Sangguniang Barangay ng Panasahan '23-'26

🌈 𝐇𝐀𝐏𝐏𝐘 𝐏𝐑𝐈𝐃𝐄 𝐌𝐎𝐍𝐓𝐇 𝐌𝐔𝐋𝐀 𝐒𝐀 𝐒𝐀𝐍𝐆𝐆𝐔𝐍𝐈𝐀𝐍𝐆 𝐁𝐀𝐑𝐀𝐍𝐆𝐀𝐘 𝐍𝐆 𝐏𝐀𝐍𝐀𝐒𝐀𝐇𝐀𝐍! 🌈

Ngayong buwan ng Hunyo, buong-pusong nakikiisa ang ating sanggunian sa pagdiriwang ng Pride Month. Kinikilala at ipinagmamalaki ng Barangay Panasahan ang makulay na ambag, galing, at kontribusyon ng ating mga kabarangay na kabilang sa LGBTQIA+ community.

Dito sa Panasahan, naniniwala tayo na ang isang progresibong komunidad ay nakabatay sa pagrespeto, pagtanggap, at pagkakapantay-pantay ng lahat—anuman ang kasarian o oryentasyon. Patuloy nating itaguyod ang isang barangay na ligtas, may pagmamahal, at walang diskriminasyon.

Isang makulay at mapagpalang Pride Month sa inyong lahat! ❤️🧡💛💚💙💜
- - -
Lgbtqia Panasahan
Malolos City Information Office
DILG City of Malolos

𝐖𝐎𝐑𝐊𝐒𝐇𝐎𝐏 𝐅𝐎𝐑 𝐌𝐀𝐋𝐎𝐋𝐎𝐒 𝐂𝐈𝐓𝐘 𝐂𝐔𝐋𝐓𝐔𝐑𝐀𝐋 𝐌𝐀𝐏𝐏𝐈𝐍𝐆
Friday | May 29, 2026

Noong nakaraang Biyernes ay ginanap ang Cultural Mapping Workshop sa Dambana ng Casa Real o Museo ng Pampulitikang Kasaysayan ng Pilipinas. Tampok dito ang mga kultural na yaman ng Malolos mula sa iba't ibang barangay - pagkain, tradisyon, tao na mayroong ambag sa lipunan, mahalagang artifacts, atbp. Ito ay sa pagtataguyod ng National Historical Commission of the Philippines, sa pagkikipagtulungan sa City Tourism Office ng Malolos.

Para sa Barangay Panasahan, bukos sa Sayaw Panasahan, Pabukang Puso, nabigyan ng tuon ang tradisyon ng pagluluto ng lumlom na bangus bilang isang ekstraordinaryong putahe na nagmula sa ating barangay.

Dinaluhan ito ng Chairman ng Committee on Tourism - Kon. Gloria Padin, Committee on Education Chairman - Kon. Itchan Faustino at pangulo ng sektor ng PYAP - G. Jose Calinao bilang kinatawan ng ating barangay. Ang tatlo ay napili bilang bahagi ng pitong core group sa City Mapping ng Malolos.


- - -
Malolos City Information Office
DILG City of Malolos

𝐁𝐏𝐀𝐓'𝐬 𝐓𝐑𝐀𝐈𝐍𝐈𝐍𝐆 2026 𝐂𝐋𝐔𝐒𝐓𝐄𝐑𝐈𝐍𝐆 9
𝐌𝐀𝐘 29, 2026

Dinaluhan ng mga kasapi ng Sangguniang Barangay, Barangay Tanod, at Lupon ng Panasahan at Bagna nasabing training ayon sa direktiba ni PLTCOL ROMMEL E GENEBLAZO, COP.

Matagumpay na isinagawa ng Malolos City Police Station ang BPATs Training na ginanap sa Panasahan Elementary School, Barangay Panasahan Malolos City, Bulacan.

Layunin ng naturang pagsasanay na palakasin ang kakayahan ng Barangay Peacekeeping Action Teams (BPATs) ng Barangay Panasahan at Barangay Bagna sa pagpapanatili ng kapayapaan at kaayusan sa komunidad.

Tinalakay sa programa ang Katarungan Pambarangay para sa tamang proseso ng pagresolba ng alitan, at Self Defense upang ihanda ang BPATs sa pagprotekta sa sarili at sa mamamayan. Kasama rin ang direktiba ni SILG Juanito Victor C. Remulla sa pagpapatupad ng curfew, pagbabawal ng pag-inom sa kalsada, at paglimita ng paggamit ng videoke.

Ang Malolos City Police Station ay patuloy na nakikipagtulungan sa mga barangay upang masig**o ang ligtas, mapayapa, at maayos na pamayanan para sa lahat ng mamamayan ng lungsod.




