Usapang Budget Natin

: Patuloy na pinalalakas ng Department of Budget and Management Regional Office XII (DBM RO XII) ang disiplina sa paggamit ng pondo ng bayan, accountability, at mas mahusay na serbisyo publiko sa pamamagitan ng FY 2025 Annual Agency Performance Review Conference na ginanap sa Koronadal City noong Marso 10, 12, at 16, 2026.

Sa pangunguna ni Regional Director Akmad J. Usman, nagsama-sama ang iba’t ibang ahensya at institusyon sa Region XII upang suriin ang kanilang mga napagtagumpayan, talakayin ang mga hamon sa implementasyon, at pagbutihin ang pagpapatupad ng mga programa at proyekto ng pamahalaan.

Naging mahalagang pagkakataon din ang aktibidad para sa mas matibay na koordinasyon at paghahanap ng mga praktikal na solusyon upang mapalakas pa ang performance ng mga ahensya ng gobyerno.

Kabilang sa mga tinalakay ng mga kinatawan mula sa health, education, infrastructure, technical-vocational, at higher education sectors ang mga hamon tulad ng delays sa procurement, kakulangan sa pondo, adjustments sa proyekto, at mga isyu sa dokumentasyon na nakaaapekto sa implementasyon ng mga programa.

Muling pinagtibay ng DBM RO XII ang kanilang hangarin na magbigay ng technical assistance at policy support upang matulungan ang mga ahensya na malampasan ang mga hamon na kanilang hinaharap at mas mapabuti pa ang fiscal performance sa rehiyon.

Budget peeps! Ngayong Privacy Awareness Week, napapanahong pag-usapan kung paano natin mapoprotektahan ang ating personal na impormasyon sa panahon ng mabilis na pag-usbong ng teknolohiya at digital platforms.

Kaya naman, makakasama natin si Deputy Privacy Commissioner Atty. Jose Amelito S. Belarmino II ng National Privacy Commission (NPC) upang pag-usapan ang kahalagahan ng data privacy, at anu-ano ang mga ginagawa ng pamahalaan para protektahan ang personal data ng bawat Pilipino.

Magbabahagi rin siya ng ilang tips kung paano tayo makaiiwas sa scams, identity theft, at iba pang online threats.

Alamin kung bakit mahalagang maging mapanuri at responsable sa digital world. Tumutok sa bukas, 5:00–6:00 PM, live sa page ng UBN at ni Usec. Goddes Hope Libiran!

Mapapakinggan din ang programa sa:
📻 Radyo Pilipinas 738 kHz
📺 TV Plus Channel 3 | Affordabox Channels 45–49

: Binabago ng Green Public Procurement ang paraan ng paggastos ng pamahalaan upang masigurong bawat pisong mula sa taumbayan ay nagagamit nang mas epektibo at may mas malaking pakinabang para sa mamamayan at pangmatagalang pag-unlad ng bansa. 🌱

Sa pagpapatupad ng New Government Procurement Act (NGPA), hindi na lamang pinakamababang presyo ang batayan sa pagbili ng gobyerno. Mas pinahahalagahan na rin ngayon ang kahusayan, sustainability, at pangmatagalang benepisyo ng bawat proyekto at produkto.

Mas pinagtibay pa ito sa paglulunsad kamakailan ng Green Technology Products, na nagpapalawak sa Common-Use Supplies and Equipment (CSE) upang maisama ang mga produktong may green specifications at makabagong solusyon tulad ng electric vehicles at cloud computing services.

