UP Polis

𝘁𝗵𝗿𝗼𝘄𝗯𝗮𝗰𝗸 to May 15, 2026 — one of Polis’ most 𝘂𝗻𝗳𝗼𝗿𝗴𝗲𝘁𝘁𝗮𝗯𝗹𝗲 𝗺𝗼𝗺𝗲𝗻𝘁𝘀 this A.Y.! ❤️🍟

The day began with Polis’ last GA, where the organization proudly presented its achievements and milestones throughout the year.

After the GA came one of the most heartwarming parts of the day: the year-ender and 𝙨𝙚𝙣𝙙𝙤𝙛𝙛 𝙥𝙖𝙧𝙩𝙮 for the graduating seniors🫰.

The celebration was filled with fun games, endless laughter, good food, and heartfelt messages dedicated to the seniors who inspired the organization through the years.

To the seniors, thank you for the memories and inspiration you left behind. And to the whole Polis family, here’s to more milestones, stronger bonds, and more moments worth celebrating💛

𝐥𝐨𝐯𝐞 𝐤𝐨 ‘𝐭𝐨 ✨

NAGKAKAISANG PAHAYAG NG MGA ORGANISASYON AT KONSEHO NG MGA MAG-AARAL NG KAS

IMPEACH SARA NOW! PANAGUTIN ANG MGA DUTERTE AT MGA KASABWAT NILA SA KORUPSYON AT IMPUNIDAD!

Muling nasaksihan ngayong araw ng sambayanang Pilipino ang isang lantaran na pagtatanghal ng burukratikong sirkus at pampulitikang pakikipagsabwatan sa Senado. Sa gitna ng muling pag-usad ng impeachment laban kay Sara Duterte, mabilis ding kumilos ang bagong pamunuan ng Senado upang tiyakin ang pagbabalik ni Ronald “Bato” Dela Rosa at ang konsolidasyon ng mga pwersang tahasang naglalayong protektahan ang kampo Duterte laban sa pananagutan. Ang malinaw na mensahe ng mga pangyayaring ito: hindi hustisya ang prayoridad ng bagong liderato ng Senado, kundi ang pagpapanatili ng kapangyarihan at impunidad ng dinastiyang Duterte.

Sa botong 257 pabor, 25 tutol, at 9 abstain, muling pinagtibay ng House of Representatives ang impeachment complaint laban kay Sara Duterte—ginagawa siyang kauna-unahang mataas na opisyal sa kasaysayan ng bansa na dalawang beses na na-impeach ng Kamara. Ngunit sa halip na seryosohin ang tungkulin nitong litisin ang kaso, agad namang gumalaw ang Senado upang muling ayusin ang liderato nito sa paraang pabor sa kampo Duterte. Ang pagpapatalsik kay Tito Sotto bilang Senate President, ang pagbabalik ni Bato Dela Rosa, at ang paglipat ng suporta nina Villar, Legarda, at Cayetano ay hindi hiwa-hiwalay na pangyayari—ito ay bahagi ng iisang pampulitikang maniobra upang pahinain ang kampo na pabor sa impeachment at tiyakin ang proteksyon ng mga kaalyado ng mga Duterte.

Mas nakikita ang pamumulitikang ito sa kaso ni Bato Dela Rosa. Sa mga nagdaang buwan, sunod-sunod nang lumabas ang mga ulat hinggil sa umano’y warrant of arrest laban sa kanya kaugnay ng mga krimen laban sa sangkatauhan sa ilalim ng madugong “war on drugs” ng rehimeng Duterte. Noong Nobyembre 2025, inihayag mismo ni Ombudsman Boying Remulla na may umiiral nang warrant mula sa International Criminal Court (ICC), habang naghain naman si Dela Rosa ng petisyon sa Korte Suprema upang protektahan ang sarili laban sa posibleng pag-aresto. Nitong ika-11 ng Mayo, mismong si dating Senador Antonio Trillanes IV pa ang nagdala ng dokumento ng ICC warrant sa Senate Hall. Sa kabila nito, sa halip na sumunod sa proseso ng batas, pinili ni Dela Rosa na gawing kublihan ang Senate Hall, habang ang mga ahente ng NBI na nagtangkang ipatupad ang internasyonal batas ay pinatawan ng paghamak ng Senado.

