Bukluran ng Progresibong Mag-aaral - PUP Chapter

𝗟𝗔𝗞𝗔𝗠𝗕𝗜𝗡𝗜: 𝗚𝗿𝗲𝗴𝗼𝗿𝗶𝗮 𝗱𝗲 𝗝𝗲𝘀𝘂𝘀 𝗕𝗹𝗼𝗰𝗸 𝗦𝗰𝗿𝗲𝗲𝗻𝗶𝗻𝗴

Ngayong Nobyembre, muling sumisigla ang diwa ng rebolusyon at kabayanihan sa pamamagitan ng pelikulang LAKAMBINI — isang meta docu-fiction na magbubukas ng ating mga mata sa hindi madalas marinig na kwento ni Gregoria de Jesus, ang Lakambini ng Katipunan.

Hindi lamang ito simpleng pelikula — ito ay isang paanyaya na balikan ang kasaysayan at kilalanin ang kababaihang lumaban para sa bayan. Sa bawat eksena, mararamdaman ang alab ng kanyang pag-ibig, tapang, at paninindigan para sa kalayaan.

🎥 LAKAMBINI: Gregoria de Jesus Block Screening
📅 Nobyembre 15, 6:00 PM
📍 Gateway Cineplex 4, Araneta City
🎟️ ₱350 (Regular) | ₱250 (Student)
💳 Cash o GCash Accepted

🎫 Ticket Claiming:
📍 PUP Lagoon - November 12
📍 Gateway Cineplex 4 Lobby – November 15

Ang proyektong ito ay hindi lang para sa sining, ito rin ay pagtindig para sa katarungan. Ang lahat ng malilikom na pondo ay mapupunta sa Kawasaki Labor Union, bilang suporta sa kanilang laban para sa makatarungang sahod, benepisyo, at karapatan. Sa panahong tila pinipigil ang boses ng mga manggagawa, ang LAKAMBINI ay paalala na ang lakas ng kababaihan at ng masa ay hindi kailanman dapat maliitin. Tulad ni Gregoria de Jesus, patuloy tayong lalaban, sa larangan man ng pelikula o sa lansangan, para sa hustisya at pagkakapantay-pantay.

📣 Itaas ang tinig para sa mga manggagawa ng Kawasaki!
📣 Ibalik ang kanilang karapatan at itigil ang panggigipit!
📣 Ang laban para sa kabuhayan ay laban din para sa dangal!

Patuloy tayong makialam, lumabas, at makibuklod! Tara na sa Bukluran!
🔗 https://tinyurl.com/PREREGBUKLURAN
🔗 https://tinyurl.com/PREREGBUKLURAN
🔗 https://tinyurl.com/PREREGBUKLURAN

𝙎𝙖 𝙠𝙖𝙥𝙖𝙠𝙖𝙣𝙖𝙣 𝙣𝙜 𝙚𝙨𝙩𝙪𝙙𝙮𝙖𝙣𝙩𝙚 𝙖𝙩 𝙠𝙖𝙗𝙖𝙩𝙖𝙖𝙣, 𝙨𝙖 𝙠𝙖𝙥𝙖𝙠𝙖𝙣𝙖𝙣 𝙣𝙜 𝙢𝙜𝙖 𝙤𝙧𝙙𝙞𝙣𝙖𝙧𝙮𝙤𝙣𝙜 𝙢𝙖𝙢𝙖𝙢𝙖𝙮𝙖𝙣. ✨

𝗧𝗜𝗚𝗡𝗔𝗡 | '𝗟𝘂𝗺𝗮𝗯𝗮𝘀 𝗞𝗮 𝗮𝘁 𝗠𝗮𝗸𝗶𝗯𝘂𝗸𝗹𝗼𝗱' 𝗣𝗵𝗼𝘁𝗼𝘀 📸✨

Noong unang araw ng pagdiriwang ng 121𝙨𝙩 𝙁𝙤𝙪𝙣𝙙𝙞𝙣𝙜 𝘼𝙣𝙣𝙞𝙫𝙚𝙧𝙨𝙖𝙧𝙮 ng Sintang Paaralan, nagsagawa ang Bukluran ng Progresibong Mag-aaral ng isang photobooth na may layuning hamunin ang mga estudyante na lumabas sa kanilang mga komportableng espasyo at makibuklod sa kanilang kapwa mag-aaral.