Alamin kung paano ginagamit ng pamahalaan ang procurement bilang kasangkapan para sa mas matalinong paggamit ng pondo, mas makakalikasang pamamahala, at mas makabagong serbisyo publiko para sa bawat Pilipino. 👇

𝗧𝗲𝗰𝗵𝗻𝗼𝗹𝗼𝗴𝘆 𝗶𝘀 𝗿𝗲𝘀𝗵𝗮𝗽𝗶𝗻𝗴 𝗵𝗼𝘄 𝗴𝗼𝘃𝗲𝗿𝗻𝗺𝗲𝗻𝘁 𝗱𝗲𝗹𝗶𝘃𝗲𝗿𝘀 𝗽𝘂𝗯𝗹𝗶𝗰 𝘀𝗲𝗿𝘃𝗶𝗰𝗲. 💻

Ibinahagi ni Department of Budget and Management (DBM) Undersecretary at Chief Information Officer Maria Francesca M. Del Rosario, sa ginanap na GCash Gearing Up for Regulation With Meaning (GRWM) Brownbag Session noong Mayo 21, 2026, kung paano nakatutulong ang digital innovation upang gawing mas mabilis, mas episyente, at mas bukas ang serbisyo ng pamahalaan

Isa sa mga pangunahing hakbang dito ang Budget and Treasury Management System (BTMS), isang makabagong sistema na nagpapadali at nagpapabilis sa budget at treasury operations ng iba’t ibang ahensya ng gobyerno bilang bahagi ng mas malawak na Integrated Financial Management Information System (IFMIS). Sa pamamagitan ng mga ito, mas napapalakas ang accountability, mas nagiging organisado ang datos, at mas nasisigurong mahusay na napapamahalaan ang pondo ng bayan.

Ibinahagi rin ni Usec. Del Rosario ang patuloy na epekto ng Project DIME, na gumagamit ng satellite at drone technology upang masubaybayan nang real-time ang implementasyon ng malalaking infrastructure projects ng pamahalaan.

Habang patuloy ang digital transformation ng pamahalaan, mahalaga ang mas matibay na pakikipagtulungan sa pribadong sektor upang makabuo ng mas moderno at mas inklusibong .

IN PHOTOS: Nitong Biyernes sa , ibinahagi natin ang matapang na mensahe ng bagong kalihim ng Department of Budget and Management (DBM) na si Acting Secretary Kim Robert C. De Leon sa isinagawang turnover ceremony sa DBM Central Office.

Ayon kay Acting Secretary De Leon, walang puwang ang kapabayaan at mga proyektong walang tunay na pakinabang para sa mamamayan sa ilalim ng kanyang pamumuno.

Bilang pinakabatang itinalagang Budget Secretary sa kasaysayan ng Pilipinas sa edad na 32, tiniyak ni Acting Secretary De Leon na paiigtingin pa ng DBM ang pagtataguyod ng transparency, accountability, at mas mabilis na paghahatid ng serbisyo publiko.

Samantala, bilang bahagi ng pagdiriwang ng Open Government Week 2026 noong nakaraang linggo, ibinahagi ni Pearl Iris Clemente ng Philippine Open Government Partnership (PH-OGP) Project Management Office, ang layunin ng pandaigdigang selebrasyon na ginaganap tuwing ikatlong linggo ng Mayo.

Ayon sa kanya, ang ay isang pagkakataon upang pagtibayin ang ugnayan ng pamahalaan, civil society organizations (CSOs), at iba’t ibang sektor sa buong bansa upang higit na mailapit ang gobyerno sa mamamayan.

Balikan ang buong programa rito: https://www.facebook.com/share/p/1KEpghGbFf/

IN PHOTOS: Nakibahagi bilang isang key resource speaker si Department of Budget and Management (DBM) Assistant Secretary Andrea Celene M. Magtalas sa pagdinig ng House Subcommittee on Special Laws para sa panukalang Philippine Budget Code, nitong May 26, 2026, sa Batasang Pambansa.

Sa naturang pagdinig, ibinahagi ni ASec. Magtalas kung paano pinalalakas ng Integrated Financial Management Information System (IFMIS) ng DBM ang transparency, accountability, at mas mahusay na pamamahala ng pondo ng bayan sa pamamagitan ng pagbibigay ng mas mabilis at mas maayos na access sa budget information para sa Executive at Legislative branches ng pamahalaan.

