Engr. Edwin V. Cueto

25/09/2026

𝐓𝐔𝐋𝐎𝐘-𝐓𝐔𝐋𝐎𝐘 𝐀𝐍𝐆 𝐏𝐑𝐎𝐉𝐄𝐂𝐓 𝐊𝐀𝐍𝐀𝐋 𝐒𝐀 𝐏𝐔𝐑𝐎𝐊 𝐏𝐈𝐍𝐀𝐆-𝐈𝐒𝐀! 💜

Patuloy ang ating PROJECT KANAL bilang bahagi ng pagsisikap ng Sangguniang Barangay ng Cotta kasama ang Sangguniang Kabataan, Barangay Staffs, at Purok Leaders na mapanatili ang kalinisan, kaayusan. Ngayong araw, isinagawa ang paglilinis at clearing operation sa Purok Pinag-isa, bilang tugon sa pangangailangan ng ating mga residente at upang makatulong sa pag-iwas sa pagbabara ng mga kanal at posibleng pagbaha.

Ang simpleng paglilinis ng kanal ay isang mahalagang hakbang tungo sa mas malinis, ligtas, at maayos na pamayanan. Higit sa lahat, ang tagumpay ng programang ito ay nakasalalay hindi lamang sa serbisyo ng ating barangay, kundi maging sa pakikiisa ng bawat residente sa pagpapanatili ng kalinisan sa ating kapaligiran.

Patuloy nating isusulong ang mga programang may direktang pakinabang sa ating mga kabarangay. Sama-sama nating pangalagaan ang ating barangay—dahil ang malinis at ligtas na Cotta ay responsibilidad nating lahat.

Sa Nagkakaisang Cotta, tuloy-tuloy ang serbisyong may puso. 💜

21/09/2026

𝐌𝐀𝐊𝐀𝐁𝐔𝐋𝐔𝐇𝐀𝐍𝐆 𝐏𝐀𝐊𝐈𝐊𝐀𝐏𝐀𝐆-𝐔𝐆𝐍𝐀𝐘𝐀𝐍 𝐏𝐀𝐑𝐀 𝐒𝐀 𝐀𝐓𝐈𝐍𝐆 𝐌𝐆𝐀 𝐌𝐀𝐌𝐀𝐌𝐀𝐘𝐀𝐍 💜

Kamakailan lamang ay naging makabuluhan at mabunga ang talakayan sa pagitan ng ilan sa mga faculty members ng Southern Luzon State University (SLSU) at ng ating Punong Barangay, Engr. Edwin V. Cueto, hinggil sa mga programang inihanda at planong isagawa para sa ating komunidad.

Layunin ng naturang pakikipag-ugnayan na mapag-usapan ang mga programang maaaring makatulong at makapaghatid ng karagdagang oportunidad, kaalaman, at serbisyo para sa ating mga mamamayan. Isang patunay ito na sa pamamagitan ng pagtutulungan ng mga institusyon at ng ating barangay, mas marami pa tayong maaaring maisakatuparan para sa kapakanan ng komunidad.

Lubos ang pasasalamat ng Sangguniang Barangay ng Cotta sa Southern Luzon State University sa kanilang inisyatiba at pakikipagtulungan. Patuloy nating bubuksan ang ating pintuan sa mga programang may tunay na layuning makapaglingkod at makapagbigay ng makabuluhang ambag sa ating mga kabarangay.

Sa Nagkakaisang Cotta, tuloy-tuloy ang serbisyong may puso. 💜

17/09/2026

𝐒𝐄𝐑𝐁𝐈𝐒𝐘𝐎𝐍𝐆 𝐌𝐄𝐃𝐈𝐊𝐀𝐋 𝐀𝐓 𝐃𝐄𝐍𝐓𝐀𝐋, 𝐓𝐔𝐋𝐎𝐘-𝐓𝐔𝐋𝐎𝐘 𝐏𝐀𝐑𝐀 𝐒𝐀 𝐌𝐆𝐀 𝐌𝐀𝐌𝐀𝐌𝐀𝐘𝐀𝐍 𝐍𝐆 𝐂𝐎𝐓𝐓𝐀! 🩺🦷

Ang serbisyong pangkalusugan sa ating Barangay Cotta ay patuloy na isinasagawa—sapagkat para sa Sangguniang Barangay, ang kalusugan ng bawat mamamayan ay hindi dapat maging pribilehiyo lamang, kundi isang serbisyong dapat maabot ng lahat.