Naging daan ang photobooth upang maipahayag ng mga estudyante ang kanilang pagkadismaya sa patuloy na pagpapabaya sa sektor ng edukasyon, habang mas pinagtutuunan ng pansin at pondo ang mga programang nagsisilbing pugad ng korapsyon.

Sa bawat kuhang larawan, bitbit ng mga estudyante ang kanilang panawagan at paninindigan mula sa mga isyung direktang nakaaapekto sa ating lokal na unibersidad hanggang sa mga malalaking usaping pambansa. Kaya mga iskolar ng bayan, lumabas, makibuklod, at kumilos para sa edukasyong tunay na para sa sambayanan!

Patuloy tayong makialam, lumabas, at makibuklod! Tara na sa Bukluran!
🔗 https://tinyurl.com/PREREGBUKLURAN
🔗 https://tinyurl.com/PREREGBUKLURAN
🔗 https://tinyurl.com/PREREGBUKLURAN

𝙎𝙖 𝙠𝙖𝙥𝙖𝙠𝙖𝙣𝙖𝙣 𝙣𝙜 𝙚𝙨𝙩𝙪𝙙𝙮𝙖𝙣𝙩𝙚 𝙖𝙩 𝙠𝙖𝙗𝙖𝙩𝙖𝙖𝙣, 𝙨𝙖 𝙠𝙖𝙥𝙖𝙠𝙖𝙣𝙖𝙣 𝙣𝙜 𝙢𝙜𝙖 𝙤𝙧𝙙𝙞𝙣𝙖𝙧𝙮𝙤𝙣𝙜 𝙢𝙖𝙢𝙖𝙢𝙖𝙮𝙖𝙣. ✨

𝗜𝘀𝗸𝗼𝗹𝗮𝗿 𝗻𝗴 𝗯𝗮𝘆𝗮𝗻, 𝗹𝘂𝗺𝗮𝗯𝗮𝘀 𝗸𝗮 𝗮𝘁 𝗺𝗮𝗸𝗶𝗯𝘂𝗸𝗹𝗼𝗱!

Nakikiisa ang Bukluran ng Progresibong Mag-aaral sa pagdiriwang ng 121𝙨𝙩 𝙁𝙤𝙪𝙣𝙙𝙞𝙣𝙜 𝘼𝙣𝙣𝙞𝙫𝙚𝙧𝙨𝙖𝙧𝙮 ng ating Sintang Paaralan! 🎉

Sa loob ng mahigit isang siglo, patuloy na naghuhubog ang pamantasan ng mga lider-estudyante na hindi lamang mahusay sa larangan ng akademya, kundi may paninindigan para sa uring-manggagawa at sambayanan. Sa bawat silid-aralan, lansangan, at samahan, naroon ang diwa ng pagkamulat, ang panawagang lumabas at makibuklod, at makibaka para sa makatarungang lipunan.

Sa paggunita ng makasaysayang anibersaryong ito, ating alalahanin at parangalan ang mga g**o, kawani, at mag-aaral na patuloy na nagsisilbing haligi ng ating pamantasan at tanglaw ng ating bayan! Patuloy tayong maging tagapagtaguyod ng edukasyong tunay na para sa masa!

Kaya hamon namin sa mga iskolar ng bayan, tara na't lumabas at makibuklod!
🔗 https://tinyurl.com/PREREGBUKLURAN
🔗 https://tinyurl.com/PREREGBUKLURAN
🔗 https://tinyurl.com/PREREGBUKLURAN

𝙎𝙖 𝙠𝙖𝙥𝙖𝙠𝙖𝙣𝙖𝙣 𝙣𝙜 𝙚𝙨𝙩𝙪𝙙𝙮𝙖𝙣𝙩𝙚 𝙖𝙩 𝙠𝙖𝙗𝙖𝙩𝙖𝙖𝙣, 𝙨𝙖 𝙠𝙖𝙥𝙖𝙠𝙖𝙣𝙖𝙣 𝙣𝙜 𝙢𝙜𝙖 𝙤𝙧𝙙𝙞𝙣𝙖𝙧𝙮𝙤𝙣𝙜 𝙢𝙖𝙢𝙖𝙢𝙖𝙮𝙖𝙣. ✨

