Muntinlupa Population Development Office

𝐋𝐢𝐛𝐫𝐞𝐧𝐠 𝐆𝐚𝐦𝐨𝐭 𝐩𝐚𝐫𝐚 𝐬𝐚 𝐌𝐞𝐧𝐭𝐚𝐥 𝐇𝐞𝐚𝐥𝐭𝐡, 𝐇𝐚𝐭𝐢𝐝 𝐧𝐠 𝐌𝐮𝐧𝐭𝐢𝐧𝐥𝐮𝐩𝐚

Para sa patuloy na pagpapalakas ng Community‑Based Mental Health Program, nakapag‑procure na ang Pamahalaang Lungsod ng Muntinlupa ng mga psychiatric medicines na libre para sa mga Muntinlupeñong nangangailangan ng tuloy‑tuloy na gamutan at suporta.

Kabilang sa mga gamot na available ay Escitalopram, Carbamazepine, Olanzapine, Lamotrigine, Sodium Valproate + Valproic Acid, at Quetiapine na ginagamit para sa iba’t ibang kondisyon gaya ng depression, bipolar disorder, epilepsy, at mood/behavioral disorders.

Layunin ng programang ito na gawing mas accessible, abot‑kaya, at tuloy‑tuloy ang mental health care sa lungsod. Sa pamamagitan ng libreng gamot, masisiguro ang consistent na treatment at mas maayos na monitoring ng kalagayan ng mga pasyente.

Isinagawa nitong ika-26 ng Mayo, 2026 ang Peer Educators Training para sa mga potensyal na peer educators na pinangunahan ng Muntinlupa Population Development Office katuwang ang Community-Based Mental Health Wellness Clinic bilang resource speakers. Naging makabuluhan ang pagsasanay na nakatuon sa Su***de Prevention and Crisis Intervention partikular sa Psychological First-Aid kung saan natutunan ng mga kalahok ang kahalagahan ng tamang pakikinig, pag-unawa, at pagbibigay ng agarang suporta sa mga indibidwal na nakararanas ng suliranin sa mental health, lalo na sa mga may senyales ng su***de ideation o pagtatangkang magpakamatay. Sa pamamagitan ng mga lecture at simulation activities, mas naunawaan nila kung paano maging ligtas na sandalan at kung paano maipapakita ang malasakit nang may pag-iingat at tamang proseso.

Baon ng mga kalahok ang mahahalagang aral tungkol sa pagiging responsableng peer educator/mental health advocate na ang pagiging bukas sa pakikinig, pagrespeto sa nararamdaman ng iba, at paghikayat sa mga nangangailangan na humingi ng propesyonal na tulong. Higit pa rito, layunin nilang ibahagi ang kanilang mga natutunan sa kanilang mga paaralan, komunidad, at kapwa kabataan upang mas mapalawak ang kamalayan tungkol sa mental health at mabawasan ang stigma ukol dito. Sa simpleng pakikinig at pagdamay, mas marami pang buhay ang maaaring mabigyan ng pag-asa at suporta.

Ang Peer Educators Training ay nakatuon sa Kalusugan at Karunungan Agenda ng Pamahalaang Lungsod ng Muntinlupa na may gabay at patnubay ni Mayor Ruffy Biazon.




***dePreventionandCrisisIntervention

Registration is now closed na po, mga ka-MunTEENS! Abangan po ang next training this year! Only those who are registered ang pwedeng umattend due to limited slots. Thank you po!

𝗕𝗿𝘂𝗴𝗲𝗿 𝗦𝘁𝗿𝗲𝗲𝘁 𝗗𝗿𝗮𝗶𝗻𝗮𝗴𝗲 𝗣𝗿𝗼𝗷𝗲𝗰𝘁

𝗧𝘂𝗻𝗴𝗸𝗼𝗹 𝘀𝗮𝗮𝗻 𝗯𝗮 𝗮𝗻𝗴 𝗽𝗿𝗼𝘆𝗲𝗸𝘁𝗼?

Ang drainage project sa Bruger Street ay bahagi ng solusyon sa matagal nang pagbaha sa national road, partikular sa tapat ng City Hall.

Matagal na nating problema ang pagbaha sa lugar na ito. Ang orihinal na plano sana ay dumaan ang drainage sa ilang private properties, pero hindi ito napayagan kaya kinailangan nating humanap ng ibang ruta.

Dito napagdesisyunan na idaan sa Bruger Street ang drainage line papunta sa Laguna de Bay.

𝗕𝗮𝗸𝗶𝘁 𝗹𝘂𝗺𝗮𝗴𝗽𝗮𝘀 𝘀𝗮 𝗻𝗮𝘂𝗻𝗮𝗻𝗴 𝗱𝗲𝗮𝗱𝗹𝗶𝗻𝗲?