Malugod din nating tinatanggap at binabati ang ating bagong volunteer nurse, si Nurse Givon Matibag, na buong pusong naglaan ng kanyang oras, kaalaman, at serbisyo upang makatulong sa ating mga kabarangay. Ang kanyang kusang-loob na pagtulong ay isang magandang halimbawa ng malasakit at tunay na diwa ng paglilingkod. Maraming salamat, Nurse Givon, sa pagpiling maging bahagi ng ating patuloy na paghahatid ng serbisyong pangkalusugan sa komunidad. 💜

Sa ating Medical Services, patuloy nating hatid ang:
🩺 Libreng Medical Check-up na pinangungunahan ni Dr. George Custodio
🧪 Free Laboratory Diagnostics, depende sa available na pondo
💊 Libreng Gamot, depende sa available na supply
🤝 Barangay Wellness Services para sa patuloy na pangangalaga sa kalusugan ng ating mga kabarangay

Samantala, sa ating Dental Services na pinangungunahan ng ating Barangay Dentist na si Dra. Marnie D. Baybayan, ay patuloy nating inihahatid ang:
🦷 Libreng Dental Check-up
🦷 Libreng Dental Extraction (Bunot)
🪥 Fluoride Therapy para sa mga Bata

Hindi man natin kayang tugunan ang lahat ng pangangailangan nang sabay-sabay, patuloy nating ginagawa ang lahat ng ating makakaya upang may malapitan, may mapagkonsultahan, at may serbisyong maaasahan ang bawat pamilyang Cotta.

Sapagkat ang tunay na serbisyo ay hindi lamang nasusukat sa dami ng naibibigay, kundi sa pusong handang maglaan ng oras, kaalaman, at malasakit para sa kapwa.

Maraming salamat sa ating mga doktor, dentist, volunteer nurse, health workers, at sa lahat ng patuloy na katuwang ng Sangguniang Barangay sa pagsusulong ng isang mas malusog na komunidad.

Sa Nagkakaisang Cotta, tuloy-tuloy ang serbisyong may puso. 💜

17/09/2026

𝐂𝐎𝐍𝐆𝐑𝐀𝐓𝐔𝐋𝐀𝐓𝐈𝐎𝐍𝐒: 𝐇𝐎𝐍. 𝐌𝐀𝐑𝐈𝐀 𝐋𝐎𝐔𝐑𝐃𝐄𝐒 𝐄𝐈𝐒𝐄𝐋 𝐋. 𝐏𝐀𝐋𝐀𝐂𝐈𝐎, 𝐑𝐒𝐖!

Your hard work, dedication, and perseverance have finally paid off! 💜

We proudly congratulate you for passing the September 2026 Social Work Licensure Examination! 🥳👏

May this achievement be the beginning of a meaningful journey of service, compassion, and success. 💜

Congratulations, our SK KAGAWAD! We are so proud of you! ✨

𝐂𝐎𝐍𝐆𝐑𝐀𝐓𝐔𝐋𝐀𝐓𝐈𝐎𝐍𝐒, 𝐇𝐎𝐍. 𝐌𝐀𝐑𝐈𝐀 𝐋𝐎𝐔𝐑𝐃𝐄𝐒 𝐄𝐈𝐒𝐄𝐋 𝐋. 𝐏𝐀𝐋𝐀𝐂𝐈𝐎, 𝐑𝐒𝐖! 🎉✨️

Your hard work, dedication, and perseverance have finally paid off! We proudly congratulate you for passing the September 2026 Social Work Licensure Examination!