𝐀𝐘𝐀𝐍 𝐍𝐀! 𝐀𝐘𝐀𝐍 𝐍𝐀! 𝐀𝐘𝐀𝐍 𝐍𝐀 𝐒𝐈 𝐁𝐔𝐊𝐋𝐔𝐑𝐀𝐍! 🔥✊

Ngayong araw, isang mahalagang yugto ang ating nasaksihan ang 𝐩𝐚𝐧𝐮𝐧𝐮𝐦𝐩𝐚 𝐧𝐠 𝐢𝐥𝐚𝐧𝐠 𝐥𝐢𝐝𝐞𝐫 𝐞𝐬𝐭𝐮𝐝𝐲𝐚𝐧𝐭𝐞 ng Bukluran ng Progresibong Mag-aaral. Kasabay nito, pormal na rin nating naitatag at naipa-accredit ang ating organisasyon bilang isang socio-political organization sa loob ng ating pamantasan.

Ang panunumpang ito ay hindi lamang simpleng seremonya. Isa itong 𝐭𝐮𝐧𝐠𝐤𝐮𝐥𝐢𝐧 𝐧𝐠 𝐩𝐚𝐠𝐥𝐢𝐥𝐢𝐧𝐠𝐤𝐨𝐝 𝐚𝐭 𝐩𝐚𝐧𝐢𝐧𝐢𝐧𝐝𝐢𝐠𝐚𝐧, tungkulin para sa interes ng kapwa estudyante, at paglilingkod para sa mas malawak na lipunan. Sa bawat lagda at pangakong binitiwan, pinagtitibay natin ang ating tungkulin, 𝐦𝐚𝐠𝐢𝐧𝐠 𝐭𝐢𝐧𝐢𝐠 𝐧𝐠 𝐦𝐠𝐚 𝐞𝐬𝐭𝐮𝐝𝐲𝐚𝐧𝐭𝐞𝐧𝐠 𝐦𝐚𝐭𝐚𝐠𝐚𝐥 𝐧𝐚𝐧𝐠 𝐢𝐩𝐢𝐧𝐚𝐠𝐤𝐚𝐤𝐚𝐢𝐭 𝐧𝐠 𝐞𝐬𝐩𝐚𝐬𝐲𝐨, at maging 𝐤𝐚𝐭𝐮𝐰𝐚𝐧𝐠 𝐬𝐚 𝐦𝐚𝐬 𝐦𝐚𝐥𝐚𝐰𝐚𝐤 𝐧𝐚 𝐤𝐢𝐥𝐮𝐬𝐚𝐧 𝐩𝐚𝐫𝐚 𝐬𝐚 𝐦𝐚𝐤𝐚𝐭𝐚𝐫𝐮𝐧𝐠𝐚𝐧 𝐚𝐭 𝐦𝐚𝐤𝐚𝐛𝐮𝐥𝐮𝐡𝐚𝐧𝐠 𝐩𝐚𝐠𝐛𝐚𝐛𝐚𝐠𝐨.

Mula sa silid-aralan hanggang sa lansangan, dalhin natin ang apoy ng pagkakaisa. Hindi tayo mananatiling nakapako sa katahimikan—sapagkat sa panahong laganap ang kawalang katarungan, ang 𝐩𝐚𝐠𝐢𝐠𝐢𝐧𝐠 𝐨𝐫𝐠𝐚𝐧𝐢𝐬𝐚𝐝𝐨 𝐚𝐭 𝐤𝐨𝐥𝐞𝐤𝐭𝐢𝐛𝐨 ang tanging sagot.

Ito ang simula ng Bukluran RTU chapter. Ito ang simula ng isang panibagong lakas ng kabataang progresibo.

PAGBATI, BUKLURAN RTU!