‐‐--------------

𝐁𝐑𝐈𝐆𝐀𝐃𝐀 𝐄𝐒𝐊𝐖𝐄𝐋𝐀 𝟐𝟎𝟐𝟔
𝐏𝐚𝐧𝐚𝐬𝐚𝐡𝐚𝐧 𝐄𝐥𝐞𝐦𝐞𝐧𝐭𝐚𝐫𝐲 𝐒𝐜𝐡𝐨𝐨𝐥 | 𝐉𝐮𝐧𝐞 𝟏, 𝟐𝟎𝟐𝟔

Ang Sangguniang Barangay ng Panasahan, sa pangunguna ni Igg. Kap. Rino Aniag at ng Komite ng Edukasyon nito, ay buo at taus pusong sumusuporta sa Brigada Eskwela 2026 ng Panasahan Elementary School, na may temang, "Bayanihan sa Paaralan: Nagkakaisa Para sa Kaayusan at Kaalaman."

Dinaluhan ito ng iba't ibang samahang pansibiko mula sa ating barangay. Ang gawaing ito ay pambuong linggo kaya't hinihikayat ang bawat mamamayan na makiisa para sa pagiging handa ng paaralan sa pagbubukas ng Taong Pampanuruan 2026-2027.



- - -
Malolos City Information Office
DILG City of Malolos

𝗟𝗜𝗕𝗥𝗘𝗡𝗚 𝗚𝗨𝗣𝗜𝗧, 𝗠𝗔𝗦𝗦𝗔𝗚𝗘 𝗔𝗧 𝗠𝗔𝗡𝗜𝗖𝗨𝗥𝗘! 💅💆‍♀️💇‍♂️
Bilang bahagi ng ating patuloy na paglilingkod sa komunidad, inaanyayahan namin ang lahat ng batang babae at lalaki na makiisa sa ating Libreng Gupit kasama ang Libreng Massage at Manicure na gaganapin sa:

📍 Ibaba ng Cooperative Office
📅 June 6, 2026 (Sabado)
⏰ 7:00 AM – 12:00 NN

Sa pakikipagtulungan ng 𝐒𝐚𝐧𝐠𝐠𝐮𝐧𝐢𝐚𝐧𝐠 𝐁𝐚𝐫𝐚𝐧𝐠𝐚𝐲 𝐧𝐠 𝐏𝐚𝐧𝐚𝐬𝐚𝐡𝐚𝐧 – 𝐊𝐨𝐦𝐢𝐭𝐞 𝐧𝐠 𝐄𝐝𝐮𝐤𝐚𝐬𝐲𝐨𝐧, mga katuwang na samahan - 𝐓𝐚𝐮 𝐆𝐚𝐦𝐦𝐚 𝐏𝐡𝐢 - 𝐏𝐚𝐧𝐚𝐬𝐚𝐡𝐚𝐧 𝐂𝐨𝐦𝐦𝐮𝐧𝐢𝐭𝐲 𝐁𝐚𝐬𝐞𝐝 𝐂𝐡𝐚𝐩𝐭𝐞𝐫, 𝐋𝐆𝐁𝐓𝐐𝐈𝐀+ 𝐏𝐚𝐧𝐚𝐬𝐚𝐡𝐚𝐧, 𝐚𝐭 𝐒𝐚𝐦𝐚𝐡𝐚𝐧𝐠 𝐀𝐌𝐌𝐀𝐘𝐀, sama-sama nating ihatid ang serbisyong may malasakit para sa ating komunidad. Tara na at magpaganda at magpagupit nang libre! 💙

Panasahan Multipurpose Cooperative

𝐏𝐀𝐆𝐋𝐀𝐋𝐀𝐆𝐀𝐘 𝐍𝐆 𝐏𝐑𝐄𝐍𝐙𝐀 𝐒𝐀 𝐏𝐀𝐆𝐈𝐓𝐀𝐍 𝐍𝐆 𝐖𝐈𝐋𝐋𝐈𝐀𝐌𝐕𝐈𝐋𝐋𝐄 𝟑 𝐀𝐓 𝐁𝐄𝐀𝐔𝐓𝐘 𝐕𝐈𝐋𝐋𝐀𝐆𝐄
Mayo 30, 2026


- - -
Malolos City Information Office
DILG City of Malolos

𝐏𝐎𝐖𝐄𝐑 𝐎𝐔𝐓𝐀𝐆𝐄 𝐔𝐏𝐃𝐀𝐓𝐄 𝐀𝐓 𝐑𝐄𝐏𝐓𝐀, 𝐒𝐈𝐓𝐈𝐎 𝐓𝐀𝐖𝐈𝐑𝐀𝐍 ⚡️🔋💡

Kasalukuyan pong kinukumpuni ng Meralco ang nasunog na wire sa poste sa Repta mula sa insidente kagabi. Asahang sa ilang oras ay magkakaroon na ng kuryente sa nabanggit na lugar.
- - -
📸: Mga larawan buhat kay Meg Fernando

