PSWDO Occidental Mindoro

16/07/2026

𝐃𝐞𝐤𝐚𝐝𝐚𝐧𝐠 𝐏𝐚𝐧𝐠𝐚𝐫𝐚𝐩 𝐧𝐠 𝐁𝐮𝐬𝐥𝐮𝐠𝐚𝐧 𝐬𝐚 𝐏𝐮𝐫𝐨𝐤 𝐀𝐫𝐭𝐞𝐦𝐢𝐚 𝐧𝐚 𝐌𝐚𝐠𝐤𝐚𝐫𝐨𝐨𝐧 𝐧𝐠 𝐌𝐚𝐥𝐢𝐧𝐢𝐬 𝐧𝐚 𝐓𝐮𝐛𝐢𝐠, 𝐍𝐚𝐢𝐬𝐚𝐤𝐚𝐭𝐮𝐩𝐚𝐫𝐚𝐧 𝐧𝐚

SAN JOSE, Occidental Mindoro – Isang makasaysayang araw ang nasaksihan ng 75 pamilyang naninirahan sa Buslugan, Purok Artemia, Barangay Bubog noong Hulyo 14 matapos matupad ang matagal na nilang minimithing magkaroon ng maaasahan at malinis na pinagkukunan ng tubig.

Sa loob ng maraming dekada, ang kakulangan ng malinis at sapat na suplay ng tubig ang isa sa pinakamalaking suliraning kinakaharap ng komunidad. Ito ay lubhang nakaapekto sa kanilang pang-araw-araw na pamumuhay at sa pagtugon sa kanilang mga pangunahing pangangailangan.

Bilang tugon sa hinaing ng mga residente, nagsagawa ng konsultasyon at pagbisita ang Provincial Social Welfare and Development Office (PSWDO) sa pangunguna ni Ms. Rosalina R. Lamoca. Isinagawa rin ang isang dayalogo kasama ang asosasyon ng mga residente ng Buslugan, Purok Artemia upang personal na marinig at masuri ang kanilang mga suliranin.

Sa isinagawang dayalogo, malinaw na naipahayag ng mga residente ang kanilang matagal nang pangangailangan para sa isang ligtas at maaasahang pinagkukunan ng malinis na tubig. Bilang agarang tugon, ipinag-utos ni Gobernador Eduardo B. Gadiano ang pagsasagawa ng masusing teknikal na pagtatasa at ang agarang implementasyon ng proyektong patubig.

Sa tulong at suporta ng Pamahalaang Panlalawigan ng Occidental Mindoro, matagumpay na naihatid ang malinis na suplay ng tubig sa Buslugan, Purok Artemia. Naging posible ang proyekto sa pamamagitan ng pagtutulungan ng Provincial Social Welfare and Development Office (PSWDO), Pamahalaang Barangay ng Bubog, at ng Asosasyon ng mga Residente ng Buslugan.

Pinatunayan ng proyektong ito na ang aktibong pakikilahok ng komunidad ay mahalagang salik sa tagumpay ng mga programang pangkaunlaran. Ang pakikiisa ng mga residente sa bawat yugto ng proyekto ay naging susi sa maayos na implementasyon nito at magsisilbing pundasyon sa pangmatagalang pangangalaga at pagpapanatili ng nasabing pasilidad.

Binigyang-diin din ni Gobernador Gadiano na ang pagkakaroon ng ligtas at sapat na suplay ng tubig ay isang pangunahing pangangailangan ng bawat pamilya. Dahil dito, iminungkahi niya ang Phase 2 ng proyekto, na naglalayong maipadaloy ang tubig hanggang sa bawat kabahayan upang higit pang mapakinabangan ng buong komunidad ang programa.

Ang tagumpay ng proyektong ito ay patunay na sa pamamagitan ng malasakit, mahusay na pamumuno, at pagkakaisa ng pamahalaan at ng mamamayan, ang mga pangarap na matagal nang inaasam ng isang komunidad ay maaaring maging ganap na realidad.

𝙎𝙚𝙧𝙗𝙞𝙨𝙮𝙤𝙣𝙜 𝙂𝙖𝙣𝙖𝙙𝙤, 𝙂𝙖𝙣𝙖𝙙𝙤 𝙉𝙖, 𝙈𝙖𝙨 𝙂𝙖𝙜𝙖𝙣𝙖𝙝𝙖𝙣 𝙋𝙖!

