamang. Hindi rin sapat na tayo ay mahusay lamang. Ang dapat ay matino at mahusay." Former DILG Secretary Jesse Robredo

25/06/2026

...𝓹𝓲𝓷𝓲𝓹𝓲𝓵𝓲 𝓪𝓷𝓰 𝓫𝓪𝔂𝓪𝓷, 𝓹𝓲𝓷𝓲𝓹𝓲𝓵𝓲 𝓪𝓷𝓰 𝓟𝓲𝓵𝓲𝓹𝓲𝓷𝓪𝓼.

Sabi sa pag-aaral, kulang-kulang 35,000 na desisyon daw ang ginagawa natin araw-araw. Sa mga desisyon na ito ay may kaakibat na pagpili. Sa tatlong taon ko po bilang SK, pinili ko ang pagpapanukala na makakadinig sa boses ng kabataan...
• Tatlong taon na pagbibigay ng leadership training para sa mga student leaders.
• Pagtanggap sa mga interns mula sa Cotta National High School at pagbuo ng calendar of activities patungkol sa pamamahal sa barangay-level.
• Pagpapababa ng General Weighted Average (GWA) requirements para sa Educational Assistance mula sa 85% na naging 80%.
• Pagkakaroon ng transparent na pago-gobyerno sa pamamagitan ng Full-disclosure board.
• Pagbibigay ng boses sa kabataan sa pamamagitan ng Community Dialogue: A Workshop for Model Congress.
• At dahil ang Model Congress ay isang formal at legal forum, nagsagawa tayo ng Sunugan sa Model Congress Year 2: A Fliptop Battle para sa ibang paraan ng pagpapahayag ng saloobin.
• At dahil nais natin ang isang inclusive community, taon-taon tayong sumusuporta sa Pride Month Celebration;
• Taunan din tayong nagsasagawa ng community night para sa mentalh health at sense of community ng kabataan.

Bagamat hindi nakapasa, isinulong natin ang
• Live Broadcast of sessions
• At ang pagbabago ng passing percentage ng educational assistance na 60-40 o 60% sa interview at 40% sa examination.

At para sa mga natitira nating buwan sa paglilingkod bilang miyembro ng Sangguniang Kabataan, itataguyod natin ang mga sumusunod:
• Financial Assistance for Person with Disability (PWD)
• Parangal para sa Natatanging Lingkod Bayan
• S*xual Orientation, Gender Identity and Expression Seminar
• Safe S*x Education and HIV Testing
• Student's Day

Ilan lamang ito sa mga pinagsumikapan natin para sa ikabubuti ng kabataan ng Cotta ngunit mananatiling nagpapatuloy ang serbisyong nararapat na naibibigay para sa kabataan.

At dahil huling assembly na po namin ito, gagamitin ko na po ang pagkakataon na ito na i-manifest, na sa darating na halalan, nawa ay piliin natin ang mga politikong pipiliin din tayo, piliin natin ang politikong pipiliin ang bayan kaysa sa pansariling interest. At nawa, tayong mga kabataan ay piliin ang ating bayang tinubuan.

Muli, ako po si SK Gio Ivan Racsag, pinipili ang bayan, pinipili ang Pilipinas.

08/06/2026

Para sa matalino o para sa mahirap?

Bago pa man ang educational assistance exam and interview, iminungkahi na natin na mas mapakinggan ang mga aplikante sa pamamagitan ng pagpapataas ng porsyento ng interview kaysa sa examination sa passing percentage ng educational assistance program. Ang ating argumento: ang educational assistance program ay tulong at hindi dapat requirement ang test paper para makahingi ng tulong. Bagamat hindi natin tinatanggalan ng importansya ang examination, naniniwala ako na sapat na ang report card na ipinapasa ng mga aplikante para mapatunayan ang kanilang academic competence.

Habang isinasagawa ang mga interview, may mga nakapanayam ako na nagsabi na makapasa sana sila kahit nasa middle-class sila dahil kailangan din nila ang educational assistance na ito. Ang tugon ko: Hindi malaking factor ang pagiging middle class para hindi ka makapasok sa educational assistance. Personally, naniniwala ako na lahat tayo ay deserve na matulungan ng gobyerno, kaya nga lang, nagkakataon na kailangan nating unahin yung mga taong mas nangangailangan nito at yun yung mga estudyanteng masasabi nating nasa laylayan ng lipunan. Yung talagang kahit nahihiya silang aminin ay masasabi nila na “Opo, kulang po ang kita ni tatay” o nang tumatayong bread-winner ng kanilang pamilya. At dito ko ulit naalala yung panukala ko noong 2024 na babaan ang grade requirement (80% mula sa 85%) dahil may mga estudyante na sobrang napapagod sa pagiging working student at halos hindi na matutukan ang pag-aaral ngunit nagsusumikap pa rin na makapasa.

Maliban sa mga nakapanayam ko, may mga nakausap rin ako at nagtanong sa akin. Tanong nila, para kanino po ba ang educational assistance, para sa matalino o para sa mahirap? Kung titignan natin yung mga resulta, may mga aplikante na mataas sa interview pero mababa sa examination, so baka para sa matalino yung educational assistance? Kaya hanggang ngayon naniniwala pa rin ako na dapat mas mataas ang porsyento ng interview kaysa sa examination. Sabi nga natin sa argumento natin, tainga at puso ang kailangan sa pagbibigay ng tulong, hindi test paper.

