ENRO Occidental Mindoro

06/10/2026

𝐌𝐚𝐥𝐢𝐠𝐚𝐲𝐚𝐧𝐠 𝐊𝐚𝐚𝐫𝐚𝐰𝐚𝐧, 𝐄𝐍𝐑𝐎 𝐈𝐫𝐞𝐧𝐞𝐨 𝐌. 𝐂𝐨𝐫𝐭𝐮𝐧𝐚!

Ang buong Office of the Provincial Environment and Natural Resources Officer ay malugod na bumabati ng isang Maligayang Kaarawan kay ENRO Ireneo M. Cortuna!

Nawa’y patuloy kayong pagkalooban ng mabuting kalusugan, kalakasan, karunungan, at maraming biyaya upang higit pang mapaglingkuran ang ating lalawigan at maisulong ang pangangalaga at pagpapanatili ng ating kalikasan.

Maraming salamat po sa inyong dedikasyon, pamumuno, at walang sawang paglilingkod para sa kapakanan ng ating kalikasan at ng mga mamamayan ng Occidental Mindoro.

Nawa’y maging makabuluhan, masaya, at puno ng pagpapala ang inyong espesyal na araw.

Maligayang Kaarawan, Sir Neo!
Patuloy po kayong maging inspirasyon sa paglilingkod at pangangalaga sa kalikasan.

01/10/2026

𝙍𝙚𝙖𝙙𝙮 𝙛𝙤𝙧 𝙖 𝙢𝙤𝙣𝙩𝙝 𝙛𝙪𝙡𝙡 𝙤𝙛 𝙡𝙚𝙖𝙧𝙣𝙞𝙣𝙜, 𝙨𝙝𝙖𝙧𝙞𝙣𝙜, 𝙖𝙣𝙙 𝙘𝙚𝙡𝙚𝙗𝙧𝙖𝙩𝙞𝙣𝙜 𝙩𝙝𝙚 𝙏𝙖𝙢𝙖𝙧𝙖𝙬? 👀✨

Check out the Tamaraw Month Calendar of Activities and see what’s happening throughout October, featuring activities from different organizations and partners across Mindoro and beyond! 💛

📅 Save the dates, join the activities, and celebrate with us!
Let’s make this Tamaraw Month a celebration of . 🐃 💛 🌿

See you around! 👋✨

𝙍𝙚𝙖𝙙𝙮 𝙛𝙤𝙧 𝙖 𝙢𝙤𝙣𝙩𝙝 𝙛𝙪𝙡𝙡 𝙤𝙛 𝙡𝙚𝙖𝙧𝙣𝙞𝙣𝙜, 𝙨𝙝𝙖𝙧𝙞𝙣𝙜, 𝙖𝙣𝙙 𝙘𝙚𝙡𝙚𝙗𝙧𝙖𝙩𝙞𝙣𝙜 𝙩𝙝𝙚 𝙏𝙖𝙢𝙖𝙧𝙖𝙬? 👀✨

Check out the Tamaraw Month Calendar of Activities and see what’s happening throughout October, featuring activities from different organizations and partners across Mindoro and beyond! 💛

📅 Save the dates, join the activities, and celebrate with us!

Let’s make this Tamaraw Month a celebration of . 🐃 💛 🌿

See you around! 👋✨

01/10/2026

𝗧𝗮𝗺𝗮𝗿𝗮𝘄 𝗠𝗼𝗻𝘁𝗵 𝗻𝗮 𝗻𝗴𝗮𝘆𝗼𝗻𝗴 𝗢𝗸𝘁𝘂𝗯𝗿𝗲! 🐃 🌿

Ngayong taon, kilalanin natin ang tema, kulay, at hashtag ng pagdiriwang at alamin kung ano ang kahulugan ng mga ito sa ating sama-samang pangangalaga sa Tamaraw at kalikasan ng Mindoro. 💛

01/10/2026

𝐓𝐚𝐦𝐚𝐫𝐚𝐰 𝐌𝐨𝐧𝐭𝐡 𝟐𝟎𝟐𝟔

Sa bisa ng Proklamasyon Blg. 273, s. 2002 at Sangguniang Panlalawigan Resolution Blg. 181, s. 2014, ang buwan ng Oktubre ay itinalaga bilang Special Month for the Conservation and Protection of the Tamaraw in Mindoro.

Ngayong taon, isinasagawa ang pagdiriwang sa temang: “Tamaraw at Katutubong Kultura: Mga Yamang Ipinamana, Alagaan nang Sama-sama.”

