Barangay Tunasan, City of Muntinlupa

𝐇𝐀𝐏𝐏𝐘 𝐏𝐑𝐈𝐃𝐄 𝐌𝐎𝐍𝐓𝐇 𝐓𝐔𝐍𝐀𝐒𝐀𝐍! 🌈✨

Saludo po ako sa husay at tapang ng LGBTQIA+ community sa ating barangay. Ang inyong kontribusyon ay patuloy na nagbibigay-buhay sa ating lokal na pamayanan.

Dito sa Tunasan, bawat galing ay may puwang at bawat pagkatao ay may proteksyon at respeto.

Patuloy po nating buuin ang isang komunidad kung saan ang pagmamahal ay malaya, ligtas, at pantay para sa lahat! ❤️🧡💛💚💙💜

𝐆𝐀𝐖𝐀𝐃 𝐔𝐋𝐈𝐑𝐀𝐍𝐆 𝐈𝐍𝐀 𝟐𝟎𝟐𝟔: 𝐂𝐎𝐍𝐆𝐑𝐀𝐓𝐔𝐋𝐀𝐓𝐈𝐎𝐍𝐒, 𝐌𝐎𝐌𝐌𝐘 𝐉𝐄𝐍𝐍𝐘! 🎉🏆✨

Isang napakalaking karangalan! Buong puso ko pong binabati at ng Barangay Tunasan Council si Gng. Jenny Q. Villarama sa pagwawagi bilang Gawad Ulirang Ina 2026! 💐

Ang iyong katatagan, walang kapantay na dedikasyon bilang ina, at 13 taong tapat na paglilingkod bilang volunteer sa komunidad ay isang tunay na inspirasyon sa ating lahat. Patunay ka na walang hadlang sa pusong gustong magmahal at magsilbi.

Tunay kang taga-Tunasan—matatag, mapagbigay, at may malasakit! Maraming salamat sa pagbibigay ng dangal at inspirasyon sa ating barangay.

We are so proud of you, Mommy Jenny! 👑❤️

𝗧𝗨𝗡𝗔𝗦𝗔𝗡 𝗣𝗥𝗜𝗗𝗘: 𝗚𝗢𝗢𝗗 𝗟𝗨𝗖𝗞, 𝗠𝗢𝗠𝗠𝗬 𝗝𝗘𝗡𝗡𝗬! 👑✨

Buong puso nating sinusuportahan ang kinatawan ng ating barangay para sa 𝗚𝗮𝘄𝗮𝗱 𝗨𝗹𝗶𝗿𝗮𝗻𝗴 𝗜𝗻𝗮 𝟮𝟬𝟮𝟲—si 𝗚𝗻𝗴. 𝗝𝗲𝗻𝗻𝘆 𝗤. 𝗩𝗶𝗹𝗹𝗮𝗿𝗮𝗺𝗮!

Sa kabila ng kanyang inborn visual disability, si Mommy Jenny ay naging matatag na ilaw ng tahanan at 13 taong volunteer teacher at Admin Assistant sa Bukas Loob sa Diyos Poverty Alleviation Ministry.
Isang tunay na ehemplo ng katatagan at malasakit sa kapwa! Saludo ang buong barangay sa inyo! ❤️

📺 MANOOD TAYO NG FB LIVE:
Makiisa at i-cheer natin si Mommy Jenny sa gaganaping FB Live ngayong hapon!

📅 Ngayong May 28 (Thursday)
🕐 1:00 PM
📱 LIVE sa City Government of Muntinlupa at Ruffy Biazon pages.

Ipadama natin ang suporta ng Tunasan!

Manood tayo at mag-iwan ng inyong "Good Luck" messages sa comment section ng live stream mamaya!

✨𝗙𝗿𝗲𝘀𝗵 𝗦𝘁𝗮𝗿𝘁, 𝗙𝗿𝗲𝘀𝗵 𝗚𝗼𝗮𝗹𝘀 𝗻𝗴𝗮𝘆𝗼𝗻𝗴 𝗠𝗼𝗻𝗱𝗮𝘆! ☀️

Isang produktibo at pinagpalang umaga, Barangay Tunasan!

Ngayong umaga, May 25, 2026, nakiisa tayo sa ating lingguhang Monday Flag Ceremony kasama ang ating mga masisipag na barangay officials, staff, at mga residente dito sa ating Tunasan Extension.

Ang bawat pagsisimula ng linggo ay paalala ng ating iisang layunin—ang maglingkod nang tapat, mabilis, at may malasakit para sa ikauunlad ng ating komunidad.