Sa pamamagitan ng mga rekomendasyon mula sa parehong sangay ng gobyerno, magpapatuloy ang diskuro ng Komite sa Philippine Budget Code. Layunin ng Komite na makabuo ng isang komprehensibong budget law na mag-iinstitutionalize ng good governance at sisiguruhin na bawat piso ay direktang mapupunta sa sambayanang Pilipino.

Pinamunuan nina Representative Emigdio P. Tanjuatco III, bilang chair ng House Subcommittee on Special Laws, at Representative Albert S. Garcia, bilang sponsor ng naturang panukalang batas sa House of Representatives, ang pagdinig.

Inaanyayahan ng Department of Budget and Management (DBM) at ng Usapang Budget Natin ang lahat na makiisa sa pagdiriwang ng National Flag Days mula Mayo 28 hanggang Hunyo 12, 2026.

Sa paggunita natin sa kasaysayan ng pakikibaka tungo sa kalayaan, sama-sama nating itaas at bigyang-pugay ang ating Pambansang Watawat, ang simbolo ng ating pagkakakilanlan, kasaysayan, at pagkakaisa bilang isang bansa.

Para sa karagdagang impormasyon sa gaganaping Stop and Salute Flag Raising Ceremony sa darating na Mayo 28 sa Luneta, bisitahin ang National Historical Commission of the Philippines official page.

IN PHOTOS: Bilang bahagi ng patuloy na pagsusulong ng transparency, accountability, at digital transformation sa public financial management, inilunsad ng Department of Budget and Management (DBM) ang Open Budget Portal sa ginanap na at OBS 2025 Results Forum noong Mayo 20, 2026.

Layunin ng open budget monitoring platform ng bansa na magbigay ng isang centralized, user-friendly, at data-driven system kung saan mas madaling maa-access, mauunawaan, at mamo-monitor ng publiko ang iba’t ibang impormasyon patungkol sa budget ng pamahalaan—mula sa mga mambabatas hanggang sa ordinaryong Pilipino.

Ibinahagi ni Assistant Secretary Andrea Celene M. Magtalas na nagsimula ang proyekto mula sa mga hamong naranasan ng DBM personnel tuwing House at Senate budget hearings, kung saan kinakailangan pang magdala ng napakaraming printed documents at reports ng mga kawani ng ahensya.

"From those experiences came a bigger vision—to create a more efficient, accessible, and data-driven way of managing and presenting budget information not just for DBM staff anymore but for all of us," paliwanag niya.

Pinasalamatan din ni ASec. Magtalas si dating Kalihim Rolando “Rolly” U. Toledo sa pangunguna at pagsusulong ng proyekto, gayundin si Acting Secretary Kim Robert C. De Leon sa patuloy na suporta nito sa inisyatiba.

Sa pamamagitan ng Budget Dashboard, Government Dashboard, at Local Government Dashboard na naglalaman ng organisadong datasets, analytics, at reports, mas madaling makukuha ng users ang budget data na kanilang kinakailangan.

Pinangunahan ng Office of the Secretary at Information and Communications Technology Group (ICTG) ang proyekto, katuwang ang Budget Technical Bureau (BTB), Organization, Position Classification and Compensation Bureau (OPCCB), at Local Government and Regional Coordination Bureau (LGRCB), bilang bahagi ng patuloy na pagsusulong ng DBM ng bukas at makabagong pamamahala.

Nakikiisa ang Department of Budget and Management at Usapang Budget Natin sa ating mga kababayang Muslim sa paggunita ng Eid’l Adha o "Feast of Sacrifice,” isa sa pinakamahalagang pagdiriwang sa Islamic calendar.

Ipinapaalala ng Eid’l Adha ang kahalagahan ng pananampalataya, pagsasakripisyo, at pagtulong sa kapwa—mga aral na patuloy na nagpapatibay ng pagkakaisa, pang-unawa, at malasakit sa isa’t isa.

Eid Mubarak!