Ang pagdiriwang na ito ay nagbibigay-diin sa kahalagahan ng tamaraw at katutubong kultura bilang natatanging likas at kultural na yaman ng Mindoro. Hinihikayat ang lahat na makiisa sa mga hakbangin para sa kanilang pangangalaga, pagpapahalaga, at patuloy na pagpapanatili para sa kasalukuyan at mga susunod na salinlahi.

#𝐒𝐚𝐦𝐚𝐬𝐚𝐦𝐚𝐧𝐠𝐏𝐚𝐧𝐠𝐚𝐧𝐠𝐚𝐥𝐚𝐠𝐚

22/09/2026

𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥 𝐂𝐨𝐚𝐬𝐭𝐚𝐥 𝐂𝐥𝐞𝐚𝐧-𝐮𝐩 𝟐𝟎𝟐𝟔

Bilang bahagi ng pagdiriwang ng International Coastal Clean-Up (ICC) 2026, matagumpay na isinagawa noong Setyembre 17, 2026 ang Coastal Clean-Up Activity sa baybayin ng Barangay Payompon, Mamburao, Occidental Mindoro.

Sa ilalim ng pamumuno ni Governor Eduardo B. Gadiano, ang aktibidad ay pinangunahan ng Provincial Government of Occidental Mindoro – Environment and Natural Resources Office (PGOM-ENRO), sa pamumuno ni ENRO Ireneo M. Cortuna, katuwang ang Municipal Environment and Natural Resources Office (MENRO) ng Mamburao, sa pamumuno ni MENRO Ariston Ramos.

Nakiisa sa aktibidad ang mga kinatawan at kawani mula sa iba't ibang tanggapan at ahensya, kabilang ang Department of Environment and Natural Resources (DENR), Bureau of Fire Protection (BFP), Philippine National Police (PNP), mga kawani ng Provincial Government of Occidental Mindoro, MENRO Mamburao, at iba pang mga katuwang at stakeholders.

Ang sama-samang pagkilos na ito ay nagpapakita ng patuloy na pagtutulungan ng pamahalaan at iba't ibang sektor sa pangangalaga, pagpapanatili, at proteksyon ng ating mga baybaying-dagat at yamang-dagat. Higit pa sa paglilinis, ang aktibidad ay nagsisilbing paalala na ang pangangalaga sa karagatan ay isang sama-samang pananagutan.

Sama-sama nating panatilihing malinis ang ating baybayin. Para sa malinis na kapaligiran, malusog na karagatan, at mas ligtas na kinabukasan!

03/08/2026

𝐈𝐒𝐀𝐍𝐆 𝐁𝐀𝐆𝐎𝐍𝐆 𝐓𝐀𝐍𝐆𝐆𝐀𝐏𝐀𝐍, 𝐈𝐒𝐀𝐍𝐆 𝐁𝐀𝐆𝐎𝐍𝐆 𝐈𝐍𝐒𝐏𝐈𝐑𝐀𝐒𝐘𝐎𝐍 𝐒𝐀 𝐏𝐀𝐆𝐋𝐈𝐋𝐈𝐍𝐆𝐊𝐎𝐃

Taos-puso ang aming pasasalamat kay Governor Eduardo B. Gadiano sa pagkakaroon ng bagong tanggapan para sa Environment and Natural Resources Office (ENRO) ng Provincial Government of Occidental Mindoro.

Sa loob ng mahabang panahon, nagkasya tayo sa isang maliit na opisina. Maraming beses naging limitado ang espasyo, ngunit hindi kailanman naging limitado ang ating dedikasyon sa serbisyo. Sa kabila ng liit ng ating tanggapan, hindi natin hinayaang maging dahilan ito upang maantala ang ating trabaho o mabawasan ang kalidad ng ating paglilingkod.

Pinagpatuloy natin ang pagpapanatili ng maayos na tanggapan, maayos na trabaho, at higit sa lahat, ang pagiging masipag, ganado at handang maglingkod sa mga mamamayan ng Occidental Mindoro.

Ngayon, mayroon na tayong mas maluwag at mas maayos na lugar na magsisilbing tahanan ng ating mga programa, serbisyo, at mga kawani na patuloy na nagsisikap para sa kalikasan at sa ating mga kababayan.

Maraming salamat po, Governor Eduardo B. Gadiano, sa inyong suporta, tiwala, at malasakit sa ENRO. Ang bagong opisina na ito ay hindi lamang bagong espasyo, kundi isang bagong inspirasyon upang lalo pa naming pagbutihin ang aming trabaho at serbisyo.

