Vice Mayor Engr. Jonieces Acaylar

22/10/2026

𝗛𝗘𝗔𝗟𝗧𝗛 𝗖𝗔𝗥𝗔𝗩𝗔𝗡 | 𝗦𝗘𝗥𝗕𝗜𝗦𝗬𝗢𝗡𝗚 𝗞𝗔𝗟𝗨𝗦𝗨𝗚𝗔𝗡, 𝗠𝗔𝗦 𝗠𝗔𝗟𝗔𝗣𝗜𝗧 𝗦𝗔 𝗔𝗧𝗜𝗡𝗚 𝗠𝗚𝗔 𝗞𝗔𝗕𝗔𝗕𝗔𝗬𝗔𝗡 ❤️

Sa pakikipagtulungan po ng Philippine Red Cross – Laguna Chapter, hatid natin ang serbisyong pangkalusugan upang mas mailapit sa ating mga kababayan ang tulong at pangangalagang kanilang kailangan.

Sa October 28, 2026 (Wednesday), 8:00 AM–12:00 NN, magkakaroon po tayo ng Health Caravan sa Brgy. Santo Tomas Covered Court.

Para po ito sa 150–200 patients, na maaaring makatanggap ng mga sumusunod na serbisyo:

🩺 Health Consultation
🩹 First-Aid Lecture & Demonstration
🧼 Health & Hygiene Promotion
💊 Provision of Basic Medicines
👓 Distribution of Reading Glasses (FIRST 60 BENEFICIARIES ONLY)
🦷 FREE TOOTH EXTRACTION (FIRST 80 PATIENTS ONLY)

Patuloy po nating inilalapit ang mga serbisyong pangkalusugan sa ating mga barangay dahil mahalaga ang kalusugan at kapakanan ng bawat Luisianahin.

Tuloy-tuloy ang serbisyo. Para sa mas malusog at mas masiglang Luisiana. ❤️

19/10/2026

𝗢𝗰𝘁𝗼𝗯𝗲𝗿 𝟭𝟵, 𝟮𝟬𝟮𝟲 | 𝗙𝗹𝗮𝗴 𝗥𝗮𝗶𝘀𝗶𝗻𝗴 𝗖𝗲𝗿𝗲𝗺𝗼𝗻𝘆

🌞🇵🇭 BAGONG LINGGO, BAGONG PAGKAKATAON SA PAGLILINGKOD!

Hosted by: Municipal Budget Office
Headed by: Engr. Mario S. Baldovino
Word for Thought: Ptra. Necy Pullarca

Muling nagtipon ang mga kawani ng pamahalaan para sa lingguhang pagtataas ng watawat, taglay ang panibagong sigla at dedikasyon sa pagtupad ng kanilang mga tungkulin.

Nawa'y maging inspirasyon ang bawat araw upang patuloy na maghatid ng mahusay, maaasahan, at makataong serbisyo sa ating mga kababayan.

19/10/2026

𝗢𝗰𝘁𝗼𝗯𝗲𝗿 𝟭𝟵, 𝟮𝟬𝟮𝟲 | 𝗣𝗲𝗼𝗽𝗹𝗲'𝘀 𝗗𝗮𝘆: 𝗕𝗨𝗞𝗔𝗦 𝗔𝗡𝗚 𝗔𝗠𝗜𝗡𝗚 𝗣𝗜𝗡𝗧𝗢 𝗣𝗔𝗥𝗔 𝗦𝗔 𝗜𝗡𝗬𝗢!

Ang inyong mga saloobin ay mahalaga sa amin. Sa pamamagitan ng People’s Day, patuloy nating pinagtitibay ang ugnayan ng pamahalaan at mamamayan tungo sa mas maayos at mas epektibong serbisyo.

Sama-sama sa pagbuo ng mas maganda at maunlad na bayan! ❤

18/10/2026

Flag Raising Ceremony | October 19, 2026

16/10/2026

𝗧𝗨𝗟𝗢𝗬-𝗧𝗨𝗟𝗢𝗬 𝗔𝗡𝗚 𝗣𝗔𝗚𝗛𝗔𝗛𝗔𝗡𝗔𝗣 𝗡𝗚 𝗦𝗢𝗟𝗨𝗦𝗬𝗢𝗡 𝗣𝗔𝗥𝗔 𝗦𝗔 𝗧𝗨𝗕𝗜𝗚 𝗡𝗚 𝗟𝗨𝗜𝗦𝗜𝗔𝗡𝗔! 💧

October 15, 2026
Muli po nating binisita ang Ulbok site kasama ang mga kinatawan ng MERALCO at ng ating Municipal Engineering Office upang alamin ang mga posibleng paraan para magkaroon ng supply ng kuryente na kakailanganin sa ating proyekto sa tubig.

Magandang balita po! Posible pong magkaroon ng koneksyon ng kuryente para sa Ulbok Project kahit wala pang konkretong kalsada papunta sa lugar. Sa tulong ng pagbisita at pagsusuri ng MERALCO, mas nagkaroon po ng linaw ang mga teknikal na pangangailangan at mga posibleng paraan upang maisakatuparan ito.

