SMNI Foundation Inc.

📍 Cabanatuan City

Hindi lang basta kumita — dapat marunong ding mag-ipon at magplano.

Ganito ang mensaheng dala ng Financial Literacy Forum na isinawa ng SMNI Foundation sa PHINMA-Araullo University.

Sa forum na ito, natutunan ng daan-daang BS Hospitality Management at BS Criminology students kung paano gawing habit ang smart money moves — mula sa budget hanggang sa investment, para sa mas secured na future.

Dahil hindi lang pera ang puhunan, kundi disiplina at kaalaman.

📍 Cabanatuan City

Pinangunahan ng SMNI Foundation Inc. ang Anti-Illegal Drugs Symposium na nilahukan ng 500 mag-aaral ng Midway Colleges, Cabanatuan City.

Ang Drug Symposium ay isa sa mga programa o aktibidad ng foundation na nakikipag-ugnayan sa PDEA para magbigay ng impormasyon at kaalaman tungkol sa mga isyu na may kinalaman sa ilegal na droga, tulad ng paggamit, epekto, at pag-iwas nito.

Sa ilalim ng programa, kaisa ang SMNIFI para maprotektahan ang mga estudyante at mga kabataan laban sa mga panganib ng droga at magbigay ng mga kasanayan at kaalaman upang sila ay maging responsable at produktibong mamamayan.

Ang Midway Colleges na benepisyaryo ng SMNFI ay binubuo ng mga estudyanteng marino at mahalaga sa kanila ang programang ito para matulungan sila sa maayos na pangangatawan, mapangalagaan ang kalusugan at mapaghandaan nang mabuti ang kanilang kinabukasan bilang isang marino.

Kadalasan, ang mga marino ay sumasailalim sa mga mahigpit na pagsusuri at screening, kabilang ang drug testing, upang matiyak na sila ay fit at kwalipikado para sa trabaho sa dagat.

MAKITA LANG KAYONG MASAYA

Sa kabila ng mga trahedyang yumanig sa Davao Oriental, ngayon ay halakhak at ngiti na muli ang nangingibabaw sa Brgy. San Isidro, Manay.

Ang dating mga matang puno ng takot, ngayo’y kumikislap sa tuwa at pag-asa. Makikita sa bawat mukha ang taos-pusong pasasalamat—parang muling binuhay ang pag-asa sa kanilang mga puso.

Sako-sakong bigas, galon-galong tubig, balde-baldeng grocery items, at ready-to-eat meals—mga biyayang hatid ng SMNI Foundation para sa mga pamilyang unti-unting bumabangon mula sa pagkawasak.

Hindi alintana ng aming mga volunteer ang pagod, puyat, at init, maihatid lamang ang tulong at malasakit sa bawat tahanang muling bumabangon mula sa trahedya.

Dahil para sa amin, makita lang kayong masaya—iyon na ang pinakamatamis na gantimpala.

ANG HINDI NAKIKITANG BAHAGI NG MISYON

Bago pa man maramdaman ng mga residente ng Brgy. San Isidro ng Manay, Davao Oriental ang ginhawa ng tulong, may mga pusong matagal nang kumikilos sa likod ng kamera. Habang ang iba’y nagpapahinga, sila’y nagbubuhat, nagbabalot, at nagdarasal para sa bawat pamilyang aabutan ng tulong.

Sila ang Bible school student volunteers ng SMNI Foundation Inc. Sila ang mga kabataang pinanday sa aral ni Pastor Quiboloy — maging maka-Diyos, responsable, at matulungin sa nangangailangan.

Ganito kapag ang kabataan ay tinuruan ng tama, naglilingkod sila sa tama.