Aksyon Youth - Distrito Uno

𝐁𝐀𝐍𝐆𝐎𝐍, 𝐂𝐎𝐑𝐂𝐔𝐄𝐑𝐀!

Sa mga oras na ito ng pagsubok, nananawagan kami ng tulong para sa ating mga kaibigan, kapamilya, at kakilala sa Corcuera na naapektuhan ng sunog. Maraming pamilya ang nawalan ng tahanan, kabuhayan, at mga gamit, ngunit hindi kailanman mawawala ang ating pagkakaisa at malasakit.

Anumang tulong maliit man o malaki, ay malaking ginhawa na para sa kanila. Maaari po kayong magpadala ng inyong donasyon sa GCash na naka-attach sa ibaba. Ang bawat piso ay may katumbas na pag-asa.

Para sa transparency, amin itong i-uupload at i-uupdate ang kabuuang halaga ng mga donasyon at kung paano ito ipapamahagi sa mga biktima.

𝐌𝐀𝐋𝐈𝐆𝐀𝐘𝐀𝐍𝐆 𝐏𝐀𝐒𝐊𝐎 𝐀𝐓 𝐌𝐀𝐍𝐈𝐆𝐎𝐍𝐆 𝐁𝐀𝐆𝐎𝐍𝐆 𝐓𝐀𝐎𝐍!

Sa espesyal na panahong ito ng pagmamahalan, pagkakaisa, at pagbibigayan, ang Aksyon Youth Distrito Uno ay taos-pusong bumabati sa bawat isa, sa ating mga lider-kabataan, volunteers, at buong komunidad na patuloy na sumusuporta at nakikibahagi sa ating mga adhikain.

Ang Pasko ay paalala ng pag-asa at liwanag, at ang Bagong Taon ay simbolo ng bagong simula at mas matibay na pangarap. Nawa’y magsilbi itong inspirasyon upang lalo pa nating paigtingin ang ating malasakit sa kapwa at ang ating pagiging aktibong bahagi ng lipunan. Sa bawat hakbang na ating tinatahak, nawa’y dala natin ang diwa ng pagkakaisa at ang hangaring maglingkod nang tapat at buong puso.

𝐁𝐎𝐀𝐑𝐃 𝐏𝐀𝐒𝐒𝐄𝐑 𝐍𝐀 𝐒𝐈 𝐀𝐈𝐑𝐀!

Isang napakalaking tagumpay ang ipinagdiriwang natin ngayon!Ang matagumpay mong pag-pasa sa Nursing Licensure Examination 2025! Hindi lamang ito simpleng achievement, kundi ito’y bunga ng iyong walang sawang pagsisikap, mahabang oras ng pag-aaral, at matatag na pananalig sa sarili at sa Diyos.

Ang iyong dedikasyon bilang isang SK Chairwoman at ngayon bilang isang ganap na Registered Nurse ay patunay na kapag may pangarap, determinasyon, at puso sa paglilingkod, walang imposibleng makamit.

Nandito lang ang Aksyon Youth Distrito Uno na buong pusong sumusuporta at bumabati sa’yo!

𝐌𝐘𝐃𝐖𝐁 𝐌𝐀𝐊𝐄𝐒 𝐇𝐈𝐒𝐓𝐎𝐑𝐘!

Isang Malaking Pagbati sa Manila Youth Development and Welfare Bureau!

Lubos ang aming pasasalamat at paghanga sa Manila Youth Development and Welfare Bureau (MYDWB) sa pagkilalang Most Outstanding Local Youth Development Office in the Philippines!

Ang parangal na ito ay patunay ng walang sawang serbisyo, sipag, at dedikasyon ng buong tanggapan sa pagsusulong ng mga programang tunay na nakatutugon sa pangangailangan ng kabataang Manileño. Sa ilalim ng mahusay na pamumuno ni 𝗗𝗶𝗿𝗲𝗰𝘁𝗼𝗿 𝗝𝗼𝗵𝗻 𝗗𝗮𝗻𝗶𝗲𝗹 𝗟𝗮𝘆𝗻𝗼, patuloy na ipinapakita ng MYDWB ang kahalagahan ng tapat, makabago, at makataong pamamahala para sa kabataan.

