Municipality of Monkayo

08/10/2026

08/10/2026

𝐄𝐀𝐑𝐋𝐘 𝐃𝐄𝐓𝐄𝐂𝐓𝐈𝐎𝐍, 𝐁𝐄𝐓𝐓𝐄𝐑 𝐏𝐑𝐎𝐓𝐄𝐂𝐓𝐈𝐎𝐍 | Alang sa mas sayo nga pag-ila ug paglikay sa cervical cancer, gihimo karong Oktubre 8, 2026, sa OMSWDO Function Hall ang Practicum on Visual Inspection with Acetic Acid (VIA). Gitumong niini ang pag-screen sa 100 ka kababayen-an nga nag-edad 30–65 gikan sa nagkalain-laing barangay, uban sa pag-apil sa mga nurses ug midwives gikan sa 11 ka lungsod aron mapalambo pa ang ilang kahibalo ug kahanas sa VIA screening. Kon adunay makit-an nga VIA-positive, mahatagan dayon og angay nga treatment alang sa dali ug hustong pag-atiman. Nag-uban sa maong kalihokan sila Dr. Shielamie Paclibar Castro, MD gikan sa DRMC, Dr. Cherry Joy Tabora, MD gikan sa SPMC, Kristine Mae Gallo, RN, Regional Cancer Program Manager, ug Petal Enanoria, RN, kauban ang mga personnel sa PHO. Kini nga kalihokan gipadagan sa DOH Region XI ug Provincial Health Office, sa pakigtambayayong sa Office of the Municipal Health Officer sa Monkayo, alang sa pagpalig-on sa cervical cancer screening ug pag-atiman sa kahimsog sa mga kababayen-an.

08/10/2026

📢 ATTENTION, MGA SKILLED MASON! 📢

Ang Monkayo Skills Training and Assessment Center (MonSTAC) nagdawat ug mga skilled workers sa Masonry nga gusto magpa-Competency Assessment ug makakuha sa Masonry NC II.

Kini nga oportunidad para sa mga adunay kasinatian ug kahibalo sa masonry work ug gusto nga ma-validate ug ma-recognize ang ilang skills pinaagi sa formal nga assessment ug certification.

✅ FREE ASSESSMENT
✅ 10 SLOTS AVAILABLE
✅ Para sa mga skilled ug adunay experience sa Masonry
✅ Higayon nga ma-assess ang inyong skills ug mahimong Masonry NC II holder

📅 Deadline sa Application: October 9, 2026

Ayaw palampasa kini nga higayon nga ma-certify ang inyong skills ug madugangan ang inyong qualifications alang sa mas daghang oportunidad sa trabaho.

📩 Para sa dugang impormasyon ug aplikasyon, i-message ang Monkayo Skills Training and Assessment Center o bisitaha kami sa Legislative Building – Ground Floor, Last Office, Monkayo, Davao de Oro.

07/10/2026

Malipayon nga Araw ng Barangay Tubo-Tubo! 🎉

Kinasingkasing nga pagtimbaya gikan sa Municipal Government of Monkayo, ubos sa pagpangulo ni Mayor Manuel Jayr N. Zamora, Jr., ngadto sa atong mga kaigsuonan sa Barangay Tubo-Tubo. Hinaot nga kining mahinungdanong adlaw magdala og kalipay ug garbo sa matag pamilya, samtang atong gisaulog ang panaghiusa, mga kalampusan, ug padayong pag-ASENSO sa inyong barangay.

07/10/2026

𝐁𝐑𝐈𝐃𝐆𝐈𝐍𝐆 𝐒𝐔𝐏𝐏𝐎𝐑𝐓 𝐓𝐎 𝐂𝐎𝐌𝐌𝐔𝐍𝐈𝐓𝐈𝐄𝐒 | Personal nga nanguna si Mayor Manuel Jayr N. Zamora, Jr. sa pag-apod-apod sa bugas ngadto sa katawhan sa Barangay Salvacion karong buntaga, Oktubre 8. Pinaagi sa panagtambayayong nila Congresswoman Maricar Zamora-Mabanglo ug Governor Raul Mabanglo, uban sa lokal nga panggamhanan, padayon nga gipaduol ang ayuda gikan sa nasyonal nga panggamhanan ngadto sa matag pamilya sa probinsya. Usa kini ka paningkamot aron masiguro nga ang suporta direktang makaabot sa atong mga komunidad.

07/10/2026

𝐎𝐍𝐄 𝐌𝐈𝐒𝐒𝐈𝐎𝐍, 𝐎𝐍𝐄 𝐓𝐄𝐀𝐌 | Pag-abiabi ug pagpasalamat ang gipadayag ni Mayor Manuel Jayr N. Zamora, Jr. ngadto sa mga partisipante sa Balikatan Exercise 2026 atol sa welcome program karong gabhiona sa Octa M Farm. Mitambong ang mga disaster responders gikan sa 11 ka lungsod sa Davao de Oro, apil ang Provincial Disaster Risk Reduction and Management Office (PDRRMO) nga gipangulohan ni PDRRMO Head Joseph Randy Loy. Kini nga kalihokan gipangulohan sa Davao de Oro League of Disaster Managers (DOLDiM) uban sa suporta ni Governor Raul Mabanglo, isip kabahin sa paningkamot nga mas mapalalom ang maayong panag-uban, koordinasyon, ug pagtinabangay sa mga disaster responders sa tibuok probinsya. Pinaagi sa maong panagtapok, napalambo usab ang mas lig-on nga relasyon tali sa mga disaster responders samtang nagpaambit sila og kasinatian ug nagpalig-on sa ilang panaghiusa isip usa ka team sa pag-atubang sa mga hagit sa kalamidad ug emerhensiya sa probinsya.

