Task Force Balik-Loob

Call Directions Website Contact the organization

Task Force Balik-Loob Official page of the Task Force Balik-Loob

ππ‘πŽπ†π‘π€πŒπ€ 𝐍𝐆 πƒπ„π‘π€πƒπˆπŠπ€π‹πˆπ’π€π’π˜πŽπ 𝐒𝐀 π‚πŽπ“π€ππ€π“πŽ, πˆππˆπ‹π”ππ’π€πƒ 𝐏𝐀𝐑𝐀 𝐒𝐀 ππ€π†πŽππ† π’πˆπŒπ”π‹π€ 𝐍𝐆 πŒπ†π€ π…πŽπ‘πŒπ„π‘ 𝐑𝐄𝐁𝐄𝐋𝐒MAKILALA, NORTH COTABATO β€”...
08/10/2026

ππ‘πŽπ†π‘π€πŒπ€ 𝐍𝐆 πƒπ„π‘π€πƒπˆπŠπ€π‹πˆπ’π€π’π˜πŽπ 𝐒𝐀 π‚πŽπ“π€ππ€π“πŽ, πˆππˆπ‹π”ππ’π€πƒ 𝐏𝐀𝐑𝐀 𝐒𝐀 ππ€π†πŽππ† π’πˆπŒπ”π‹π€ 𝐍𝐆 πŒπ†π€ π…πŽπ‘πŒπ„π‘ 𝐑𝐄𝐁𝐄𝐋𝐒

MAKILALA, NORTH COTABATO β€” Opisyal nang inilunsad ng 39th Infantry (SMASH’EM) Battalion, sa ilalim ng pamumuno ni Lt. Col. Hector A. Estolas PA, ang isang 15-araw na Deradicalization Program para sa mga Former Rebels (FRs) o mga nagbalik-loob na dating rebelde sa Cotabato Province noong 14 Setyembre 2026.

Layunin ng programang may temang β€œUniting for Peace, Transforming for Progress” na gabayan ang mga FRs sa pamamagitan ng values formation, pagsasanay sa pangkabuhayan, at pagpapaunlad ng kanilang mga kasanayan, sa tulong ng iba’t ibang ahensya ng pamahalaan. Pinangungunahan ito ng 39IB Deradicalization Team sa pamumuno ni Mr. Belly S. Berana Jr., isang dating opisyal ng NPA na ngayon ay tagapagtaguyod ng kapayapaan. Sa pamamagitan ng mga lektura at iba pang aktibidad, layunin ng programa na ihanda ang mga FRs sa kanilang muling pagbabalik sa mga komunidad bilang mga responsableng mamamayan.

Ipinahayag ng Provincial Local Government Unit (PLGU) ng Cotabato, sa pamumuno ni Gov. Emmylou β€œLala” TaliΓ±o-Mendoza, kasama ang Philippine National Police (PNP) at iba pang katuwang na ahensya, ang kanilang buong suporta sa naturang inisyatiba. Samantala, pinasalamatan ni Lt. Col. Estolas ang pamahalaan at ang mga FRs sa kanilang kusang-loob na pagpiling magbagong-buhay. Hinikayat din niya ang mga ito na gamitin ang pagkakataong hatid ng programa upang makapagsimula ng mas payapa at maunlad na kinabukasan para sa kanilang mga pamilya at komunidad.








READ: https://tinyurl.com/bh8f59t2

ππ€π†πŽππ† π’πˆπŒπ”π‹π€ 𝐒𝐀 πŒπ†π€ ππ€π†ππ€ππ€π‹πˆπŠ-π‹πŽπŽπ: π‡π€π‹π…π–π€π˜ π‡πŽπ”π’π„ 𝐀𝐓 π‹πˆπ•π„π‹πˆπ‡πŽπŽπƒ, πˆπ’πˆππ”π‹πŽππ† 𝐍𝐆 𝐓𝐅𝐁𝐋CAMP LEONO, TACURONG CITY, SULTAN KU...
07/10/2026

