PUP CADBE Student Council

PHOTOS | Ngayong Araw ng Paggawa, muling nasaksihan ang sama-samang lakas ng uring manggagawa at kabataang patuloy na nananawagan ng nakabubuhay na sahod

Sa mga larawang ito ng sama-samang pagkilos, kung saan nagkakaisa ang mga manggagawa at kabataan sa iisang sigaw, malinaw na naipapakita ang iisang sentimyento: ang mariing pagtutol sa patuloy na pagtaas ng presyo ng bilihin at sa mababang sahod na hindi sapat sa araw-araw na pangangailangan. Ang mga bitbit na plakard, sabayang pagmartsa, at nagkakaisang tinig na sumasalamin sa matagal nang hinaing ng sambayanan, isang panawagang hanggang sa kasalukuyan ay nananatiling hindi ganap na natutugunan.

Ang bawat larawan ay hindi lamang alaala ng pagkilos, kundi patunay na ang pakikibaka ay nagpapatuloy. Hangga’t may inaaping manggagawa at kabataang handang lumaban, mananatiling buhay ang diwa ng Mayo Uno bilang araw ng paniningil, pakikibaka, at pag-asa para sa tunay na lipunang tunay na makatarungan at para sa lahat.

MABUHAY ANG MGA URING MANGGAGAWA!
URING MANGGAGAWA, HUKBONG MAPAGPALAYA!
SAHOD, ITAAS! PRESYO, IBABA!




Photo Credits: Nyomi

TIGNAN | Nakiisa ang Konseho ng Mag-aaral ng CADBE (CADBE SC) sa laksa-laksang iskolar mula sa Politeknikong Unibersidad ng Pilipinas (PUP) sa laban ng uring manggagawa ngayong Mayo Uno.

Mariin nating pinapanawagan ang ₱1200 na minimum wage bilang kagyat na tugon sa matagal nang pagkakait ng disenteng pamumuhay sa manggagawa; ang agarang pagpapatigil ng digmaang US–Iran na patuloy na nagpapalala ng pandaigdigang krisis at direktang nagpapahirap sa sambayanan; ang pagpasa ng anti-oil deregulation law upang wakasan ang diktadura ng malalaking kompanya ng langis sa presyo at ibalik ang kontrol sa estado para sa interes ng publiko at ang pagpapaalis ng mga dayuhang base militar sa Pilipinas bilang bahagi ng pakikibaka.

Mainit ang araw ngunit mas mainit ang panawagan para sa hustisya sa sahod, trabaho, at karapatan!

Mabuhay ang uring manggagawa! Makibaka, huwag matakot! ✊

𝗔𝗡𝗡𝗢𝗨𝗡𝗖𝗘𝗠𝗘𝗡𝗧 | April 30, 2026
𝗢𝗝𝗧 𝗢𝗥𝗜𝗘𝗡𝗧𝗔𝗧𝗜𝗢𝗡 𝗣𝗥𝗘-𝗥𝗘𝗚𝗜𝗦𝗧𝗥𝗔𝗧𝗜𝗢𝗡
[𝗙𝗢𝗥 3𝗥𝗗 𝗬𝗘𝗔𝗥 𝗔𝗡𝗗 4𝗧𝗛 𝗬𝗘𝗔𝗥 𝗖𝗔𝗗𝗕𝗘 𝗦𝗧𝗨𝗗𝗘𝗡𝗧𝗦]
Good day, 3𝙧𝙙 𝙖𝙣𝙙 4𝙩𝙝 𝙔𝙚𝙖𝙧 𝘾𝘼𝘿𝘽𝙀 𝙎𝙩𝙪𝙙𝙚𝙣𝙩𝙨.
This is to inform all students who will be taking their On-the-Job Training (OJT) that they are required to complete the pre-registration for the upcoming OJT Orientation scheduled on 𝙈𝙖𝙮 16, 2026.
All concerned students are advised to accomplish the registration within the given period to ensure proper documentation and smooth facilitation of the orientation program.
Thank you! Goodluck!
𝗥𝗘𝗚𝗜𝗦𝗧𝗥𝗔𝗧𝗜𝗢𝗡 𝗟𝗜𝗡𝗞:
https://docs.google.com/.../1FAIpQLSdJK3CwiuH.../viewform...
https://docs.google.com/.../1FAIpQLSdJK3CwiuH.../viewform...
https://docs.google.com/.../1FAIpQLSdJK3CwiuH.../viewform...
*𝘽𝙚𝙡𝙤𝙬 𝙞𝙨 𝙩𝙝𝙚 𝙌𝙍 𝙘𝙤𝙙𝙚 𝙛𝙤𝙧 𝙩𝙝𝙚 𝙊𝙅𝙏 𝙨𝙩𝙪𝙙𝙚𝙣𝙩 𝙩𝙤𝙤𝙡𝙠𝙞𝙩, 𝙬𝙝𝙞𝙘𝙝 𝙘𝙤𝙣𝙩𝙖𝙞𝙣𝙨 𝙚𝙨𝙨𝙚𝙣𝙩𝙞𝙖𝙡 𝙛𝙞𝙡𝙚𝙨 𝙖𝙣𝙙 𝙙𝙤𝙘𝙪𝙢𝙚𝙣𝙩𝙨 𝙧𝙚𝙡𝙖𝙩𝙚𝙙 𝙩𝙤 𝙩𝙝𝙚 𝙊𝙅𝙏.
𝙇𝙖𝙮𝙤𝙪𝙩 𝙗𝙮: 𝙋𝙐𝙋 𝙏𝙝𝙚 𝙁𝙧𝙚𝙚𝙝𝙖𝙣𝙙