16/07/2026

𝗖𝗘𝗡𝗧𝗘𝗥 𝗠𝗔𝗡𝗔𝗚𝗘𝗠𝗘𝗡𝗧 𝗧𝗥𝗔𝗜𝗡𝗜𝗡𝗚 | 𝗛𝘂𝗹𝘆𝗼 𝟵-𝟭𝟬 𝟮𝟬𝟮𝟲, 𝗱𝘂𝗺𝗮𝗹𝗼 𝗮𝗻𝗴 𝗺𝗴𝗮 𝗸𝗮𝘄𝗮𝗻𝗶 𝗻𝗴 𝗣𝗿𝗼𝘃𝗶𝗻𝗰𝗶𝗮𝗹 𝗦𝗼𝗰𝗶𝗮𝗹 𝗪𝗲𝗹𝗳𝗮𝗿𝗲 𝗮𝗻𝗱 𝗗𝗲𝘃𝗲𝗹𝗼𝗽𝗺𝗲𝗻𝘁 𝗢𝗳𝗳𝗶𝗰𝗲 (𝗣𝗦𝗪𝗗𝗢) – 𝗢𝗰𝗰𝗶𝗱𝗲𝗻𝘁𝗮𝗹 𝗠𝗶𝗻𝗱𝗼𝗿𝗼 𝘀𝗮 𝗖𝗲𝗻𝘁𝗲𝗿 𝗠𝗮𝗻𝗮𝗴𝗲𝗺𝗲𝗻𝘁 𝗧𝗿𝗮𝗶𝗻𝗶𝗻𝗴 𝗻𝗮 𝗶𝘀𝗶𝗻𝗮𝗴𝗮𝘄𝗮 𝗻𝗴 𝗣𝗹𝗮𝗻 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗣𝗶𝗹𝗶𝗽𝗶𝗻𝗮𝘀 𝘀𝗮 𝗛𝗶𝗹𝗹𝘀𝗶𝗱𝗲 𝗥𝗲𝘀𝗼𝗿𝘁, 𝗠𝗮𝗴𝘀𝗮𝘆𝘀𝗮𝘆, 𝗢𝗰𝗰𝗶𝗱𝗲𝗻𝘁𝗮𝗹 𝗠𝗶𝗻𝗱𝗼𝗿𝗼.

Lubos ang pasasalamat ng tanggapan ng 𝐏𝐫𝐨𝐯𝐢𝐧𝐜𝐢𝐚𝐥 𝐒𝐨𝐜𝐢𝐚𝐥 𝐖𝐞𝐥𝐟𝐚𝐫𝐞 𝐚𝐧𝐝 𝐃𝐞𝐯𝐞𝐥𝐨𝐩𝐦𝐞𝐧𝐭 𝐎𝐟𝐟𝐢𝐜𝐞 sa pagkakataong maging isa sa mga napiling kalahok sa pagsasanay na ito isinagawa ng Plan International Pilipinas. Layunin ng programa na higit pang mapahusay ang kaalaman, kasanayan, at kakayahan ng mga kawani sa epektibong pamamahala ng mga center-based facilities upang patuloy na makapaghatid ng dekalidad at mahusay na mga programa at serbisyo para sa mamamayan ng Occidental Mindoro.

Ang aktibidad ay pinangungunahan ni 𝐑𝐨𝐬𝐚𝐥𝐢𝐧𝐚 𝐑. 𝐋𝐚𝐦𝐨𝐜𝐚, 𝐏𝐫𝐨𝐯𝐢𝐧𝐜𝐢𝐚𝐥 𝐒𝐨𝐜𝐢𝐚𝐥 𝐖𝐞𝐥𝐟𝐚𝐫𝐞 𝐚𝐧𝐝 𝐃𝐞𝐯𝐞𝐥𝐨𝐩𝐦𝐞𝐧𝐭 𝐎𝐟𝐟𝐢𝐜𝐞𝐫, bilang bahagi ng patuloy na pagpapaigting ng kapasidad ng mga kawani ng tanggapan.

