DOLE Bulacan TUPAD

"Disiplina at Malasakit": Malinis na Komunidad, Nakamit sa Sama-samang Aksyon ng TUPAD Beneficiaries

Isinagawa ang masusing paglilinis ng mga creek at kanal sa komunidad sa tulong ng mga benepisyaryo ng Tulong Panghanapbuhay sa Ating Disadvantaged/Displaced Workers (TUPAD) sa bayan ng Marilao, Obando at Lungsod ng Meycauayan na may kabuuang bilang na tatlong daan at labindalawa (312). Layunin ng gawaing ito na mapanatili ang kalinisan ng kapaligiran, maiwasan ang pagbaha, at mabawasan ang pagkalat ng sakit dulot ng baradong daluyan ng tubig.

Aktibong nakiisa ang mga benepisyaryo sa pagtanggal ng basura, damo, water lily, at mga sagabal sa mga creek at kanal. Sa pamamagitan ng sama-samang pagkilos, naging mas maayos ang daloy ng tubig at mas naging ligtas at malinis ang kapaligiran ng komunidad.

Bukod sa pansamantalang hanapbuhay na naibigay sa mga benepisyaryo, nagsilbi rin ang proyekto bilang paalala sa kahalagahan ng disiplina, malasakit sa kalikasan, at pagtutulungan ng bawat mamamayan. Ang ganitong mga programa ay patunay na sa pamamagitan ng pagkakaisa, makakamit ang mas malinis, ligtas, at maunlad na pamayanan.

𝑯𝒊𝒏𝒅𝒊 𝒍𝒂𝒏𝒈 𝒑𝒂𝒏𝒈 𝑲𝒂𝒍𝒔𝒂𝒅𝒂, 𝒑𝒂𝒏𝒈 𝑺𝒆𝒎𝒆𝒏𝒕𝒆𝒓𝒚𝒐 𝒑𝒂! - Bilang paghahanda sa pag gunita ng Undas 2025, ang mga benepisyaryo ng 𝐓𝐔𝐏𝐀𝐃 mula sa iba't ibang Bayan sa Lalawigan ng Bulacan ay aktibong naki-isa upang malinis ang mga pampublikong sementeryo. Patunay lamang nito ang pagiging epektibo ng nasabing programa upang higit na makatulong sa komunidad.