Womb to Work Program

𝗪𝗼𝗺𝗯 𝘁𝗼 𝗪𝗼𝗿𝗸 𝗣𝗿𝗼𝗴𝗿𝗮𝗺 𝗧𝗲𝗰𝗵𝗻𝗶𝗰𝗮𝗹 𝗪𝗼𝗿𝗸𝗶𝗻𝗴 𝗚𝗿𝗼𝘂𝗽 𝗠𝗲𝗲𝘁𝗶𝗻𝗴
𝗠𝗮𝗿𝗰𝗵 𝟯𝟬, 𝟮𝟬𝟮𝟲 | 𝗚𝗔𝗗 𝗖𝗼𝗻𝗳𝗲𝗿𝗲𝗻𝗰𝗲 𝗥𝗼𝗼𝗺, 𝗠𝘂𝗻𝘁𝗶𝗻𝗹𝘂𝗽𝗮 𝗧𝗿𝗮𝗶𝗻𝗶𝗻𝗴 𝗮𝗻𝗱 𝗥𝗲𝘀𝗼𝘂𝗿𝗰𝗲 𝗖𝗲𝗻𝘁𝗲𝗿 𝗳𝗼𝗿 𝗪𝗼𝗺𝗲𝗻

Ginanap ngayong araw, Marso 30, 2026, ang 1st Quarter Womb to Work Program (WWP) Technical Working Group (TWG) Meeting para sa taong 2026. Layunin ng pulong na ito ang mas maayos na paghahanda sa implementasyon ng programa at ang patuloy na pagbibigay ng komprehensibong serbisyo para sa mga benepisyaryo nito.

Ilan sa mga mahahalagang tinalakay ay ang mga proseso para sa registration, assessment ng mga potensyal na benepisyaryo, pag-eendorso sa iba’t ibang opisina at departamento, at ang sistema ng referral para sa mga buntis na ina na manganganak sa health facilities.

Napag-usapan din ang pagbibigay ng financial assistance para sa mga Nutritionally-at-Risk (NAR) Pregnant Mothers na kabilang sa programa.

Sa kasalukuyan, mayroon nang mahigit sa 200 rehistradong aplikante na kwalipikado sa WWP.

Ipinapakita ng Technical Working Group ang kanilang matibay na komitment na tumuon sa kapakanan ng mga buntis na ina, kundi pati na rin sa kanilang pamikya.

Ang pagpupulong ay dinaluhan ng mga pinuno at kinatawan ng mga sumusunod na opisina at organisasyon na aktibong nakiisa sa pulong:

• City Health Office – Maternal and Child Health Program
• City Health Office – Nutrition Division
• Colegio de Muntinlupa
• Community Affairs Development Office
• Early Childhood Education Division
• Gender and Development Office
• Lingkod Muntinlupa Foundation, Inc. (NGO)
• Local Civil Registry Office
• Muntinlupa City Public Library
• Muntinlupa City Technical Institute
• Muntinlupa Entrepreneurship Financing Division
• Muntinlupa Population Development Office
• Office of City Councilor Engr. Arlene Hilapo
• Office of the City Mayor
• Persons with Disability Affairs Office
• People’s Coordinating and Monitoring Office
• Public Employment Service Office
• Social Services Department

Ang Muntinlupa City GAD Focal Point System Co-Chairperson na si Ms. Trina Biazon ay nanguna sa pagsusulong ng mga family-centered programs at sa patuloy na pagtutok sa kalusugan ng mga ina.

Patuloy ang Pamahalaang Lungsod ng Muntinlupa sa pagpapatupad ng Womb to Work Program tungo sa mas maunlad, mas malusog, at mas matatag na Pamilyang Muntinlupeño.

