10/09/2026
๐ท๐จ๐ฏ๐จ๐๐จ๐ฎ ๐ต๐ฎ ๐ฒ๐ถ๐ต๐บ๐ฌ๐ฏ๐ถ ๐ต๐ฎ ๐ด๐ฎ๐จ ๐ด๐จ๐ฎ-๐จ๐จ๐น๐จ๐ณ ๐ต๐ฎ ๐ผ๐ท ๐ด๐จ๐ต๐ฐ๐ณ๐จ, ๐ถ๐น๐ฎ๐จ๐ต๐ฐ๐บ๐จ๐บ๐๐ถ๐ต, ๐จ๐ป ๐ด๐ฎ๐จ ๐ณ๐ถ๐ฒ๐จ๐ณ ๐ต๐จ ๐ฒ๐ถ๐ต๐บ๐ฌ๐ฏ๐ถ ๐ฏ๐ฐ๐ต๐ฎ๐ฎ๐ฐ๐ณ ๐บ๐จ ๐ท๐จ๐ฎ-๐จ๐น๐ฌ๐บ๐ป๐ถ ๐บ๐จ ๐ด๐ฎ๐จ ๐ด๐จ๐ฎ-๐จ๐จ๐น๐จ๐ณ ๐ต๐ฎ ๐ผ๐ท ๐จ๐ป ๐ท๐จ๐น๐จ๐ณ๐ฌ๐ฎ๐จ๐ณ ๐บ๐จ ๐ณ๐ผ๐๐ถ๐ต ๐ฌ๐ช๐ถ๐ต๐ถ๐ด๐ฐ๐ช ๐ช๐ถ๐น๐น๐ฐ๐ซ๐ถ๐น ๐ฐ๐ต๐ฝ๐ฌ๐บ๐ป๐ด๐ฌ๐ต๐ป ๐ญ๐ถ๐น๐ผ๐ด
Ngayong Setyembre 10, 2026, isinagawa ang Luzon Economic Corridor (LEC) Investment Forum sa Grand Hyatt Hotel sa Bonifacio Global City, Taguig, na tumalakay sa mga proyektong pang-imprastraktura at pamumuhunan kaugnay ng US-led Pax Silica Initiative. Kasabay ng forum ay isinagawa ang isang kilos-protesta upang tutulan ang mga patakarang nagbubukas sa higit pang pangingialam at panghihimasok ng Estados Unidos sa mga usaping pang-ekonomiya at pampulitika ng bansa at naglalagay sa pambansang soberanya at kapakanan ng mamamayang Pilipino sa alanganin.
Sa gitna ng pagkilos, inaresto ang limang paralegals na nagbibigay ng legal assistance sa mga demonstrador. Kabilang dito sina Kenneth Castor, Chief of Staff ng Office of the Student Regent; UP Diliman student at peasant advocate mula sa NNARA Youth RC Placido; dating AGHAM Secretary General Jona Yang; Daya Juliano; at Mara Peralta mula sa UMA at Tanggol Magsasaka. Sina Castor, Yang, at Peralta ay inaresto habang isinasagawa ang protesta, habang sina Placido at Juliano ay inaresto rin matapos magtungo sa Taguig City Police Station upang magbigay ng legal assistance. Ang kanilang pag-aresto ay iligal sapagkat walang batayan ang pasistang pwersa ng estado sa panghuhuli sa ating mga kapwa mamamayan na nagrerehistro ng hinaing at patuloy na nilalabanan ang imperyalistang pandarambong ng US. Ito ay isang tahasang pag-atake sa demokratikong karapatan ng mga estudyante at mamamayan.