𝗧𝗜𝗡𝗚𝗡𝗔𝗡 | 𝗠𝗮𝘆𝗼 𝗨𝗻𝗼 𝗠𝗼𝗯𝗶𝗹𝗶𝘇𝗮𝘁𝗶𝗼𝗻

Mabuhay ang Uring Manggagawa! Tuwing ika-1 ng Mayo ay taunang ipinagdiriwang ang Araw ng Paggawa—isang araw ng pagkilala sa hindi matatawarang ambag ng mga manggagawa sa pagpapatakbo ng ating lipunan. Ngunit higit pa sa pagdiriwang, ito ay araw ng protesta, paninindigan, at sama-samang pagkilos upang ipaglaban ang karapatan at kapakanan ng uring manggagawa.

Kasama ang 𝙆𝙖𝙢𝙖𝙣𝙜𝙜𝙖𝙜𝙖𝙬𝙖 𝙋𝙖𝙧𝙩𝙮𝙡𝙞𝙨𝙩, sigaw ng ating hanay ay ang pagbuwag ng provincial rate at pagpapatupad ng nakabubuhay na sahod. Hindi makatarungan ang sistemang nagpapataw ng magkaibang minimum wage depende sa lokasyon—dahil iisa lang ang halaga ng bigas, kuryente, matrikula, at pamasahe saan ka man naroroon. Panahon na upang itaguyod ang sahod na tunay na sapat para sa mga manggagawa at kanilang pamilya. Ang laban para sa disenteng sahod ay laban para sa dignidad!

At ang laban ng manggagawa ay laban ng buong sambayanan—lalo na ng mga estudyante't kabataang nangangarap ng isang progresibong lipunan. Kaya tara na’t makibuklod, makiisa, at lumaban! Sama-sama nating ipaglaban ang karapatan ng uring manggagawa!
🔗 https://tinyurl.com/TaraNaSaBUKLURAN
🔗 https://tinyurl.com/TaraNaSaBUKLURAN
🔗 https://tinyurl.com/TaraNaSaBUKLURAN

𝙎𝙖 𝙠𝙖𝙥𝙖𝙠𝙖𝙣𝙖𝙣 𝙣𝙜 𝙚𝙨𝙩𝙪𝙙𝙮𝙖𝙣𝙩𝙚 𝙖𝙩 𝙠𝙖𝙗𝙖𝙩𝙖𝙖𝙣, 𝙨𝙖 𝙠𝙖𝙥𝙖𝙠𝙖𝙣𝙖𝙣 𝙣𝙜 𝙢𝙜𝙖 𝙢𝙖𝙢𝙖𝙢𝙖𝙮𝙖𝙣, 𝙨𝙖 𝙝𝙖𝙣𝙖𝙮 𝙣𝙜 𝘽𝙐𝙆𝙇𝙐𝙍𝘼𝙉. ✨

𝗧𝗜𝗡𝗚𝗡𝗔𝗡 | 𝗕𝘂𝗸𝗹𝘂𝗿𝗮𝗻, 𝗥𝗘𝗩𝗔𝗟𝗜𝗗𝗔𝗧𝗘𝗗! 💙🧡

Ngayong araw, pormal nang kinilala ang 𝘽𝙪𝙠𝙡𝙪𝙧𝙖𝙣 𝙣𝙜 𝙋𝙧𝙤𝙜𝙧𝙚𝙨𝙞𝙗𝙤𝙣𝙜 𝙈𝙖𝙜-𝙖𝙖𝙧𝙖𝙡 bilang isa sa mga akreditadong organisasyon sa Sintang Paaralan. Ang SYNCAIR 2025 Recognition Day ay dinaluhan ni Incumbent Chairperson Dion Rainier Sta. Rosa at ni Kyla Escabas, Bukluran Education Coordinator, bilang mga kinatawan ng organisasyon. Ang pagkilalang ito ay tanda ng ating pagpapatuloy ng ating layunin bilang isang kilusang pampulitika.