𝗔𝗡𝗡𝗢𝗨𝗡𝗖𝗘𝗠𝗘𝗡𝗧 | April 30, 2026
𝗔𝗤𝗘 𝗢𝗥𝗜𝗘𝗡𝗧𝗔𝗧𝗜𝗢𝗡 𝗣𝗥𝗘-𝗥𝗘𝗚𝗜𝗦𝗧𝗥𝗔𝗧𝗜𝗢𝗡
[𝗙𝗢𝗥 𝗜𝗡𝗖𝗢𝗠𝗜𝗡𝗚 3𝗥𝗗 𝗬𝗘𝗔𝗥 𝗔𝗥𝗖𝗛𝗜 𝗦𝗧𝗨𝗗𝗘𝗡𝗧𝗦]
Good day, 𝙄𝙣𝙘𝙤𝙢𝙞𝙣𝙜 3𝙧𝙙 𝙔𝙚𝙖𝙧 𝘼𝙧𝙘𝙝𝙞𝙩𝙚𝙘𝙩𝙪𝙧𝙚 𝙎𝙩𝙪𝙙𝙚𝙣𝙩𝙨.
Please be informed that all concerned students are required 𝙩𝙤 𝙧𝙚𝙜𝙞𝙨𝙩𝙚𝙧 𝙤𝙣 𝙤𝙧 𝙗𝙚𝙛𝙤𝙧𝙚 𝙈𝙖𝙮 12.
Please take note that the registration deadline must be strictly observed, as the submitted parent/guardian names will be finalized and forwarded to the Security Office for clearance and entry on the day of the orientation.
Thank you! Goodluck!
𝗥𝗘𝗚𝗜𝗦𝗧𝗥𝗔𝗧𝗜𝗢𝗡 𝗟𝗜𝗡𝗞:
https://docs.google.com/.../1AMw6sLt56aocPUbK.../viewform...
https://docs.google.com/.../1AMw6sLt56aocPUbK.../viewform...
https://docs.google.com/.../1AMw6sLt56aocPUbK.../viewform...
𝙇𝙖𝙮𝙤𝙪𝙩 𝙗𝙮: 𝙋𝙐𝙋 𝙏𝙝𝙚 𝙁𝙧𝙚𝙚𝙝𝙖𝙣𝙙

ALERT | 9TH INFANTRY DIVISION, NAMATAAN SA PUP! MILITAR SA PAMANTASAN, PALAYASIN!

Ngayong araw, namataan ng mga estudyante ng ating pamantasan ang isang sasakyang militar na pagmamay-ari ng 9th Infantry Division ng Philippine Army. Ang infantry unit na ito ay kilala bilang primaryang unit ng Philippine Army sa Bicol Region.

Ayon sa ulat, nang lapitan ng mga estudyante ang mga militar, wala silang maibigay na malinaw na paliwanag at agad na umiwas sa pananagutan.

