09/11/2026
𝐏𝐫𝐨𝐣𝐞𝐜𝐭 𝐋𝐚𝐮𝐧𝐜𝐡𝐢𝐧𝐠: 𝐒𝐮𝐩𝐩𝐨𝐫𝐭 𝐟𝐨𝐫 𝐈𝐧𝐜𝐥𝐮𝐬𝐢𝐯𝐞 𝐘𝐨𝐮𝐭𝐡 𝐃𝐞𝐯𝐞𝐥𝐨𝐩𝐦𝐞𝐧𝐭 𝐨𝐟 𝐋𝐞𝐚𝐫𝐧𝐞𝐫𝐬 𝐰𝐢𝐭𝐡 𝐃𝐢𝐬𝐚𝐛𝐢𝐥𝐢𝐭𝐢𝐞𝐬 𝐢𝐧 𝐂𝐚𝐦𝐚𝐫𝐢𝐧𝐞𝐬 𝐒𝐮𝐫
Ginibo kan Nobyembre 5, 2026 an Project Launching Activity para sa Support for Inclusive Youth Development of Learners with Disabilities in Camarines Sur, sarong makusog asin makahulugan na inisyatiba na may obhetong pakusugon an inklusibong edukasyon asin magtao nin dagdag na oportunidad sa mga estudyante na may kapansanan.
Inatendiran man an aktibidad kan Bishop of the Diocese of Libmanan, Chairperson of the Board of Directors, mga Local Chief Executives kan LGU Milaor asin LGU San Fernando, mga representante kan partner organizations, Schools Division Superintendent, school administrators, education leaders, Special Needs Education Coordinators, asin mga estudyante hali sa Milaor National High School asin San Antonio National High School.
Pinangenutan ini kan Caritas Diocese of Libmanan, Inc. (CDL) sa irarom kan BEN Programme, kaiba an NORFIL Foundation, Inc. asin Liliane Fonds.
An limang taon na programang ini, sa pakikipagtabangan kan DepEd Camarines Sur Division asin kan mga Lokal na Gobyerno kan Milaor asin San Fernando, nagmamawot na magtao nin suporta asin oportunidad sa 300 learners with disabilities sa paagi kan inklusibong edukasyon asin mas pinakusog na suporta hali sa komunidad.
An programang ini sarong pamidbid na an kada aki, ano man an saiyang kakayahan, may patas na oportunidad na mag-adal, umuswag, asin maabot an saindang mga pangarap.
Sa pagkakasararo asin pagtatarabangan, padagos tang isusulong an sarong komunidad na mayo nin aki na mawawalat.
𝘚𝘦𝘳𝘣𝘪𝘴𝘺𝘰 𝘢𝘴𝘪𝘯 𝘐𝘯𝘪𝘴𝘺𝘢𝘵𝘪𝘣𝘰 𝘱𝘢𝘳𝘢 𝘴𝘢 𝘒𝘢𝘶𝘴𝘸𝘢𝘨𝘢𝘯, 𝘓𝘪𝘥𝘦𝘳𝘢𝘵𝘰𝘯𝘨 𝘮𝘢𝘺 𝘈𝘬𝘴𝘺𝘰𝘯 𝘱𝘢𝘳𝘢 𝘴𝘢 𝘉𝘢𝘯𝘸𝘢𝘢𝘯
🔥