Ang tagumpay na ito ay hindi lamang tagumpay ng tanggapan, kundi tagumpay din ng bawat kabataang Manileño na patuloy na nagsisikap, nangangarap, at naglilingkod para sa mas magandang kinabukasan.

Bilang kabahagi ng adbokasiya para sa kabataan, taus-pusong binabati at ipinagmamalaki ng Aksyon Youth Distrito Uno ang inyong natatanging tagumpay. Nawa’y magsilbi itong inspirasyon sa lahat upang ipagpatuloy ang paglilingkod at patuloy na magtaguyod ng pagbabago. 💙✨

𝐁𝐈𝐑𝐓𝐇𝐃𝐀𝐘 𝐍𝐀 𝐍𝐈 𝐊𝐎𝐍𝐒𝐈 𝐉𝐃!

Mula sa buong Aksyon Youth Distrito Uno, taus-puso kaming bumabati sa iyong kaarawan, Konsehal Joaquin Domagoso. Isang lingkod-bayan na patuloy na nagsisilbing inspirasyon sa mga kabataan ng Unang Distrito ng Maynila, lalo na rito sa Tondo.

Bilang kabataan na naniniwala sa tapat at progresibong pamumuno, saludo kami sa iyong malasakit sa mga Manileño, sa iyong dedikasyon sa serbisyo publiko, at sa iyong walang sawang pagtulong upang mapaunlad ang ating komunidad.

Nawa’y patuloy kang pagpalain ng lakas, talino, at inspirasyon upang ipagpatuloy ang iyong adhikain para sa mas progresibo, mas makatao, at mas makulay na Tondo.

𝐁𝐈𝐑𝐓𝐇𝐃𝐀𝐘 𝐍𝐀 𝐍𝐈 𝐘𝐎𝐑𝐌𝐄! 🤙🏻💙

Maligayang Kaarawan sa ating Mahal na Mayor ng Maynila, Hon. Francisco “Isko Moreno” Domagoso!

Mula sa Aksyon Youth Distrito Uno, kami po ay buong pusong bumabati sa inyo ng isang masaya, mapayapa, at makabuluhang kaarawan!

Bilang isang lider na tunay na nagmula sa masa, kayo po ay patuloy na nagsisilbing inspirasyon sa bawat kabataang Manileño. Sa ilalim ng inyong pamumuno, nakita namin kung paanong ang simpleng pangarap para sa isang maayos, malinis, at maipagmamalaking Maynila ay unti-unting naging katotohanan.

Kayo po ay isang huwarang lider na nagpapaalala sa amin na ang tunay na serbisyo publiko ay hindi nasusukat sa kapangyarihan o posisyon, kundi sa puso at dedikasyon sa paglilingkod.

Nawa’y patuloy kayong pagpalain ng Maykapal ng kalusugan, karunungan, at lakas upang maipagpatuloy ninyo ang inyong adbokasiya para sa isang mas maunlad at maipagmamalaking Maynila.

𝐋𝐄𝐓'𝐒 𝐌𝐀𝐊𝐄 𝐌𝐀𝐍𝐈𝐋𝐀 𝐘𝐎𝐔𝐓𝐇 𝐆𝐑𝐄𝐀𝐓 𝐀𝐆𝐀𝐈𝐍!