ππ€π†πŽππ† π’πˆπŒπ”π‹π€ 𝐒𝐀 πŒπ†π€ ππ€π†ππ€ππ€π‹πˆπŠ-π‹πŽπŽπ: π‡π€π‹π…π–π€π˜ π‡πŽπ”π’π„ 𝐀𝐓 π‹πˆπ•π„π‹πˆπ‡πŽπŽπƒ, πˆπ’πˆππ”π‹πŽππ† 𝐍𝐆 𝐓𝐅𝐁𝐋

CAMP LEONO, TACURONG CITY, SULTAN KUDARAT β€” Pinalakas ng Task Force Balik-Loob (TFBL) at ng 1st Mechanized Infantry (MAASAHAN) Brigade ang kanilang pakikipagtulungan upang mapabilis ang paghahatid ng tulong at pagtatatag ng mga ligtas na pasilidad para sa mga Former Rebels (FRs) sa rehiyon.

Ito ay kasunod ng isinagawang courtesy call ng TFBL, sa pangunguna ni Col. Marcelo F. Valdez Jr. INF (GSC) PA, kay Brig. Gen. Omar V. Orozco PA, Brigade Commander ng 1st Mechanized Infantry (MAASAHAN) Brigade. Sa nasabing pagpupulong, binigyang-diin ang kahalagahan ng pagtatayo at pagpapatakbo ng mga Halfway House sa bawat lalawigan. Ang mga pasilidad na ito ay magsisilbing pansamantalang tirahan kung saan maaaring isagawa ang mga programang deradicalization at mas mapadali ang paghahatid ng mga serbisyo at benepisyo ng pamahalaan sa mga nagbabalik-loob.

Iminungkahi ni Brig. Gen. Orozco na agad na mailagay sa Halfway House ang mga FRs sa oras ng kanilang pagsuko upang matiyak ang maayos na pangangalaga at mas sistematikong reintegrasyon sa lipunan. Binigyang-diin din niya ang pagpapaunlad ng mga sektor ng agrikultura at turismo bilang mahalagang hakbang upang makalikha ng tuloy-tuloy na kabuhayan at oportunidad sa trabaho para sa mga dating rebelde.

Kasabay nito, pinagtibay ng TFBL at ng 1st Mechanized Infantry Brigade ang kanilang kolaborasyon para sa gaganaping Summit ng mga Former Rebels (FRs) at Former Violent Extremists (FVEs) sa South Cotabato, bilang bahagi ng patuloy na pagsusulong ng kapayapaan, pagkakaisa, at pangmatagalang kaunlaran sa rehiyon.






πŸ’πŸŽ π“π€πŽππ† π€π‘πŒπ€πƒπŽππ† π’πˆπ†π€π‹πŽπ“ 𝐒𝐀 𝐏𝐀𝐋𝐀𝐏𝐀𝐆, ππŽπ‘πŒπ€π‹ 𝐍𝐀𝐍𝐆 ππ€π†π–π€πŠπ€π’CAMP LUKBAN, Catbalogan City, Samar β€” Opisyal nang idineklara ...
06/10/2026

πŸ’πŸŽ π“π€πŽππ† π€π‘πŒπ€πƒπŽππ† π’πˆπ†π€π‹πŽπ“ 𝐒𝐀 𝐏𝐀𝐋𝐀𝐏𝐀𝐆, ππŽπ‘πŒπ€π‹ 𝐍𝐀𝐍𝐆 ππ€π†π–π€πŠπ€π’

CAMP LUKBAN, Catbalogan City, Samar β€” Opisyal nang idineklara ang Munisipalidad ng Palapag sa ilalim ng Stable Internal Peace and Security Condition (SIPSC) nitong Huwebes, 17 Setyembre 2026. Ang makasaysayang hakbang na ito, na tinanggap ni Mayor Florence Batula sa harap ng mga opisyal ng pamahalaan at mga mamamayan, ay pormal na nagwakas sa halos apat na dekadang armadong sigalot na matagal na nagdulot ng mga hamon sa araw-araw na pamumuhay at mga pangarap ng mga Palapagnon.

