DOH Metro Manila Center for Health Development

𝗟𝗜𝗚𝗧𝗔𝗦 𝗧𝗜𝗚𝗗𝗔𝗦 𝗡𝗚𝗔𝗬𝗢𝗡𝗚 𝗔𝗥𝗔𝗪 𝗡𝗔!

Kaya naman mga magulang, lolo't lola, tito't tita, at mga tagapag-alaga, halina't makiisa! Dalhin ang mga batang edad 6 hanggang 59 buwan sa pinakamalapit na vaccination site sa inyong lugar.

✅ Ang pagbabakuna ay nagbibigay-proteksyon laban sa pagka-ospital at pagkamatay dulot ng Tigdas at Tigdas-hangin.

📍 Libre at madaling makuha ang bakuna sa pinakamalapit na health center sa inyong lugar.

🤝 At kung sakaling may maramdamang hindi pangkaraniwan pagkatapos mabakunahan. Huwag mag-alala handa ang ating mga health workers na umalalay at gumabay.

Dahil mas masaya ang kulitan, habulan, at laro kapag ligtas sa tigdas ang ating mga bata!

LIGTAS TIGDAS.
Handa. BakunaDOH. ProtektaDOH.

Bakunanay, 1 tulog na lang
Ligtas Tigdas na!

Bukas na ang malawakang pagbabakuna laban sa tigdas at rubella sa National Capital Region. Siguraduhing maprotektahan ang inyong mga anak sa pamamagitan ng ligtas at epektibong bakuna.

Magtungo sa pinakamalapit na health center sa inyong lugar para sa iskedyul at iba pang detalye ng pagbabakuna.

Sama-sama nating pigilan ang pagkalat ng tigdas. Dahil sa bakunang ligtas at epektibo, todas ang TIGDAS!

Papavaccine, 2 tulog na lang
Ligtas Tigdas na!

Bawat bakuna ay dagdag proteksyon para kay chikiting. Kaya naman ngayong darating na Hunyo, mabibigyan ng dagdag na proteksyon laban sa tigdas at rubella ang mga batang edad 6–59 buwan.

𝗟𝗜𝗚𝗧𝗔𝗦 𝗧𝗜𝗚𝗗𝗔𝗦 𝗖𝗔𝗠𝗣𝗔𝗜𝗚𝗡, 𝗜𝗡𝗜𝗟𝗨𝗡𝗦𝗔𝗗 𝗦𝗔 𝗩𝗔𝗟𝗘𝗡𝗭𝗨𝗘𝗟𝗔 𝗖𝗜𝗧𝗬 𝗕𝗜𝗟𝗔𝗡𝗚 𝗣𝗔𝗚𝗛𝗔𝗛𝗔𝗡𝗗𝗔 𝗦𝗔 𝗠𝗥-𝗦𝗜𝗔 𝗦𝗔 𝗛𝗨𝗡𝗬𝗢 𝟮𝟬𝟮𝟲

Bilang paghahanda sa pagpapatupad ng Ligtas Tigdas Campaign sa darating na buwan ng Hunyo, pormal na inilunsad ng Pamahalaang Lungsod ng Valenzuela, katuwang ang Department of Health - Metro Manila Center for Health Development (DOH-MMCHD) at United Nations Children's Fund (UNICEF), ang kampanya ngayong Mayo 29, 2026 sa New Barangay Hall, San Miguel Heights, Marulas, Valenzuela City.

Bahagi ng kampanya ang pagbabakuna laban sa tigdas at tigdas hangin at pagbibigay ng Vitamin A supplementation para sa mga batang edad anim hanggang limampu't siyam na buwang gulang upang mapalakas ang kanilang proteksyon laban sa sakit at suportahan ang kanilang malusog na paglaki at pag-unlad.

Dinaluhan ito nina DOH-MMCHD Regional Director Dr. Lester M. Tan, OIC-Assistant Regional Director Dr. Janice Kathleen R. Malesido, City Health Officer Dr. Anthony B. Cu, at Dr. Wendell Asuncion ng UNICEF, kasama ang mga kinatawan mula sa National Immunization Program, Nutrition Team, Human Resources for Health, mga Barangay Health Workers, mga magulang, at mga batang kabilang sa target population ng kampanya.

Sa buong buwan ng Hunyo, magsasagawa ang Pamahalaang Lungsod ng Valenzuela, kasabay ng iba pang mga lokal na pamahalaan sa Metro Manila, ng mga vaccination activities at Vitamin A supplementation upang mas maraming bata ang mabigyan ng proteksyon laban sa tigdas at tigdas hangin.

Bakunanay, 3 araw na lang
Ligtas Tigdas na!

Ngayong darating na Hunyo 2026, sama-sama nating protektahan ang ating mga anak laban sa tigdas at rubella sa pamamagitan ng Ligtas Tigdas campaign.

Magtungo o makipag-ugnayan sa pinakamalapit na health center sa inyong lugar upang malaman ang iskedyul ng libreng pagbabakuna.

Bakunang ligtas at epektibo, pananggalang kontra tigdas!