M’lang nga Mabungahon, Padulong sa Banwa nga Mapag-on

Send Off Ceremony Sang Amphibious Excavator Ginpatigayon Sa Banwa sa Mlang.

Isa naman ka mabungahon nga adlaw para sa Mlangeño ang ginhimo nga send-off ceremony sang amphibious excavator sa may Brgy. Dunguan, Mlang karon nga adlaw, Hunyo Tres Tuig Dos Mil Bente Sais.

Ang amo nga ekwipo isa sa duha ka bag o nga ginbakal sang probinsya sa idalom sa liderato ni Governor Lala Taliño-Mendoza nga bag-o lng na bendisyunan sang nagligad nga semana.

Ini isa mga programa para padayon ang “desiltation” sa mga dalagko nga suba sa mga lugar sa probinsya gina konsidera nga “catch basin” kag isa sini ang pipila ka brgy sa banwa nga kung diin naka eksperyensa sang pag baha sa panahon sang tag ulan.

Suno pa kay Mayor “Dok Awing” Abonado, dako ang mabulig sini nga gamit didto sa pag develop sang mga “idle lands” para mapuslan sang mga residente kag dugang man nga income sang gobyerno pag abot sa panahon.

Nagpasalamat man si Brgy. Dunguan Kapitan Patutin Sagadan nga ang iya barangay amo ang unsa kag isa man sa maka benipisyo sini ilabi na mag uuma sa iyang lugar.

Ang amo nga seremonya ge tambongan man nila LMP Pres. Mayor Evangeline Guzman, board members Dalumpines, Saldivar, Cerebo kag Bilbao, Vice Mayor Tejada, mun councilors Tupas, Peroy, Santos, Angeles, barangay kapitan Pananggulon kag Sabel , DMW Regional Director Samsudin Lintongan, 602nd Brigade Commander BGen Ricky B. Bunayog, 40ib CO LTC Erwin Jay Dumaghan, PD PCOL Ramel Hojilla kag Mlang COP PCOL Realan Mamon, kaupod mga ang mga opisyales kag katawhan sang barangay Dunguan.

Dako ang pagpasalamat kag kalipay ni Mayor Dok Awing kaupod ang mga opisyales kag katawhan sang banwa sa kay Governor Lala sa duha ka proyekto nga ge turn-ober niya sa sa banwa subong nga adlaw, Hunyo dos dos mil bente sais.

Ang una nga proyekto amo ang solar water system nga may kaupod nga water filtration nga nag kantidad 2.9 milyon pesos. Ang amo nga proyekto ma benipisyohan sang mga katawhan sang purok 3 nga ka ingod purok sang barangay Malayan.

Ang sunod amo ang bag o nga fence, gate kag guard house sa CAIP ukon Cotababato Agri-Industrial Park nga ara sa brgy Pag-asa Mlang nga budget nga 9.9 milyon pesos. Ini isa ka dako nga proyekto nga kung sa diin ang banwa sang Mlang ginatan aw nga economic hub sang probinsya sa mga uma abot nga adlaw.

Saksi sa amo aktibidad ang mga katawhan kag opisyales sang brgy Malayan kapitan Noel Lozada kag brgy Pag-asa Gerardo Joligon nga nag pa abot sang ila man pagpasalamat sa padayon nga suporta sang probinsya sa ilang ginsakupan.

Ginpatuman sang Municipal Engineering Office sang M'lang ang pagtaod sang mga drainage culvert sa Barangay New Esperanza.

Ini nga proyekto nagatuyo nga mangin maayo ang agyan sang tubig, mapunggan ang pagbaha, kag masiguro ang mas luwas kag mabakod nga mga dalan para sa mga pumuluyo kag mga nagabiyahe.

Ini nga inisyatibo nangin madinalag-on paagi sa aktibo nga liderato kag mapag-on nga suporta ni Mayor Dok Awing Abonado, nga nagapabilin nga porsigido sa pagdala sang mapisan nga serbisyo kag kaayuhan sa aton mga barangay.

Madinalag-on nga ginpatigayon ang Mabungahon Mlang Integrated Health Services Program: YAKAP CARAVAN sa Barangay Liboo, Mlang, Cotabato, sa pagpanguna sang aton pinalangga nga Mayor Dok Awing Abonado! Paagi sa pagbuligay sang LGU Mlang kag Probinsya sang Cotabato kaupod ang Philippine Red Cross, gin patigayon ang libre nga mga serbisyo medikal, check-up, kag pag-atipan sa kalusugan nga direkta nga ginhatod para sa aton mga kasimanwa sa Brgy. Liboo.

Suno kay Mayor Dok Awing, handum sang lokal nga kagamhanan nga masiguro nga ang bawat pamilya bata man ukon tigulang—makaangkon sang de-kalidad nga atensyon medikal nga indi na kinahanglan magbiyahe sing malayo.

Dako gid nga salamat sa aton mga masaligan nga health workers, RHU M'lang Staffs, mga volunteers sang Red Cross, kag sa pamunuan sang Barangay Liboo sa inyo kontribusyon para sa kapakanan sang komunidad.