𝗪𝗼𝗺𝗯 𝘁𝗼 𝗪𝗼𝗿𝗸 𝗣𝗿𝗼𝗴𝗿𝗮𝗺 𝗕𝗲𝗻𝗲𝗳𝗶𝗰𝗶𝗮𝗿𝗶𝗲𝘀’ 𝗔𝘀𝘀𝗲𝗺𝗯𝗹𝘆 𝟮𝟬𝟮𝟲
𝗠𝗮𝗿𝗰𝗵 𝟮𝟰, 𝟮𝟬𝟮𝟲 | 𝗔𝗹𝗮𝗯𝗮𝗻𝗴 𝗖𝗲𝗻𝘁𝗿𝗮𝗹 𝗠𝗮𝗿𝗸𝗲𝘁

Bilang bahagi ng pagdiriwang ng National Women’s Month, matagumpay at makabuluhang naisagawa noong Marso 24, 2026 ang Womb to Work Program Beneficiaries’ Assembly 2026 sa Alabang Central Market. Bahagi ito ng Womb to Work Program, isa sa mga flagship programs ng Pamahalaang Lungsod ng Muntinlupa sa pamumuno ni Mayor Ruffy Biazon. Sa nasabing aktibidad, kinilala ang mga qualified registered applicants at nabigyan sila ng mahahalagang kaalaman sa Nutrition at Maternal Health, kasabay ng pamamahagi ng rice, nutripacks at vitamins tulad ng calcium, ferrous sulfate, at folic acid.

Isang mahalagang bahagi rin ng programa ang pormal na paglagda ng mga eligible registered applicants sa Kasunduan para sa Womb to Work Program, bilang patunay ng kanilang pakikiisa at commitment na maging aktibong bahagi ng mga alituntunin at aktibidad ng programa.

Lubos ang aming pasasalamat sa mga katuwang na tanggapan, City Health Office (Maternal and Child Health at Nutrition), Gender and Development Office, Local Civil Registry Office, at Social Services Department, sa kanilang patuloy na suporta at pagbibigay ng mahahalagang impormasyon ukol sa mga programang handog para sa ating mga benepisyaryo.

Taos-puso rin ang aming pasasalamat kay Ms. Trina Reyes-Biazon sa kanyang presensya at makabuluhang mensahe, kung saan binigyang-diin niya ang kahalagahan ng mga ina sa pamilya at komunidad, isang paalala na sila ay nararapat suportahan, alagaan, at pahalagahan sa bawat yugto ng kanilang pagdadalang-tao.

Kinikilala rin natin ang mga pinuno ng iba’t ibang tanggapan na nakiisa at nagbigay-suporta sa aktibidad, sina Mr. Reggie Salonga ng Gender and Development Office, Mr. Daniel Chito Valerio I ng Local Civil Registry Office, Dr. Glyn Roxas-Pablo, Coordinator ng Maternal and Child Health, at Dr. Cherry Navidad, Assistant City Nutrition Action Officer.

Sa pangunguna ng Pamahalaang Lungsod ng Muntinlupa, patuloy nating isinusulong ang mga programang nakatuon sa kalusugan at kapakanan ng mga buntis, patunay ng ating malasakit sa bawat ina at sa kinabukasan ng bawat pamilyang Muntinlupeño.

City Government of Muntinlupa - OFFICIAL

Maligayang kaarawan, Mayor Ruffy Biazon! Maraming salamat po sa inyong patuloy na suporta sa mga ina ng Lungsod ng Muntinlupa sa pamamagitan ng mga programang nagsisilbing daan at oportunidad upang higit pang mapabuti ang kanilang kalagayan at umunlad ang kanilang mga pamilya.

𝐇𝐚𝐩𝐩𝐲 𝐁𝐢𝐫𝐭𝐡𝐝𝐚𝐲, 𝐌𝐚𝐲𝐨𝐫 𝐑𝐮𝐟𝐟𝐲 𝐁𝐢𝐚𝐳𝐨𝐧! 🎉🎂

Sa ilalim ng iyong pamumuno, tuloy-tuloy ang progreso ng ating lungsod through the 7K Agenda—mga programang nakatuon sa mas maayos na serbisyo at mas magandang kinabukasan para sa bawat Muntinlupeño.

Maraming salamat sa pamumunong laging inuuna ang kapakanan ng ating mga kababayan, “Muntinlupeño First.”

Mula sa Pamahalaang Lungsod ng Muntinlupa, maligayang kaarawan at patuloy na tagumpay sa inyong paglilingkod, Mayor Ruffy Biazon!