DILG City of Malolos
Malolos City Information Office
Malolos City DRRM Office

𝐁𝐀𝐒𝐈𝐂 𝐀𝐐𝐔𝐀𝐓𝐈𝐂 𝐒𝐀𝐅𝐄𝐓𝐘 𝐀𝐍𝐃 𝐑𝐄𝐒𝐂𝐔𝐄 𝐓𝐑𝐀𝐈𝐍𝐈𝐍𝐆 𝐀𝐌𝐃 𝐑𝐄𝐅𝐑𝐄𝐒𝐇𝐄𝐑 𝐂𝐎𝐔𝐑𝐒𝐄 𝐎𝐍 𝐁𝐀𝐒𝐈𝐂 𝐅𝐈𝐑𝐒𝐓 𝐀𝐈𝐃

Ang mga kinatawan ng Sangguniang Barangay ng Panasahan ay patuloy na nakikiisa sa 'BASIC AQUATIC SAFETY AND RESCUE TRAINING AMD REFRESHER COURSE ON BASIC FIRST AID' sa pangunguna ng Malolos City DRRM Office.

Ang seminar na ito ay naglalayong magbigay ng sapat na kaalaman at kasanayan upang maiwasan ang aksidente sa tubig, makapagsalba ng buhay, at makatugon nang tama sa mga medikal na emergency.

Mga Tiyak na Layunin:
1. Kaligtasan sa Tubig (Aquatic Safety): Matutuhan ang mga tamang teknik sa pag-iwas sa pagkalunod at ligtas na pagsagip sa biktima nang hindi nailalagay sa panganib ang sariling buhay.
2. Paunang Lunas (First Aid Refresher): Muling isariwa ang mga kasanayan sa pagbibigay ng paunang tulong-medikal, partikular na ang CPR para sa mga biktima ng pagkalunod at iba pang emergency.
3. Kahandaan (Readiness): Sanayin ang mga kalahok na maging kalmado, mabilis, at alertong first responder sa komunidad o lugar-paggawa.

Pagtitiyak ito na handa ang Barangay Panasahan sa anumang sakuna na nakaamba.

- - -
DILG City of Malolos
Malolos City Information Office

📣Brigada Eskwela 2026
BAYANIHAN SA PAARALAN:
"Nagkakaisa Para sa Kaayusan at Kaalaman"

Makipagbayanihan na...
June 1-5, 2026.

Inaanyayahan ang mga Brigada Heroes, stakeholders, parents, learners, partners, alumni, LGUs at iba pang sektor ng lipunan na makiisa at maging bahagi ng isang makabuluhang pagbabayanihan. Ang inyong paglahok ay malaking tulong para maisaayos at maihanda pa naming mabuti ang sintang paaralan para sa ligtas na pagbabalik eskwela ng mga mag-aaral.
Makipag-ugnayan lamang po sa mga g**o at kawani ng paaralan para sa inyong mga tulong at donasyon na inyong ipapahatid.

Maraming salamat po sa inyong walang sawang pagsuporta, nawa ay Pagpalain po tayong lahat ng Poong Maykapal!

𝐏𝐎𝐖𝐄𝐑 𝐎𝐔𝐓𝐀𝐆𝐄 𝐔𝐏𝐃𝐀𝐓𝐄: 𝐑𝐄𝐏𝐓𝐀 𝐒𝐓𝐑𝐄𝐄𝐓, 𝐒𝐈𝐓𝐈𝐎 𝐓𝐀𝐖𝐈𝐑𝐀𝐍 ⚡️💡

As of 4:25 pm, ito pa rin po ang kalagayan ng power outage report ng Sangguniang Barangay ng Panasahan sa Meralco. Paumanhin po sa mga nakatira sa Repta sa pagkaantala ng pagkukumpuni ng kuryente sa nabanggit na lugar. Mula kagabi ay patuloy na po tayong nagrereport ng power outage na ito at hanggang sa kasalukuyan ay nakikipag-ugnayan na sa provincial main office sa Plaridel.

Sa katunayan, maraming lugar sa Malolos ang walang kuryente sa kasalukuyan mula kahapon at hindi pa rin naaayos ng Meralco. Kaya't mahabang pasensya po ang ating baunin sa mga pagkakataong ito. Asahan po ninyo ang patuloy napakikipag-ugnayan ng ating barangay upang maayos ang kuryente sa Repta.

Maraming salamat po!
- - -
Malolos City Information Office
DILG City of Malolos
Meralco