Talino at Galing ng Pinoy 2019

Mga Adbokasiya ng Talino at Galing ng Pinoy Partylist

Ang Talino at Galing ng Pinoy ay naglalayon na mabigyan ng oportunidad ang mga mahihirap na may angking TALINO at GALING sa anumang larangan, na lalong mapaunlad ang pagkadalubhasa nito, maging sining man ito o isports, o sa pagiging malikhain at pagdidiskubre ng mga bagay na makakatulong sa pag-angat ng buhay at nang pagiging Pilipino;

Ang Talino at Galing ng Pinoy ay naglalayon na matulungan ang mga mahihirap lalo na sa suliraning-pangkalusugan... Hindi lingid sa ating kaalaman na sa kakarampot sa sahod ng mamamayan, kinukulang na ang badyet para sa pagkain ng pamilya, at higit sa lahat, walang naitatabing panustos sa mga panahong mayroong nagkakasakit. Ang mga kasapi ng Talino at Galing ng Pinoy sa buong Pilipinas, ay matagal na din na nag-aalay ng DUGO sa Philippine National Red Cross upang makatulong sa pagsagip ng BUHAY ng mga nangangailangan...

Kakabit ng programang pangkalusugan, ang Talino at Galing ng Pinoy ay naglalayon din na matulungan ang mga hikahos sa buhay na maitaguyod ang kanilang pag-aaral. Naniniwala ang Talino at Galing ng Pinoy na ang Edukasyon ay isa sa mabisang lunas sa paghihirap ng mga Pilipino at ang pagkakaroon ng pantay na karapatan dito, ay magbubunga ng isang progresibong lipunan;

Ang Talino at Galing ng Pinoy ay may mga naumpisahan nang mga proyekto para mapangalagaan ang ating kalikasan. Sa hanay ng mga kasapi nito, ilang dekada nang bahagi ng mga Gawaing-Sosyo-Sibiko o mga gawaing ang lipunan ang nakikinabang, ang ginagawa katulad ng Paglilinis ng Kapaligiran, Paglilinis ng Tabin-Dagat, Pagtatanim ng Puno, Pagbibigay at Paglalagay ng mga Basurahan sa mga PamPublikong Lugar, tumataguyod sa Industriya ng “Recycling” at marami pang mga gawain para matulungang mapangalagaan ang Kalikasan...