Hindi ito simpleng usapin ng parliamentary courtesy o institutional procedure. Ito ay tahasang paggamit ng kapangyarihan ng Senado bilang pananggalang ng mga dinastiyang pulitikal laban sa pananagutan. Nakapagtataka na noon, walang pag-aatubiling ginamit ng estado ang buong pwersa nito upang gipitin at ikulong ang mga kritiko ng administrasyon, gaya nila ngayong Rep. Leila de Lima at dating Sen. Antonio Trillanes. Ngunit ngayong si Bato Dela Rosa na ang nahaharap sa mabigat na kaso, biglang ginagamit ang Senado upang pigilan ang proseso ng hustisya. Maliwanag na may batas para sa ordinaryong mamamayan at oposisyon, ngunit may espesyal na proteksyon para sa mga Duterte at kanilang mga kaalyado.

Ngunit malinaw din sa batas na walang lubos na kaligtasan mula sa pagka-aresto ang mga senador. Ayon sa Artikulo VI, Seksyon 11 ng Konstitusyon ng Pilipinas, limitado lamang ang kanilang pribilehiyo laban sa pag-aresto at hindi ito sumasaklaw sa mabibigat na krimen na may parusang higit anim na taon. Higit pa rito, malinaw sa Rome Statute ng ICC na hindi maaaring gamiting depensa ang opisyal na posisyon upang takasan ang pananagutan sa mga krimen laban sa sangkatauhan. Walang sinumang nasa kapangyarihan ang dapat maging mas mataas kaysa sa batas.

Mariing tinututulan ng mga organisasyon at konseho ng KAS ang anumang pagtatangka na gawing instrumento ang Senado para sa pampulitikang proteksyon at pagpapatuloy ng impunidad. Hindi maaaring takasan ni Bato Dela Rosa ang paniningil sa kanya para sa karahasan na kanyang ipinamalas sa taumbayan noong panahon ng rehimeng Duterte. Ang impeachment laban kay Sara Duterte at ang kaso ni Bato Dela Rosa ay hindi magkahiwalay na usapin—pareho itong bahagi ng mas malawak na laban laban sa Dutertismo, korapsyon, pasismo, at kultura ng kawalang pananagutan sa bansa.

Kaya naman mariin naming ipinapanawagan: agarang buuin at tipunin ang Senate Impeachment Court. Ituloy ang impeachment trial nang walang harang at maniobrang pulitikal. Pairalin ang proseso ng pag-aresto at pagsuko alinsunod sa pambansa at pandaigdigang batas. Tutulan ang paggamit sa Senado bilang depensa ng mga dinastiyang pulitikal at kriminal. Panagutin ang lahat ng sangkot sa korapsyon, paglabag sa karapatang pantao, at pag-abuso sa kapangyarihan.

Sa panahon kung saan ang mga institusyon mismo ng gobyerno ay ginagamit upang protektahan ang mga naghahari at makapangyarihan, mas kailangan ngayon ang malawak na pagkakaisa at pagkilos ng mamamayan. Hindi dapat natin hahayaang manaig ang impunidad at pasismo.

IMPEACH SARA NOW!
BATO, PANAGUTIN!
DUTERTISMO, LABANAN!
HUSTISYA PARA SA MGA BIKTIMA NG DRUG WAR!
ANG TAO, ANG BAYAN, NGAYON AY LUMALABAN!

𝘾𝙤𝙣𝙜𝙧𝙖𝙩𝙪𝙡𝙖𝙩𝙞𝙤𝙣𝙨 𝙩𝙤 𝙚𝙫𝙚𝙧𝙮 𝙋𝙤𝙡𝙞𝙩𝙞𝙘𝙖𝙡 𝙎𝙘𝙞𝙚𝙣𝙘𝙚 𝙨𝙩𝙪𝙙𝙚𝙣𝙩 𝙬𝙝𝙤 𝙜𝙖𝙫𝙚 𝙡𝙞𝙛𝙚 𝙩𝙤 𝙩𝙝𝙚 𝙨𝙩𝙤𝙧𝙮 𝙤𝙛 𝙁𝙞𝙡𝙤𝙢𝙚𝙣𝙖 𝙖𝙣𝙙 𝙩𝙝𝙚 𝘽𝙖𝙜𝙪𝙣𝙙𝙞𝙬𝙖 𝙁𝙖𝙢𝙞𝙡𝙮!