07/10/2026

𝐑𝐄𝐀𝐃𝐘 𝐅𝐎𝐑 𝐁𝐔𝐒𝐈𝐍𝐄𝐒𝐒 | Aron maandam ang mga benepisyaryo sa Sustainable Livelihood Program (SLP) sa aktuwal nga pagpatuman ug pagsugod sa ilang mga livelihood ug business activities, gihimo karong adlawa sa MonCAST AVR ang Pre-Launching Business Lecture, usa ka capacity-building activity nga naghatag og praktikal ug pundasyong kahibalo bahin sa Entrepreneurial Mindset and Business Basics, Basic Financial Management and Capital Management, ug Simple Business Operation and Customer Service. Gipaambit ang kahibalo sa mga Resource Persons nga sila SLP PDO II Janice Tolentino sa DSWD, Glory Ann Caminse, Elvie Napoles ug Keenly Andoyo sa MonCAST, ug Elvin Hope Romano, Local Economic Development and Investment Promotion Officer (LEDIPO) sa Municipal Government of Monkayo. Kabahin kini sa padayong suporta ni Mayor Manuel Jayr N. Zamora, Jr. sa pagpalig-on sa kapasidad sa mga benepisyaryo aron mas maandam sila sa pagdumala ug pagpalambo sa ilang panginabuhian.

07/10/2026

𝐁𝐔𝐈𝐋𝐃𝐈𝐍𝐆 𝐁𝐎𝐍𝐃𝐒, 𝐒𝐓𝐑𝐄𝐍𝐆𝐓𝐇𝐄𝐍𝐈𝐍𝐆 𝐑𝐄𝐒𝐏𝐎𝐍𝐒𝐄 | Pagpalig-on sa panaghiusa, teamwork, ug koordinasyon sa mga disaster responders ang usa sa mga tumong sa 6th Balikatan Exercise 2026, nga gipahigayon sugod karong adlawa sa lungsod hangtod Oktubre 9, 2026. Gitambongan kini sa mga responders gikan sa 11 ka lungsod sa Davao de Oro, lakip ang Provincial Government of Davao de Oro, isip kabahin sa pagpalambo sa ilang pagtinabangay ug maayong panag-uban alang sa mas hapsay ug epektibong disaster preparedness ug response. Sa unang adlaw, gipahigayon ang Basketball Games sa Municipal Gymnasium ug Pickleball Tournament sa Monkayo Dome, nga nahimong higayon alang sa mga partisipante nga mapakita ang ilang sportsmanship. Gidumala sa Davao de Oro League of Disaster Managers (DOLDiM) ang maong kalihokan isip kabahin sa padayong pagpalambo sa koordinasyon ug pagtinabangay sa mga disaster responders sa tibuok probinsya.

07/10/2026

Kita-kits na pud karong gabii, mga ka-Zumba!

Hatagi og panahon ang inyong kaugalingon alang sa lingaw ug mas maayong panglawas pinaagi sa Libre nga Zumba matag Miyerkules, alas 6:00 sa gabii, sa Women’s Activity Center, Poblacion, Monkayo. Busa, andama ang inyong workout attire, tubig, ug kusog nga energy kay dapat kitang tanan, Ready Mosayaw, Ready Molambo! 💚🧡

Kini nga programa alang sa kahimsog hatod kanato nila Congresswoman Maria Carmen Zamora-Mabanglo, Governor Raul G. Mabanglo, BM Kol Herv Zamora Apsay, Mayor Manuel Jayr N. Zamora, Jr., ug Kons Hugh Maxuelle Zamora Apsay.

07/10/2026

𝐀 𝐏𝐑𝐎𝐌𝐈𝐒𝐄 𝐓𝐎 𝐂𝐇𝐄𝐑𝐈𝐒𝐇 | Sa atubangan sa ilang mga pamilya ug higala, gisaad nila Jelbirth Miranda ug Ave Geal Ramos ang ilang gugma, pagkamatinud-anon ug pagtinabangay isip magtiayon karong buntaga pinaagi sa ilang Civil Wedding, nga gi-officiate ni Mayor Manuel Jayr N. Zamora, Jr. Isip dugang nga suporta sa ilang bag-ong pagsugod, naghatag usab si Mayor Jayr og cash assistance, mga appliances, bugas ug mga pagkaon alang sa espesyal nga selebrasyon. Hinaot nga ang inyong gugma magpabiling lig-on sa matag hagit, ug ang inyong kaminyoon mapuno sa kalipay, panaghiusa ug mga matahum nga higayon nga magpabiling bililhon sa inyong panag-uban. Congratulations, Jelbirth ug Ave Geal!