20/10/2026
PAANYAYA SA LAHAT NG MAMAMAYAN
Paksa: 2nd Semester Barangay Assembly Day 2026
Mahal naming mga kabarangay!
Kayo po ay malugod naming inaanyayahan na dumalo sa 2nd Semester Barangay Assembly Day ng Barangay 713, Zone 78 na gaganapin sa Oktubre 25, 2026 (Linggo), sa ganap na ika-3:00 ng hapon, sa harap ng ating Barangay Hall, Maginhawa Street.
Sa pagtitipong ito, ating mapakikinggan ang mga proyekto at programang naisakatuparan sa mga nagdaang buwan ng taong 2026, ang mga plano para sa nalalabing mga buwan ng taon, at ang mga nakahandang programa para sa taong 2027.
Ang ating Barangay Assembly ay may temang:
“Tayo na sa Barangay Assembly! Nagkakaisang tinig, makabuluhang usapan, at sama-samang pagkilos para sa ating komunidad.”
Hinihikayat ang bawat mamamayan na makiisa, makinig, magbahagi ng mga mungkahi, at makilahok sa pagbuo ng mas maayos, ligtas, at maunlad na barangay.
Ang inyong presensya at pakikilahok ay mahalaga sa patuloy na pag-unlad ng ating komunidad.
Maraming salamat po! Mabuhay ang Barangay 713, Zone 78!
Lubos na gumagalang,
SANGGUNIANG BARANGAY NG BARANGAY 713, ZONE 78, DISTRICT V
Lungsod ng Maynila
