https://www.facebook.com/555181537679106/

Lambo Davao De Oro

Home
Philippines
Monkayo
Lambo Davao De Oro

Directions

The Official page of Lambo Davao De Oro

11/10/2026

WATCH | THIS WEEK IN DAVAO DE ORO

Unsa ang mga bag-ong panghitabo ug kalihokan sa atong probinsya? Balikan ang mga nag-unang balita sa Davao de Oro gikan Oktubre 3 hangtod Oktubre 9 pinaagi sa Kalamboan Express News – Weekly.

Tan-awa ang mga istorya ug programa nga angay ninyong mahibal-an!

🎥 Jonie Cadiz / IPRD

09/10/2026

Nakadawat og 10 kilos nga bugas ang 356 ka panimalay sa Barangay Magsaysay, New Bataan, niadtong Oktubre 8 isip kabahin sa Local Government Support Fund (LGSF) Rice Distribution Program.

Ang maong ayuda dugang nga suporta gikan sa nasyonal ug probinsyal nga panggamhanan alang sa mga pamilyang benepisyaryo.

Gipakita usab sa programa ang koordinasyon sa lokal nga panggamhanan aron maipaabot ang assistance sa komunidad. Kauban sa kalihokan sila Mayor Atty. Bianca Cualing-Brua, Vice Mayor Elfa Digaynon, mga Konsehal Henry Famoso, Larie Pagalan, Evi Mangubat ug Gumer Rafols Jr., ug Barangay Captain Johnny Palmares Jr.

Source: Provincial Government of Davao de Oro

08/10/2026

Nakaabot og 4-star rating ang Davao de Oro Provincial Hospital (DDOPH) Pantukan human sa Green Viability Assessment (GVA) nga gipahigayon sa Department of Health XI niadtong Oktubre 7.

Ang rating nagpakita sa pagsunod sa ospital sa Green and Safe Health Facilities standards sa DOH, lakip ang climate resilience, Universal Health Care compliance, ug regulatory accountability.

Samtang nagpabilin sa 3 stars ang DDOPH Maragusan, mitaas usab ngadto sa 3 stars ang DDOPH Laak ug DDOPH Montevista gikan sa ilang 2-star rating.

Sumala sa GVA focals, ang mga resulta bunga sa paningkamot sa mga health workers ug personnel sa DDOPHs, uban sa suporta sa provincial government ug mga opisyal sa Davao de Oro alang sa padayon nga pagpaayo sa mga pasilidad ug health care services.

Via Ziyarah Manalo / IPRD
📸 DDOPH Pantukan, Maragusan, Laak ug Montevista

Source: Provincial Government of Davao de Oro

06/10/2026

Gipunting sa Provincial Local School Board (PLSB) ang pag-andam alang sa 38 ka classroom projects nga gitakdang ipatuman sa mga tulunghaan sa tibuok Davao de Oro.

Sa special meeting karong adlawa, Oktubre 6, gihisgutan ang pagbalhin sa implementasyon sa maong mga proyekto ngadto sa local government units, subay sa bag-ong pahibalo sa Department of Education.

Ang mga proyekto adunay kinatibuk-ang alokasyon nga kapin ₱416 milyon alang sa probinsya.

Gipangulohan ni Schools Division Superintendent Phoebe Jay Refamonte ang panagtapok kauban ang mga miyembro sa PLSB, lakip si BM Kol Herv Zamora-Apsay, chairman sa committee on education; Chief of Staff Anecito Torrejos Jr., representante ni Gov. Raul “RM” Mabanglo ; ug BM Noriel John Ramacula, SK Provincial Federation President.

Via Ziyarah Manalo / IPRD
📸 Ziyarah Manalo / IPRD

Source: Provincial Government of Davao de Oro

05/10/2026

Siyam ka Reintegrated Members of the Community (RMCs) sa Davao de Oro ang nakadawat og assistance ubos sa Enhanced Comprehensive Local Integration Program (E-CLIP) sa Department of the Interior and Local Government (DILG).

Unom kanila ang nakadawat og ₱65,000 matag usa para sa Immediate ug Livelihood Assistance, samtang tulo ang nakadawat og fi****ms remuneration nga mokabat og ₱88,000 hangtod ₱93,000, depende sa klase sa armas nga ilang gisurender.

Usa sa mga benepisyaryo si Alias Bryan, nga mipasalamat sa nadawat nga assistance nga iyang gamiton isip puhunan sa iyang napiling livelihood project.

Ang turnover ceremony gipahigayon niadtong Oktubre 5, kauban si Chief of Staff Anecito Torrejos, DILG Provincial Director Aurora Corpuz, ug 25th Infantry Battalion Commander LTC Mark Serapion Lagud.

via Rheafe C. Hortizano
📸 Jonie Cadiz / IPRD

Source: Provincial Government of Davao de Oro

04/10/2026

Ang matag-adlaw nga gagmayng paningkamot, kung padayon, mahimong batasan. Ug ang maayong batasan mahimong pundasyon sa mas maayong kaugmaon.

