Mansalay Municipal Health Office

Directions

Mansalay Municipal Health Office Mansalay Municipal Health Office

MAD: Mansalay Ayaw sa Dengue! Nakiisa ang lahat ng barangay sa isinagawang province-wide clean-up drive.Mula sa paglilin...
25/09/2026

MAD: Mansalay Ayaw sa Dengue!

Nakiisa ang lahat ng barangay sa isinagawang province-wide clean-up drive.

Mula sa paglilinis ng kapaligiran hanggang sa pagtanggal ng mga posibleng pamugaran ng lamok—bawat barangay, bawat tahanan, may ambag sa laban kontra dengue.

Sama-sama. Sama-samang kumilos. Sama-samang protektahan ang komunidad. 🦟🚫

DENGUE UPDATE | M.A.D. TRACKER📅 September 1–15, 2026Sa unang kalahati ng Setyembre, nakapagtala ng 30 dengue cases sa at...
16/09/2026

DENGUE UPDATE | M.A.D. TRACKER
📅 September 1–15, 2026

Sa unang kalahati ng Setyembre, nakapagtala ng 30 dengue cases sa ating mga barangay. Pinakamarami ang naitala sa Brgy. B. Del Mundo, Poblacion, at Don Pedro.

Patuloy nating palakasin ang 4S Kontra Dengue at gawing regular ang paglilinis sa loob at paligid ng ating mga tahanan. Alisin ang mga naipong tubig na maaaring pamugaran ng lamok.

Huwag hintayin na dumami ang kaso. Kumilos at mag-ingat ngayon.
Sama-sama nating labanan ang Dengue.

Deng-Get Out!

Narito ang bilang ng mga naitalang Dengue Cases sa ating Municipality para sa buwan ng Agosto.Ang bawat bilang ay paalal...
12/09/2026

Narito ang bilang ng mga naitalang Dengue Cases sa ating Municipality para sa buwan ng Agosto.

Ang bawat bilang ay paalala na mahalagang manatiling alerto at sama-samang kumilos upang maiwasan ang pagkalat ng dengue.

Mag 4S Kontra Dengue:
🔎 Search and Destroy – Hanapin at alisin ang mga pinamumugaran ng lamok.
🛡️ Self-Protection – Gumamit ng mosquito repellent at magsuot ng angkop na damit.
🏥 Seek Early Consultation – Agarang kumonsulta kapag may sintomas ng dengue.
🤝 Support Spraying – Makipagtulungan sa barangay at RHU sa mga lugar na may outbreak o hotspot.

Sama-sama nating labanan ang dengue. Deng-Get Out!

M.A.D. – Mansalay Ayaw sa Dengue⚠️ Patuloy ang pagtaas ng kaso ng Dengue sa Mansalay, at may clustering na ng mga kaso s...
04/08/2026

M.A.D. – Mansalay Ayaw sa Dengue

⚠️ Patuloy ang pagtaas ng kaso ng Dengue sa Mansalay, at may clustering na ng mga kaso sa Brgy. Poblacion.

Maglaan ng ilang minuto bawat araw upang linisin ang paligid at alisin ang mga maaaring pamugaran ng lamok.

Kapag may lagnat o sintomas ng dengue, magpakonsulta agad sa pinakamalapit na health facility.

Ang simpleng pag-iingat ngayon ay makatutulong upang maprotektahan ang ating pamilya at komunidad. Sama-sama nating pigilan ang dengue.

✅ BEAT HY-5 Program🗓️ Hulyo 30, 2026📍 Barangay CabalwaMatagumpay na isinagawa ng Municipal Health Office ang paglulunsad...
31/07/2026

✅ BEAT HY-5 Program
🗓️ Hulyo 30, 2026
📍 Barangay Cabalwa

Matagumpay na isinagawa ng Municipal Health Office ang paglulunsad ng BEAT HY-5 Program sa Barangay Cabalwa. Layunin ng programang ito na palawakin ang kaalaman ng mga residente tungkol sa limang pangunahing kondisyon na may kaugnayan sa kalusugan—Hypertension, Hyperuricemia, Hypercholesterolemia, Hyperglycemia, at Hyperacidity—at hikayatin ang bawat isa na magkaroon ng mas malusog na pamumuhay sa pamamagitan ng tamang kaalaman, maagang pagsusuri at wastong pangangalaga sa kalusugan.