Binigyang-diin ni Mayor Batula na ang tagumpay na ito ay bunga ng tuloy-tuloy na diyalogo, paghahatid ng mga serbisyo ng pamahalaan, at matibay na pagtutulungan ng komunidad at mga pwersa ng seguridad. Kasabay ng pagtatapos ng sigalot at pagpapakita ng anim na armas na isinuko ng mga Former Rebels (FRs) bilang simbolo ng kanilang pagbabalik-loob, nagsimula ring umusbong ang turismo at mga oportunidad sa negosyo na inaasahang magpapalakas sa lokal na ekonomiya at magpapabuti sa kabuhayan ng mga residente.

Samantala, buong-pusong tinanggap ng 8th Infantry (STORM TROOPERS) Division, sa pamumuno ni Maj. Gen. Peter B. Burgonio PA, ang deklarasyon at pinuri ang pamumuno ng lokal na pamahalaan, gayundin ang dedikasyon ng 78th Infantry Battalion sa ilalim ni Lt. Col. Francis D. Rosales PA. Tiniyak ng kasundaluhan ang patuloy nitong suporta upang gabayan ang mga dating rebelde, mapanatili ang nakamit na kapayapaan, at matiyak na mararamdaman ng bawat barangay na dating naapektuhan ng sigalot at karahasan ang tuloy-tuloy na pag-unlad at kaunlaran.








READ: https://tinyurl.com/ympmd9d4

𝐓𝐅𝐁𝐋 𝐀𝐓 πŸ”πˆπƒ, ππˆππ€π‹π€πŠπ€π’ 𝐀𝐍𝐆 π”π†ππ€π˜π€π 𝐏𝐀𝐑𝐀 𝐒𝐀 π‘π„πˆππ“π„π†π‘π€π’π˜πŽπ 𝐍𝐆 π…πŽπ‘πŒπ„π‘ 𝐑𝐄𝐁𝐄𝐋𝐒 𝐒𝐀 𝐂𝐄𝐍𝐓𝐑𝐀𝐋 πŒπˆππƒπ€ππ€πŽCAMP SIONGCO, MAGUINDANAO D...
05/10/2026

𝐓𝐅𝐁𝐋 𝐀𝐓 πŸ”πˆπƒ, ππˆππ€π‹π€πŠπ€π’ 𝐀𝐍𝐆 π”π†ππ€π˜π€π 𝐏𝐀𝐑𝐀 𝐒𝐀 π‘π„πˆππ“π„π†π‘π€π’π˜πŽπ 𝐍𝐆 π…πŽπ‘πŒπ„π‘ 𝐑𝐄𝐁𝐄𝐋𝐒 𝐒𝐀 𝐂𝐄𝐍𝐓𝐑𝐀𝐋 πŒπˆππƒπ€ππ€πŽ

CAMP SIONGCO, MAGUINDANAO DEL NORTE β€” Mas pinalakas ng Task Force Balik-Loob (TFBL) at ng 6th Infantry (KAMPILAN) Division, Philippine Army ang kanilang kolaborasyon upang mapabilis at mapahusay ang proseso ng reintegrasyon ng mga Former Rebels (FRs) at Former Violent Extremists (FVEs) sa Rehiyon XII at Central Mindanao.

Ito ay kasunod ng isinagawang courtesy call ng TFBL, sa pangunguna ni Col. Marcelo F. Valdez Jr. INF (GSC) PA, sa mga opisyal ng 6ID na pinangunahan ni Col. Sergio P. Macarandan Jr. PA. Sa nasabing pagpupulong, tinalakay ang mga mekanismo ng suporta at iba’t ibang hakbangin upang matugunan ang mga kinakaharap na usaping legal at mga hindi pagkakaunawaan na may kinalaman sa mga FRs at FVEs sa Bangsamoro Autonomous Region in Muslim Mindanao (BARMM).