Sa muling pagpapatibay ng ating organisasyon, patuloy nating ipaglalaban ang isang demokratikong espasyo sa loob ng ating pamantasan—isang espasyo kung saan ang bawat mag-aaral ay may boses, may puwang para sa diskurso, at may kalayaang ipahayag ang kanilang paninindigan. Hindi ito simpleng pagkilala lamang, kundi isang panibagong hamon upang lalo pang palakasin ang ating hanay sa pagsusulong ng makabuluhang pagbabago.

Mula sa mga silid-aralan hanggang sa lansangan, mananatili tayong tinig ng progresibong pagkilos. Hindi lamang ito tagumpay ng Bukluran kundi ng bawat estudyanteng naniniwala sa lakas ng sama-samang pagkilos para sa isang makatarungan at progresibong lipunan.

Kaya tara na’t makibuklod, makiisa, at lumaban! Sama-sama nating ipaglaban ang karapatan ng mga estudyante at itaguyod ang isang edukasyong tunay na para sa lahat!
🔗 https://tinyurl.com/BePartofBUKLURAN
🔗 https://tinyurl.com/BePartofBUKLURAN
🔗 https://tinyurl.com/BePartofBUKLURAN

𝙎𝙖 𝙠𝙖𝙥𝙖𝙠𝙖𝙣𝙖𝙣 𝙣𝙜 𝙚𝙨𝙩𝙪𝙙𝙮𝙖𝙣𝙩𝙚 𝙖𝙩 𝙠𝙖𝙗𝙖𝙩𝙖𝙖𝙣, 𝙨𝙖 𝙠𝙖𝙥𝙖𝙠𝙖𝙣𝙖𝙣 𝙣𝙜 𝙢𝙜𝙖 𝙢𝙖𝙢𝙖𝙢𝙖𝙮𝙖𝙣, 𝙨𝙖 𝙝𝙖𝙣𝙖𝙮 𝙣𝙜 𝘽𝙐𝙆𝙇𝙐𝙍𝘼𝙉. ✨

𝗕𝗮𝗯𝗮𝗲, 𝗮𝗻𝗴 𝗹𝘂𝗴𝗮𝗿 𝗺𝗼 𝗮𝘆 𝘀𝗮 𝗽𝗮𝗸𝗶𝗸𝗶𝗯𝗮𝗸𝗮!

Ngayong Buwan ng Marso, hindi lang natin ipinagdiriwang ang mga kababaihan— gugunitain natin ang lahat ng mga babaeng nakibaka sa bawat hakbang ng kasaysayan. Lumaban, nagtaguyod, at nagbukas ng daan tungo sa mas makatarungan at pantay na lipunan.

𝗕𝗮𝗯𝗮𝗲, 𝗵𝗶𝗻𝗱𝗶 𝗸𝗮 𝗯𝗮𝗯𝗮𝗲 𝗹𝗮𝗻𝗴, 𝗯𝗮𝗯𝗮𝗲 𝗸𝗮
—isang inspirasyon, isang mandirigma, at isang pagbabago. Nakikibaka para sa sarili, sa kapwa, at sa isang lipunang may tunay na pagkakapantay-pantay.

𝗕𝗮𝗯𝗮𝗲, 𝗵𝗶𝗻𝗱𝗶 𝗸𝗮 𝗸𝗮𝘁𝗮𝗵𝗶𝗺𝗶𝗸𝗮𝗻—ikaw ay sigaw ng pagbabago. Paulit-ulit na pinatunayan na hindi ka lamang ilaw ng tahanan kundi pati na rin ng lansangan.

𝘼𝘁𝗶𝗻𝗴 𝗽𝗮𝗹𝗮𝗸𝗮𝘀𝗶𝗻 𝗮𝗻𝗴 𝗽𝗮𝗸𝗶𝗸𝗶𝗶𝘀𝗮. Sa paaralan, sa tahanan, sa lipunan—ipagpatuloy natin ang pagsusulong ng karapatan at kapakanan ng kababaihan. Dahil ang tunay na pagbabago ay nagsisimula sa sama-samang pagkilos.
𝗠𝗴𝗮 𝗞𝗮𝗯𝗮𝗯𝗮𝗶𝗵𝗮𝗻, 𝗵𝗶𝗻𝗱𝗶 𝗸𝗮𝘆𝗼 𝗻𝗮𝗴-𝗶𝗶𝘀𝗮. ✊💜