𝘍𝘳𝘰𝘮 𝘵𝘩𝘦 𝘱𝘭𝘢𝘯𝘯𝘪𝘯𝘨 𝘴𝘵𝘢𝘨𝘦, 𝘦𝘹𝘦𝘤𝘶𝘵𝘪𝘯𝘨 𝘥𝘦𝘭𝘪𝘷𝘦𝘳𝘢𝘣𝘭𝘦𝘴 𝘰𝘧 𝘦𝘢𝘤𝘩 𝘤𝘰𝘮𝘮𝘪𝘵𝘵𝘦𝘦, 𝘢𝘯𝘥 𝘴𝘩𝘰𝘸𝘪𝘯𝘨 𝘶𝘱 𝘵𝘰 𝘱𝘳𝘢𝘤𝘵𝘪𝘤𝘦 𝘸𝘪𝘵𝘩 𝘢 𝘴𝘪𝘯𝘤𝘦𝘳𝘦 𝘥𝘦𝘵𝘦𝘳𝘮𝘪𝘯𝘢𝘵𝘪𝘰𝘯, 𝘜𝘗 𝘗𝘖𝘓𝘐𝘚 𝘪𝘴 𝘱𝘳𝘰𝘶𝘥 𝘰𝘧 𝘺𝘰𝘶!

As SocSciYAW 2026 had brought closer many students who recognize the ills of society, the parting message of the entire experience is to not only recognize these problems but also to stand up against its ill effects towards Filipinos who are entrapped in these abusive systematic relationships.

𝐎𝐡 𝐁𝐚𝐲𝐚𝐧 𝐤𝐨, 𝐚𝐧𝐠 𝐨𝐫𝐚𝐬 𝐚𝐲 𝐦𝐚𝐥𝐚𝐩𝐢𝐭 𝐧𝐚𝐧𝐠 𝐦𝐚𝐮𝐛𝐨𝐬, 𝐛𝐚𝐧𝐠𝐨𝐧 𝐧𝐚 — 𝐛𝐮𝐦𝐚𝐧𝐠𝐨𝐧 𝐛𝐚𝐲𝐚𝐧 𝐤𝐨.

📸 𝗜𝗡 𝗣𝗛𝗢𝗧𝗢𝗦 | 𝗦𝗢𝗖𝗦𝗖𝗜𝗬𝗔𝗪 𝟮𝟬𝟮𝟲

“𝙈𝙖𝙮 𝙩𝙪𝙩𝙪𝙩𝙤𝙡 𝙗𝙖 𝙨𝙖 𝙠𝙖𝙨𝙖𝙡𝙖𝙣𝙜 𝙞𝙩𝙤?”

Last April 24, students from the Political Science program performed their play entitled “Kasali, Kasapi, Kasosyo”. It personified a pressing allegory that plagues Philippine society today — the persistence of the 3 Ills: 𝘐𝘮𝘱𝘦𝘳𝘪𝘢𝘭𝘪𝘴𝘮, 𝘉𝘶𝘳𝘦𝘢𝘶𝘤𝘳𝘢𝘵 𝘊𝘢𝘱𝘪𝘵𝘢𝘭𝘪𝘴𝘮, 𝘢𝘯𝘥 𝘍𝘦𝘶𝘥𝘢𝘭𝘪𝘴𝘮.

𝗘𝘃𝗲𝗿𝘆𝗼𝗻𝗲 𝗴𝗮𝘃𝗲 𝘁𝗵𝗲𝗶𝗿 𝗯𝗲𝘀𝘁 𝗽𝗲𝗿𝗳𝗼𝗿𝗺𝗮𝗻𝗰𝗲, 𝗳𝗿𝗼𝗺 𝗱𝗮𝗻𝗰𝗶𝗻𝗴, 𝗰𝗼𝗺𝗲𝗱𝗶𝗰 𝗯𝗮𝗻𝘁𝗲𝗿, 𝗱𝗿𝗮𝗺𝗮𝘁𝗶𝗰 𝗺𝗼𝗻𝗼𝗹𝗼𝗴𝘂𝗲𝘀, 𝗮𝗻𝗱 𝘁𝗵𝗮𝘁 𝗷𝗮𝘄-𝗱𝗿𝗼𝗽𝗽𝗶𝗻𝗴 𝗸𝗶𝘀𝘀𝗶𝗻𝗴 𝘀𝗰𝗲𝗻𝗲!