May this achievement be the beginning of a meaningful journey of service, compassion, and success. 🤍🤝🏻

Congratulations, our SK KAGAWAD! We are so proud of you! ✨

16/09/2026

𝐊𝐎𝐎𝐑𝐃𝐈𝐍𝐀𝐒𝐘𝐎𝐍 𝐏𝐀𝐑𝐀 𝐒𝐀 𝐊𝐀𝐋𝐈𝐆𝐓𝐀𝐒𝐀𝐍 | 𝐏𝐔𝐑𝐎𝐊 𝐌𝐀𝐓𝐀𝐇𝐈𝐌𝐈𝐊 𝐈𝐒𝐋𝐀 🌊🤝

Kamakailan lamang ay isinagawa ang isang mahalagang pagpupulong sa pagitan ng Bikol Block, Philippine Coast Guard, at ng ating Punong Barangay bilang paghahanda sa nalalapit na kapistahan ng Purok Matahimik Isla, kung saan isasagawa ang isang Fluvial Procession.

Mahalaga ang maagang koordinasyon sa mga kinauukulang ahensya upang matiyak ang maayos na paghahanda, seguridad, at higit sa lahat, kaligtasan ng bawat mamamayang makikilahok sa naturang gawain.

Bilang Sangguniang Barangay, buong puso tayong nakikiisa at nagbibigay-suporta sa mga gawaing naglalayong mapanatili ang pagkakaisa, kaayusan, at kaligtasan ng ating komunidad. Ang bawat pagdiriwang ay mas nagiging makabuluhan kapag ito ay isinasagawa nang may pananagutan, maayos na koordinasyon, at malasakit sa kapwa.

Sa Nagkakaisang Cotta, tuloy-tuloy ang serbisyong may puso. 💜

16/09/2026

𝐏𝐑𝐎𝐉𝐄𝐂𝐓 𝐊𝐀𝐍𝐀𝐋 | 𝐊𝐀𝐋𝐈𝐍𝐈𝐒𝐀𝐍 𝐍𝐆 𝐋𝐔𝐆𝐀𝐑, 𝐊𝐀𝐋𝐈𝐍𝐈𝐒𝐀𝐍 𝐍𝐆 𝐁𝐔𝐊𝐀𝐒 💜

Kamakailan lamang ay matagumpay na isinagawa ang misting at fogging operation sa Purok Anak Bagong Sinag, bilang tugon sa kahilingan ng Homeowners Association (HOA) ng nasabing lugar.

Bahagi ito ng patuloy na pagpapaigting ng PROJECT KANAL (Kalinisan ng Lugar) ng Sangguniang Barangay—isang sama-samang hakbang upang mapanatili ang kalinisan, kaayusan, at kaligtasan ng ating komunidad.

Sa bawat kahilingan na ating tinutugunan, nais nating ipadama na ang kalusugan at kapakanan ng bawat Cottanian ay mahalaga. Patuloy tayong kikilos, makikinig, at makikipagtulungan sa ating mga residente at organisasyon para sa isang mas malinis at mas ligtas na Barangay Cotta.

Sa Nagkakaisang Cotta, tuloy-tuloy ang serbisyong may puso.

16/09/2026

𝐓𝐀𝐖𝐀𝐍𝐀𝐍 𝐌𝐔𝐍𝐀, 𝐂𝐎𝐓𝐓𝐀! 😂💜

Habang nagpapatuloy ang Senior Citizen Cash Gift Distribution, naging mas masaya at mas buhay ang programa sa isang nakakaaliw na tanungan: “Ano ang kayang gawin ng mga senior citizen na hindi kayang gawin ng mga bagets?” Napuno ng tawanan, kwentuhan, at good vibes ang bawat isa—patunay na ang saya ay walang edad sa Nagkakaisang Cotta! ✨

📌 Disclaimer: Ang video na ito ay para sa entertainment purposes lamang at layuning maghatid lamang ng saya at good vibes sa ating mga senior citizen. 💜