Isang malaking karangalan ang aming ipinaaabot sa 𝗠𝗮𝗻𝗶𝗹𝗮 𝗬𝗼𝘂𝘁𝗵 𝗗𝗲𝘃𝗲𝗹𝗼𝗽𝗺𝗲𝗻𝘁 𝗮𝗻𝗱 𝗪𝗲𝗹𝗳𝗮𝗿𝗲 𝗕𝘂𝗿𝗲𝗮𝘂 (𝗠𝗬𝗗𝗪𝗕) sa pangunguna ng kanilang masigasig at mahusay na lider, 𝗗𝗶𝗿𝗲𝗰𝘁𝗼𝗿 𝗝𝗼𝗵𝗻 𝗗𝗮𝗻𝗶𝗲𝗹 𝗟𝗮𝘆𝗻𝗼, sa pagkakapili bilang isa sa mga 𝗙𝗶𝗻𝗮𝗹𝗶𝘀𝘁𝘀 𝗻𝗴 𝗢𝘂𝘁𝘀𝘁𝗮𝗻𝗱𝗶𝗻𝗴 𝗬𝗼𝘂𝘁𝗵 𝗗𝗲𝘃𝗲𝗹𝗼𝗽𝗺𝗲𝗻𝘁 𝗢𝗳𝗳𝗶𝗰𝗲 𝗔𝘄𝗮𝗿𝗱𝘀 sa darating na 𝗣𝗵𝗶𝗹𝗶𝗽𝗽𝗶𝗻𝗲 𝗦𝗞 𝗔𝘄𝗮𝗿𝗱𝘀 𝟮𝟬𝟮𝟱!

Ang pagkilalang ito ay patunay ng inyong walang sawang dedikasyon, malasakit, at serbisyo para sa mga kabataang Manileño. Sa bawat proyekto, programa, at adbokasiyang inyong inilulunsad, malinaw na nakikita ang inyong layuning itaguyod ang kabataan bilang haligi ng pagbabago at pag-asa ng lungsod ng Maynila.

Pagbati mula sa Aksyon Youth - Distrito Uno!

𝐁𝐈𝐑𝐓𝐇𝐃𝐀𝐘 𝐍𝐀 𝐍𝐈 𝐌𝐎𝐈𝐑𝐀!

Isang mainit na pagbati ng Maligayang Kaarawan sa 𝗻𝗮𝗴-𝗶𝗶𝘀𝗮 𝗮𝘁 𝘁𝗮𝗻𝗴𝗶𝗻𝗴 𝗦𝗞 𝗦𝗲𝗰𝗿𝗲𝘁𝗮𝗿𝘆 ng 𝗔𝗸𝘀𝘆𝗼𝗻 𝗬𝗼𝘂𝘁𝗵 𝗗𝗶𝘀𝘁𝗿𝗶𝘁𝗼 𝗨𝗻𝗼 at kasalukuyang 𝗣𝘂𝗯𝗹𝗶𝗰𝗮𝘁𝗶𝗼𝗻 𝗮𝗻𝗱 𝗗𝗼𝗰𝘂𝗺𝗲𝗻𝘁𝗮𝘁𝗶𝗼𝗻 𝗢𝗳𝗳𝗶𝗰𝗲𝗿 ng 𝗔𝗸𝘀𝘆𝗼𝗻 𝗬𝗼𝘂𝘁𝗵 𝗗𝗶𝘀𝘁𝗿𝗶𝘁𝗼 𝗨𝗻𝗼.

Hindi matatawaran ang iyong dedikasyon at malasakit para sa kapwa kabataan. Sa bawat pagpupulong, proyekto, at gawain ng ating samahan, lagi mong naipapakita ang iyong pagiging masinop, masipag, at mapagkakatiwalaan. Sa likod ng lahat ng larawan, sulatin, at dokumento ng Aksyon Youth Distrito Uno, ikaw ang naging haligi at patunay na ang kabataan ay kayang maging responsable at maaasahan.

Muli, mula sa buong Aksyon Youth Distrito Uno, isang masigabong pagbati ng Maligayang Kaarawan!

𝐔𝐌𝐀𝐊𝐒𝐘𝐎𝐍 𝐌𝐔𝐋𝐈 𝐀𝐍𝐆 𝐀𝐊𝐒𝐘𝐎𝐍 𝐘𝐎𝐔𝐓𝐇!

Isang makabuluhan at pusong araw ng pagtutulungan at serbisyo ang isinagawa ng Aksyon Youth Distrito Uno sa isinagawang relief operations para sa mga biktima ng sunog sa Brgy. 105, Zone 8, Aroma, Tondo, Manila.