𝘛𝘩𝘦 𝘗𝘰𝘭𝘪𝘵𝘪𝘤𝘢𝘭 𝘚𝘤𝘪𝘦𝘯𝘤𝘦 𝘱𝘳𝘰𝘨𝘳𝘢𝘮 𝘸𝘰𝘯 𝘷𝘢𝘳𝘪𝘰𝘶𝘴 𝘢𝘸𝘢𝘳𝘥𝘴, 𝘵𝘳𝘶𝘭𝘺 𝘢 𝘳𝘦𝘤𝘰𝘨𝘯𝘪𝘵𝘪𝘰𝘯 𝘰𝘧 𝘵𝘩𝘦𝘪𝘳 𝘫𝘰𝘪𝘯𝘵 𝘦𝘧𝘧𝘰𝘳𝘵 𝘢𝘯𝘥 𝘤𝘰𝘭𝘭𝘢𝘣𝘰𝘳𝘢𝘵𝘪𝘰𝘯!

🏆 𝐁𝐞𝐬𝐭 𝐏𝐨𝐬𝐭𝐞𝐫
🏆 𝐁𝐞𝐬𝐭 𝐒𝐞𝐭 𝐃𝐞𝐬𝐢𝐠𝐧
🏆 𝐁𝐞𝐬𝐭 𝐀𝐜𝐭𝐫𝐞𝐬𝐬
🏆 𝐎𝐯𝐞𝐫𝐚𝐥𝐥 𝐂𝐡𝐚𝐦𝐩𝐢𝐨𝐧

𝗕𝗲𝘆𝗼𝗻𝗱 𝘁𝗵𝗲 𝗮𝘄𝗮𝗿𝗱𝘀, 𝘀𝘁𝘂𝗱𝗲𝗻𝘁𝘀 𝗳𝗼𝗿𝗺𝗲𝗱 𝘀𝘁𝗿𝗼𝗻𝗴𝗲𝗿 𝗯𝗼𝗻𝗱𝘀 𝗯𝗲𝘁𝘄𝗲𝗲𝗻 𝗯𝗮𝘁𝗰𝗵𝗲𝘀 𝗱𝘂𝗿𝗶𝗻𝗴 𝗽𝗿𝗲𝗽𝗮𝗿𝗮𝘁𝗶𝗼𝗻𝘀, 𝗺𝗲𝗺𝗼𝗿𝗶𝗲𝘀 𝗶𝗻𝘃𝗮𝗹𝘂𝗮𝗯𝗹𝗲 𝘁𝗼 𝗲𝘃𝗲𝗿𝘆𝗼𝗻𝗲.

𝗡𝗼𝗼𝗻𝗴 𝗔𝗯𝗿𝗶𝗹 𝟮𝟰, 𝗻𝗮𝗴𝘁𝗮𝗻𝗴𝗵𝗮𝗹 𝗮𝗻𝗴 𝗺𝗴𝗮 𝗺𝗮𝗴-𝗮𝗮𝗿𝗮𝗹 𝗻𝗴 𝗗𝗲𝗽𝗮𝗿𝘁𝗮𝗺𝗲𝗻𝘁𝗼 𝗻𝗴 𝗔𝗴𝗵𝗮𝗺 𝗣𝗮𝗻𝗹𝗶𝗽𝘂𝗻𝗮𝗻 𝘀𝗮 𝗨𝗣𝗠 𝗧𝗵𝗲𝗮𝘁𝗲𝗿 𝗽𝗮𝗿𝗮 𝘀𝗮 𝗦𝗼𝗰𝗦𝗰𝗶𝗬𝗔𝗪’𝟮𝟲. 🎭

Binida nila ang iba’t ibang kuwento at lente sa pagtalakay ng naging tema ng DSS Week: “Pagbalikwas at Pagbuo: Kritikal na Agham Panlipunan Para sa Makatarungan, Malaya, at Likas-Kayang Pag-Unlad”.

Napuno ang UPM Theater ng halakhak, sigaw, at nagaalab na mga mensaheng sa bawat pagtatanghal — nagsisilbing hudyat na mas palalimin pa natin ang kaalaman at kamalayan para sa bayan, alangalang sa bayan.