16/09/2026

𝐒𝐄𝐑𝐁𝐈𝐒𝐘𝐎𝐍𝐆 𝐌𝐀𝐘 𝐌𝐀𝐋𝐀𝐒𝐀𝐊𝐈𝐓 | 𝐒𝐄𝐍𝐈𝐎𝐑 𝐂𝐈𝐓𝐈𝐙𝐄𝐍 𝐁𝐈𝐑𝐓𝐇𝐃𝐀𝐘 𝐂𝐀𝐒𝐇 𝐆𝐈𝐅𝐓 🎁

Matagumpay na naisagawa ang ikalawang araw ng Serbisyong May Malasakit: Senior Citizen Birthday Cash Gift para sa ating mga minamahal na senior citizen ng Barangay Cotta. 💜

Sa bawat araw ng ating serbisyo, patuloy nating ipinapakita na ang ating mga nakatatanda ay hindi lamang bahagi ng ating komunidad—sila ay mahalagang bahagi ng pamilyang Cotta na nararapat kilalanin, pahalagahan, at paglingkuran nang may malasakit.

📢 𝗣𝗔𝗔𝗟𝗔𝗟𝗔 𝗦𝗔 𝗠𝗚𝗔 𝗛𝗜𝗡𝗗𝗜 𝗣𝗔 𝗡𝗔𝗞𝗔𝗞𝗔𝗞𝗨𝗛𝗔:
Para sa ating mga senior citizen na hindi pa nakakuha ng kanilang Birthday Cash Gift, maaari pa po itong makuha hanggang bukas, Lunes, mula 8:00 AM hanggang 5:00 PM lamang sa ating tanggapan.

Hinihikayat po namin ang mga hindi pa nakakatanggap na samantalahin ang natitirang araw ng pamamahagi upang matiyak na maabot ng serbisyong ito ang bawat kwalipikadong senior citizen ng ating barangay.

Serbisyong hindi lamang nakikita, kundi nararamdaman. Serbisyong may puso para sa bawat Cottanian.

Sa Nagkakaisang Cotta, tuloy-tuloy ang serbisyong may puso. 💜

16/09/2026

𝐏𝐑𝐎𝐉𝐄𝐂𝐓 𝐊𝐀𝐍𝐀𝐋 | 𝐏𝐀𝐆𝐋𝐈𝐋𝐈𝐍𝐈𝐒 𝐏𝐀𝐑𝐀 𝐒𝐀 𝐊𝐀𝐋𝐈𝐆𝐓𝐀𝐒𝐀𝐍 𝐀𝐓 𝐊𝐀𝐏𝐀𝐘𝐀𝐏𝐀𝐀𝐍 🧹

Isang makabuluhang araw ng Project Kanal ang isinagawa sa Purok Matahimik Isla bilang bahagi ng paghahanda ng komunidad para sa nalalapit na Peñafrancia na Kapistahan ng purok.

Hindi lamang paglilinis ng mga kanal ang layunin ng gawaing ito, kundi ang sama-samang pag-aalaga sa ating kapaligiran upang mapanatili ang kalinisan, maayos na daloy ng tubig, at kaligtasan ng bawat pamilyang nakatira sa lugar.

Katuwang ng Sangguniang Barangay ng Cotta ang Sangguniang Kabataan (SK) Cotta, SK Volunteers, mga Purok Leaders, Reynanay Candidates, Mr. Personality, at Bida Kabataan—mga kabataang piniling makiisa, tumulong, at maglaan ng kanilang oras para sa kapakanan ng komunidad. 💪💜

Ang tunay na diwa ng pista ay hindi lamang nasa selebrasyon, kundi nasa pagkakaisa at malasakit sa kapwa at sa ating komunidad.

Project Kanal—dahil ang kalinisan ay responsibilidad nating lahat.🌿🧹

Sa Nagkakaisang Cotta, tuloy-tuloy ang serbisyong may puso. 💜