City Treasury of Malabon

Power Supply Update as of May 14, 2026, 1:30 PM:

The NGCP has raised YELLOW and RED ALERTS today due to shortages in power supply and power reserves from Luzon power plants.

YELLOW ALERT: 2:01 PM – 3:00 PM | 10:01 PM – 12:00 MN

RED ALERT affected areas may experience power outages from 3:01 PM – 10:00 PM.

Areas that may be affected: https://company.meralco.com.ph/news-and-advisories/yellow-and-red-alert-locations

For concerns, please send us a PM via Facebook Messenger or X.

Huwag Isantabi ang Kalusugan 💙 | Libreng Cervical Cancer Screening

Bilang bahagi ng patuloy na pagsusulong ni Mayor Jeannie Sandoval ng mga programang nangangalaga sa kalusugan ng kababaihang Malabueño, magkakaroon ng LIBRENG Cervical Cancer Screening sa Brgy. Hulong Duhat Super Health Center sa darating na Mayo 15, 2026 (Biyernes) mula 8:00 AM–3:00 PM.

Bukas ito para sa mga babaeng:
✔️ Edad 35–60 taong gulang
✔️ Walang buwanang dalaw (menstruation)
✔️ Hindi buntis

Ang cervical cancer ay isa sa mga sakit na maaaring maagapan kung maagang matutukoy at mabibigyan ng tamang lunas. Kaya mahalagang mabigyan din ng panahon ang sariling kalusugan at huwag hintaying lumala pa ang kondisyon bago magpatingin.

Inaanyayahan ang mga kababaihang Malabueño na samantalahin ang libreng serbisyong ito bilang hakbang tungo sa mas ligtas, mas maayos, at mas malusog na pamumuhay.

Pinangungunahan ito ng City Health Department sa pamumuno ni OIC Dr. Bernadette Bordador bilang bahagi ng patuloy na paghahatid ng serbisyong may malasakit para sa bawat Malabueño.

Bawat buhay ng ina at bagong silang na sanggol ay mahalaga, kaya’t mahalaga rin ang maagap na pag-uulat, pagsusuri, at pagtugon sa bawat kaso upang maiwasan ang mga pagkamatay na maaari sanang maagapan. Sa pamamagitan ng pagpapalakas ng Maternal and Neonatal Death Reporting System (MNDRS) at Maternal and Neonatal Death Surveillance and Response (MNDSR), mas napabibilis ang reporting, natutukoy ang mga pangunahing sanhi ng maternal at neonatal mortality, at nakabubuo ng mga konkretong hakbang upang maprotektahan ang buhay ng mga ina at sanggol.

Sa layuning higit pang palakasin ang maternal at newborn healthcare services, isinagawa ng City Health Department ang 3-day Roll-Out Training on Maternal and Neonatal Death Reporting System (MNDRS) and Maternal and Neonatal Death Surveillance and Response (MNDSR) mula Mayo 11–13 para sa mga Pediatrician, Ob-Gyn, at Midwives sa lungsod.

Pinangunahan nina Dr. Bernadette Bordador, OIC City Health Department at Dr. Norman Esteban, National Safe Motherhood Program Medical Coordinator, kasama ang mga resource speakers mula sa Department of Health, ang talakayan at mga pagsasanay ukol sa tamang recording, reporting, surveillance, at response mechanisms para sa maternal at neonatal deaths.

Tinalakay nina Ms. Janice C. Acosta, Senior Health Program Officer ng DOH-Metro Manila Center for Health Development; Ms. Jezzel Faith Arizaleta, Project Development Officer III ng DOH Metro Manila Center for Health Development; at Dr. Tania Victoria Verora, Medical Specialist III ng Pasig City Health Office, ang iba’t ibang mekanismo at best practices upang higit pang mapahusay ang pagpapatupad ng MNDRS at MNDSR sa lokal na antas.

Binigyang-diin din sa pagsasanay ang kahalagahan ng koordinasyon ng health workers, tamang pagsusuri ng mga kaso, at pagpapatupad ng mga rekomendasyon upang higit pang mapabuti ang kalidad ng serbisyong pangkalusugan para sa mga buntis, ina, at sanggol sa komunidad.

