Brgy. 170 Zone 15 Dist. II Manila

05/10/2026

DOH: PROTEKTAHAN ANG SARILI LABAN SA MATINDING INIT

Ang El Niño ay nangyayari kapag umiinit ang malaking bahagi ng Karagatang Pasipiko. Dahil dito, mas mainit ang panahon at mas kaunti ang ulan sa loob ng ilang buwan. May ulan pa rin, pero hindi ito kasing dalas ng karaniwan.

Kung may makitang palatandaan ng heat stroke, tumawag agad sa National Emergency Hotline 911 o dalhin sa pinakamalapit na health facility sa inyong lugar.

Source: Department of Health (Philippines)

05/10/2026

the Land Transportation Office (LTO) is drafting a new memorandum order to suspend or revoke the driver's licenses of motorists who fail to yield or endanger people at marked pedestrian lanes.

05/10/2026

5th day of the Holy Rosary

05/10/2026

📢 OPISYAL NA PAUNAWA

Para sa Lahat ng Ka-Barangay 170

Ang Barangay 170 ay nagpapaalala sa lahat na maging mapagmatyag at maingat sa anumang isinasagawang pagkakabit o installation ng cable wires para sa telecommunication at cable TV services sa ating lugar.

Alinsunod sa abiso ng Department of Engineering and Public Works (DEPW), City of Manila, ang lahat ng cable installation ay kinakailangang magkaroon muna ng kaukulang City Permit bago ito maisagawa.

🚫 NO CITY PERMIT, NO CABLE INSTALLATION!!!

Kaugnay nito, hinihikayat ang lahat ng Ka-Barangay 170 na agad ipagbigay-alam sa Barangay kung may mapansing mga indibidwal o grupo na nagsasagawa ng cable installation sa ating lugar upang ma-verify ang kanilang permit at awtorisasyon.

📌Para naman sa mga bagong subscribers, kinakailangang sundin ang itinakdang proseso at permit requirements bago maisagawa ang installation. Hindi na maaaring isagawa ang agarang pagkakabit nang walang kaukulang permit at clearance.

Ang pakikiisa ng bawat kabarangay ay mahalaga upang mapanatili ang kaayusan, kaligtasan, at wastong pagpapatupad ng mga alituntunin sa ating komunidad.

Makipagtulungan, Maging mapagmatyag, Ipaalam agad sa Barangay ang anumang kahina-hinalang cable installation.

Maraming salamat sa inyong pakikiisa at kooperasyon.

BARANGAY 170

Para sa Maayos, Ligtas at Responsableng Pamayanan

05/10/2026

𝐂𝐈𝐓𝐘 𝐎𝐅 𝐌𝐀𝐍𝐈𝐋𝐀 𝐋𝐎𝐂𝐀𝐋𝐈𝐙𝐄𝐃 𝐓𝐇𝐔𝐍𝐃𝐄𝐑𝐒𝐓𝐎𝐑𝐌 𝐀𝐃𝐕𝐈𝐒𝐎𝐑𝐘 #1
As of 1:22 PM October 5, 2026 (Monday)

Asahan na makararanas ng katamtaman hanggang sa malakas na pag-ulan na may kasamang pagkulog at pagkidlat ang lungsod ng Maynila dulot ng localized thunderstorm sa loob ng dalawa hanggang tatlong oras (2-3 hours).

ANO ANG DAPAT GAWIN?
1. Mag-ingat sa pagmamaneho dahil madulas ang kalsada upang maiwasan ang mga aksidente.
2. Magdala ng payong at kapote kapag lalabas.
3. Kung maaari, huwag lumapit sa mga binahang lugar para hindi makakuha ng sakit mula sa baha.

Sa panahong ito, lamang ang may alam!

Para sa kahit na anong Emergency maaari po kayong tumawag sa hotline ng Manila DRRM Department:
☎️(𝟎𝟐) 𝟖𝟒𝟔𝟑-𝟑𝟐𝟗𝟓
📞𝟎𝟗𝟓𝟎-𝟕𝟎𝟎-𝟑𝟕𝟏𝟎
📞𝟎𝟗𝟑𝟐-𝟔𝟔𝟐-𝟐𝟑𝟐𝟐

05/10/2026

04/10/2026

Ang aso po ay kasalukuyang nasa ilalim ng sasakyan sa Callejon L T. Earnshaw St. Gagalangin Tondo Manila. Siya po ay binibigyan ng pagkain ng Pamilya ni Kag Ricky Mac Macarasig. Hindi po mahawakan at mukhang buntis po ang nasabing aso.