Kasunod nito, nagsagawa rin ang TFBL at ang G7 Staff ng 6ID ng isang oryentasyon tungkol sa Enhanced Former Rebel Information System (E-FRIS), isang sistema na naglalayong i-streamline at paghusayin ang pagdodokumento ng mga profile at tulong na ibinibigay sa mga nagbabalik-loob. Ang presentasyon ay pinangunahan ni Technical Assistant Mervin Etino.

Ang patuloy na ugnayang ito ay naglalayong matiyak ang mas mabilis, maayos, at komprehensibong suporta ng pamahalaan para sa mga dating rebelde at marahas na ekstremista na nagnanais na mamuhay nang mapayapa at produktibo sa lipunan.






𝐃𝐀𝐋𝐀𝐖𝐀𝐍𝐆 πƒπ€π“πˆππ† 𝐑𝐄𝐁𝐄𝐋𝐃𝐄, ππŽπ‘πŒπ€π‹ 𝐍𝐆 ππ€π†ππ€π‹πˆπŠ-π‹πŽπŽπ πƒπ€π‡πˆπ‹ 𝐒𝐀 π‹πŽπ‚π€π‹ 𝐏𝐄𝐀𝐂𝐄 π„π…π…πŽπ‘π“π’ 𝐒𝐀 𝐏𝐀𝐋𝐀𝐏𝐀𝐆, ππŽπ‘π“π‡π„π‘π π’π€πŒπ€π‘PALAPAG, NORTHER...
04/10/2026

𝐃𝐀𝐋𝐀𝐖𝐀𝐍𝐆 πƒπ€π“πˆππ† 𝐑𝐄𝐁𝐄𝐋𝐃𝐄, ππŽπ‘πŒπ€π‹ 𝐍𝐆 ππ€π†ππ€π‹πˆπŠ-π‹πŽπŽπ πƒπ€π‡πˆπ‹ 𝐒𝐀 π‹πŽπ‚π€π‹ 𝐏𝐄𝐀𝐂𝐄 π„π…π…πŽπ‘π“π’ 𝐒𝐀 𝐏𝐀𝐋𝐀𝐏𝐀𝐆, ππŽπ‘π“π‡π„π‘π π’π€πŒπ€π‘

PALAPAG, NORTHERN SAMAR - Muling nagbunga ang masigasig na pagsusulong ng kapayapaan ng Pamahalaang Bayan ng Palapag, Northern Samar, sa pangunguna ni Mayor Fawa A. Batula, matapos kusang sumuko ang dalawang (2) miyembro ng Communist Terrorist Group (CTG) ngayong araw sa Sitio Canonghan, Barangay OsmeΓ±a.

Agad na sumailalim sa libreng pagsusuring medikal sina alyas β€œYana” at β€œTanggol,” na mga miyembro ng Sub-Regional Guerrilla Unit Laysan (Sub-Regional Committee Arctic, EVRPC), upang matiyak ang kanilang kalagayan sa kalusugan.

Ang matagumpay na operasyon ay isinagawa ng 31st Special Action Company–SAF sa ilalim ni Police Captain Jamm July D. De Francia, katuwang ang 78th Infantry Battalion na pinamumunuan ni Lt. Col. Francis Rosales PA, Police Intelligence Team–Northern Samar, alinsunod sa 1st Quarter CY 2026 Joint AFP-PNP Peace and Security Coordinating Center–Region 8 (JAPPIC-R8) framework. Nakibahagi rin ang Palapag Municipal Police Station sa pamumuno ni Police Captain Baltazar Cepeda, sa pagsubaybay ni Police Captain Marlo Capate.

Bukod sa pagkilala sa kapulisan at militar sa kanilang patuloy na pagsisikap na mapanatili ang kapayapaan sa Palapag, binigyang-diin ni Mayor Batula na nakahanda ang Pamahalaang Bayan na magkaloob ng kaukulang tulong at proteksyon upang suportahan ang maayos na pagbabalik at muling pagtanggap sa mga nagbalik-loob sa kanilang mga pamilya at komunidad.