𝙎𝙖 𝙠𝙖𝙥𝙖𝙠𝙖𝙣𝙖𝙣 𝙣𝙜 𝙚𝙨𝙩𝙪𝙙𝙮𝙖𝙣𝙩𝙚 𝙖𝙩 𝙠𝙖𝙗𝙖𝙩𝙖𝙖𝙣, 𝙨𝙖 𝙠𝙖𝙥𝙖𝙠𝙖𝙣𝙖𝙣 𝙣𝙜 𝙢𝙜𝙖 𝙢𝙖𝙢𝙖𝙢𝙖𝙮𝙖𝙣, 𝙨𝙖 𝙝𝙖𝙣𝙖𝙮 𝙣𝙜 𝘽𝙐𝙆𝙇𝙐𝙍𝘼𝙉. ✨

𝗜𝗞𝗔-𝟯𝟵 𝗡𝗔 𝗣𝗔𝗚𝗚𝗨𝗡𝗜𝗧𝗔 𝗡𝗚 𝗣𝗔𝗞𝗜𝗞𝗜𝗕𝗔𝗞𝗔 𝗦𝗔 𝗘𝗗𝗦𝗔!

Nakikiisa ang Bukluran ng Progresibong Mag-aaral sa paggunita ng ika-39 na Anibersaryo ng EDSA People Power Revolution—isang makasaysayang pangyayari na nagpatunay sa lakas ng nagkakaisang mamamayan sa pagtatanggol ng demokrasya at kalayaan. Isang mahalagang kabanata sa ating kasaysayan na nagbigay-daan sa pagbagsak ng isang diktadurya at nagbigay inspirasyon sa iba pang kilusan para sa katarungan at karapatan.

Ngunit sa kabila ng mga aral na iniwan ng EDSA, patuloy ang pagtatangkang burahin at baluktutin ang katotohanan ng kasaysayan. Pilit binubulag ang masa sa pamamagitan ng maling impormasyon, propaganda, at sistematikong pagbura sa mga aral ng nakaraan. Sa harap ng ganitong hamon, tungkulin nating patuloy na magmulat, magpalawak ng kaalaman, at ipaglaban ang tunay na diwa ng EDSA—hindi lamang sa sarili nating pang-unawa kundi sa pagbabahagi nito sa iba.

Sa panahong tila naglalaho ang diwa ng sama-samang pagkilos at paglaban para sa karapatan, nananatiling mahalaga ang tanong naming mga progresibong kabataan:

"𝐊𝐮𝐧𝐠 𝐡𝐢𝐧𝐝𝐢 𝐮𝐦𝐚𝐥𝐬𝐚 𝐚𝐧𝐠 𝐦𝐚𝐬𝐚, 𝐦𝐚𝐲 𝐤𝐚𝐥𝐚𝐲𝐚𝐚𝐧 𝐤𝐚 𝐤𝐚𝐲𝐚𝐧𝐠 𝐧𝐚𝐭𝐚𝐭𝐚𝐦𝐚𝐬𝐚?"

𝙎𝙖 𝙠𝙖𝙥𝙖𝙠𝙖𝙣𝙖𝙣 𝙣𝙜 𝙚𝙨𝙩𝙪𝙙𝙮𝙖𝙣𝙩𝙚 𝙖𝙩 𝙠𝙖𝙗𝙖𝙩𝙖𝙖𝙣, 𝙨𝙖 𝙠𝙖𝙥𝙖𝙠𝙖𝙣𝙖𝙣 𝙣𝙜 𝙢𝙜𝙖 𝙢𝙖𝙢𝙖𝙢𝙖𝙮𝙖𝙣, 𝙨𝙖 𝙝𝙖𝙣𝙖𝙮 𝙣𝙜 𝘽𝙐𝙆𝙇𝙐𝙍𝘼𝙉.✨