Hindi pa man naghihilom ang sugat ng mamamayan sa naganap na karahasan sa Toboso, Negros Occidental kung saan 19 ang pinaslang—kabilang ang mga sibilyan, estudyante, mamamahayag, at organisador. Ang Toboso 19 ay patunay ng brutal na mukha ng militarisasyon sa kanayunan at sa mamamayan. Ang ganitong uri ng dahas ay walang puwang sa loob ng ating pamantasan.

Kaugnay nito, mariing iginigiit ng PUP CADBE Student Council na ibalik at ipatupad ang PUP-DND Accord! Hindi dapat pahintulutan ang presensya ng AFP, PNP, at CAFGU sa alinmang kampus ng PUP nang walang pahintulot at abiso. Walang puwang ang pakikialam, paniniktik, at panggigipit sa mapayapang pagkilos ng mga Iskolar ng Bayan.

Mariing kinokondena ng PUP CADBE Student Council at buong komunidad ng CADBE ang pagpasok ng militar sa ating pamantasan. Ipinanawagan natin ang PUP Administration na huwag pahintulutan ang malayang pagpasok ng militar sa loob ng unibersidad—tungkulin nilang tiyakin na ligtas at malaya ang ating Sintang Paaralan mula sa banta ng karahasan at paniniktik.

Sa harap ng ganitong panghihimasok, mas lalo tayong tumitindig. Hindi dapat manaig ang takot—palalakasin natin ang ating tinig at paiigtingin ang panawagan para sa hustisya at tunay na kapayapaan.

Iskolar ng Bayan, tumindig tayo! Sama-sama nating ipagtanggol ang ating pamantasan laban sa militarisasyon, panunupil, at pang-aabuso. Hangga’t may bantang dulot ng presensya ng militar sa ating paaralan, hindi tayo titigil sa paglaban.

Photo credit: Sofia Tañedo

LOOK | The PUP CADBE Student Council attended the All Leaders' Meeting convened by the PUP Office of the Student Regent, together with the PUP Sentral na Konseho ng Mag-aaral (SKM) Manila, uniting student leaders from across the PUP System.

The discussions highlighted both college-level and system-wide plans to align initiatives across campuses in preparation for the upcoming Mayo Uno. These efforts aim to ensure a coordinated and collective mobilization that reflects the unified call for workers’ rights, just wages, and humane working conditions.

Grounded in the lived realities of the masses, the discussion served as a space to consolidate action points, strengthen inter-campus coordination, and advance a people-centered response that situates the role of Iskolar ng Bayan within the broader struggle of the working class.

Mga Iskolar ng Bayan, singilin ang estadong pabaya, pasista, at pahirap sa sambayanan!

Ilang beses nang pinatunayan ng estadong ito na hindi ang interes ng taumbayan ang prayoridad nito. Wala itong ibang ginawa kundi mag-anak ng krisis sa bansa o hindi kaya ay mas lalo pang palalain ang mga problemang matagal nang nararanasan ng mamamayan!

Krisis ang kinakain ng mga Pilipino sa araw-araw ng kanilang buhay! Sa patuloy na paglobo ng presyo ng gasolina at mga bilihin, bunsod ng agresyon ng US-Israel sa Iran, patuloy ring nalulugmok sa hirap ang mga Pilipinong barya-barya lang ang sinasahod. Hirap na nga ang mga Pilipino sa epekto ng gyera sa Pilipinas, mukhang nais pa ni Marcos Jr. na dalhin ang gyerang ito sa ating bansa sa pamamagitan ng pagpayag na makapasok dito ang libo-libong US military troops bilang parte ng Balikatan Exercises—bagay na maaaring mag-udyok sa mga kalaban ng US na magsimula rin ng gyera sa ating bansa.

Sa kabilang banda, habang lubog sa hirap ang sambayanang Pilipino, patuloy namang nagpapakasarap sa kapangyarihan ang mga naghaharing-uri, sa pangunguna ni Marcos Jr. at Sara Duterte. Habang araw-araw na kailangang magtiis ng mga ordinaryong mamamayan, nagpapakasasa pa rin sa pera ng taumbayan ang mga kurakot sa gobyerno na hanggang ngayon ay hindi pa rin nananagot.