Maayong Domingo, Davao de Oro. 🌱

02/10/2026

Padayon ang pag-abot sa rice assistance sa 18,765 ka panimalay sa Monkayo, diin matag usa makadawat og 10 kilos nga bugas.

Gisugdan ang distribusyon niadtong Septiyembre 28 ug magpadayon hangtod Oktubre 12, isip kabahin sa Food Assistance–Rice Distribution Project sa nasyonal nga panggamhanan.

Aktibong gitabangan sa lokal nga panggamhanan, Kapitolyo personnel, ug Mayor Manuel JayR Zamora ang pagpaabot sa ayuda ngadto sa nagkalain-laing barangay sa Monkayo.

Ang Davao de Oro nakadawat og bugas nga nagkantidad og ₱118 milyon pinaagi sa maong programa. Ang koordinasyon nila Gov. Raul “RM” Mabanglo , 1st District Congresswoman Maricar Zamora-Mabanglo, ug sa mga lokal nga panggamhanan nakatabang sa pagpadali sa pag-apod-apod niini ngadto sa mga benepisyaryo.

📸 MIO Monkayo
via Harold Postrero / IPRD

Source: Provincial Government of Davao de Oro

30/09/2026

Nakaabot ang food ug financial assistance ngadto sa 1,566 ka IP Bagani sa Laak isip pag-ila ug suporta sa ilang padayong pagserbisyo sa nagkalain-laing barangay sa lungsod.

Matag usa nakadawat og ₱1,000 nga financial assistance ug 5 kilos nga bugas.

Gipasiugda ni Governor Raul “RM” Mabanglo ang paghatag og suporta sa mga IP Bagani nga adunay dakong papel sa pagtabang sa pagpalig-on sa kalinaw ug seguridad sa mga komunidad.

Gipahayag usab ang tinguha nga madugangan pa ang maong assistance sa sunod tuig, isip dugang pagpasalamat sa ilang serbisyo.

Source: Raul “RM” Mabanglo

29/09/2026

Kapin ₱2.4 milyon nga kantidad sa agricultural inputs ang gipang-apod-apod ngadto sa 139 ka mag-uuma sa Davao de Oro atol sa turnover activity sa Children’s Park, Provincial Capitol Compound niadtong Septyembre 28.

Lakip sa mga nadawat ang GM Hybrid Yellow Corn Seeds, GMO OPV White Corn Seeds, soybeans, ug mga abono nga makatabang sa mga mag-uuma sa pagpadayon ug pagpalambo sa ilang produksiyon.

Uban sa liderato ni Gov. Raul “RM” Mabanglo , kabahin kini sa mga programa sa Provincial Agriculturist’s Office (PAGRO) aron masuportahan ang mga mag-uuma ug mapadayon ang produksyon sa agrikultura bisan pa sa mga hagit nga dala sa El Niño.

Pinaagi sa maong suporta, maminusan ang gasto sa mga mag-uuma sa farm inputs ug matagaan sila og dugang kahigayunan nga mapadaghan ang ilang abot ug kita.

Source: Provincial Government of Davao de Oro

28/09/2026

Nagtigom ang mga lider sa Sangguniang Kabataan sa tibuok Davao de Oro alang sa tulo ka adlaw nga Provincial SK Summit 2026, nga gipahigayon niadtong Setyembre 25 hangtod 27 sa Grand Regal Hotel, Davao City.

Gipangulohan ni SK Provincial Federation President Noriel John P. Ramacula, kauban ang 11 ka SK Municipal Federation Presidents ug mga SK officials sa probinsya, ang summit nga nagpunting sa pagpalambo sa kahibalo ug kahanas sa mga batan-ong lider.

Kauban sa mga diskusyon ang Department of the Interior and Local Government (DILG), Commission on Audit (COA), ug National Youth Commission (NYC), nga naghatag og oportunidad alang sa pagbinayloay og ideya ug pagpalig-on sa koordinasyon.

Gipasalamatan usab ni Ramacula ang suporta nila Governor Raul “RM” Mabanglo , Congresswoman Maricar Zamora-Mabanglo, ug Congressman Jhong Ceniza alang sa kalihokan.

📝 Harold Postrero / IPRD
📸 Sangguniang Kabataan-Davao de Oro

Source: Provincial Government of Davao de Oro

Address

Monkayo, Davao De Oro
Monkayo
8805

Website

facebook.com

Alerts

Be the first to know and let us send you an email when Lambo Davao De Oro posts news and promotions. Your email address will not be used for any other purpose, and you can unsubscribe at any time.

Want your organization to be the top-listed government service in Monkayo?