Malabon - City Human Resource Management and Development Department

🎒 READY, SET, ARAL!

Ilang araw na lang at muling mapupuno ng sigla, kuwentuhan, at bagong kaalaman ang mga silid-aralan para sa Taong Panuruan 2026–2027! 📚✨

Habang papalapit ang unang araw ng pasukan sa Hunyo 8, magandang pagkakataon ito para tiyaking handa ang ating mga anak sa kanilang pagbabalik-eskwela.

✔️ School ID
✔️ School supplies
✔️ Tubig
✔️ Baon
✔️ Payong o kapote
✔️ Face towel
✔️ Emergency contact information

Sa mga magulang at tagapag-alaga, ang simpleng paghahanda ngayon ay malaking tulong upang maging mas maayos, ligtas, at kumpiyansa ang pagpa*ok ng ating mga anak sa paaralan.

I-check na ang mga gamit, ihanda na ang mga bag, at samahan ang ating mga anak sa pagsisimula ng panibagong taon ng pag-aaral na puno ng pagkatuto, pagkakaibigan, at mga bagong karanasan. 💙

Libreng Anti-Rabies Vaccination sa Barangay Longos para sa Kalusugan ni Fur Baby 🐶💉

Magkakaroon ng libreng anti-rabies vaccination para sa mga alagang a*o sa Brgy. Longos bukas, Hunyo 3, 2026 (Miyerkules), mula 9:00 ng umaga hanggang 12:00 ng tanghali sa Blk 48B Sebo Court Ph3 E2 Maya Maya St. Brgy. Longos

Bahagi ito ng naka-iskedyul na anti-rabies vaccination program na isinasagawa sa iba’t ibang barangay ng lungsod. Layunin ng City Health Department na mapanatiling malusog ang mga fur babies at maprotektahan ang komunidad laban sa rabies.

Inaanyayahan ang mga residente ng Brgy. Longos na dalhin ang kanilang mga alagang a*o upang mabakunahan nang libre. Para naman sa mga residente ng ibang barangay, abangan ang susunod na schedule sa inyong lugar.

Manatiling naka-like at follow sa page ng Malabon City Government at City Health Department para sa mga update sa mga programang pangkalusugan ng lokal na pamahalaan.

Pag-asa sa Gitna ng Pagsubok

Sa isang iglap, hindi lamang tirahan kundi maging mga gamit na pinagkukunan ng kabuhayan ang nawala kay G. Alfredo Roquila, 47, matapos masunog ang kanilang barracks sa Brgy. Tinajeros.

Bilang manggagawang umaasa sa kanyang mga kagamitan sa pagawaan, mabigat para sa kanya ang pagkawala ng welding machine, mga barena, grinder, at iba pang kasangkapan na matagal niyang pinaghirapan.

"Hindi ko pa rin lubos maisip ang nangyari. Pagbalik ko kinabukasan, halos wala nang natira," ani G. Alfredo Roquila.

Sa kabila ng malaking pinsala, nananatili siyang nagpapasalamat dahil ligtas ang kanyang pamilya at agad silang nabigyan ng suporta sa kanilang pangangailangan.

"Maraming salamat po kay Mayor Jeannie Sandoval, sa Department of Social Welfare and Development - DSWD, at sa Malabon City CSWDD sa agarang tulong na natanggap namin. Napakalaking ginhawa po nito habang nagsisimula kaming bumangon muli."

WALANG PERSONS WITH DISABILITIES ANG DAPAT MAIWANAN

Bilang ama ng isang batang Person with Disability, dumalo si Nicolas Venturero sa Joint Public Hearing upang mas maunawaan ang panukalang ordinansa laban sa paggamit ng pekeng, pinalsipika, binago, at expired na PWD ID sa Lungsod ng Malabon.

Naging pagkakataon daw ito sa kaniya upang makausap ang iba pang mga magulang at marinig ang kanilang mga karanasan at pananaw tungkol sa mga hamon na kinakaharap ng kanilang sektor.

Para kay Nicolas, mahalagang masiguro na ang mga Persons with Disabilities ay hindi mapag-iiwanan sa anumang pagbabago sa sistema, “Sana kapag nagkaroon ng bagong sistema o bagong ID, lahat ng lehitimo ay maabot at mabigyan. Mahalaga na walang maiwanan dahil lang hindi sila naabisuhan o hindi sila nakarating sa impormasyon.”

Naniniwala rin siya na mahalaga ang mga ganitong pagdinig upang marinig ang kanilang boses para makabuo ng sistemang patas at pare-pareho para sa lahat.

Nagpasalamat din siya sa lokal na pamahalaan sa pagbibigay ng pagkakataong makilahok ang publiko sa usapin. “Nakikita namin na hindi lang ito pangako kundi may konkretong aksyon. Maraming salamat po, Mayor Jeannie Sandoval, sa pakikinig at pagtugon sa mga usaping mahalaga sa aming sektor.”

JOIN OUR TEAM!

Interested applicants may submit their application requirements to [email protected]