Sa pamamagitan ng programang ito, patuloy na pinagtitibay ng lokal na pamahalaan at ng City Health Department ang kanilang tungkulin sa pangangalaga sa buhay ng bawat ina at sanggol, at sa pagtataguyod ng mas ligtas, maagap, at mas epektibong serbisyong pangkalusugan para sa bawat pamilyang Malabueño.

BABALA | Ayon sa Heat Index Forecast ng PAG-ASA, inaasahang aabot sa 42°C–43°C ang mararanasang init sa Metro Manila ngayong Huwebes, Mayo 14, 2026. Ito ay nasa DANGER LEVEL ng heat index, kung saan mataas ang posibilidad ng heat cramps, heat exhaustion, at heat stroke.

Pinag-iingat ang publiko laban sa masasamang epekto ng matinding init, lalo na kung magtatagal ang pagkabilad sa araw.

Paalala sa lahat:

- Uminom ng maraming tubig, kahit hindi nauuhaw.
- Iwasan ang direktang sikat ng araw, lalo na sa tanghaling tapat.
- Magsuot ng magagaan at preskong damit; gumamit ng payong o sumbrero kung lalabas.
- Ang mga may altapresyon (high blood) ay pinapayuhang iwasan ang matinding init at panatilihing malamig ang katawan.

Source: https://www.pagasa.dost.gov.ph/climate/climate-heat-index

𝗣𝗔𝗔𝗟𝗔𝗟𝗔 | Posibleng Emergency Rotational Power Interruption sa Ilang Bahagi ng Malabon

Ayon sa abiso ng NGCP, nagtaas ng 𝗥𝗘𝗗 𝗔𝗟𝗘𝗥𝗧 ngayong araw, Mayo 13, 2026, bunsod ng kakulangan sa power supply at reserba ng kuryente mula sa mga planta sa Luzon.

Dahil dito, posible pong makaranas ng 𝗲𝗺𝗲𝗿𝗴𝗲𝗻𝗰𝘆 𝗿𝗼𝘁𝗮𝘁𝗶𝗼𝗻𝗮𝗹 𝗽𝗼𝘄𝗲𝗿 𝗶𝗻𝘁𝗲𝗿𝗿𝘂𝗽𝘁𝗶𝗼𝗻 ang ilang bahagi ng Lungsod ng Malabon simula ngayong 9:00 PM na maaaring tumagal ng hanggang tatlong oras, depende sa circuit schedule ng Meralco.

Batay sa impormasyon mula sa Meralco, may mga lugar na naapektuhan na mula 6:00 PM hanggang 9:00 PM at inaasahang magpapatuloy pa ang 𝗲𝗺𝗲𝗿𝗴𝗲𝗻𝗰𝘆 𝗿𝗼𝘁𝗮𝘁𝗶𝗼𝗻𝗮𝗹 𝗽𝗼𝘄𝗲𝗿 𝗶𝗻𝘁𝗲𝗿𝗿𝘂𝗽𝘁𝗶𝗼𝗻 mula 9:00 PM hanggang 12:00 MN sa piling mga lugar.

Pinapayuhan ang publiko na:

• Maghanda ng emergency lights o flashlight
• Siguraduhing naka-charge ang mga mobile device
• I-unplug ang mga appliances upang maiwasan ang pinsala kapag bumalik ang kuryente

Patuloy pong maghintay ng karagdagang abiso at updates mula sa mga kinauukulang ahensya.

Pamimiling May Saya, Hatid ng Gawang Malabon 💙✨

Mas masaya nang mamili ng mga paboritong produktong lokal sa Malabon Pasalubong Center na matatagpuan sa 3rd Floor Food Court ng Fishermall, kung saan sa iisang lugar ay maaaring matikman, mabili, at maiuwi ang iba’t ibang lutong ulam, kakanin, meryenda, at mga pasalubong na tunay na gawang Malabon.

Para kina Mika Santos Flores, Ana Rose Mabalo, at Loreta Cuervo, malaking tuwa ang hatid ng kanilang unang pagbisita dahil mas naging madali ang paghahanap ng mga produktong dati ay kailangan pang hanapin sa iba’t ibang lugar. Kuwento pa nila, masarap mamili kapag maraming pagpipilian at siguradong lokal na kalidad ang matatagpuan.

Ang Malabon Pasalubong Center ay bukas hanggang Mayo 20 lamang.

Huwag Palampasin! Dumaan na at mamili! Suportahan ang gawang Malabon.