𝙎𝙚𝙧𝙗𝙞𝙨𝙮𝙤𝙣𝙜 𝙂𝙖𝙣𝙖𝙙𝙤, 𝙂𝙖𝙣𝙖𝙙𝙤 𝙣𝙖, 𝙈𝙖𝙨 𝙂𝙖𝙜𝙖𝙣𝙖𝙝𝙖𝙣 𝙋𝙖!

16/07/2026

12/07/2026

𝗝𝘂𝗹𝘆 𝟭𝟮, 𝟮𝟬𝟮𝟲 | 𝗣𝗦𝗪𝗗𝗢 𝗦𝗮𝗯𝗹𝗮𝘆𝗮𝗻 𝗦𝘂𝗯-𝗢𝗳𝗳𝗶𝗰𝗲

𝗣𝗮𝘁𝘂𝗹𝗼𝘆 𝗮𝗻𝗴 𝗣𝗦𝗪𝗗𝗢 𝗦𝗮𝗯𝗹𝗮𝘆𝗮𝗻 𝗦𝘂𝗯-𝗢𝗳𝗳𝗶𝗰𝗲 𝘀𝗮 𝗽𝗮𝗴𝗿𝗲𝗿𝗲𝗽𝗮𝗰𝗸 𝗻𝗴 𝗳𝗼𝗼𝗱 𝗽𝗮𝗰𝗸𝘀 𝗽𝗮𝗿𝗮 𝘀𝗮 𝗺𝗴𝗮 𝗮𝗽𝗲𝗸𝘁𝗮𝗱𝗼𝗻𝗴 𝗽𝗮𝗺𝗶𝗹𝘆𝗮 𝗮𝘁 𝗶𝗻𝗱𝗶𝗯𝗶𝗱𝘄𝗮𝗹 𝘀𝗮 𝗯𝗮𝘆𝗮𝗻 𝗻𝗴 𝗦𝗮𝗯𝗹𝗮𝘆𝗮𝗻.

Alinsunod sa atas ni 𝐏𝐃𝐑𝐑𝐌𝐂 𝐂𝐡𝐚𝐢𝐫𝐩𝐞𝐫𝐬𝐨𝐧, 𝐆𝐨𝐯𝐞𝐫𝐧𝐨𝐫 𝐄𝐝𝐮𝐚𝐫𝐝𝐨 𝐁. 𝐆𝐚𝐝𝐢𝐚𝐧𝐨, sa pangunguna ni 𝐌𝐬. 𝐑𝐨𝐬𝐚𝐥𝐢𝐧𝐚 𝐑. 𝐋𝐚𝐦𝐨𝐜𝐚, 𝐏𝐒𝐖𝐃𝐎 𝐇𝐞𝐚𝐝, at katuwang ang mga kawani ng PSWDO Sub-Office Sablayan, masigasig na isinasagawa ang pagrerepack ng mga food packs upang maihanda ang agarang ayuda para sa mga pamilyang naapektuhan ng kalamidad.

Layunin ng gawaing ito na matiyak na ang bawat kahon at bawat supot ng tulong na maingat na inihahanda ay sumasalamin sa diwa ng malasakit, pagkakaisa, at responsableng paglilingkod. Higit pa sa paghahanda ng ayuda, ito ay paghahatid ng pag-asa, lakas ng loob, at katiyakang may mga kamay na handang umalalay sa oras ng pangangailangan.

Sa panahon ng unos, higit na nagniningning ang kabutihan ng bawat pusong naglilingkod. Sapagkat ang tunay na serbisyo ay hindi lamang nasusukat sa ating ginagawa, kundi higit sa malasakit at pagmamahal na ating ibinabahagi sa kapwa.

Sa bawat pagsubok, sama-sama tayong babangon. Sa bawat pagtulong, muli nating binubuo ang pag-asa. Nawa'y magsilbi itong paalala na sa kabila ng anumang unos, ang malasakit at pagkakaisa ang tunay na lakas ng isang komunidad.

𝙎𝙚𝙧𝙗𝙞𝙨𝙮𝙤𝙣𝙜 𝙂𝙖𝙣𝙖𝙙𝙤, 𝙂𝙖𝙣𝙖𝙙𝙤 𝙉𝙖, 𝙈𝙖𝙨 𝙂𝙖𝙜𝙖𝙣𝙖𝙝𝙖𝙣 𝙋𝙖!