READ: https://tinyurl.com/2cu29b47

ππ‘πŽπ“π„πŠπ’π˜πŽπ 𝐇𝐀𝐁𝐀𝐍𝐆 ππ€π†π‡πˆπ‡πˆππ“π€π˜ 𝐍𝐆 π€πŒππ„π’π“πˆπ˜π€: πŸ“πŸ π…πŽπ‘πŒπ„π‘ 𝐑𝐄𝐁𝐄𝐋𝐒 𝐒𝐀 π‚πƒπŽ, ππ€ππˆπ˜π€π˜π€π€π 𝐍𝐆 𝐒𝐀𝐅𝐄 π‚πŽππƒπ”π‚π“ 𝐏𝐀𝐒𝐒CAGAYAN DE ORO CITY ...
03/10/2026

ππ‘πŽπ“π„πŠπ’π˜πŽπ 𝐇𝐀𝐁𝐀𝐍𝐆 ππ€π†π‡πˆπ‡πˆππ“π€π˜ 𝐍𝐆 π€πŒππ„π’π“πˆπ˜π€: πŸ“πŸ π…πŽπ‘πŒπ„π‘ 𝐑𝐄𝐁𝐄𝐋𝐒 𝐒𝐀 π‚πƒπŽ, ππ€ππˆπ˜π€π˜π€π€π 𝐍𝐆 𝐒𝐀𝐅𝐄 π‚πŽππƒπ”π‚π“ 𝐏𝐀𝐒𝐒

CAGAYAN DE ORO CITY β€” Malaya nang makagagalaw at makabiyahe nang may kaukulang proteksyon ang 51 Former Rebels (FRs) sa Cagayan de Oro City matapos nilang matanggap ang kanilang Safe Conduct Pass mula sa Local Amnesty Board (LAB) CDO noong 14 Setyembre 2026. Ang legal na dokumentong ito ay ipinagkaloob sa tulong ng CDO Enhanced Comprehensive Local Integration Program (E-CLIP) upang magsilbing proteksyon sa mga benepisyaryo habang nakabinbin ang kanilang mga aplikasyon para sa amnestiya at hinihintay ang pormal na pag-apruba at pagpapatibay ng Pangulo ng Pilipinas.

Pinangunahan ni Regional State Prosecutor Merlynn Barola-Uy, Chairperson ng LAB CDO, ang awarding ceremony na ginanap sa Patrick Cronin Hall sa St. Augustine Cathedral, katuwang ang mga miyembro ng CDO E-CLIP at iba pang partner agencies.
Muling nagpaabot ng taos-pusong pasasalamat ang mga FRs sa pambansa at lokal na pamahalaan para sa Safe Conduct Pass at mga tulong-pangkabuhayang kanilang natanggap. Tiniyak naman ng mga awtoridad ang patuloy na suporta at koordinasyon upang matulungan ang mga FRs na makapagsimula muli at mamuhay nang maayos at produktibo kasama ang kanilang mga pamilya at komunidad.








READ: https://tinyurl.com/54rpwnfh

ππ‘ππŸ‘πŸŽπŸŽπŠ π‹πˆπ•π„π‹πˆπ‡πŽπŽπƒ π€π’π’πˆπ’π“π€ππ‚π„ 𝐏𝐀𝐑𝐀 𝐒𝐀 πŒπ†π€ π…πŽπ‘πŒπ„π‘ 𝐑𝐄𝐁𝐄𝐋𝐒 𝐒𝐀 π‚πƒπŽ, πˆππˆππ€π†πŠπ€π‹πŽπŽπ 𝐍𝐆 𝐃𝐒𝐖𝐃-ππ€πŒπ€ππ€CAGAYAN DE ORO CITY β€” Pormal ...
02/10/2026