Bilang bahagi ng programa, nagkaroon ng libreng konsultasyon, fasting blood sugar testing at cholesterol testing na nakatulong sa maagang pagtukoy at pamamahala ng mga posibleng suliraning pangkalusugan ng mga residente.

Sa pakikipagtulungan ng mga opisyal ng Barangay Cabalwa, sa pangunguna ni Barangay Captain Oliver Maligo, ay nakapagbigay ng libreng gamot sa mga dumalo upang higit na masuportahan ang kanilang pangangalaga sa kalusugan.

Nagkaroon din ng health education ukol sa Road Safety at pagbibigay ng impormasyon tungkol sa nalalapit na Measles-Rubella Supplemental Immunization Activity (MR-SIA) na isasagawa sa buwan ng Agosto.

Lubos na naging matagumpay ang aktibidad sa tulong at pakikiisa ng mga Barangay Officials, Barangay Health Workers (BHWs), at Barangay Nutrition Scholars (BNS). Maraming salamat sa inyong walang sawang suporta at dedikasyon sa pagsusulong ng kalusugan at kapakanan ng bawat mamamayan ng Barangay Cabalwa.

🔴 M.A.D. - Mansalay Ayaw sa DenguePatuloy ang pagtala ng pagtaas ng kaso ng Dengue sa ating bayan, partikilar na sa Brgy...
21/07/2026

🔴 M.A.D. - Mansalay Ayaw sa Dengue

Patuloy ang pagtala ng pagtaas ng kaso ng Dengue sa ating bayan, partikilar na sa Brgy. Poblacion.

Narito ang pinakabagong update ng dengue sa Mansalay. Ang layunin ng tracker na ito ay upang mapanatiling alam ng lahat ang kasalukuyang kalagayan at mahikayat ang bawat pamilya na makiisa sa pag-iwas sa dengue.

Ugaliing gawin ang 4S Kontra Dengue:
✅ Search and destroy ng mga pinamumugaran ng lamok.
✅ Self-protection tulad ng pagsusuot ng damit na mahahaba at paggamit ng mosquito repellent.
✅ Seek early consultation kapag may lagnat na tumatagal o may sintomas ng dengue.
✅ Support spraying/fogging sa mga lugar na inirerekomenda ng health authorities.

Sama-sama nating panatilihing ligtas ang ating komunidad. Maging mapagmatyag, panatilihing malinis ang paligid, at agad magpakonsulta kung may nararanasang sintomas gaya ng lagnat, masakit na kasu-kasuhan, at rashes.

Magandang balita! Matutuloy na po ang Medical Eye Mission.Inaabisuhan ang lahat ng mga nakapagpalista para sa libreng op...
12/07/2026

Magandang balita! Matutuloy na po ang Medical Eye Mission.

Inaabisuhan ang lahat ng mga nakapagpalista para sa libreng operasyon sa cataract at pterygium na magtungo sa Super Health Center sa Hulyo 13, 2026 (Lunes) para sa eye screening, na magsisimula alas-8:00 ng umaga.

Ang libreng operasyon naman ay isasagawa sa Hulyo 14, 2026 (Martes) para sa mga kwalipikadong pasyente batay sa resulta ng screening.

Dahil may banta pa rin ng pag-ulan, hinihikayat ang lahat na magdala ng payong o kapote at dumating nang mas maaga upang maging maayos ang daloy ng screening.

Maraming salamat po sa inyong pakikiisa. Inaasahan namin ang inyong pagdalo at sama-sama nating pangalagaan ang kalusugan ng ating mga mata.

MAHALAGANG ANUNSYO: PAGPAPALIBAN NG MEDICAL EYE MISSION Magandang araw, mga Mansalenyo!Ipinababatid po namin na ang naka...
11/07/2026

MAHALAGANG ANUNSYO: PAGPAPALIBAN NG MEDICAL EYE MISSION

Magandang araw, mga Mansalenyo!

Ipinababatid po namin na ang nakatakdang Medical Eye Mission na kinabibilangan ng libreng screening at operasyon para sa katarata at pterygium na gaganapin ngayon July 12-13, 2026 ay ipinagpapaliban muna.

Ang pagpapaliban ay bunsod ng pagkansela ng biyahe ng barko, dahilan upang hindi makabiyahe ang ating mga doktor na magsasagawa ng screening at operasyon.