𝗧𝗜𝗚𝗡𝗔𝗡 | 𝗠𝗼𝗯𝗶𝗹𝗶𝘀𝗮𝘀𝘆𝗼𝗻 𝗽𝗮𝗿𝗮 𝘀𝗮 𝗣𝗮𝗻𝗮𝘄𝗮𝗴𝗮𝗻𝗴 𝗣𝗮𝗴𝗽𝗮𝗽𝗮𝗹𝗮𝘆𝗮 𝗸𝗮𝘆 𝗞𝗮 𝗟𝗲𝗷𝘂𝗻 𝗗𝗲𝗹𝗮 𝗖𝗿𝘂𝘇 𝗮𝘁 𝗟𝗮𝗵𝗮𝘁 𝗻𝗴 𝗕𝗶𝗹𝗮𝗻𝗴𝗴𝗼𝗻𝗴 𝗣𝘂𝗹𝗶𝘁𝗶𝗸𝗮𝗹

Nagtipon ang iba't ibang organisasyon at nagmartsa mula sa DAR papuntang Commission on Human Rights, bitbit ang panawagang itigil ang kriminalisasyon sa mga progresibong lider at aktibista. Kasama sa ating panawagan ang agarang pagpapalaya kay 𝙆𝙖 𝙇𝙚𝙟𝙪𝙣 𝘿𝙚𝙡𝙖 𝘾𝙧𝙪𝙯 at sa lahat ng bilanggong pulitikal na biktima ng mga gawa-gawang kaso. Sa harap ng patuloy na panggigipit at panunupil, nananatiling matatag ang mga nakikibaka para sa hustisya at karapatan.

Ngayong araw, ika-25 ng Pebrero, ay ginugunita rin ang ika-39 na anibersaryo ng EDSA People Power Revolution—isang makasaysayang tagumpay ng sambayanang Pilipino laban sa diktadura. Tulad ng ipinaglaban ng ating mga kababayan noon, ang panawagan para sa hustisya, kalayaan, at karapatan ay mananatiling buhay, lalo na para sa mga lider at aktibistang inaapi, tulad ni ka Lejun at iba pang bilanggong pulitikal.

Si Ka Lejun ay naging biktima ng tangkang pagpatay na isinagawa ng estado. Sa kabila ng kanyang ipinaglalaban, siya'y pinatawan ng mga gawa-gawang kaso at nananatiling nakakulong hanggang ngayon. Ang mga ganitong pangyayari ay hindi lamang patunay ng nagpapatuloy na pang-aapi,kundi paalala rin ng kalupitan na minsan na nating naranasan sa ilalim ng Martial Law.

Kung hahayaan natin ang ganitong mga paglabag sa karapatang pantao na magpatuloy, hindi malayong bumalik ang madilim na kabanata ng ating kasaysayan—isang panahon ng takot, pananahimik, at pagkakait ng kalayaan sa bawat mamamayan. Panahon na upang tayo’y muling magkaisa at ipagpatuloy ang laban para sa tunay na kalayaan at hustisya para sa lahat.

𝙎𝙖 𝙠𝙖𝙥𝙖𝙠𝙖𝙣𝙖𝙣 𝙣𝙜 𝙚𝙨𝙩𝙪𝙙𝙮𝙖𝙣𝙩𝙚 𝙖𝙩 𝙠𝙖𝙗𝙖𝙩𝙖𝙖𝙣, 𝙨𝙖 𝙠𝙖𝙥𝙖𝙠𝙖𝙣𝙖𝙣 𝙣𝙜 𝙢𝙜𝙖 𝙢𝙖𝙢𝙖𝙢𝙖𝙮𝙖𝙣, 𝙨𝙖 𝙝𝙖𝙣𝙖𝙮 𝙣𝙜 𝘽𝙐𝙆𝙇𝙐𝙍𝘼𝙉.



-SponsoredViolenceAndPersecution

𝗣𝗮𝗻𝗮𝘁𝗶𝗹𝗶𝗵𝗶𝗻𝗴 𝗕𝘂𝗵𝗮𝘆 𝗮𝗻𝗴 𝗗𝗶𝘄𝗮 𝗻𝗴 𝗘𝗗𝗦𝗔!

