Sampiro Macati

BRIGADA ESKWELA 2026 — “Bayanihan sa Paaralan: Nagkakaisa para sa Kaayusan at Kaalaman”

Nakiisa sina Punong Barangay Miko Villena at ang buong konseho sa isinagawang Brigada Eskwela 2026 sa General Pio Del Pilar High School at Makati Elementary School.

Dumalo rin sa nasabing aktibidad sina Mayor Ate Nancy Binay at mga miyembro ng konseho ng Lungsod ng Makati, mga g**o, studyante, magulang, at iba pang mga boluntaryo upang ihanda ang mga paaralan para sa panibagong taon ng pag-aaral.

Layunin ng taunang Brigada Eskwela na ipakita ang diwa ng bayanihan at pagkakaisa ng komunidad para sa isang ligtas, maayos, at mas magandang kapaligiran sa pagkatuto ng ating mga kabataan.

Discover Makati through our Free Walking Tours!

Experience the city as you explore Makati’s vibrant culture, hidden gems, unique stories, and dynamic communities.

Interested? Simply scan the QR code to register.

For tour schedules and more information, you may contact the Museum and Cultural Affairs Office through:

📞 (02) 8288-4727 or (02) 8896-2464
📧 [email protected]

Nakiisa sina Punong Barangay Miko Villena at ang buong konseho sa pagdiriwang ng Flores de Mayo 2026 sa pangunguna ng Makati Sporting Association.

Ang taunang tradisyon na ito ay nagbibigay-pugay kay Mahal na Birheng Maria at pagkakataon upang higit na mapalalim ang pananampalataya, pagkakaisa, at pakikipagkapwa sa komunidad.

Sa pagdiriwang ng ika-356 na Araw ng Barangay at kapistahan nina San Pedro, San Pablo at Virgen de la Rosa de Macati, hatid po sa inyo ng Sangguniang Barangay ng Poblacion sa pamumuno ni Punong Barangay Miko Villena, sa pamamagitan ng inyong lingkod at ng Cleanliness & Beautification Committee, ang POBLACION ECO-RUN: TAKBO PARA SA KALIKASAN, na gaganapin sa ika-20 ng Hunyo 2026, sa ganap na ika-5 ng umaga sa Poblacion Park.

Para sa mga nais lumahok sa nasabing proyekto, mag-rehistro lamang gamit ang link na ito: https://forms.gle/Xp5HRoRCXGm75zqJ7 at magdala ng 10 PET BOTTLES sa mismong araw ng aktibidad. Mangayaring basahin din ang mga alituntuning napapaloob dito at i-LIKE, i-SHARE, at mag-COMMENT ng sa post na ito.

Narito ang mga premyo na maaaring matanggap ng mga mananalong kalahok mula sa Category A (18-65 y/old) at Category B (66 y/old & above):

1st place: 10,000 in cash and medal
2nd place: 7,000 in cash and medal
3rd place: 5,000 in cash and medal

❗️MAHALAGANG PAALALA

- Ito ay bukas sa lahat ng residente ng Poblacion edad 18 pataas lamang.

- Ang mga itinanghal na KAMPEON noong nakaraang taon ay maaari pa ring makilahok sa pagtakbo ngayong taon ngunit HINDI na maaaring tanghalin bilang panalo upang mabigyan ng pagkakataon ang iba pang mga kalahok.

Huwag palampasin ang pagkakataon na makiisa at maging bahagi ng ating hangaring higit na mapabuti ang kalagayan ng ating kapaligiran. Sumali na’t sama-sama tayong tumakbo!

Pumunta at mamili sa Kadiwa ng Pangulo na gaganapin sa June 3, 2026, mula 8:00 AM hanggang 6:00 PM, sa Baras corner Morong Street, Barangay Poblacion.

Hatid ng programang ito ang abot-kayang bigas at iba pang pangunahing bilihin para sa ating mga residente sa pamamagitan ng pagtutulungan ng iba’t ibang ahensya ng pamahalaan.

Inaanyayahan ang lahat na samantalahin ang pagkakataong makabili ng mas mura at dekalidad na mga produkto para sa kanilang pamilya.

Sa pagdiriwang ng ika-356 taon ng Lungsod ng Makati, ating kinikilala ang masaganang kasaysayan na naging bahagi ng pag-unlad at tagumpay ng ating lungsod.

Maligayang Anibersaryo, Makati! Patuloy tayong magkaisa at magtulungan tungo sa isang mas maunlad at mas matatag na lungsod para sa kinabukasan ng lahat.

Matagumpay na naisagawa ngayong araw ang 25th CPMI Fire Brigade Competition na ginanap sa Century City Mall. Kung saan inimbitahan si Punong Barangay Miko Villena upang magbigay ng kanyang welcoming remarks at suporta sa aktibidad.

Layunin ng programang ito na magbigay kaalaman sa kahalagahan ng kahandaan, disiplina, at pagtutulungan sa larangan ng fire safety at emergency response.

Magandang umaga, Sampiro! 💚

Maraming salamat sa lahat ng masayang nakiindak at nag-ehersisyo sa Zumba at Kapihan para sa Poblacion kaninang umaga!

Tara na, mga ka-barangay! Magsama-sama ulit tayo sa susunod na Sabado para sa isa na namang masaya at healthy na umaga. 💃🕺