ππ‘ππŸ‘πŸŽπŸŽπŠ π‹πˆπ•π„π‹πˆπ‡πŽπŽπƒ π€π’π’πˆπ’π“π€ππ‚π„ 𝐏𝐀𝐑𝐀 𝐒𝐀 πŒπ†π€ π…πŽπ‘πŒπ„π‘ 𝐑𝐄𝐁𝐄𝐋𝐒 𝐒𝐀 π‚πƒπŽ, πˆππˆππ€π†πŠπ€π‹πŽπŽπ 𝐍𝐆 𝐃𝐒𝐖𝐃-ππ€πŒπ€ππ€

CAGAYAN DE ORO CITY β€” Pormal nang tinanggap ng Cagayan de Oro (CDO) Midland Valley Homes, Inc. Homeowners Association sa Barangay Dansolihon, na binubuo ng mga Former Rebels (FRs), ang PhP300,000 na tulong-pangkabuhayan sa ilalim ng Payapa at Masaganang Pamayanan (PAMANA) Program ng Department of Social Welfare and Development (DSWD) noong 3 Setyembre 2026.

Gagamitin ng mga benepisyaryong FRs ang nasabing halaga para sa kanilang itinayong Rice and Agrivet Retailing Project, na kauna-unahang proyekto ng isang grupo sa buong Northern Mindanao na nakatanggap ng naturang suporta.

Pinangunahan ng DSWD Field Office 10 ang turnover ng proyekto, katuwang ang CDO Enhanced Comprehensive Local Integration Program (E-CLIP) Committee, National Housing Authority (NHA), Office of the Presidential Adviser on Peace, Reconciliation and Unity (OPAPRU), Department of Labor and Employment (DOLE), at iba pang lokal na awtoridad, upang matiyak ang maayos at matagumpay na reintegrasyon ng mga FRs sa kanilang mga komunidad.

Ipinahayag naman ng Pamahalaang Lungsod ng Cagayan de Oro, sa pamumuno ni Mayor Rolando β€œKlarex” Uy, ang buong suporta nito sa mga FRs sa kanilang pagbabalik at muling pagsisimula ng kanilang buhay sa lipunan.

Nagpaabot din ng pasasalamat ang pangulo ng samahan na si Eduardo Uyawan sa suportang ipinagkaloob sa kanilang mga FRs. Nangako siyang palalaguin ang kanilang negosyo upang makatulong sa kanilang mga pamilya at makapagbigay ng mas maraming oportunidad sa kanilang mga miyembro, kabilang ang posibilidad na makatanggap ng karagdagang PhP300,000 bilang ikalawang bahagi ng tulong mula sa pamahalaan.








READ: https://tinyurl.com/3rw5rmyh

πƒπ€π“πˆππ† 𝐑𝐄𝐁𝐄𝐋𝐃𝐄, π’π”πŒπ”πŠπŽ 𝐒𝐀 π’π€ππˆπ-𝐏𝐔𝐖𝐄𝐑𝐒𝐀𝐍𝐆 πŽππ„π‘π€π’π˜πŽπ 𝐍𝐆 πŒπˆπ‹πˆπ“π€π‘ 𝐀𝐓 ππ”π‹πˆπ’π˜π€ 𝐒𝐀 𝐓𝐀𝐑𝐋𝐀𝐂MAYANTOC, TARLAC β€” Matagumpay na napa...
01/10/2026

πƒπ€π“πˆππ† 𝐑𝐄𝐁𝐄𝐋𝐃𝐄, π’π”πŒπ”πŠπŽ 𝐒𝐀 π’π€ππˆπ-𝐏𝐔𝐖𝐄𝐑𝐒𝐀𝐍𝐆 πŽππ„π‘π€π’π˜πŽπ 𝐍𝐆 πŒπˆπ‹πˆπ“π€π‘ 𝐀𝐓 ππ”π‹πˆπ’π˜π€ 𝐒𝐀 𝐓𝐀𝐑𝐋𝐀𝐂