Para masolusyonan ang madugay na nga problema sa pagsulod sang baha sa mga classroom kon mag-ulan, nagpadala dayun sing balas kag gravel ang Municipal Engineering Office sa Mariano Untal High School. Sa idalom sang mapag-on nga pamuno ni Mayor Dok Awing Abonado, madasig nga ginhatagan sing aksyon ini nga hangyo para maumpisahan na ang pagkay-o.

𝑾𝒂𝒍𝒂 𝒏𝒂 𝒔𝒊𝒏𝒈 𝒃𝒂𝒉𝒂𝒐𝒏 𝒏𝒈𝒂 𝒔𝒂𝒍𝒐𝒈—𝒌𝒖𝒏𝒅𝒊 𝒊𝒔𝒂 𝒌𝒂 𝒎𝒂𝒔 𝒎𝒂𝒂𝒚𝒐 𝒌𝒂𝒈 𝒍𝒖𝒘𝒂𝒔 𝒏𝒈𝒂 𝒆𝒔𝒌𝒘𝒆𝒍𝒂𝒉𝒂𝒏 𝒑𝒂𝒓𝒂 𝒔𝒂 𝒕𝒂𝒏𝒂𝒏!

Sa pagpanguna sang aton Mayor Dok Awing Abonado, Vice Mayor Bonbon Tejada kag sang RHU M'LANG isa naman ka makasaysayan kag mapuslanon nga adlaw ang narekord sa aton banwa! Matagumpay kag madinalag-on nga ginpatigayon kaina ang Mabungahon M'lang Integrated Health Services Program: YAKAP CARAVAN mismo sa tagipusuon sang Barangay Dungoan.

Ang ini nga malawigon nga programa nagatuyo nga magpadatong sang de-kalidad, madasig, kag bug-os nga libre nga serbisyo-medikal direkta sa aton mga kasimanwa. Paagi sini, indi na kinahanglan sang aton mga pumuluyo—ilabi na ang mga taga-lagyo, mga kalantasan, kag mga senior citizens—nga maggasto kag magbiyahe sing malayo para lamang maka-access sa nagakaigo nga pag-atipan sa panglawas.

Madinalag-on nga ginpatuman kahapon nga adlaw ang isa ka surprise random drug testing para sa mga kawani sang Lokal nga Pangagamhanan sang M'lang, sa idalom sang mabakod nga pagpanguna ni Municipal Mayor Emmanuel "Dok Awing" Abonado.

Tinutuyo sini nga aktibidad nga masiguro ang integridad, disiplina, kag tinuod nga serbisyo publiko sang tagsa ka empleyado sang gobyerno. Suno sa mando, ini nagapakita lamang nga seryoso ang administrasyon ni Mayor Abonado sa pagpabilin sang isa ka luwas, limpyo, kag drug-free nga opisina nga mangin maayo nga ehemplo sa bilog nga komunidad.

Nagapabilin nga prayoridad sang LGU M'lang ang paghatag sang masaligan kag matampad nga pag-alagad sa katawhan, Para sa mas Mabungahon kag Mapag-on nga M'lang.

Ginpahalipayan sang aton pinalangga nga Amay sang Banwa, Mayor Dok Awing Abonado, ang bag-o lang nag-gradwar sa prestihiyoso nga Philippine Military Academy (PMA) "Talang Dangal" Class of 2026 nga si 2Lt. Leamar L. Raposo sa isa ka makahulugan nga courtesy visit kahapon nga adlaw. Isa ka daku nga dungog para sa aton banwa matapos pormal nga nag bisita si 2LT. Raposo.

Sa sining masangkad kag mabungahon nga pag-atubangay, personal nga ginpaabot ni Mayor Abonado ang iya bug-os nga pagdayaw kag suporta sa sining pamatan-on nga nagpakita sang labing mataas nga lebel sang disiplina, integridad, kag pagpili sa pagserbisyo sa bayan.

Ang Local Government Unit sang M’lang, sa panguna sang aton mga opisyales sang munisipyo kag mga department heads, madinalaghon nga nagpatigayon sang ila Monthly Convocation Program sini nga aga sa municipal gymnasium.

Ini nga regular nga pagtipon-tipon nagasilbi nga pamaagi para sa aton mga empleyado sa gobyerno nga mapag-isa ang aton mga plano, ma-istoryahan ang mga importante nga updates sa mga proyekto sang banwa, kag mapabaskog pa gid ang aton commitment sa tampad kag maayo nga serbisyo publiko. Paagi sa pagbinuligay, ginasiguro naton nga ang kinahanglanon sang tagsa ka M'langenyeo maserbehan sang may integridad kag dedikasyon.

Madamo nga salamat sa sponsoring office nga nagpuno kag naggiya sang aton programa subong nga aga. Atubangon naton ang mga masunod nga semana nga may Bag-o nga kusog kag may pag-ugyon para sa mas maprogresibo pa nga M'lang.