Sa darating na ika-25 ng Pebrero, gaganapin ang ika-39 na anibersaryo ng 𝙀𝘿𝙎𝘼 𝙋𝙚𝙤𝙥𝙡𝙚 𝙋𝙤𝙬𝙚𝙧 𝙍𝙚𝙫𝙤𝙡𝙪𝙩𝙞𝙤𝙣. Taun-taon itong ginugunita at dati nang kinikilala bilang isang non-working holiday. Gayunpaman, sa kasalukuyang kalendaryo ng administrasyong Marcos Jr., ito ay binago at itinakda bilang isang 𝙨𝙥𝙚𝙘𝙞𝙖𝙡 𝙬𝙤𝙧𝙠𝙞𝙣𝙜 𝙝𝙤𝙡𝙞𝙙𝙖𝙮, na maaaring magdulot ng paglimot o pagbalewala sa makasaysayang pangyayari sa EDSA, na nagpatalsik sa dating diktador na si Marcos Sr.

Sa kabila ng pagtatangkang burahin ang alaala ng makasaysayang rebolusyon, hindi matitinag ang diwa ng mga Pilipinong patuloy na ipinaglalaban ang demokrasya at kalayaan. Maraming mga eskuwelahan at institusyon ang hindi nagpadala sa naturang hakbang. Patuloy nilang kinikilala ang kahalagahan ng EDSA, bilang isang simbolo ng pagkakaisa ng sambayanan laban sa pang-aabuso ng kapangyarihan.

Kaya sa pamahalaan ng Sintang Paaralan, nakakalimot na rin ba tayo sa kasaysayan? Isa ang 𝙋𝙤𝙡𝙮𝙩𝙚𝙘𝙝𝙣𝙞𝙘 𝙐𝙣𝙞𝙫𝙚𝙧𝙨𝙞𝙩𝙮 𝙤𝙛 𝙩𝙝𝙚 𝙋𝙝𝙞𝙡𝙞𝙥𝙥𝙞𝙣𝙚𝙨 sa mga unibersidad na nagpatigil ng klase at nagpadala ng mga estudyante, kaguruan, at tauhan, tulad nina Charlie Del Rosario at Dr. Nemesio Prudente, upang mag-organisa at makiisa sa EDSA Revolution. Mula noon, kilala ang Sintang Paaralan bilang isang institusyong palaban at matatag sa paninindigan para sa demokrasya at karapatan ng mamamayan. Ngayon, tila ang dating maalab na diwa ng pakikibaka ay nagiging malamlam. Ang mga aksyon o kawalan ng aksyon, tulad ng hindi pagsuspinde ng klase ngayong 39th Commemoration ng EDSA, ay maaaring magdulot ng katanungan: Ano na ang nangyari sa mga pinaglaban ng mga naunang henerasyon?

Dugo't pawis ang dumanak upang patalsikin ang diktadura. Boses ng mga mamamayang nag-aalab sa galit ang umalingawngaw para sa progresibong pagbabago. Buhay ang isinakripisyo at naging kabayaran para sa kalayaang ating tinatamasa.

Kaya naman nanawagan kami sa administrayon ng unibersidad na muling isaalang-alang ang kanilang desisyon. Bilang isang institusyong may malalim na kasaysayan ng pakikibaka para sa karapatan at demokrasya, mahalaga para sa PUP na kilalanin ang kahalagahan ng araw na ito.

𝙎𝙖 𝙠𝙖𝙥𝙖𝙠𝙖𝙣𝙖𝙣 𝙣𝙜 𝙚𝙨𝙩𝙪𝙙𝙮𝙖𝙣𝙩𝙚 𝙖𝙩 𝙠𝙖𝙗𝙖𝙩𝙖𝙖𝙣, 𝙨𝙖 𝙠𝙖𝙥𝙖𝙠𝙖𝙣𝙖𝙣 𝙣𝙜 𝙢𝙜𝙖 𝙢𝙖𝙢𝙖𝙢𝙖𝙮𝙖𝙣, 𝙨𝙖 𝙝𝙖𝙣𝙖𝙮 𝙣𝙜 𝘽𝙐𝙆𝙇𝙐𝙍𝘼𝙉.