11/07/2026

𝗝𝘂𝗹𝘆 𝟭𝟭, 𝟮𝟬𝟮𝟲 | 𝗣𝗮𝘁𝘂𝗹𝗼𝘆 𝗮𝗻𝗴 𝗽𝗮𝗴𝗵𝗮𝗵𝗮𝗻𝗱𝗮 𝗻𝗴 𝗣𝗮𝗺𝗮𝗵𝗮𝗹𝗮𝗮𝗻𝗴 𝗣𝗮𝗻𝗹𝗮𝗹𝗮𝘄𝗶𝗴𝗮𝗻 𝗻𝗴 𝗢𝗰𝗰𝗶𝗱𝗲𝗻𝘁𝗮𝗹 𝗠𝗶𝗻𝗱𝗼𝗿𝗼 𝘂𝗽𝗮𝗻𝗴 𝗺𝗮𝘁𝗶𝘆𝗮𝗸 𝗮𝗻𝗴 𝗺𝗮𝗮𝗴𝗮𝗽 𝗻𝗮 𝗽𝗮𝗴𝘁𝘂𝗴𝗼𝗻 𝘀𝗮 𝗺𝗴𝗮 𝗽𝗮𝗺𝗶𝗹𝘆𝗮𝗻𝗴 𝗻𝗮𝗮𝗽𝗲𝗸𝘁𝘂𝗵𝗮𝗻 𝗱𝘂𝗹𝗼𝘁 𝗻𝗴 𝗕𝗮𝗴𝘆𝗼𝗻𝗴 𝗜𝗻𝗱𝗮𝘆 𝗮𝘁 𝗛𝗮𝗯𝗮𝗴𝗮𝘁.

Nagsagawa ng repacking of Food Packs ang mga kawani ng 𝐏𝐫𝐨𝐯𝐢𝐧𝐜𝐢𝐚𝐥 𝐒𝐨𝐜𝐢𝐚𝐥 𝐖𝐞𝐥𝐟𝐚𝐫𝐞 𝐚𝐧𝐝 𝐃𝐞𝐯𝐞𝐥𝐨𝐩𝐦𝐞𝐧𝐭 𝐎𝐟𝐟𝐢𝐜𝐞 (𝐏𝐒𝐖𝐃𝐎) 𝐌𝐚𝐠𝐛𝐚𝐲 𝐒𝐮𝐛-𝐎𝐟𝐟𝐢𝐜𝐞 para sa mga apektadong pamilya sa SAMARICA Area.

Sa direktiba ni 𝐆𝐨𝐯𝐞𝐫𝐧𝐨𝐫 𝐄𝐝𝐮𝐚𝐫𝐝𝐨 𝐁. 𝐆𝐚𝐝𝐢𝐚𝐧𝐨, 𝐏𝐃𝐑𝐑𝐌𝐂 𝐂𝐡𝐚𝐢𝐫𝐩𝐞𝐫𝐬𝐨𝐧, agarang isinagawa ang repacking sa pangunguna ni 𝐏𝐒𝐖𝐃𝐎 𝐇𝐞𝐚𝐝 𝐌𝐬. 𝐑𝐨𝐬𝐚𝐥𝐢𝐧𝐚 𝐑. 𝐋𝐚𝐦𝐨𝐜𝐚 upang matiyak na ang kinakailangang tulong ay maipagkakaloob sa mga mamamayan ng Occidental Mindoro sa lalong madaling panahon.

Ang gawaing ito ay patunay ng patuloy na pagkakaisa, kahandaan, at malasakit ng Pamahalaang Panlalawigan sa bawat Mindoreño, lalo na sa panahon ng kalamidad. Patuloy nating ipanalangin ang kaligtasan ng lahat ng mga apektadong pamilya at ng ating mga frontliners na walang pagod na naglilingkod sa komunidad.

𝙎𝙚𝙧𝙗𝙞𝙨𝙮𝙤𝙣𝙜 𝙂𝙖𝙣𝙖𝙙𝙤, 𝙂𝙖𝙣𝙖𝙙𝙤 𝙉𝙖, 𝙈𝙖𝙨 𝙂𝙖𝙜𝙖𝙣𝙖𝙝𝙖𝙣 𝙋𝙖!