Imbis na nailalaan sa mga batayang serbisyong panlipunan ang pera ng taumbayan, napupunta ito sa sariling bulsa ng mga politiko at makakapangyarihan. Bukod dito, pinopondohan din ng mapanupil na rehimen ang pamamasismo sa bansa. Patuloy ang pagpondo sa NTF-ELCAC na kilala sa panre-redtag sa mga mamamayang lumalaban. Patuloy ring ang paglaki ng pondo para sa AFP-PNP na kilala sa pagiging numero unong yumuyurak sa karapatang pantao ng sambayanan. Manipestasyon nito ang masaker na ginawa ng 79th Infantry Battalion sa 19 na indibidwal sa Negros Occidental. Kabilang dito ang lider-estudyante ng University of the Philippines na si Alyssa Alano, ang cultural worker at peasant organizer na si Errol Wendel, ang mamamahayag at youth leader na si RJ Ledesma, at peasant organizer at UP teacher Maureen Santuyo.

Malinaw mula rito na walang ibang mukha ang estadong ito kundi pagpapabaya, pamamasismo, at pagpapahirap sa sambayanan. Imbis na tugunan ang pangangailangan ng taumbayan sa mga batayang karapatan nito—ang mga kabataang estudyante sa maayos, aksisable, at libreng edukasyon, ang mga manggagawa sa maayos at nakabubuhay na sahod, ang mga magsasaka sa tunay na reporma sa lupa, at iba pang pangangailangan ng mamamayan upang mabuhay nang maayos—nananatiling gumagana ang gobyerno, hindi para sa kapakanan ng mga Pilipino kundi para sa ganansya ng mga naghaharing-uri na naririto.

Kaya naman, mga Iskolar ng Bayan, maniningil tayo! Sa panahon kung kailan nagbibingi-bingihan ang estado, higit na dapat tayong mag-ingay. Ngayon ang panahon upang higit na padagundungin ang lansangan, bitbit ang ating galit at paniningil. Sa panahon kung saan sinusupil ng pasistang estadong ito ang boses ng mga mamamayang lumalaban at nakikibaka, higit dapat tayong magpalakas at magpalawak!

DUMALO AT MAGPADALO:
April 28, 2026
3:00 PM
P. Noval

𝐂𝐀𝐋𝐋 𝐅𝐎𝐑 𝐑𝐄𝐒𝐏𝐎𝐍𝐃𝐄𝐍𝐓𝐒 📣📣📣

We are currently conducting a research study and are looking for 𝗿𝗲𝘀𝗶𝗱𝗲𝗻𝘁𝘀 𝗼𝗳 𝗕𝗮𝗿𝗮𝗻𝗴𝗮𝘆 𝗦𝘁𝗼. 𝗡𝗶ñ𝗼 𝗮𝗻𝗱 𝗕𝗮𝗿𝗮𝗻𝗴𝗮𝘆 𝗠𝗮𝗹𝗮𝗻𝗱𝗮𝘆, 𝗠𝗮𝗿𝗶𝗸𝗶𝗻𝗮 𝗖𝗶𝘁𝘆 to participate in our survey.
Your experiences living in 𝗵𝗶𝗴𝗵-𝗿𝗶𝘀𝗲 (𝟳–𝟲𝟬 𝘀𝘁𝗼𝗿𝗲𝘆𝘀) or 𝗹𝗼𝘄-𝗿𝗶𝘀𝗲 (𝟭–𝟲 𝘀𝘁𝗼𝗿𝗲𝘆𝘀) housing matter and can help us better understand urban residential environments.

✅𝙔𝙤𝙪 𝙘𝙖𝙣 𝙥𝙖𝙧𝙩𝙞𝙘𝙞𝙥𝙖𝙩𝙚 𝙞𝙛 𝙮𝙤𝙪 𝙖𝙧𝙚:
• A resident of 𝗕𝗮𝗿𝗮𝗻𝗴𝗮𝘆 𝗦𝘁𝗼. 𝗡𝗶ñ𝗼 (𝗵𝗶𝗴𝗵-𝗿𝗶𝘀𝗲 𝗵𝗼𝘂𝘀𝗶𝗻𝗴) 𝗼𝗿 𝗕𝗮𝗿𝗮𝗻𝗴𝗮𝘆 𝗠𝗮𝗹𝗮𝗻𝗱𝗮𝘆 (𝗹𝗼𝘄-𝗿𝗶𝘀𝗲 𝗵𝗼𝘂𝘀𝗶𝗻𝗴)
• Have lived in the barangay for 𝗮𝘁 𝗹𝗲𝗮𝘀𝘁 𝗼𝗻𝗲 (𝟭) 𝘆𝗲𝗮𝗿

