Deputy Chief of Coast Guard Staff for Marine Environmental Protection, CG-9

𝐒𝐄𝐂. 𝐋𝐎𝐏𝐄𝐙 𝐀𝐓 𝐁𝐔𝐎𝐍𝐆 𝐃𝐎𝐓𝐑, 𝐍𝐀𝐊𝐈𝐊𝐈𝐑𝐀𝐌𝐀𝐘 𝐒𝐀 𝐏𝐀𝐌𝐈𝐋𝐘𝐀 𝐍𝐆 𝐍𝐀𝐒𝐀𝐖𝐈𝐍𝐆 𝐏𝐂𝐆 𝐏𝐄𝐑𝐒𝐎𝐍𝐍𝐄𝐋 𝐒𝐀 𝐋𝐔𝐌𝐔𝐁𝐎𝐆 𝐍𝐀 𝐁𝐀𝐑𝐊𝐎 𝐒𝐀 𝐁𝐀𝐒𝐈𝐋𝐀𝐍

Nagpaabot ng lubos na pakikiramay si Secretary Banoy Lopez at ang buong Department of Transportation sa pamilya ni Seaman First Class (SN1) Alkhaizar Q Hadjail ng Philippine Coast Guard (PCG), na kasama sa mga nasawi sa paglubog ng MV Trisha Kerstin 3 kamakailan.

“Saludo ako at ang buong DOTr family sa ipinakitang kabayahinan ni SN1 Hadjail, na hindi nag-atubiling tumulong sa kapwa kahit sa gitna ng panganib. Lubos ang aming pakikiramay sa kanyang pamilya, pati na sa buong hanay ng PCG,” ani Secretary Lopez.

Ayon sa kwento ng mga survivors, matapang na sinuong ng 30-anyos na si SN1 Hadjail ang tubig dagat at inuna munang isalba ang ibang mga pasahero bago ang kanyang sarili.

“Mananatiling inspirasyon ang kanyang kabayanihan at katapangan hindi lamang sa PCG, kundi sa buong sambayanang Pilipino. We will honor his memory by doing our utmost to prevent these maritime incidents from happening again,” dagdag pa ng Kalihim.

Natagpuan ang labi ni SN1 Hadjail sa tulong ng pinaigting na search and rescue operations ng PCG. Sa huling tala, umabot na sa 42 ang namatay sa insidente, habang 316 naman ang nailigtas.

“Lubos din po ang aming pakikiramay sa mga pamilya ng lahat ng mga nasawi sa trahedyang ito,” saad ni Sec. Lopez. # # #

🇵🇭