Anyways, isang malaking pagbati sa mga na nakapasa sa ating educational assistance program at para sa mga hindi napasama, may pag-asa pa!

22/05/2026

Live-Broadcasting of Session of SK-Cotta | May 09, 2026

Sa pangalawang pagsubok natin na maipasa ang panukalang resolusyon na i-live ang mga sesyon ng Sangguniang Kabataan ng Cotta para sa mas transparent at para mas mapaigting ang constitutional rights ng bawat kabataang Cottain pagdating sa freedom of information, bigo tayong maipasa ang panukalang ito sa botong 1 affirmative vote, 5 negative votes, and 0 abstention.

Bigo man na maipasa ang panukalang ito, naniniwala ako na hindi ako bigo na makapagbigay ng impluwensya para sa mga susunod na maglilingkod bilang Sangguniang Kabataan na itaguyod ang karapatan ng taumbayan lalo't higit ng kabataan pagdating sa freedom of information at transparency ng pamamahala ng Sangguniang Kabataan.

Para sa mga susunod na maninilbihan, sa SK man o sa ibang government institution, pagdating sa pamamahala, unahin natin ang karapatan at interes ng publiko. Sila ang protektahan natin mula sa mga mapang-abusong nasa kapangyarihan. Mukha mang maliit o walang pagbabago ang bunga ng sakripisyo at pakikibaka natin para sa karapatan ng taumbayan ngunit may malaking epekto ito sa ating sistema at para imulat ang iba.

Ikaw ang magsilbing liwanag sa dilim!✨

20/04/2026

Isang panalo para sa kabataan ng Barangay Cotta!!!✨

Sa pamamagitan ng resolusyon na ito magkakaroon ng isang malinaw na plataporma at direksyon ang Katipunan ng Kabataan. Binubuo rin nito ang bottom-to-top approach of governance kung saan maaaring sa kabataan magmula ang inisyatibo at sa Sangguniang Kabataan naman ang pagtugon. Ang resolusyong ito ay pagpapatibay ng isang demokratikong bayan, sabi nga ni Former President Noynoy Aquino, "Kayo ang boss ko."

Ang pamahalaan ay dapat palaging handang makinig sa kanyang nasasakupan. Dapat rin itong magbigay ng sapat na plataporma upang siguraduhin na ang pamahalaan ay makikinig at tutugon sa panawagan ng taumbayan! Tayo ang pag-asa!

Sa pagsusulong ng mabuting pamamahala, makibahagi at makialam!

16/04/2026

Abril 10-11, 2026 | Basic Life Support Training

"Sisikapin kong madagdagan ang aking talino at kakayahan upang ang antas ng paglilingkod sa bayan ay patuloy na maitaas." - Linyang binabanggit sa panunumpa ng kawani ng gobyerno!

Pagbati sa Committee on Peace Building and Security sa pangunguna ni SK Maria Lourdes Eisel Palacio at sa buong Sangguniang Kabataan, at pagbati sa kabataang lay rescuer!

13/04/2026

Noong Marso 07, 2026, iminungkahi nating baguhin ang passing criteria sa educational assistance program ng Sangguniang Kabataan ng Cotta. Naniniwala ako na ang educational assistance ay isang tulong at ang isang tulong ay nangangailangan ng tainga sa pakikinig at pusong nagmamalasakit. Naniniwala ako na sa pagbibigay ng tulong, konsiderasyon ang ibinibigay at hindi test paper kaya iminungkahi natin na kahit papaano ay babaan sa 40% ang written examination at gawing 60% ang interview.

Hindi dapat sa taas ng score at ng grades ang basehan ng pagbibigay ng tulong. May mga ka-barangay tayong nahihirapan sa pag-aaral dahil sa gutom, dahil sa pagod sa pagiging working-student, at iba pang mga dahilan na silang tunay na nangangailangan ng tulong ng programang ito.

Mga Miyembro ng Sangguniang Kabataan na Sumang-ayon sa Mosyon:
Kgg. Gio Ivan Racsag
Kgg. Ivan Luther Causapin
Kgg. Geph Gabriel Basa

Salamat po sa mga suporta.

17/03/2026

Project O.N.E | March 15, 2026

Our [organizational] position must be an extension of our service.

Para sa mga nanalo sa isinagawang eleksyon para sa Ating Barkada Kontra Droga (ABKD) at Kabataan Kontra Droga At Terorismo (KKDAT), magkaroon sana tayo ng iisang layunin — layuning makapaglingkod sa kabataan at layuning hikayatin ang kabataan na umiwas sa ipinagbabawal na gamot gayundin sa terorismo.

Public service is not a one-day commitment, nor is it for fame or public exposure. It is for every person—especially the least, the lost, and the last in our community.

At para sa mga dumalo ng pagtitipon sa PROJECT ONE, public service is not only manifested in the [organizational] position, we can serve in our own little way. Let us unite in the spirit of public service.

At para naman sa mga outgoing officers, it is a privilege to be with you. As you finish your term in ABKD and KKDAT, may you never lose your commitment to public service..

13/03/2026

Para sa ating mga student leader sa Cotta National High School, mahalin ninyo ang inyong pagse-serbisyo at ang inyong pinagse-serbisyuhan.✨

SK Gio Ivan Racsag

28/08/2026

26/08/2026

25/06/2026

08/06/2026

22/05/2026

20/04/2026

16/04/2026

13/04/2026

17/03/2026

13/03/2026

Address

Website

Alerts

Shortcuts

Share

Category

Listing takedown request