MAYANTOC, TARLAC β€” Matagumpay na napabalik-loob ng pinagsanib na puwersa ng militar at pulisya ang isang dating kasapi ng Militiang Bayan noong 13 Setyembre 2026 sa pamamagitan ng isang intelligence-driven operation. Ang operasyon ay isinagawa ng Tarlac 2nd Provincial Mobile Force Company, Mayantoc Municipal Police Station, 3rd (Makatarungan) Mechanized Battalion sa pamumuno ni Lt. Col. Ryan Villa PA, at iba pang katuwang na yunit.
Kasabay ng kanyang pagbabalik-loob, boluntaryo niyang isinuko ang isang (1) kalibre .38 revolver na walang serial number at anim (6) na bala. Ang matagumpay na operasyong ito ay bunga ng patuloy na koordinasyon at pagtutulungan ng mga ahensiya ng pamahalaan sa pagpapanatili ng kapayapaan at kaayusan sa rehiyon.

Ayon kay Police Brig. Gen. Jess B. Mendez, Regional Director ng Police Regional Office 3 at Chairperson ng Regional Task Force to End Local Communist Armed Conflict 3 (RTF-ELCAC 3) Technical Working Group, ipinakikita ng tagumpay na ito ang matatag na kooperasyon ng mga miyembro ng Joint Regional Task Force 3 sa pagsusulong ng kapayapaan at seguridad sa rehiyon.

Binigyang-diin niya na patuloy na pinalalakas ng pamahalaan ang kampanya para sa pangmatagalang kapayapaan sa pamamagitan ng aktibong pakikipag-ugnayan sa mga lokal na komunidad at pagbibigay ng pagkakataon sa mga dating rebelde na tahakin ang landas ng kapayapaan at muling makiisa sa kanilang mga pamilya at komunidad bilang produktibong mamamayan.








READ:
https://www.facebook.com/photo/?fbid=122113528743325520&set=a.12209628840932552

ππ€π†πŽππ† π’πˆπŒπ”π‹π€: πŸ’πŸŽ π…πŽπ‘πŒπ„π‘ 𝐑𝐄𝐁𝐄𝐋𝐒 𝐒𝐀 ππˆπ‚πŽπ‹, ππŽπ‘πŒπ€π‹ 𝐍𝐀𝐍𝐆 ππ€π†ππ€π‹πˆπŠ-π‹πŽπŽπ 𝐒𝐀 ππ€πŒπ€π‡π€π‹π€π€πLIBMANAN, CAMARINES SUR β€” Patuloy na hu...
30/09/2026

ππ€π†πŽππ† π’πˆπŒπ”π‹π€: πŸ’πŸŽ π…πŽπ‘πŒπ„π‘ 𝐑𝐄𝐁𝐄𝐋𝐒 𝐒𝐀 ππˆπ‚πŽπ‹, ππŽπ‘πŒπ€π‹ 𝐍𝐀𝐍𝐆 ππ€π†ππ€π‹πˆπŠ-π‹πŽπŽπ 𝐒𝐀 ππ€πŒπ€π‡π€π‹π€π€π

LIBMANAN, CAMARINES SUR β€” Patuloy na humihina ang puwersa ng armadong grupo sa Camarines Sur matapos ang sabayang pagsuko ng 40 personalidad na may kaugnayan sa Communist Terrorist Group (CTG) at ang kanilang mga armas sa 9th Infantry (Sandigan) Battalion sa pamumuno ni Lt. Col. Esteban L. Mangabat PA. Ipinakita ng malawakang pagbabalik-loob na ito ang lumalakas na tiwala ng mga dating rebelde at kanilang mga tagasuporta sa mga programa ng pamahalaan para sa kanilang ligtas at mapayapang reintegrasyon sa lipunan.

Nagmula ang mga nagbalik-loob sa iba't ibang lugar na nasasakupan ng 9IB sa Camarines Sur. Sa kabuuang bilang, 15 ang sumuko sa Alpha Company sa bayan ng Minalabac, 14 sa Charlie Company, at 11 sa Headquarters Company sa Barangay Pag-Oring Nuevo, Libmanan. Kasabay ng kanilang pagsuko ang boluntaryong pagsuko ng iba't ibang kagamitang pandigma, kabilang ang submachine gun, mga baril na kalibre .45, .38, at .22, homemade sh***un, mga eksplosibo, at iba't ibang uri ng bala.