𝘽𝙞𝙣𝙖𝙗𝙖𝙩𝙞 𝙣𝙜 𝙐𝙋 𝙋𝙊𝙇𝙄𝙎 𝙖𝙣𝙜 𝙡𝙖𝙝𝙖𝙩 𝙣𝙜 𝙣𝙖𝙜𝙬𝙖𝙜𝙞. 𝙋𝙞𝙣𝙪𝙥𝙪𝙧𝙞 𝙣𝙖𝙢𝙞𝙣 𝙖𝙣𝙜 𝙣𝙖𝙜𝙞𝙣𝙜 𝙥𝙖𝙜𝙨𝙞𝙨𝙞𝙠𝙖𝙥 𝙣𝙜 𝙡𝙖𝙝𝙖𝙩 𝙨𝙖 𝙣𝙜𝙖𝙡𝙖𝙣 𝙣𝙜 𝙡𝙖𝙮𝙪𝙣𝙞𝙣 𝙣𝙜 𝙎𝙤𝙘𝙎𝙘𝙞𝙔𝘼𝙒.

Pagbati muli!

𝗛𝗶𝗻𝗱𝗶 𝘁𝘂𝗻𝗮𝘆 𝗻𝗮 𝘁𝗮𝗺𝗮𝗱 𝗮𝗻𝗴 𝗵𝗶𝗻𝗱𝗶 𝘂𝗺𝘂𝘂𝗻𝗹𝗮𝗱— 𝗵𝗶𝗻𝗱𝗶 𝘁𝗮𝘆𝗼 𝘂𝗺𝘂𝘂𝗻𝗹𝗮𝗱 𝗱𝗮𝗵𝗶𝗹 𝘀𝗮 𝘀𝗶𝘀𝘁𝗲𝗺𝗮𝗻𝗴 𝗽𝗮𝘂𝗹𝗶𝘁-𝘂𝗹𝗶𝘁 𝗻𝗮 𝗸𝘂𝗺𝗶𝗸𝗶𝘁𝗶𝗹 𝘀𝗮 𝗯𝘂𝗻𝗴𝗮 𝗻𝗴 𝗮𝘁𝗶𝗻𝗴 𝗽𝗮𝗴𝗴𝗮𝘄𝗮.

At kung kasipagan ang batayan, nararapat na ang uring manggagawa ang pinakamayaman, sapagkat sila ang walang tigil na lumilikha ng yaman ng lipunan, ngunit patuloy na ninanakawan ng dignidad at kinabukasan.

Sa isang bansang sagana sa yaman ngunit lugmok sa kahirapan, malinaw kung saan napupunta ang pinaghirapan ng masa. Habang ang manggagawa ay nagtitipid para mabuhay, may iilang patuloy na nagpapakasasa sa kapangyarihan—nakaupo sa puwesto, protektado ng sistema, at hiwalay sa realidad ng araw-araw na pakikibaka.

𝗛𝗶𝗻𝗱𝗶 𝗸𝗮𝗸𝘂𝗹𝗮𝗻𝗴𝗮𝗻 𝗻𝗴 𝘀𝗶𝗽𝗮𝗴 𝗮𝗻𝗴 𝗽𝗿𝗼𝗯𝗹𝗲𝗺𝗮; 𝗶𝘁𝗼 𝗮𝘆 𝘁𝗮𝗵𝗮𝘀𝗮𝗻𝗴 𝗽𝗮𝗴𝘀𝗮𝘀𝗮𝗺𝗮𝗻𝘁𝗮𝗹𝗮.

Sa araw na ating ipinagdiriwang ang uring manggagawa, ito rin ang araw ng paniningil— paniningil sa mga nasa posisyon na nagpapakasasa sa pinaghirapan ng ating mga manggagawa, sa mga opisyal na inuuna ang interes ng iilan kaysa sa nakararami, sa mga gumagawa ng polisiyang pumapabor sa kapital kaysa sa paggawa, at sa lahat ng patuloy na binabalewala ang hinaing ng uring nagpapagalaw sa lipunan.

Sa bawat hindi pagtataas ng sahod, sa bawat pagharang sa karapatan sa pag-uunyon, sa bawat kawalang-aksiyon sa gitna ng krisis— ito ay malinaw na anyo ng kawalang-hustisya.
Kaya ngayon, hindi lang tayo nagdiriwang— naniningil at nananawagan tayo.