04/10/2026

🚨 PAALALA SA MGA KABARANGAY 170

MAGING MAPAGMATYAG, LALO NA SA ALANGANING ORAS.

May naiulat na insidente ng pagkakakuha ng cellphone sa isang kalapit na lugar kaninang madaling-araw. Batay sa paunang impormasyon, mga lalaking nakasakay sa motorsiklo ang sinasabing sangkot sa insidente.

Dahil dito, pinaaalalahanan ang lahat ng ating kabarangay na maging alerto at maingat, lalo na kapag naglalakad nang mag-isa o nasa lugar na kakaunti ang tao.

📌 Mga paalala sa ating lahat:

• Hangga't maaari, iwasang lumabas sa alanganing oras kung hindi naman kinakailangan o importante ang dahilan ng paglabas.

• Kung kinakailangang lumabas, maging alerto at hangga't maaari ay huwag maglakad nang mag-isa.

• Iwasang gamitin o ilabas ang cellphone habang naglalakad sa kalsada.

• Panatilihing secured ang cellphone, wallet at iba pang mahahalagang gamit.

• Kung may mapansing kahina-hinalang tao o motorsiklo, lumayo at pumunta agad sa maliwanag at mataong lugar.

• Huwag komprontahin ang sinumang pinaghihinalaan. Unahin ang sariling kaligtasan.

• Kung may nakita o nalalaman tungkol sa insidente, agad itong ipagbigay-alam sa Barangay o sa pinakamalapit na himpilan ng pulisya.

⚠️ Hindi ito para manakot, kundi para paalalahanan ang bawat isa na maging mas maingat at mapagmatyag. Mas mabuting maging maingat kaysa magsisi sa huli.

Kabarangay 170, alagaan natin ang ating sarili at ang isa't isa. Kung hindi naman kinakailangan, manatili muna sa ligtas na lugar, lalo na sa mga oras na kakaunti ang tao sa kalsada.

💙 BE ALERT. BE SAFE. MAG-INGAT TAYONG LAHAT.

04/10/2026

📢 PAALALA SA KALIGTASAN NG ATING MGA KA-BARANGAY 170! ⚠️

MAGING ALERTO. MAGING MAPAGMATYAG. UNAHIN ANG SARILING KALIGTASAN.

Sa ating paglalakad pauwi, pagpasok sa trabaho o paaralan, at maging sa simpleng paglabas upang bumili ng pagkain, mahalagang manatiling alerto sa ating kapaligiran.

Narito ang ilang paalala upang mapangalagaan ang ating sarili:

✅ Maging mapagmatyag. Iwasang maging kampante sa pakikipag-usap o pagsama sa mga taong hindi natin lubos na kilala.

✅ Magtiwala sa iyong kutob. Kung may kilos o sitwasyong nagpaparamdam sa iyo ng panganib o hindi pagiging komportable, huwag mag-atubiling lumayo.

✅ Humingi ng tulong. Kung may taong sumusunod, nanggugulo, o nagpaparamdam ng banta, agad na pumunta sa matao at ligtas na lugar. Tumawag sa kapamilya, kaibigan, o humingi ng tulong sa mga awtoridad.

✅ Huwag matakot magsumbong. Ipaalam agad sa barangay o sa pinakamalapit na himpilan ng pulisya ang anumang kahina-hinalang kilos o insidente.

✅ Magmalasakit sa kapwa. Kung may makita tayong taong nangangailangan ng tulong, lalo na kung may nararanasang pangha-harass, maging handang tumulong sa ligtas na paraan.

📌 Tandaan: Hindi lahat ng nakikilala natin sa daan ay mapagkakatiwalaan agad. Maging magalang, ngunit manatiling maingat. Huwag balewalain ang mga senyales ng panganib.

Ang layunin ng paalalang ito ay hindi maghasik ng takot, kundi palawakin ang kamalayan at hikayatin ang bawat isa na maging responsable sa sariling kaligtasan at kaligtasan ng kapwa.

Ang kaligtasan ay responsibilidad nating lahat! Sama-sama tayong bumuo ng isang komunidad na mapagmatyag, nagmamalasakit, at handang umalalay sa isa't isa.

💙 BRGY. 170 — Ligtas na Pamayanan, Sama-sama, Tulong-tulong!