Mariing kinukundena ng Konseho ng mga Mag-aaral ng UP Manila, mga organisasyon, at mga lokal na konseho ang pag-aresto at patuloy na pagkakadetine sa mga UP students at paralegals. Ang patuloy na pag-iral ng pamamasismo ng kapulisan upang patahimikin at takutin ang mga indibidwal na nagsasagawa ng kanilang karapatang magpahayag, magtipon, at manindigan ay nagpapakita ng patuloy nilang pagprotekta sa naghaharing uri, partikular na kay Marcos Jr. na siyang pumayag sa Luzon Economic Corridor at ang Pax Silica, kapalit ng kabuhayan, kabahayan, at kaligtasan ng mga mamamayan, komunidad, pambansang minorya, at iba pang sektor ng masa.. Higit na nakababahala na ang mga paralegal na naroroon upang tiyaking napangangalagaan ang karapatan ng mga nagpoprotesta ay siya ring isinailalim sa pag-aresto at pagkakadetine.
Kung kayaโt ipinapanawagan ng mga kabataan ang Iskolar ng Bayan ng UP Manila ang agarang pagpapalaya kina Kenneth Castor, RC Placido, Jona Yang, Daya Juliano, Mara Peralta! Pananagutin din ang mga kinauukulang pwersang estado sa anumang paglabag sa kanilang mga karapatan at tiyaking hindi na mauulit ang ganitong uri ng panggigipit sa mga nagtataguyod ng demokratikong karapatan. Nanawagan ang buong komunidad ng UP sa sambayanang Pilipino na huwag manahimik sa harap ng ganitong pag-atake. Makiisa tayo sa mga pagkilos, palakasin ang panawagan para sa agarang pagpapalaya sa mga dinetine, at sama-samang ipagtanggol ang karapatang magpahayag, magtipon, at lumaban. Sa harap ng lumalawak na impluwensya ng dayuhang interes at patuloy na pagsupil sa dissent, kinakailangan ang sama-samang pagkilos upang ipaglaban ang pambansang soberanya at karapatan ng mamamayang Pilipino.
Ang sigaw ng mga mag-aaral ng UP Manila:
HANDS-OFF STUDENT LEADERS!
FREE LEC 5!
NO TO PAX SILICA!
NO TO LUZON ECONOMIC CORRIDOR!
IMPERYALISMO, IBAGSAK!
Signatories:
๐๐ ๐๐๐ง๐ข๐ฅ๐ ๐๐ง๐ข๐ฏ๐๐ซ๐ฌ๐ข๐ญ๐ฒ ๐๐ญ๐ฎ๐๐๐ง๐ญ ๐๐จ๐ฎ๐ง๐๐ข๐ฅ
๐๐๐๐ ๐ฎ๐ ๐จ๐ ๐๐จ๐ฅ๐ฅ๐๐ ๐ ๐๐ญ๐ฎ๐๐๐ง๐ญ ๐๐จ๐ฎ๐ง๐๐ข๐ฅ๐ฌ
UP Manila College of Arts and Science Student Council (CASSC)
UP Manila College of Dentistry Student Council (DSC)
UP Manila College of Allied Medical Professions (CAMPSC)
Nursing Student Council (NSC)
College of Public Health Student Council (CPHSC)
UP Pharmaceutical Association Student Council (UPPhA SC)
UP Medicine Student Council (MSC)
UP Manila School of Health Sciences Koronadal Student Council
UP Manila School of Health Sciences Tarlac Student Council
๐๐จ๐๐ฅ๐ข๐ญ๐ข๐จ๐ง ๐จ๐ ๐๐ซ๐ ๐๐ง๐ข๐ณ๐๐ญ๐ข๐จ๐ง๐ฌ, ๐
๐ซ๐๐ญ๐๐ซ๐ง๐ข๐ญ๐ข๐๐ฌ, ๐๐ง๐ ๐๐จ๐ซ๐จ๐ซ๐ข๐ญ๐ข๐๐ฌ
Sulong UP Manila
Kabataan Partylist - UP Manila
League of Filipino Students - UP Manila
Sigma Kappa Pi Fraternity - UP Manila
Development Studies Society UP Manila
UP Male Nursesโ Organization
National Network of Agrarian Reform Advocates Youth - UP Manila
Social Transformation Advocacy towards Public Health
Samahan ng mga Progresibong Iskolar na Naglalayong Makinig at Makisandig
UP Vector
UP Behavioral Science Society
Kabataan Para sa Tribung Pilipino - UP Manila Chapter
Agham Youth UP Manila
Upsilon Sigma Phi