Nananawagan tayo para sa nakabubuhay na sahod.
Nananawagan tayo para sa disenteng trabaho at seguridad.
Nananawagan tayo para sa tunay na representasyon at pananagutan ng mga naghaharing-uri.
Nananawagan para sa hustisya.
Hindi sapat ang papuri. Hindi sapat ang pangako. Aksyon ang ating kailangan.

Nakikiisa ang UP POLIS sa uring manggagawa sa kanilang laban para sa nakabubuhay na sahod, disenteng trabaho, at makatarungang lipunan. Kaisa ang organisasyon sa paniningil, sa pagkilos, at sa patuloy na pakikibaka para sa hustisya.

Kung sila ay patuloy na magbubulag-bulagan, tayo ang magpapaalala. Kung sila ay patuloy na mananahimik, tayo ang sisigaw. At kung patuloy nilang ipagkakait ang hustisya— tayo ang kikilos upang ito’y makamit.

Ang uring manggagawa ang tunay na lakas ng bayan. At kapag ang lakas na ito ay nagkaisa, walang sistemang mapang-api ang hindi matitinag.

𝗠𝗮𝗻𝗴𝗴𝗮𝗴𝗮𝘄𝗮, 𝗺𝗮𝗴𝗸𝗮𝗶𝘀𝗮. 𝗞𝘂𝗺𝗶𝗹𝗼𝘀 𝗮𝘁 𝗹𝘂𝗺𝗮𝗯𝗮𝗻.
𝗠𝗮𝗯𝘂𝗵𝗮𝘆 𝗮𝗻𝗴 𝘂𝗿𝗶𝗻𝗴 𝗺𝗮𝗻𝗴𝗴𝗮𝗴𝗮𝘄𝗮!

Kasabay ng taos-pusong pakikiisa ng UP Political Science Society (UP POLIS) sa pakikipagluksa at pakikiramay sa naging pagpaslang ng Armed Forces of the Philippines (AFP) kay UP Diliman University Student Council (UPD USC) councilor Alyssa Alano ang buong-tindig din nitong pagkondena sa naganap na panlulusob ng militar nitong Abril 19 sa Negros Occidental.

Isa lamang si Alyssa sa 19 pang buhay na walang-awang kinitil ng 79th Infantry Battalion ng AFP, kasama ang mahigit 600 na residente ng Barangay Salamanca, Toboso na nawalan naman ng tirahan matapos ang sapilitang pamamakwit bunsod ng pananalakay at pagpapaulan ng bala ng armadong pwersa.

Matagal nang biktima ang kanayunan ng kaliwa’t kanang banta ng militarisasyon. Hindi malayo sa naging mga pananambang ng AFP sa Mindoro ang pang-aatakeng kanilang ginawa sa Negros Occidental. Mas pinaigting pa ito ng ipinairal na Memorandum Order 32 noong taong 2018 na nagpanukala sa probinsya—kasabay ang Negros Oriental, Samar, at ang rehiyon ng Bicol—na pumailalim sa “state of lawless violence.” Sa ganitong hakbangin, mas napalalawak ng estado ang kanilang opresibong makinarya na siyang nagpapalakas ng awtoritaryang paghahari-harian.

Naniniwala ang UP POLIS na hindi kailanman maituturing na tagumpay ang pagkaubos ng mga buhay ng mga sibilya’t aktibistang walang pag-aatubiling lumulubog sa mapait na realidad na dinaranas ng masa—lalo pa’t ito ay nag-uugat sa kapalpakan at pansariling interes ng estado. Higit sa lahat, walang kung anumang uri ng ipinoposturang kapayapaan ang may kakayahang pangatwiranan ang pagdanak ng inosenteng dugo at pagsupil sa panlipunang pakikibaka.

Kung kaya, taas-kamaong pagpupugay ang iniaalay ng samahan sa naging kasikhayan ni Alyssa hindi lamang bilang lider-estudyante, kundi maging isang lingkod-bayang piniling pagsilbihan ang obhetibong interes ng masang-api. Sa pakikiramay ng organisasyon sa sinapit nina Alyssa at ng kaniyang mga kasama sa Negros, mahigpit na tangan ng UP POLIS ang patuloy na pagpapalaganap ng katotohanang hindi mahahapo ng kung anumang uri ng pagkalipol.