Dahil dito, muling nanawagan si Lt. Col. Mangabat sa mga natitira pang miyembro ng armadong grupo na talikuran ang armadong pakikibaka at samantalahin ang mga programang pangkabuhayan, tulong-pinansyal, at iba pang mga benepisyo sa ilalim ng mga programang reintegrasyon ng pamahalaan. Binigyang-diin niya na nananatiling bukas ang pamahalaan sa mga nais magbagong-buhay at magsimula ng panibagong yugto ng kanilang buhay kasama ang kanilang mga pamilya at komunidad.








READ: https://tinyurl.com/37ynj552

π’π„ππ“π‘πŽ 𝐍𝐆 πŠπ€ππ€π˜π€ππ€π€π 𝐀𝐓 𝐏𝐀𝐆-𝐔𝐍𝐋𝐀𝐃, πˆππˆπ‹π”ππ’π€πƒ 𝐒𝐀 𝐍𝐔𝐄𝐕𝐀 π„π‚πˆπ‰π€ 𝐏𝐀𝐑𝐀 𝐒𝐀 πŒπ†π€ ππ€π†ππ€π‹πˆπŠ-π‹πŽπŽπPALAYAN CITY, NUEVA ECIJA β€” Isang m...
29/09/2026

π’π„ππ“π‘πŽ 𝐍𝐆 πŠπ€ππ€π˜π€ππ€π€π 𝐀𝐓 𝐏𝐀𝐆-𝐔𝐍𝐋𝐀𝐃, πˆππˆπ‹π”ππ’π€πƒ 𝐒𝐀 𝐍𝐔𝐄𝐕𝐀 π„π‚πˆπ‰π€ 𝐏𝐀𝐑𝐀 𝐒𝐀 πŒπ†π€ ππ€π†ππ€π‹πˆπŠ-π‹πŽπŽπ

PALAYAN CITY, NUEVA ECIJA β€” Isang mahalagang hakbang tungo sa pangmatagalang kapayapaan ang naitala sa lalawigan matapos ang pormal na pagbubukas ng bagong Peace and Development Center (PDC) noong Setyembre 9, 2026. Ang proyektong ito ay bunga ng pagtutulungan ng Office of the Presidential Adviser on Peace, Reconciliation and Unity (OPAPRU) at ng Pamahalaang Panlalawigan ng Nueva Ecija upang magsilbing pangunahing sentro ng mga serbisyo at suporta para sa mga dating rebelde.

Kasabay ng pagdiriwang ng founding anniversary ng lalawigan at ng National Peace Consciousness Month, namahagi rin ang Department of Social Welfare and Development (DSWD) ng mga pangkabuhayang tulong at mga PhilHealth membership card sa mga benepisyaryo ng programa.
Layunin ng inisyatibong ito na pag-isahin at palakasin ang mga programa ng pambansa at lokal na pamahalaan para sa mapayapa at matagumpay na reintegrasyon ng mahigit 800 dating rebelde at kanilang mga pamilya. Binigyang-diin ni Vice Governor Gil Raymond M. Umali na ang pagtugon sa kahirapan sa pamamagitan ng mga programang pangkabuhayan, seguridad sa pagkain, at serbisyong pangkalusugan ay mahalaga upang mapanatili ang kapayapaan at kaunlaran sa mga liblib na komunidad.

Ayon naman kay OPAPRU Presidential Assistant Atty. Wilben Mayor, magsisilbing mahalagang tulay ang Peace and Development Center (PDC) upang gabayan at suportahan ang mga dating rebelde sa kanilang pagbabalik sa lipunan bilang mga produktibo at responsableng mamamayan.





READ: https://tinyurl.com/5fn9at35

Address

Montalban

Telephone

+639178613945

Website

Alerts

Be the first to know and let us send you an email when Task Force Balik-Loob posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Task Force Balik-Loob:

Shortcuts

Share

Category