𝗪𝗼𝗺𝗯 𝘁𝗼 𝗪𝗼𝗿𝗸 𝗣𝗿𝗼𝗴𝗿𝗮𝗺 𝗖𝗼𝗺𝗺𝗶𝘁𝘁𝗲𝗲 𝗠𝗲𝗲𝘁𝗶𝗻𝗴
𝗠𝗮𝗿𝗰𝗵 𝟭𝟳, 𝟮𝟬𝟮𝟲 | 𝗠𝘂𝗻𝘁𝗶𝗻𝗹𝘂𝗽𝗮 𝗧𝗿𝗮𝗶𝗻𝗶𝗻𝗴 𝗮𝗻𝗱 𝗥𝗲𝘀𝗼𝘂𝗿𝗰𝗲 𝗖𝗲𝗻𝘁𝗲𝗿 𝗳𝗼𝗿 𝗪𝗼𝗺𝗲𝗻

Isang makabuluhang pagpupulong ang isinagawa ng Womb to Work Program, na dinaluhan ng mga kinatawan mula sa Technical Working Group (TWG) Committees on Women and Children at Health.

1) Gender and Development Office
2) City Health Office
3) Ospital ng Muntinlupa
4) Local Civil Registry Office
5) Muntinlupa Population Development Office
6) People's Coordinating and Monitoring Office
7) Social Services Department

Layunin ng pagtitipon na higit pang mapalakas ang koordinasyon ng mga opisina, maayos ang daloy at mga proseso ng programa at maipabatid ang mga updates hinggil sa registration ng mga aplikante sa Health Centers.

Ang meeting ay nagsilbing paghahanda para sa mas pinahusay na mga serbisyo at programang nakalaan para sa ating mga Womb to Work Program beneficiaries at kanilang pamilya. Kabilang dito ang pagbibigay-suporta sa mga nutritionally-at-risk pregnant women bilang bahagi ng 7K Agenda ng Pamahalaang Lungsod ng Muntinlupa sa ilalim ng “Kalusugan.” Layunin nitong putulin ang siklo ng kahirapan sa pamamagitan ng pamumuhunan sa human capital at pagpapalakas ng serbisyong pangkalusugan, nutrisyon, at early childhood care and development.

Lubos ang ating pasasalamat kay Mayor Ruffy Biazon sa kanyang walang sawang pagsusulong ng holistic at family-centered initiatives at kay Councilor Amanda Camilon, City Council Committee Chairperson on Health, sa patuloy na suporta para sa pag-unlad ng Pamilyang Muntinlupeño.

Dumalo rin sa nasabing pagpupulong ang mga pinuno ng iba’t ibang tanggapan na katuwang sa pagpapatupad ng programa:
Mr. Reggie Salonga – Gender and Development Office
Mr. Daniel Chito Valerio - Local Civil Registry Office
Ms. Analyn Mercado – Social Services Department
Ms. Mildred Andaleon – Muntinlupa Population Development Office
Dr. Carolyn Magalong – City Health Office

Happy International Women’s Day! 💜

𝐇𝐚𝐩𝐩𝐲 𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥 𝐖𝐨𝐦𝐞𝐧’𝐬 𝐃𝐚𝐲! 💜

Nakikiisa ang Pamahalaang Lungsod ng Muntinlupa sa pagdiriwang ng International Women’s Day ngayong March 8, para kilalanin ang lakas, ambag, at tagumpay ng mga kababaihan sa ating komunidad.

Sa pangunguna ni Mayor Ruffy Biazon, patuloy na pinalalakas ng lokal na pamahalaan ang mga programang nagtataguyod ng gender equality at women empowerment—mula sa health services, livelihood at skills training, hanggang sa mga programa laban sa gender-based violence sa tulong ng Muntinlupa Gender And Development Office at iba pang ahensya ng lungsod.

Patuloy nating itaguyod ang isang Muntinlupa na ligtas, patas, at nagbibigay oportunidad para sa lahat ng kababaihan.