Hindi matatapos kay Alyssa ang laban ng lipunan at ang laban ng kabataan.
Hindi rin mabubusalan ng kung gaano pa mang karaming mga bala at bomba ang mga boses na laging pinipili ang mula at para sa bayan.

Ano’t anuman, hangga’t may presensya ng mersenaryong pwersa sa kanayunan, hangga’t nananatili ang pagnanakaw sa lupain ng mga mamamayan, at hangga’t walang pagpapanagot sa mga salot sa pamayanan, muli’t muling titindig ang militanteng diwa ng masa, katuwang ang lumalabang pwersa ng kabataan.

"Kasal, Kasapi, Kasosyo"

“Ang kasalan ay panghabambuhay na tambalan…”

Kaya naman, patugtugin na ang dambana at tawagin ang mga bisita! Ikakasal na ang unica hija ng pamilyang Bagundiwa na si Filomena. Ngunit, saan patungo ang kasalang ito kung hindi pag-ibig ang nangingibabaw?
Kung iba ang sinisigaw ng puso, anong kahingian ang mananaig? Ano ang kayang isakripisyo ni Filomena sa ngalan ng pag-ibig? Sasapat ba ito para sa pag-unlad na kanyang ninanais?

Sundan ang kasal ni Filomena na punong-puno ng kasakiman, agawan, at huwad na pagmamahalan. Saksihan ang kasalang yayanig sa buong angkan dahil hindi lang isa o dalawa, kundi tatlo ang nais magmay-ari sa puso ni Filomena.

Umindak, mamulat, at umibig sa muling pagbabalik ng Agham Pampulitika sa tanghalan ngayong SocSciYaw 2026, handog ang isang campy comedy musical na magtuturo sa atin kung ano nga ba ang tunay na pagmamahal.

Kaya ang tanong ng BA Political Science: May tututol ba sa kasalang ito?

Narito na ang Kasal, Kasapi, Kasosyo.

Political Science:
"Kasal, Kasapi, Kasosyo"

“Ang kasalan ay panghabambuhay na tambalan…”

Kaya naman, patugtugin na ang dambana at tawagin ang mga bisita! Ikakasal na ang unica hija ng pamilyang Bagundiwa na si Filomena. Ngunit, saan patungo ang kasalang ito kung hindi pag-ibig ang nangingibabaw?
Kung iba ang sinisigaw ng puso, anong kahingian ang mananaig? Ano ang kayang isakripisyo ni Filomena sa ngalan ng pag-ibig? Sasapat ba ito para sa pag-unlad na kanyang ninanais?

Sundan ang kasal ni Filomena na punong-puno ng kasakiman, agawan, at huwad na pagmamahalan. Saksihan ang kasalang yayanig sa buong angkan dahil hindi lang isa o dalawa, kundi tatlo ang nais magmay-ari sa puso ni Filomena.

Umindak, mamulat, at umibig sa muling pagbabalik ng Agham Pampulitika sa tanghalan ngayong SocSciYaw 2026, handog ang isang campy comedy musical na magtuturo sa atin kung ano nga ba ang tunay na pagmamahal.

Kaya ang tanong ng BA Political Science: May tututol ba sa kasalang ito?

Narito na ang Kasal, Kasapi, Kasosyo.

Sa gitna ng laganap na korapsyon, paano mapapanagot ang mga nasa kapangyarihan?

Ngayong Lunes, Abril 20, sa pagdidiriwang ng Social Sciences Week, makakasama natin sa webinar na “Holding Power to Account: Confronting Corruption and Defining Good Governance” sina Sonny Africa ng IBON Foundation, Teddy Casiño Kilusang Bayan Kontra Kurakot, at dating ACT Teachers Party-List Rep. France Castro ng MAKABAYAN upang talakayin kung paano haharapin at lalabanan ang korapsyon ng mulat at aktibong mamamayan, at mga alternatibong hakbang tungo sa makabuluhang pagbabago.

Ang webinar na ito ay sa pangunguna ng klase ng Political Science 14 MBC, Philippine Government and Politics, katuwang ang UP Polis.

Makinig. Makialam. Manindigan. Panahon nang singilin ang mga nasa kapangyarihan at igiit ang pamamahalang may tunay na pananagutan.

KAILAN : Abril 20, 2026 (Lunes, 8:30 - 11:30 AM)
SAAN: Online (Zoom)