Sama-sama po nating harapin ang linggong ito nang may positibong pananaw at dedikasyon!

Mag-ingat po tayong lahat at magkaroon ng isang mapagpala at productive na linggo!

⛺ 𝐏𝐀𝐌𝐀𝐌𝐀𝐇𝐀𝐆𝐈 𝐍𝐆 𝐓𝐄𝐍𝐓 𝐏𝐀𝐑𝐀 𝐒𝐀 𝐓𝐈𝐂𝐀! 🤝
Kahapon, Biyernes (May 22), naghatid po tayo ng tent para sa TICA (Tiosejo Industrial Complex Association). Ang suportang ito ay bahagi ng ating layunin na mas pagtibayin ang pagtutulungan ng bawat sektor.

Maraming salamat po sa inyong mainit na pagtanggap!

𝐔𝐌𝐔𝐋𝐀𝐍 𝐍𝐆 𝐏𝐑𝐄𝐌𝐘𝐎 𝐀𝐓 𝐒𝐀𝐘𝐀 𝐒𝐀 𝐀𝐓𝐈𝐍𝐆 𝐓𝐔𝐍𝐀𝐒𝐀𝐍 𝐁𝐈𝐍𝐆𝐎 𝐑𝐎𝐘𝐀𝐋𝐄 𝐊𝐀𝐇𝐀𝐏𝐎𝐍 🎱💸

Grabe ang kaba, hiyawan, at swertehan kahapon! Isang malaking pasalamat sa lahat ng ating mga ka-barangay na nakiisa, nakipagsapalaran, at naki-BINGO sa ating Tunasan Bingo Royale!

Mula sa unang bola hanggang sa huling sigaw ng "BINGO!", ramdam na ramdam ang pagkakaisa at saya ng bawat pamilyang Tunasan.

Silipin ang mga naging kaganapan, ang mga masuswerteng nag-uwi ng mga premyo, at ang mga ngiting nagbigay-kulay sa ating event kahapon. Congratulations po sa lahat ng mga nanalo! 🏆✨

Hanggang sa susunod na palaro, mga ka-barangay!

𝑷𝑨𝑮𝑩𝑨𝑻𝑰 𝑺𝑨 𝑴𝑮𝑨 𝑹𝑬𝒀𝑵𝑨 𝑵𝑮 𝑫𝑨𝑵𝑪𝑬 𝑭𝑳𝑶𝑶𝑹! 💃🪩

Grabe ang hatawan, yugyugan, at hiyawan! Tapos na ang tapatan sa dance floor at mayroon na tayong mga nagningning na grupo sa Zumba Yugyugan.

Congratulations sa lahat ng ating winners 🥳:
🏆 GRAND CHAMPION: Lucky 7 Zumba - Parkhomes
🥇 1st Runner-Up: Victoria S**z Zumba Group
🥈 2nd Runner-Up: SNV Zumba Ladies

Salamat sa paghataw at pagpapamalas ng inyong enerhiya at galing sa pagsayaw! ✨

✨ 𝑮𝒂𝒏𝒅𝒂𝒏𝒈 𝑶𝒖𝒕 𝒐𝒇 𝑻𝒉𝒊𝒔 𝑾𝒐𝒓𝒍𝒅! 🪐👑

Narito ang mga kaganapan noong, May 13, 2026, sa nag-iisang Ms. Gay Pangkalawakan 2026! Hindi lang pang-Earth ang ganda, pang-buong universe at kalawakan pa ang dinala ng ating mga naggagandahang reyna.

Isang malaking pagpupugay sa ating LGBTQIA+ community na nagpakita ng laban, talino, at walang katulad na karisma.

Salamat po sa lahat ng mga nakinood at nakisaya!

𝐏𝐀𝐆𝐁𝐀𝐓𝐈 𝐒𝐀 𝐀𝐓𝐈𝐍𝐆 𝐌𝐆𝐀 𝐊𝐀𝐌𝐏𝐄𝐎𝐍! 🎤🏆

Heto na ang opisyal na resulta ng Birit Barangay Battle!

Congratulations po sa lahat ng nagpakita ng galing at puso sa entablado:
🏆 GRAND CHAMPION: Froilan Aglabtin
🥇 1st Runner-Up: Rachel Clemente
🥈 2nd Runner-Up: Jermaine Apil

Maraming salamat sa lahat ng nakiisa, sumuporta, at nakikanta. Hanggang sa susunod na biritan, mga ka-barangay!