𝗢𝗿𝗶𝗲𝗻𝘁𝗮𝘁𝗶𝗼𝗻 𝗳𝗼𝗿 𝗕𝗮𝗿𝗮𝗻𝗴𝗮𝘆 𝗛𝗲𝗮𝗹𝘁𝗵 𝗪𝗼𝗿𝗸𝗲𝗿𝘀, 𝗦𝗼𝗰𝗶𝗮𝗹 𝗪𝗼𝗿𝗸𝗲𝗿𝘀 𝗮𝗻𝗱 𝗠𝗶𝗱𝘄𝗶𝘃𝗲𝘀 𝗼𝗻 𝘁𝗵𝗲 𝗪𝗼𝗺𝗯 𝘁𝗼 𝗪𝗼𝗿𝗸 𝗣𝗿𝗼𝗴𝗿𝗮𝗺 (𝗪𝗪𝗣)
𝗙𝗲𝗯𝗿𝘂𝗮𝗿𝘆 𝟮𝟱, 𝟮𝟬𝟮𝟲 | 𝗠𝘂𝘀𝗲𝗼 𝗻𝗴 𝗠𝘂𝗻𝘁𝗶𝗻𝗹𝘂𝗽𝗮

Bilang bahagi ng patuloy na pagpapatibay ng Womb to Work Program, isinagawa noong Pebrero 25, 2026 sa Museo ng Muntinlupa ang Orientation para sa Barangay Health Workers, Social Workers, Midwives, at GAD Community Affairs Officers (GAD-CAO) and GAD Coordinators.

Dinaluhan ito ng mga katuwang na tanggapan mula sa Pamahalaang Lungsod ng Muntinlupa, kabilang ang Gender and Development Office, Office of the City Mayor, City Health Office, Social Services Departmentat People’s Coordinating and Monitoring Office.

Ang orientation ay nahati sa dalawang sesyon. Sa ikalawang bahagi (PM Session), nakatuon ang activity sa awareness sa pagsasagawa ng assessment at interview sa mga posibleng benepisyaryo ng programa. Kasama ang ating mga Social Workers, Gender and Development Community Affairs Officers (GAD-CAO), at mga GAD Coordinators, tinalakay ang kabuuang overview ng Womb to Work Program Ordinance—mula sa eligibility criteria, process flow, tamang pagsagot sa mga form hanggang sa step-by-step procedure ng assessment at pag-interview sa Health Center.

Nagkaroon din ng Workshop na pinangunahan ng Social Services Department upang magbigay ng gabay sa tamang paraan ng pag-interview at pag-assess ng potential beneficiaries. Samantala, ang People’s Coordinating and Monitoring Office ay nagbigay ng pagsasanay sa wastong pag-fill out ng mga form.

Nagpahayag ng suporta si Ms. Trina Biazon, Co-Chairperson ng Muntinlupa GAD Focal Point System sa pagbibigay ng mga komprehensibong programa upang matugunan ang pangangailangan hindi lamang ng mga buntis na ina kundi pati na rin ng kanilang pamilya. Ito ay mahalagang hakbang tungo sa pagkakaroon ng progresibo at maunlad na pamilya na nakapaloob sa 7K Agenda ng Pamahalaang Lungsod.

Muli, taos-puso ang pasasalamat sa lahat ng opisina sa kanilang aktibong partisipasyon at pakikipagtulungan para sa mas maayos at epektibong implementasyon ng Womb to Work Program.

𝗢𝗿𝗶𝗲𝗻𝘁𝗮𝘁𝗶𝗼𝗻 𝗳𝗼𝗿 𝗕𝗮𝗿𝗮𝗻𝗴𝗮𝘆 𝗛𝗲𝗮𝗹𝘁𝗵 𝗪𝗼𝗿𝗸𝗲𝗿𝘀, 𝗦𝗼𝗰𝗶𝗮𝗹 𝗪𝗼𝗿𝗸𝗲𝗿𝘀 𝗮𝗻𝗱 𝗠𝗶𝗱𝘄𝗶𝘃𝗲𝘀 𝗼𝗻 𝘁𝗵𝗲 𝗪𝗼𝗺𝗯 𝘁𝗼 𝗪𝗼𝗿𝗸 𝗣𝗿𝗼𝗴𝗿𝗮𝗺 (𝗪𝗪𝗣)
𝗙𝗲𝗯𝗿𝘂𝗮𝗿𝘆 𝟮𝟱, 𝟮𝟬𝟮𝟲 | 𝗠𝘂𝘀𝗲𝗼 𝗻𝗴 𝗠𝘂𝗻𝘁𝗶𝗻𝗹𝘂𝗽𝗮

