L E D I P O Malabon

🌈 𝗣𝗥𝗜𝗗𝗘 𝗠𝗢𝗡𝗧𝗛 𝟮𝟬𝟮𝟲: Magsimula Tayo sa Pakikinig

Ngayong Pride Month, binibigyang-pansin natin ang kahalagahan ng pag-unawa sa mga karanasan, hamon, pangarap, at tagumpay ng LGBTQIA+ community.

Mahalaga ito dahil para sa ilan, hindi madaling maging bukas tungkol sa kanilang tunay na pagkatao.

May mga pagkakataong pinipili nilang manahimik dahil sa takot na baka hindi sila maintindihan, mahusgahan, o mawalan ng suporta mula sa mga taong mahalaga sa kanila.

“Matagal ko nang gustong sabihin kung sino talaga ako, pero natatakot akong baka hindi ako maintindihan.”

Sa likod ng simpleng pahayag na ito ay mga damdamin at karanasang maaaring hindi agad nakikita ng iba. Kaya bago ang anumang opinyon o reaksyon, mahalagang pakinggan at unawain muna kung saan sila nanggagaling.

Sa mga susunod na linggo, samahan ninyo kami sa pagtalakay ng iba't ibang kuwento at karanasan ng LGBTQIA+ community.

🌈 Dahil ang pag-unawa ay nagsisimula sa pakikinig.

Hello, MSMEs!

Alamin ang mga official contact information ng Small Business Corporation para sa inyong mga business loan inquiries at concern.

Fresh mula sa mga magsasaka ng Benguet! 🥬

Bilang bahagi ng programang Kadiwa ng Pangulo, dumating na sa ating lungsod ang Repolyo Caravan na may dalang sariwa at de-kalidad na repolyo mula mismo sa mga magsasaka ng Benguet. Mabibili ang ang mga repolyo sa halagang 20-25 pesos kada kilo, na direktang ibinebenta upang matulungan ang ating mga magsasaka at mabigyan ang mga mamimili ng mas abot-kayang presyo.

Ang Kadiwa Program ay nagsisilbing tulay sa pagitan ng mga producer at mamimili upang matiyak ang mas patas na kita para sa mga magsasaka at mas murang pagkain para sa bawat pamilyang Pilipino.

Magtungo na sa Brgy. Flores Covered Court ngayong araw upang makabili ng abot-kaya at sariwang mga produkto ng ating magsasaka.

HIGH TIDE ALERT | Narito ang high tide schedule ngayong buong linggo, Hunyo 15-21, 2026 para sa inyong kaalaman at kahandaan.
‎
‎Hunyo 15 (Lunes) | 10:18 AM - 2.00m
‎Hunyo 16 (Martes) | 11:05 AM - 2.10m
‎Hunyo 17 (Miyerkules) | 11:53 AM - 2.20m
‎Hunyo 18 (Huwebes) | 12:40 PM - 2.10m
‎Hunyo 19 (Biyernes) | 1:27 PM - 1.90m
‎Hunyo 20 (Sabado) | 2:13 PM - 1.70m
‎Hunyo 21 (Linggo) | 3:02 PM- 1.50m
‎
‎⚠️ Pinapayuhan ang lahat na maging mapagmatyag, lalo na ang mga residente sa mabababang lugar at mga komunidad na malapit sa daluyan ng tubig. Ugaliing subaybayan ang mga opisyal na anunsyo para sa mga kaugnay na abiso at paalala.
‎
‎

ANUNSIYO PUBLIKO 📣

Para sa mga Malabueñong kabilang sa vulnerable sectors tulad ng mga PWD, Solo Parent, 4Ps beneficiaries, Senior Citizens, at mga miyembro ng Transport Sector, inaanyayahan ko po kayong samantalahin ang programang Kadiwa ng Pangulo na gaganapin bukas, Hunyo 16, 2026 sa Brgy. Flores Covered Court, kung saan makabibili ng bigas sa halagang ₱20 kada kilo lamang.

Patuloy po nating inilalapit ang mga programang tunay na makatutulong sa ating mga pamilya upang mapagaan ang kanilang pang-araw-araw na gastusin. Inaasahan ko po ang inyong pakikiisa at aktibong paglahok sa programang ito.

Kita-kita po tayo sa Kadiwa ng Pangulo!