Humihingi po kami ng paumanhin sa anumang abalang naidulot nito at taos-puso naming pinahahalagahan ang inyong pang-unawa at pakikiisa.

Manatili po tayong nakaantabay sa mga susunod na anunsyo mula sa Municipal Health Office at Lokal na Pamahalaan ng Mansalay para sa bagong iskedyul ng screening at libreng operasyon.

Maraming salamat po sa inyong pag-unawa. Patuloy po nating pangalagaan ang ating kalusugan at sama-sama nating hintayin ang muling pagsasagawa ng programang ito.

LIBRENG OPERASYON PARA SA KATARATA AT PTERYGIUM! Magandang balita, mga Mansalenyo!Ang Lokal na Pamahalaan ng Mansalay, s...
01/07/2026

LIBRENG OPERASYON PARA SA KATARATA AT PTERYGIUM!

Magandang balita, mga Mansalenyo!

Ang Lokal na Pamahalaan ng Mansalay, sa pakikipagtulungan sa mga pribadong organisasyon, ay magsasagawa ng Medical Eye Mission na naglalayong magbigay ng 50 slots para sa libreng operasyon para sa mga pasyenteng may katarata at pterygium. Ang aktibidad ay gaganapin sa Mansalay Super Health Center.

May screening na gaganapin bago ang operasyon para malaman kung ang pasyente ay pwede nang operahan.

📅 Schedule ng Medical Eye Mission:
🔹 July 12 – Screening at pagsusuri ng lahat ng pasyenteng nais magpaopera
🔹 July 13 – Araw ng libreng operasyon
🔹 July 14 – Post-operation consultation at follow-up check-up

📌 Paano magpalista?
Ang mga interesadong mag-avail ng libreng serbisyo ay maaaring magpalista sa inyong:
• Barangay Health Worker
• Barangay Nutrition Scholar
• Midwives ng Barangay
• Nurses ng Barangay

⚠️ Mahalagang Paalala:
Ang pagpapalista ay hindi nangangahulugang awtomatikong maisasailalim sa operasyon. Lahat ng pasyente ay kinakailangang dumaan sa screening at masusing pagsusuri ng mga doktor. Tanging ang mga mare-rekomendahan at maaaprubahan ng medical team ang maaaring sumailalim sa operasyon.

Huwag palampasin ang pagkakataong ito upang mapangalagaan ang kalusugan ng inyong mga mata. Magpalista na at ibahagi ang impormasyong ito upang mas marami pang Mansalenyo ang makinabang.

✅ Beat Hy5 🗓️ June 25, 2026 📍Proper PanaytayanMatagumpay na isinagawa ng Municipal Health Office ang pag-activate ng Bea...
26/06/2026

✅ Beat Hy5
🗓️ June 25, 2026
📍Proper Panaytayan

Matagumpay na isinagawa ng Municipal Health Office ang pag-activate ng Beat Hy-5 Program sa Sito Proper Brgy Panaytayan.Layunin ng programa na palawakin ang kaalaman ng mga residente tungkol sa limang pangunahing kondisyon sa kalusugan: Hypertension, Hyperuricemia, Hypercholesterolemia, Hyperglycemia, at Hyperacidity.

Kasabay nito, nagsagawa ng libreng konsultasyon, fasting blood sugar testing, pamamahagi ng libreng gamot, at libreng serbisyong dental tulad ng oral prophylaxis at fluoride application para sa mga buntis sa pangunguna ng Dentist ng MHO-Mansalay. Ang mga serbisyong ito ay nakatulong sa maagang pagtukoy ng mga suliraning pangkalusugan at sa pagpapanatili ng kalusugan ng mga benepisyaryo.

Naging matagumpay ang aktibidad sa tulong at pakikiisa ng Philippine Army, mga Barangay Officials, at mga Barangay Health Workers. Maraming salamat sa kanilang suporta sa pagsusulong ng kalusugan at kapakanan ng komunidad.

Address

Centro Poblacion
Mansalay
5213

Opening Hours

Monday 8am - 5pm
Tuesday 8am - 5pm
Wednesday 8am - 5pm
Thursday 8am - 5pm
Friday 8am - 5pm

Website

Alerts

Be the first to know and let us send you an email when Mansalay Municipal Health Office posts news and promotions. Your email address will not be used for any other purpose, and you can unsubscribe at any time.

Shortcuts

Share

Category