𝗬𝗼𝘂 𝗺𝗮𝘆 𝘀𝗰𝗮𝗻 𝘁𝗵𝗲 𝗤𝗥 𝗰𝗼𝗱𝗲 𝗼𝗿 𝗰𝗹𝗶𝗰𝗸 𝘁𝗵𝗲 𝘀𝘂𝗿𝘃𝗲𝘆 𝗹𝗶𝗻𝗸 𝗯𝗲𝗹𝗼𝘄 𝘁𝗼 𝗽𝗮𝗿𝘁𝗶𝗰𝗶𝗽𝗮𝘁𝗲.
📎𝙎𝙪𝙧𝙫𝙚𝙮 𝙇𝙞𝙣𝙠: https://docs.google.com/forms/d/e/1FAIpQLSc2IDm95_t5qyEzC3qrXrokpI5KxQA7xYW0X1456ZshWGiaEA/viewform

📝 Your responses will greatly help our research.

Thank you for being part of this study!

HUSTISYA PARA KAY ALYSSA ALANO!

Pahayag ng Pagkondena ng PUP CADBE Student Council sa Pagpaslang kay Alyssa Alano

Noong Abril 19, walang habas at walang pakundangang pinaulanan ng bala ng 79th Infantry Battalion ng Armed Forces of the Philippines (AFP) ang Barangay Salamanca, Toboso, Negros Occidental. Sa naganap na brutal na operasyong militar, hindi bababa sa 168 na pamilya at 653 na indibidwal ang sapilitang napalayas sa kanilang mga tahanan—iniwan ang kanilang kabuhayan, seguridad, at dignidad sa gitna ng takot at dahas na dulot ng mismong institusyong dapat sana’y nagtatanggol sa kanila.

Mas lalong nakakagalit at nakapangingilabot ang balitang isa sa mga nasawi ay ang ating kapwa Iskolar ng Bayan na si USC Councilor Alyssa Alano, ayon sa ulat ng UP Diliman University Student Council. Ang kanyang pagkamatay ay malinaw na patunay ng patuloy na pasistang atake at walang habas na panunupil ng militar sa mga sibilyan, lalo na sa mga komunidad sa kanayunan.

Mariing kinukundena ng PUP CADBE Student Council ang karumal-dumal na pagpaslang na ito. Walang anumang katwiran ang maaaring magbigay-linaw sa pagkitil ng buhay ng isang inosenteng sibilyan—isang kabataang lider na nagsisilbi sa bayan. Ang ganitong klase ng karahasan ay hindi lamang paglabag sa karapatang pantao, kundi isang tahasang pagyurak sa hustisya at demokrasya.

Hindi kami mananahimik. Hindi kami papayag na gawing normal ang ganitong uri ng estado ng karahasan. Ang militarisasyon sa mga komunidad, ang pananakot, at ang pagpaslang sa mga sibilyan ay malinaw na patunay ng abusong kapangyarihan na dapat agad na papanagutin.

Kaisa ang PUP CADBE Student Council at ang komunidad ng CADBE sa paninindigan: ipaglaban ang karapatan, igiit ang hustisya, at labanan ang anumang anyo ng pasismo at pang-aabuso. Sa harap ng takot at dahas, mas lalong titindig ang kabataan, mas lalakas ang aming tinig, at mas paiigtingin ang laban para sa tunay na kapayapaan at katarungan.

Iskolar ng Bayan, ipagpatuloy natin ang militanteng diwa ni Alyssa Alano!

Tumindig tayo, kasama ang bawat Iskolar ng Bayan at buong komunidad ng PUP, laban sa karahasan, panunupil, at militarisasyon na patuloy na kumikitil sa buhay at karapatan ng mamamayan. Hangga’t walang hustisya, hindi matatapos ang laban.

Hustisya para kay Alyssa Alano!
Uphold International Humanitarian Law!
Militar sa kanayunan, palayasin!

Today we celebrate the birthday of our hardworking VCS Secretary Officer, Jaz!🎂🥳 Your dedication and reliability never go unnoticed, especially in how you help keep everything organized and running seamlessly behind the scenes. Your effort, creativity, and positive energy truly contribute so much to the student council and every event we accomplish.

Thank you for always stepping up, giving your best and making a real difference in the council. Wishing you a day filled with happiness and a year full of achievements ahead! — From your CADBE SC family ✨❤️