Matagumpay na naisagawa noong Pebrero 25, 2026 ang Orientation para sa mga Barangay Health Workers (BHWs), Social Workers and Midwives (WWP Coordinators) na ginanap sa Museo ng Muntinlupa.

Sa sesyon sa umaga (AM session), dinaluhan ito ng mga kinatawan mula sa Gender and Development Office, Office of the City Mayor, City Health Office, Social Services Department at People’s Coordinating and Monitoring Office.

Sa naturang aktibidad, nabigyan ang mga Barangay Health Workers at Midwives ng komprehensibong overview hinggil sa City Ordinance No. 2022-035 o ang Womb to Work Program Ordinance, kabilang ang mga benepisyaryo, eligibility criteria at mga programang nakapaloob dito. Sa pangunguna ni Dr. Glyn Pablo, Maternal and Child Health Program Coordinator, malinaw na naipaliwanag kung sinu-sinong mga ina ang kwalipikadong mapasama sa programa.

Nagkaroon din ng step-by-step na gabay sa wastong pagsagot ng mga kinakailangang form, gayundin ng workshop simulation sa tamang pag-administer ng mga ito, sa pakikipagtulungan ng People’s Coordinating and Monitoring Office.

Nagpahayag naman ng suporta si Ms. Trina Biazon, Co-Chairperson ng Muntinlupa GAD Focal Point System, at binigyang-diin ang patuloy na paninindigan ng Pamahalaang Lungsod na tugunan ang pangangailangan ng mga buntis na ina at kanilang mga pamilya, alinsunod sa 7K Agenda.

Layunin ng aktibidad na ito na higit pang mapabuti at mapalakas ang implementasyon ng Womb to Work Program upang mas maraming pamilyang Muntinlupeño ang ating matulungan.

𝗪𝗪𝗣 𝗖𝗼𝗼𝗿𝗱𝗶𝗻𝗮𝘁𝗶𝗼𝗻 𝗠𝗲𝗲𝘁𝗶𝗻𝗴 𝘄𝗶𝘁𝗵 𝗚𝗔𝗗𝗖𝗔𝗢 𝗖𝗹𝘂𝘀𝘁𝗲𝗿 𝗛𝗲𝗮𝗱𝘀
𝗙𝗲𝗯𝗿𝘂𝗮𝗿𝘆 𝟭𝟭, 𝟮𝟬𝟮𝟲 | 𝗚𝗔𝗗 𝗖𝗼𝗻𝗳𝗲𝗿𝗲𝗻𝗰𝗲 𝗥𝗼𝗼𝗺, 𝗠𝘂𝗻𝘁𝗶𝗻𝗹𝘂𝗽𝗮 𝗧𝗿𝗮𝗶𝗻𝗶𝗻𝗴 𝗮𝗻𝗱 𝗥𝗲𝘀𝗼𝘂𝗿𝗰𝗲 𝗖𝗲𝗻𝘁𝗲𝗿 𝗳𝗼𝗿 𝗪𝗼𝗺𝗲𝗻 (𝗠𝗧𝗥𝗖𝗪)

Isinagawa noong Pebrero 11, 2026 ang Womb to Work Program (WWP) Coordination Meeting na pinangunahan ni Mr. Reggie Salonga, Head ng Gender and Development Office, kasama ang mga Gender and Development Community Affairs Officer (GAD-CAO) Cluster Heads mula sa iba’t ibang barangay sa Lungsod ng Muntinlupa.

Layunin ng nasabing meeting na higit pang mapaayos ang pagpapatupad ng WWP, partikular sa pag-monitor at pag-assess sa mga maaaring maging benepisyaryo ng programa.