Mula sa buong ENRO Family, maraming salamat po, Gov! 💚

Mas maayos na opisina. Mas masiglang kawani. Mas mahusay na serbisyo. Para sa Kalikasan, Para sa Mamamayan ng Occidental Mindoro!

26/06/2026

𝗣𝗛𝗜𝗟𝗜𝗣𝗣𝗜𝗡𝗘 𝗔𝗥𝗕𝗢𝗥 𝗗𝗔𝗬 𝟮𝟬𝟮𝟲: 𝗘𝗡𝗥𝗢 𝗮𝘁 𝗺𝗴𝗮 𝗞𝗮𝘁𝘂𝘄𝗮𝗻𝗴 𝗻𝗮 𝗗𝗲𝗽𝗮𝗿𝘁𝗮𝗺𝗲𝗻𝘁𝗼, 𝗕𝗮𝗿𝗮𝗻𝗴𝗮𝘆, 𝗮𝘁 𝗔𝗵𝗲𝗻𝘀𝘆𝗮, 𝗡𝗮𝗸𝗶𝗶𝘀𝗮 𝘀𝗮 𝗧𝗿𝗲𝗲-𝗣𝗹𝗮𝗻𝘁𝗶𝗻𝗴 𝗔𝗰𝘁𝗶𝘃𝗶𝘁𝘆 𝘀𝗮 𝗣𝗿𝗼𝘃𝗶𝗻𝗰𝗶𝗮𝗹 𝗕𝗿𝗲𝗲𝗱𝗶𝗻𝗴 𝗙𝗮𝗿𝗺, 𝗕𝗿𝗴𝘆. 𝗠𝘂𝗿𝘁𝗵𝗮, 𝗦𝗮𝗻 𝗝𝗼𝘀𝗲, 𝗢𝗰𝗰𝗶𝗱𝗲𝗻𝘁𝗮𝗹 𝗠𝗶𝗻𝗱𝗼𝗿𝗼

Sa ilalim ng pamumuno ni Gobernador Eduardo B. Gadiano at sa pangunguna ng Environment and Natural Resources Office (ENRO) sa pamamahala ni ENRO Ireneo M. Cortuna, mahigit sa 600 punong kahoy ang matagumpay na naitanim sa Provincial Breeding Farm, Barangay Murtha sa bayan ng San Jose, Occidental Mindoro nitong ika-25 ng Hunyo, 2026.

Ang nasabing aktibidad ay pakikibahagi at paggunita sa pagdiriwang ng Philippine Arbor Day o ang taunang kampanya sa bansa na naghihikayat sa publiko na magtanim at mag-alaga ng mga puno. Nakibahagi at nakiisa sa pagtatanim ang mga kawani mula sa PGOM SAMARICA Sub-office, PGOM Main Office, Barangay Murtha, MENRO San Jose, at NCIP.

Isang maikling programa din ang isinagawa kung saan nagbigay ng mensahe sina; Forester Edwin D. Sansano ang kumatawan kay ENRO Ireneo Cortuna, PGO SAMARICA Executive Assistant II June V. Lee kumatawan kay Gobernador Eduardo Gadiano, at Barangay Captain Felix Gayo ng Barangay Murtha. Isang maikling oryentasyon din ang ibinahagi ni Mr. Perlito Enriquez, Jr., patungkol sa pagtatanim at sa lugar ng pagtatamnan.

Ang mga punlang ginamit sa aktibidad ay nagmula sa Provincial Nursery na naitatag noong 2020 sa inisyatibo ni ENRO Ireneo M. Cortuna bilang bahagi ng patuloy na programa ng tanggapan sa pagpaparami ng mga punla at pagsusulong ng mas luntiang kapaligiran para sa mga susunod na salinlahi.

Sa kabuuan ay naging matagumpay ang isinagawang tree-planting activity sa pamamagitan ng sama-samang pagtutulungan ng lahat ng mga kalahok, na nagpapakita ng kanilang patuloy na suporta sa mga programang pangkalikasan ng Pamahalaang Panlalawigan ng Occidental Mindoro.

𝗦𝗘𝗥𝗕𝗜𝗦𝗬𝗢𝗡𝗚 𝗚𝗔𝗡𝗔𝗗𝗢!
𝗚𝗔𝗡𝗔𝗗𝗢 𝗡𝗔, 𝗠𝗔𝗦 𝗚𝗔𝗚𝗔𝗡𝗔𝗛𝗔𝗡 𝗣𝗔!