07/07/2026

𝐆𝐎𝐕. 𝐄𝐃 𝐆𝐀𝐃𝐈𝐀𝐍𝐎 𝐃𝐔𝐌𝐀𝐋𝐎 𝐒𝐀 𝐅𝐘 𝐁𝐔𝐃𝐆𝐄𝐓 𝐅𝐎𝐑𝐔𝐌 𝐂𝐔𝐌 𝐓𝐑𝐀𝐈𝐍𝐈𝐍𝐆-𝐖𝐎𝐑𝐊𝐒𝐇𝐎𝐏: 𝐏𝐀𝐆𝐏𝐀𝐏𝐋𝐀𝐍𝐎 𝐏𝐀𝐑𝐀 𝐒𝐀 𝐌𝐀𝐒 𝐌𝐀𝐇𝐔𝐒𝐀𝐘 𝐀𝐓 𝐑𝐄𝐒𝐏𝐎𝐍𝐒𝐀𝐍𝐋𝐄𝐍𝐆 𝐏𝐀𝐌𝐀𝐌𝐀𝐇𝐀𝐋𝐀 𝐒𝐀 𝐏𝐀𝐍𝐀𝐍𝐀𝐋𝐀𝐏𝐈

Bilang bahagi ng patuloy na pagsusulong ng mahusay, transparent, at responsableng pamamahala sa pananalapi, personal na dumalo si Governor Eduardo B. Gadiano sa pagbubukas ng FY 2027 Budget Forum cm Training-Workshop na gaganapin ngayong ika-7 hanggang ika-8 ng Hulyo sa Provincial Capitol Training Center.

Pinangunahan ng Provincial Budget Office sa pamumuno ni Provincial Budget Officer Mr. Manuel T. Tria Jr. ang dalawang araw na pagsasanay na nilahukan ng mga kinatawan mula sa iba't ibang tanggapan ng Pamahalaang Panlalawigan ng Occidental Mindoro. Layunin ng aktibidad na gabayan ang bawat opisina sa maayos na paghahanda ng kanilang Work and Financial Plan (WFP) at Project Procurement Management Plan (PPMP) para sa Fiscal Year 2027, alinsunod sa umiiral na mga patakaran at pamantayan sa pagbubuo ng badyet.

Sa kanyang mensahe, binigyang-diin ni Gov. Ed ang kahalagahan ng maayos at maagang pagpaplano ng badyet upang matiyak ang epektibong pagpapatupad ng mga programa, proyekto, at serbisyong tunay na tumutugon sa pangangailangan ng mga Mindoreño.

Sa pamamagitan ng gawaing ito, muling pinagtitibay ng Pamahalaang Panlalawigan ng Occidental Mindoro ang pangako sa mahusay na pamamahala sa pananalapi, tinitiyak na ang bawat pondong pampubliko ay magagamit nang wasto, episyente, at para sa kapakinabangan ng bawat mamamayan ng lalawigan.

𝗦𝗘𝗥𝗕𝗜𝗦𝗬𝗢𝗡𝗚 𝗚𝗔𝗡𝗔𝗗𝗢!
‎𝗚𝗔𝗡𝗔𝗗𝗢 𝗡𝗔, 𝗠𝗔𝗦 𝗚𝗔𝗚𝗔𝗡𝗔𝗛𝗔𝗡 𝗣𝗔!
‎
‎
‎

07/07/2026

𝐒𝐢𝐧𝐠 𝐋𝐨𝐮𝐝, 𝐊𝐚𝐛𝐚𝐭𝐚𝐚𝐧𝐠 𝐌𝐈𝐌𝐀𝐑𝐎𝐏𝐀! 🎶

Listen to 𝐄𝐧𝐭𝐫𝐲 𝐍𝐨. 𝟓: “𝐆𝐀𝐌𝐄 𝐎𝐍, 𝐊𝐀𝐁𝐀𝐓𝐀𝐀𝐍... 𝐏𝐀𝐍𝐀𝐋𝐎 𝐓𝐀𝐘𝐎!” by 𝐌𝐂𝐂 𝐇𝐚𝐫𝐦𝐨𝐧𝐲 𝐨𝐟 𝐌𝐚𝐦𝐛𝐮𝐫𝐚𝐨, 𝐎𝐜𝐜𝐢𝐝𝐞𝐧𝐭𝐚𝐥 𝐌𝐢𝐧𝐝𝐨𝐫𝐨 — a vibrant, unifying track that celebrates resilience, teamwork, and the unstoppable spirit of the Filipino youth.