Habang ginagawa ang proyekto, may mga natuklasang underground utilities tulad ng linya ng tubig, kuryente, at telco na kinailangang i-relocate muna bago maituloy nang maayos ang drainage works.

Hindi rin madali ang relocation dahil maraming residente at serbisyo ang maaaring maapektuhan. Nakipag-coordinate tayo sa mga public utility companies para mapabilis ang proseso habang sinisigurong minimal ang abala sa mga tao.

𝗔𝗻𝗼 𝗻𝗮 𝗮𝗻𝗴 𝗸𝗮𝘀𝗮𝗹𝘂𝗸𝘂𝘆𝗮𝗻𝗴 𝘀𝘁𝗮𝘁𝘂𝘀?

Sa ngayon, tapos na ang malaking bahagi ng drainage works sa Bruger Street at asphalting na lamang ang hinihintay. Magagawa ito matapos makumpleto ang ongoing drainage works sa tapat ng City Hall.

𝗞𝗮𝗶𝗹𝗮𝗻 𝗯𝗮 𝗺𝗮𝘁𝗮𝘁𝗮𝗽𝗼𝘀?

Target nating matapos ang drainage works sa harap ng City Hall ngayong May, at susunod agad ang asphalting sa Bruger sa June.

Sa ngayon, may ginagawang adjustment sa design dahil may nakitang active gas line. Kung hindi iingatan, posibleng masira ang active gas lines dahil sa bigat ng mga sasakyang dumadaan sa National Road.

Unfortunately, wala ring existing o kumpletong records on file ng eksaktong lokasyon ng ilang underground utilities tulad ng gas lines, water lines, electrical at telco facilities, at iba pang linya sa ilalim ng kalsada.

Dahil dito, isa-isa pa itong kinailangang tukuyin at i-validate habang ongoing ang paghuhukay at konstruksyon upang maiwasan ang mas malaking aberya at pagkaantala ng serbisyo.

Malinaw sa kontraktor ang kanilang obligasyon. Kapag may hindi nasunod sa kontrata o hindi katanggap-tanggap na delay, may kaakibat itong multa at kaukulang parusa.

Sa ngayon, hinihingi po namin ang kaunting pang-unawa at pasensya habang tinatapos ang proyektong magbibigay ng pangmatagalang ginhawa laban sa pagbaha.

Stop Violence Now!

Sa pakikipag-ugnayan ng Muntinlupa Population Development Office sa tanggapan ng Gender and Development Office (GAD) at City Health Office (CHO), matagumpay na isinagawa ang KA-LODI lecture sa Colegio de Muntinlupa noong ika-7 ng Mayo 2026.

Layunin ng programang ito na ipa-intindi sa mga kabataang kalalakihan na sila ay kinakailangang magkaroon ng maayos na pag-iisip at pagkilos sa lipunan lalo na sa kanyang pagturing at pakiki-salamuha sa mga kababaihan. Binigyang-diin na ang bawat isa ay may tungkuling itaguyod ang ligtas at mapayapang komunidad kung saan umiiral ang paggalang sa karapatan at dignidad ng bawat tao.

Ang KA-LODI ay nakapailalim sa Kalusugan at Karunungan Agenda ng Pamahalaang Lungsod ng Muntinlupa sa pamumuno at gabay ni Mayor Ruffy Biazon.

Send a message to learn more

Pastel ang peg ngayong Hunyo! 💍 Soft pink, light blue, at white, mga kulay na banayad pero elegante, parang love na simple pero matibay.

Perfect vibes para sa Kasalang Bayan, kung saan sama-sama nating ipagdiriwang ang forever.

📍 Register na sa Community Affairs & Development Office (CADO), 2F Annex Bldg., Muntinlupa City Hall
🕗 Monday to Thursday, 8:00 AM to 4:00 PM

Check the full list of requirements on the comment section.

Ongoing construction din ang Mega Health Center sa Brgy. Alabang, dagdag na health facility para mas maraming Muntinlupeño ang makapagpa-check up, magpa-laboratory, o makakuha ng basic healthcare services nang hindi na kailangang lumayo o maghintay nang matagal.

May laboratory, consultation rooms, at birthing facilities—lahat naka-set up para mas mapalapit ang serbisyong pangkalusugan sa tao.

Ongoing ang construction ng ating Mental Health & Palliative Care Center sa Alabang para sa mga kababayan nating nangangailangan ng suporta pagdating sa mental health, o kung may iniindang sakit na kailangan ng mas maingat at tuloy-tuloy na pag-aalaga.

May mga consultation at counselling rooms para sa mental health, at may spaces din para sa palliative care—yung focus ay comfort, pain management, at suporta hindi lang sa pasyente kundi pati sa pamilya.