18/06/2026

The OMSC community recognizes the strong support and commitment of Hon. Eduardo B. Gadiano to Occidental Mindoro State University, particularly in advancing its mission of providing accessible and quality higher education across its campuses.

His continued partnership has been instrumental in strengthening institutional development and supporting the University’s growth as it embraces its new status.

OMSC extends its appreciation for his dedication to the progress of higher education in the province.

𝐌𝐚𝐫𝐚𝐦𝐢𝐧𝐠 𝐬𝐚𝐥𝐚𝐦𝐚𝐭 𝐩𝐨, 𝐆𝐨𝐯. 𝐄𝐝!

18/06/2026

08/06/2026

𝐄𝐍𝐑𝐎 𝐍𝐚𝐠𝐩𝐚𝐩𝐚𝐭𝐮𝐥𝐨𝐲 𝐬𝐚 𝐊𝐚𝐦𝐩𝐚𝐧𝐲𝐚 𝐩𝐚𝐫𝐚 𝐬𝐚 𝐖𝐚𝐬𝐭𝐨𝐧𝐠 𝐏𝐚𝐦𝐚𝐦𝐚𝐡𝐚𝐥𝐚 𝐧𝐠 𝐁𝐚𝐬𝐮𝐫𝐚 𝐬𝐚 𝐏𝐚𝐠𝐠𝐮𝐧𝐢𝐭𝐚 𝐧𝐠 𝐖𝐨𝐫𝐥𝐝 𝐄𝐧𝐯𝐢𝐫𝐨𝐧𝐦𝐞𝐧𝐭 𝐃𝐚𝐲 𝐚𝐭 𝐏𝐡𝐢𝐥𝐢𝐩𝐩𝐢𝐧𝐞 𝐄𝐧𝐯𝐢𝐫𝐨𝐧𝐦𝐞𝐧𝐭 𝐌𝐨𝐧𝐭𝐡

Ang Pamahalaang Panlalawigan ng Occidental Mindoro, sa ilalim ng pamumuno ni Gobernador Eduardo B. Gadiano at sa pangunguna ng Environment and Natural Resources Office (ENRO) sa pamamahala ni ENRO Ireneo M. Cortuna, ay nakikiisa sa paggunita ng World Environment Day at Philippine Environment Month na ipinagdiriwang tuwing buwan ng Hunyo alinsunod sa Proclamation No. 237, na nagdedeklara sa buwan ng Hunyo bilang Philippine Environment Month.

Bilang bahagi ng pagdiriwang, nagbigay si Forester Edwin Sansano ng isang maikling oryentasyon hinggil sa kahalagahan ng Proclamation No. 237 at sa mga layunin nito sa pagpapalakas ng kamalayang pangkalikasan. Tinalakay rin niya ang mahahalagang probisyon ng Republic Act No. 9003 o ang Ecological Solid Waste Management Act of 2000, kabilang ang wastong paghihiwalay, pamamahala, at pagtatapon ng basura bilang mga pangunahing hakbang sa pangangalaga at pagpapanatili ng malinis na kapaligiran.

Kasabay ng pagbabahagi ng impormasyon at pagpapaalala sa kahalagahan ng responsableng pamamahala ng basura, nagsagawa rin ng pamamahagi ng mga Information, Education, and Communication (IEC) materials na nakatuon sa waste management at waste segregation awareness upang higit na mapalawak ang kaalaman at kamalayan ng mga empleyado ng Pamahalaang Panlalawigan ng Occidental Mindoro.

Isinagawa ang nasabing aktibidad sa PGOM Main Office, PGOM Sablayan Sub-Office, at PGOM SAMARICA Sub-Office bilang bahagi ng patuloy na kampanya ng ENRO sa pagtataguyod ng pangangalaga sa kapaligiran. Layunin nitong mapalalim ang kaalaman ng bawat empleyado at mahikayat ang kanilang aktibong pakikilahok sa wastong pamamahala ng basura, tungo sa pagkakaroon ng isang malinis, maayos, ligtas, at napapanatiling kapaligiran para sa kasalukuyan at mga susunod pang henerasyon.

𝗦𝗘𝗥𝗕𝗜𝗦𝗬𝗢𝗡𝗚 𝗚𝗔𝗡𝗔𝗗𝗢!
𝗚𝗔𝗡𝗔𝗗𝗢 𝗡𝗔, 𝗠𝗔𝗦 𝗚𝗔𝗚𝗔𝗡𝗔𝗛𝗔𝗡 𝗣𝗔!