Patuloy po tayong makikipagtulungan sa ating Municipal Engineering Office upang masuri ang mga available na options at matukoy ang pinakaangkop, mabilis, maayos, at praktikal na paraan para maisulong ang proyekto.

Hindi man po agad-agad ang lahat, patuloy tayong kikilos, makikipag-ugnayan, at maghahanap ng mga posibleng solusyon. Iisa po ang ating layunin: 𝗔𝗡𝗚 𝗠𝗔𝗚𝗞𝗔𝗥𝗢𝗢𝗡 𝗡𝗔 𝗡𝗚 𝗠𝗔𝗔𝗬𝗢𝗦 𝗡𝗔 𝗦𝗨𝗣𝗣𝗟𝗬 𝗡𝗚 𝗧𝗨𝗕𝗜𝗚 𝗔𝗡𝗚 𝗔𝗧𝗜𝗡𝗚 𝗕𝗔𝗬𝗔𝗡.

Sama-sama at tuloy-tuloy ang pagkilos para sa Luisiana. ❤

13/10/2026

𝗢𝗰𝘁𝗼𝗯𝗲𝗿 𝟭𝟮, 𝟮𝟬𝟮𝟲 | 𝗙𝗟𝗔𝗚 𝗖𝗘𝗥𝗘𝗠𝗢𝗡𝗬 🇵🇭

Muling nagkaisa ang mga kawani ng Lokal na Pamahalaan ng Luisiana sa pagsasagawa ng Flag Ceremony bilang pagpapakita ng pagmamahal sa bayan, paggalang sa ating watawat, at paninindigan sa tapat na paglilingkod sa mamamayan.

Nawa’y magsilbi itong paalala sa bawat isa na ang tunay na serbisyo publiko ay nagsisimula sa disiplina, pagkakaisa, at pusong handang maglingkod para sa ikauunlad ng ating mahal na bayan ng Luisiana. ❤️

"𝙄𝙨𝙖𝙣𝙜 𝙡𝙖𝙮𝙪𝙣𝙞𝙣, 𝙞𝙨𝙖𝙣𝙜 𝙖𝙙𝙝𝙞𝙠𝙖𝙞𝙣, 𝙨𝙖𝙢𝙖-𝙨𝙖𝙢𝙖𝙣𝙜 𝙥𝙖𝙜𝙡𝙞𝙡𝙞𝙣𝙜𝙠𝙤𝙙 𝙥𝙖𝙧𝙖 𝙨𝙖 𝙢𝙖𝙨 𝙢𝙖𝙪𝙣𝙡𝙖𝙙 𝙣𝙖 𝙇𝙪𝙞𝙨𝙞𝙖𝙣𝙖!"

13/10/2026

𝗢𝗰𝘁𝗼𝗯𝗲𝗿 𝟭𝟮, 𝟮𝟬𝟮𝟲 | 𝗣𝗘𝗢𝗣𝗟𝗘'𝗦 𝗗𝗔𝗬 🤝

“Tunay na liderato ang marunong makinig, handang umalalay, at kusang naglilingkod nang walang hinihintay na kapalit. Para sa mamamayan, kasama ang mamamayan, at para sa lahat!" ❤

13/10/2026

11/10/2026

Flag Raising Ceremony | October 12, 2026

11/10/2026

𝗚𝗔𝗠𝗦𝗔𝗛𝗔𝗠𝗡𝗜𝗗𝗔, 𝗬𝗔𝗡𝗚𝗚𝗨 𝗖𝗢𝗨𝗡𝗧𝗬! 𝗠𝗔𝗥𝗔𝗠𝗜𝗡𝗚 𝗦𝗔𝗟𝗔𝗠𝗔𝗧 𝗦𝗔 𝗣𝗔𝗚𝗕𝗜𝗦𝗜𝗧𝗔 𝗦𝗔 𝗟𝗨𝗜𝗦𝗜𝗔𝗡𝗔! 🇵🇭🇰🇷

Nagpapasalamat po tayo sa delegasyon mula sa Yanggu County, Republic of Korea, sa pakikiisa sa ating FIESTANAW 2026 at sa isang produktibong pagpupulong noong October 9, 2026.

Higit sa pakikiisa sa ating pagdiriwang, naging pagkakataon po ang kanilang pagbisita sa ating bayan upang mas mapagtibay ang magandang ugnayan ng Luisiana at Yanggu County.

Sa ginanap po na pagpupulong tungkol sa Seasonal Worker Program (SWP), masusing tinalakay ang Memorandum of Understanding (MOU) at ang mga susunod na hakbang na kailangang pag-aralan at paghandaan upang maisulong ang programa at mabuksan ang mas maraming oportunidad para sa ating mga kababayan.

Nagtungo rin ang delegasyon sa isang farm sa Barangay San Jose upang mas makilala ang ating lokal na agrikultura.

Isang magandang simula po ito para sa patuloy na pag-uusap at pagtutulungan sa hinaharap!

Sa bawat ugnayang ating binubuo, hangad nating makapagbukas ng mas maraming oportunidad para sa ating mga kababayan. Looking forward po tayo sa isang matibay at pangmatagalang partnership sa Yanggu County, tungo sa mas marami pang pagkakataon para sa pag-unlad ng ating mga komunidad.

Sama-sama para sa mas magandang kinabukasan ng Luisiana!