Malabon Ahon Blue Card

Busy tuwing weekdays?

May pagkakataon pa rin para mapabakunahan ang inyong anak!

🏥 Tuwing Sabado at Linggo, maaari kayong magtungo sa Super Health Centers para sa Ligtas Tigdas Vaccination.

⏰ 8:00 AM hanggang 12:00 NN

- Catmon Super Health Center
- Longos Super Health Center
- Potrero Super Health Center
- Tonsuya Super Health Center

Pabakunahan ang inyong mga anak at magkaisa tayong protektahan ang mga batang Malabueño laban sa tigdas.

🚸 READY SA ARAL, READY DIN SA KALIGTASAN!

Malapit na ang pasukan, at kasabay ng pagbabalik ng mga estudyante sa paaralan ay ang pagdami rin ng mga naglalakad, tumatawid, at bumibiyahe araw-araw. 🎒

Huwag nating kalimutang paalalahanan ang ating mga anak ng mga simpleng tuntunin sa road safety upang maging ligtas ang kanilang pagpasok at pag-uwi mula sa paaralan.

🚶 Gumamit ng pedestrian lane sa pagtawid
🚦 Sumunod sa traffic lights at traffic enforcers
👀 Tumingin sa kaliwa at kanan bago tumawid
🚶‍♀️ Gumamit ng sidewalk kung mayroon. Kung wala, maglakad sa kaliwang bahagi ng kalsada upang makita ang mga paparating na sasakyan
📱 Iwasan ang paggamit ng cellphone habang naglalakad o tumatawid
🛵 Magsuot ng helmet kung sasakay ng bisikleta o motorsiklo

Sa mga magulang at tagapag-alaga, ang simpleng paalala tungkol sa road safety ay malaking tulong sa paghubog ng disiplina at responsibilidad ng ating mga anak.

Tandaan: Ang road safety ay isang mahalagang aral na dapat baunin araw-araw. 💙

💙 MABC Report para sa bawat Malabueño! 💙

Simula nang ilunsad ang programa noong Disyembre 2022, umabot na sa 93,727 households beneficiaries ang nabigyan ng regular na quarterly financial assistance o ayuda sa ilalim ng Malabon Ahon Blue Card Program. Sa bilang na ito, 89,766 beneficiaries (95.77%) ang matagumpay na nakapag-claim ng kanilang financial assistance.

Bukod sa regular na ayuda, patuloy ding naipapatupad ang iba’t ibang sub-projects na nagbibigay ng dagdag na suporta sa mas maraming pamilyang Malabueño, kabilang ang:

🏥 Burial Assistance at Hospitalization Assistance
Mula January 5, 2026 hanggang May 31, 2026, umabot sa 757 total applications received para sa assistance program. Kabilang dito ang 536 Burial Assistance applications at 221 Hospitalization Assistance applications. Sa kabuuang bilang, 571 beneficiaries na ang funded at nakapag-claim ng kanilang assistance, habang ang natitirang 166 applications ay kasalukuyan pang pinoproseso.

📚 Eskwela Savings Project
May kabuuang 4,022 registered elementary student beneficiaries, kung saan 4,007 na ang nakatanggap ng kanilang Blue Card at 3,939 naman ang matagumpay nang nakapag-claim ng educational assistance.

🎓 MABC for Working Students (ON GOING REGISTRATION!)
May kabuuang 52 beneficiaries na nakatanggap na ng kanilang Blue Card at educational assistance para sa unang semestre.

Maraming salamat po sa inyong patuloy na pagtitiwala at suporta. Dahil sa inyong pakikiisa, mas napapalawak pa natin ang mga serbisyong hatid para sa komunidad at mas marami pang pamilyang Malabueño ang natutulungan.

💦👵 Ginhawang Ramdam sa Malinis na Palengke

Para kay Gng. Amalia Vergonio, 62, mas naging komportable ang bawat pagpunta sa Hulong Duhat Public Market matapos ang isinagawang flushing operation at clean-up activity na nakatulong upang mapanatiling malinis at maayos ang pamilihan.

Ayon sa kanya, malaking ginhawa ang paglilinis ng palengke lalo na para sa mga senior citizen dahil nababawasan ang panganib ng pagkadulas at mas nagiging maayos ang karanasan sa pamimili.

Aniya, “Nababawasan din ang dulas sa daanan, na malaking tulong lalo na sa mga senior citizen na tulad ko.”

Nagpasalamat din siya sa Pamahalaang Lungsod ng Malabon sa patuloy na pagsasagawa ng mga programang nakatutulong sa mga mamimili at tindero.

“Maraming salamat po kay Mayor Jeannie Sandoval sa mga ganitong aktibidad. Sana po ay magpatuloy ito upang mapanatiling malinis, ligtas, at maayos ang ating palengke para sa lahat ng mamimili at tindero.” 💙

PARA SA MGA SOLO PARENT! ✨

Sa inyo ang araw na ito! Inaanyayahan ng Malabon Ahon Blue Card Para sa Kababaihan Consumers Cooperative (MABCKCC) ang lahat ng lehitimong rehistradong miyembro ng solo parent ng Lungsod ng Malabon sa isang espesyal na pagtitipon at pagkakataong maging bahagi ng ating patuloy na lumalaking proyekto.

Narito ang mga dapat ninyong abangan:

📅 June 8, 2026 – Solo Parent Orientation sa pangunguna ng Malabon City CSWDD
⏰ 2:00 PM - 4:00 PM
📍 Malabon City Hall Penthouse
Alamin ang iyong mga karapatan, benepisyo, at kung paano ka matutulungan ng samahan.

📅 June 10, 2026 – Libreng Capacity Building
⏰ 8:00 AM - 5:00 PM
📍 City of Malabon University (CMU)

Bukas para sa lahat ng miyembro ng MABCKCC! Pagkakataon ito para sa bagong kaalaman at skills na magagamit sa pang-araw-araw.

🛍️ Exclusive Freebie!
May LIBRENG MABC Tote Bag para sa unang 25 na magpapakalista at magiging opisyal na miyembro!

Paano Sumali?
🔗 Mag-register sa link na ito: https://bit.ly/4uvT0Ni

⚠️ Paalala: Ang pag-sagot sa registration link ay hindi nangangahulugang automatic member na kayo. Mangyaring basahin at sundin nang mabuti ang mga nakasaad na hakbang (steps) sa ipinadalang brochure para makumpleto ang inyong membership.

📞 May mga katanungan ba kayo?
Huwag mag-atubiling mag-message o makipag-ugnayan nang direkta sa ating MABCKCC Chairwoman para sa iba pang detalye.

Magtulungan tayo para sa mas magandang kinabukasan ng ating pamilya. See you there, mga Inay!