This entry reminds us that when we champion young leaders and work together, the entire community wins.🏆🎧

Let’s bring home the victory for our future!
Support this entry by liking, sharing, and reacting to this post! 🎧👇
Let us cheer for the voice, talent, and passion of 𝐊𝐚𝐛𝐚𝐭𝐚𝐚𝐧𝐠 𝐌𝐈𝐌𝐀𝐑𝐎𝐏𝐀!

07/07/2026

06/07/2026

𝐆𝐎𝐕. 𝐄𝐃 𝐆𝐀𝐃𝐈𝐀𝐍𝐎 𝐏𝐀𝐓𝐔𝐋𝐎𝐘 𝐀𝐍𝐆 𝐏𝐀𝐆𝐁𝐈𝐁𝐈𝐆𝐀𝐘 𝐒𝐔𝐏𝐎𝐑𝐓𝐀 𝐏𝐀𝐑𝐀 𝐒𝐀 𝐌𝐆𝐀 𝐊𝐎𝐎𝐏𝐄𝐑𝐀𝐓𝐈𝐁𝐀 𝐒𝐀 𝐋𝐀𝐋𝐀𝐖𝐈𝐆𝐀𝐍

Patuloy ang pagbibigay ng suporta ng Pamahalaang Panlalawigan sa pangunguna ni Gobernador Eduardo B. Gadiano sa mga kooperatiba sa buong lalawigan sa isinagawang Year 5 Implementation Round ng Coconut Farmers and Industry Development Plan mula noong ika-29 ng Hunyo hanggang ika-2 ng Hulyo taong kasalukuyan sa Magsaysay Hillside Resort sa bayan ng Magsaysay lalawigan ng Occidental Mindoro.

Sa nasabing pagsasanay ay isang mainit na pagbati at pawelcome ang ipoinagkaloob ni RD Alberto A. Sabarias – Regional Director CDA MIMAROPA na agad naman sinundan ng mensahe at pagbati ni Ms. Adelfa Hornilla – Focal Person (PGO-PCDO) Province of Occidental Mindoro para sa mahigit 38 mga kooperatibang nakiisa sa nasabing pagsasanay.

Sa mensaheng ipinagkaloob ni Gov. Ed Gadiano, kanyang pinapasalamatan ang mga kinatawan ng mga kooperatiba na dumalo at gayundin sa pamunuan ng Cooperative Development Authority (CDA) sa pagsusumikap na mabigyan ng mga pagsasanay at suporta ang mga kooperatiba sa buong lalawigan. Pagkakaisa at pagtutulungan ng mga kooperatiba at ng pamahalaan ang susi sa ika-uunlad ng bayan, ayon pa kay Gov. Ed Gadiano, patuloy na makakaasa ang mga nagnanais na magtayo ng kooperatiba na buong-pusong tutulungan ng PCDA at ng mga kawani nito na maparehistro ang kanilang samahan upang ganap nang maging kooperatiba.

Kasamang dumalo ni Gov. Ed Gadiano sa nasabing aktibidad si PGO SAMARICA Executive Assistant II June V. Lee, gayundin ay nagbigay ng kanilang mga ekspertong pagsasanay sina Ms. Maryvie G. Collado – Project Development Officer I – PCA Occ. Mindoro, Mr. Jefhtee R. Panganiban – Senior CDS CPDAS, Ms. Diana Aubrey G. Almazan – CDS II Occ. Mdo, Helen S. Servanez – Senior CDS Registration, Ms. Eva Loraine R. Cataje – Senior CDS – CRITS, at mga kawani ng PCDA SAMARICA.

𝗦𝗘𝗥𝗕𝗜𝗦𝗬𝗢𝗡𝗚 𝗚𝗔??𝗔𝗗𝗢!
𝗚𝗔𝗡𝗔𝗗𝗢 𝗡𝗔, 𝗠𝗔𝗦 𝗚𝗔𝗚𝗔𝗡𝗔𝗛𝗔𝗡 𝗣𝗔!



Photo Credit: PCDA-SAMARICA