19/08/2026
SERBISYONG NARARAMDAMAN;
𝗕𝗨𝗬-𝗕𝗨𝗦𝗧 𝗢𝗣𝗘𝗥𝗔𝗧𝗜𝗢𝗡 𝗦𝗔 𝗗𝗔𝗡𝗔𝗢, 𝗕𝗢𝗛𝗢𝗟: 𝗣𝟱𝟰𝗞 𝗡𝗚𝗔 𝗦𝗛𝗔𝗕𝗨 𝗨𝗚 𝗠𝗚𝗔 𝗣𝗘𝗞𝗘𝗡𝗚 𝗞𝗪𝗔𝗥𝗧𝗔 𝗡𝗔𝗦𝗔𝗞𝗠𝗜𝗧; 𝟮 𝗞𝗔 𝗦𝗨𝗦𝗣𝗘𝗧𝗦𝗔𝗗𝗢 𝗦𝗜𝗞𝗢𝗣
Malampusong nasikop sa hiniusang pwersa sa Municipal Drug Enforcement Unit (MDEU) sa Danao Municipal Police Station (MPS) ug PDEA ang duha ka drug personalities atol sa usa ka buy-bust operation kagabii, Agosto 17, 2026, sa may alas 11:32 ang takna didto sa Purok 4, Barangay Sta. Fe, Danao, Bohol.
Ang mga nasikop mao ang usa ka 50-anyos nga babaye ug usa ka 47-anyos nga lalaki, nga pulos mga residente sa Banacon, Getafe, Bohol.
Nakuha gikan sa ilang posisyon ang mga sachet sa gituohang shabu nga motimbang og 8.02 gramos ug adunay Standard Drug Price (SDP) nga Php 54,536.00.
Gawas sa ilegal nga droga, nasakmit usab sa mga otoridad ang buy-bust money lakip na ang usa (1) ka tinuod nga Php 500 bill ug mga pekeng kwarta nga gilangkuban sa siyam (9) ka Php 500 bills ug kawhaag-tulo (23) ka Php 1,000 bills nga mokabat sa Php 27,500 nga peke nga kwarta. Narekober usab ang usa ka cellphone ug usa ka sling bag.
Ang maong malampusong operasyon nagpamatuod sa hugot ug padayong kampanya sa atong kapolisan batok sa pagkatap sa ilegal nga droga ug uban pang kriminalidad. Ang mga dinakpan gipaslak na sa karsel ug gikatakdang pasakaan og tukmang kaso.
Erico Aris Aumentado
