Barangay 697 Zone 76

Ngayong Mayo 9 ay maaga po tayong lumibot at nagsagawa ng paglilinis sa ating barangay upang mapanatiling malinis, maayos, at ligtas ang ating komunidad. 🧹✨

Taos-puso po kaming nagpapasalamat sa lahat ng volunteers at mga nakiisa sa ating programa. Sa inyong oras, pagod, at malasakit, patuloy nating naipapakita ang tunay na diwa ng pagkakaisa at pagmamahal sa ating barangay at sa Maynila. 🤝🇵🇭

📢 WE ARE LOOKING FOR A PRESIDENTIAL SCHOLAR 🎓

May kilala ka bang estudyanteng halos sumuko na dahil sa hirap, pero patuloy pa ring lumalaban para sa pangarap? Baka siya na ang hinahanap namin 📚

Ang programang ito ay bukas para sa mga incoming 4th year college students (SY 2026–2027) na:
• Mula sa pamilyang nangangailangan o nanganganib na hindi makapagtapos 🎓
• Mas prayoridad ang mga pamilyang wala pang nakapagtapos ng kolehiyo 📖
• Residente ng ating barangay (kahit nag-aaral sa labas ng lungsod) 🏫

Kung ikaw ito, o may kilala kang karapat-dapat, huwag mag-atubiling mag-message at magsumite ng detalye ✉️

💙 Sama-sama nating itaguyod ang pangarap ng bawat kabataang Pilipino.

Kami po sa Sangguniang Kabataan ay magsisimula nang mangalap ng listahan ng mga mag-aaral. Inaanyayahan po namin ang lahat na magsend ng updated na grade level ng bawat estudyante para sa darating na pasukan, pati na rin ang mga pangalan ng mga bagong mag-aaral.

Maari po kayong mag Message sa aming page o sagutan ang link na nasa ibaba

https://forms.gle/FzyPS7aZ9g6eTGLb6

Maraming salamat po sa inyong pakikiisa.

🎉✨ CONGRATULATIONS! ✨🎉

Warmest congratulations to our dedicated SK Chairperson Joshua A. Arguilles on successfully passing the Civil Service Examination – Professional Level! 👏

Your achievement reflects your hard work, determination, and commitment to excellence in serving the youth and the community. This milestone is a testament to your passion for public service and your drive to lead with integrity.

May this success inspire you to continue making a positive impact and reaching even greater heights. We are proud of you!

Ngayong ika-2 ng Mayo, matagumpay nating naisagawa ang ating cleanup drive sa ating nasasakupan 🧹✨

Sa sama-samang pagtutulungan ng bawat isa, muli nating napatunayan na ang disiplina at malasakit sa kapaligiran ay susi sa isang malinis at maayos na komunidad 🌱

Maraming salamat po sa lahat ng nakiisa at tumulong. Patuloy po nating pangalagaan ang ating barangay para sa mas ligtas at mas maayos na kinabukasan 🤝💙

Kami po sa Barangay 697 ay taos-pusong humahanga at bumabati sa lahat ng manggagawang Pilipino—hindi lamang ngayong Labor Day kundi sa bawat araw. 💙🇵🇭

Dahil sa inyong sipag, tiyaga, at dedikasyon, patuloy na umuusad at tumatatag ang ating komunidad at ekonomiya. 🛠️📈

Saludo kami sa inyo! Kayo ang tunay na haligi ng bayan. 🙌✨

ADVISORY: MAGSUOT NG FACEMASK 😷

Ayon sa Manila City Disaster Risk Reduction and Management Department, naitala ng air quality sensors sa apat na monitored locations ang “Very Unhealthy” na antas ng hangin sa karamihan ng sensors sa lungsod at karatig-lugar bandang 12:00 AM, Abril 27, 2026.

Batay sa datos, posibleng nakaaapekto pa rin ang patuloy na sunog sa Navotas Landfill, kasabay ng direksyon ng hangin patungo sa Maynila at mga kalapit na lungsod.

Mahigpit na pinapayuhan ang publiko, lalo na sa paligid ng Puregold Tayuman, na iwasan muna ang paglabas kung hindi kinakailangan at magsuot ng face mask bilang proteksyon.

Ang mga bata, senior citizens, buntis, at may respiratory illness tulad ng hika ay pinapayuhang manatili muna sa loob ng bahay.

Manatiling alerto at subaybayan ang mga susunod na air quality updates.

Para sa emergency, tumawag sa Manila City DRRM Department:

☎️ (02) 8463-3295
📞 0950-700-3710
📞 0932-662-2322

APRIL 25, 2026 CLEAN UP DRIVE

Heads up, mga Manileño!

Magkakaroon po tayo ng Household Hazardous Waste Collection sa iba’t ibang barangay sa Maynila! ♻️

Ang programang ito ay naglalayong maiwasan ang panganib sa kalusugan at kapaligiran, matiyak ang wastong pagtatapon ng hazardous waste, at mapanatili ang kalinisan at kaayusan ng ating komunidad.

Kung may nakaimbak kayong mga delikadong basura sa bahay tulad ng:
🔋 sira o lumang baterya
🎨 tirang pintura at kemikal
💡 sirang ilaw at fluorescent lamps
💻 e-waste o sirang gadgets
at iba pang mapanganib na household materials.

Ito na ang tamang pagkakataon para maitapon ang mga ito nang ligtas at maayos.

📅 Iskedyul ng Koleksyon: Martes, April 28, 2026
📍 Oras: 8:00 ng umaga hanggang 5:00 ng hapon
📌 Lugar ng collection: Sa barangay na inyong kinabibilangan

• District 1 – Barangay 128, P/B Sigfred Hernane
• District 2 – Barangay 199, P/B Revelyn Linde Alegoria
• District 3 – Barangay 377, P/B Mark Brian Grande
• District 4 – Barangay 545, P/B Ramon Alcoran Jr.
• District 5 – Barangay 737, P/B Eddielyn Dimanlig
• District 6 – Barangay 830, P/B Efren Medina

Ang pakikilahok sa programang ito ay boluntaryo, subalit lubos na hinihikayat ang bawat isa na makiisa para sa kapakanan ng kalusugan at kalikasan.

Makiisa po tayo para sa mas malinis, mas ligtas na Maynila!

#𝗟𝗶𝗻𝗶𝘀𝗞𝗼𝗠𝗮𝘆𝗻𝗶𝗹𝗮
#𝗠𝗮𝗸𝗲𝗠𝗮𝗻𝗶𝗹𝗮𝗚𝗿𝗲𝗮𝘁𝗔𝗴𝗮𝗶𝗻