Kasama sina Sk Federation President- Councilor Juliana “Yanyan” Ibay, Sk Federation P.R.O Joey Venancio, Unite for Good - United Chosen President Patrick A. Mañez at Johanaville J. Villanueva ng Rotary Club of Pasay

Ang simpleng pagtulong ay may malaking kahulugan sa mga taong nawalan—ito ay simbolo ng pag-asa, pagkalinga, at pagkakaisa. Patuloy na ipinapakita ng mga kabataan at mga katuwang na organisasyon na ang tunay na diwa ng bayanihan ay buhay na buhay pa rin, lalo na sa panahong pinaka-kailangan ito.

𝐀𝐊𝐒𝐘𝐎𝐍 𝐘𝐎𝐔𝐓𝐇 - 𝐔𝐍𝐎 𝐏𝐑𝐄𝐒𝐈𝐃𝐄𝐍𝐓 𝐍𝐎𝐑𝐈𝐄, 𝐒𝐏𝐎𝐓𝐓𝐄𝐃 𝐋𝐈𝐕𝐄 𝐒𝐀 𝐈𝐓'𝐒 𝐒𝐇𝐎𝐖𝐓𝐈𝐌𝐄!

Ngayong araw, Agosto 6, 2025, isang napakagandang pagkakataon ang nasaksihan ng sambayanan matapos makita LIVE sa It’s Showtime si Aksyon Youth - Uno President Norie Sardia Celda!

Sa kanyang mabilisang tv appearance, buong tapang at malasakit na ibinahagi ni Pres. Norie ang tungkol sa isinusulong niyang HIV AWARENESS SEMINAR/ORIENTATION na gaganapin sa mga susunod na araw.

Sa mismong segment, sumuporta rin si Meme Vice Ganda sa layunin ng seminar at nagbigay ng kanyang matapang na pahayag:

"Mahalagang talakayin ang isyu ng HIV lalo na’t ito ang napapanahon. Malaking porsyento ng mga apektado ng HIV ay ang kabataan, kaya kailangan talagang mapalawak ang kaalaman ng kabataan patungkol sa mga aktibidad na may kinalaman sa sakit na ‘to."

Tunay ngang napakahalaga ng pagbibigay ng tamang impormasyon sa mga kabataan — hindi upang manakot, kundi upang magmulat, magbigay-babala, at magturo ng wastong pag-iingat.

Isang malaking saludo sa ating Presidente ng Aksyon Youth - Uno, Norie Sardia Celda, sa kanyang paninindigan at matapang na pagsulong ng edukasyong pangkalusugan. Isang huwaran ng bagong henerasyon ng lider kabataan!

𝐀𝐊𝐒𝐘𝐎𝐍 𝐘𝐎𝐔𝐓𝐇 𝐈𝐍 𝐀𝐂𝐓𝐈𝐎𝐍!

Ngayong araw, ang Aksyon Youth Distrito Uno katuwang si SK Federation President, Konsehala Yanyan Ibay, ay nag-abot ng relief goods para sa mga biktima ng sunog sa Barangay 93 Zone 8 District 1, Maynila.

Sa panahon ng pangangailangan, ang mga lider-kabataan ay handang umalalay at tumugon. Isa itong patunay na sa gitna ng sakuna, andiyan ang kabataang may malasakit at aksyon para sa kapwa.

𝐁𝐈𝐑𝐓𝐇𝐃𝐀𝐘 𝐍𝐀 𝐍𝐈 𝐒𝐓𝐄𝐏𝐇!

Maligayang Kaarawan sa aming Zone Leader ng Aksyon Youth Distrito Uno, SK Chairperson Stephanie Claire A. Capili!

Isang dakilang pagbati para sa isang natatanging lider na patuloy na nagsisilbing ilaw at inspirasyon sa kabataan ng Maynila. Hindi matatawaran ang iyong dedikasyon at puso sa paglilingkod—kinilala bilang Most Outstanding SK of Manila 2024 ng SK Federation Manila, at Gawad Husay 2025: Natatanging SK Chairperson sa Lungsod ng Maynila mula sa Manila Youth Bureau / Youth Development and Welfare Bureau.

Nawa’y magpatuloy ka sa pagiging huwaran at tagapagtanggol ng kabataan. Salamat sa iyong malasakit at walang sawang paglilingkod. Ang iyong tagumpay ay tagumpay ng kabataang Manileño.