OSCA Muntinlupa City

Biazon marks start of Pride Month celebration Mayor Ruffy Biazon marks Pride Month in Muntinlupa City, calling for equality, respect, and inclusivity for the LGBTQA+ community.

Inilunsad ng Pamahalaang Lungsod ang programang SuMiKap (Suporta sa Muntinlupeño para sa Inklusibong Kabuhayan Program) bilang tugon sa lumalalang education crisis sa bansa. Nagbibigay din ito ng bagong oportunidad sa mga retired teachers as reading tutors para sa mga batang Muntinlupeño.

Sa ilalim ng programa, pinagsasama ang kabuhayan at edukasyon — livelihood support para sa mga dating g**o, at tulong sa pagpapalakas ng literacy programs ng lungsod. Layunin ng SuMiKap na gawing produktibo ang karanasan ng mga retired teachers habang tinutugunan ang learning gaps sa mga mag-aaral.

Bahagi ito ng mas malawak na adbokasiya ni Mayor Ruffy Biazon para sa edukasyon, na ang bawat batang Muntinlupeño ay may pantay na pagkakataong matuto, bumasa, at mangarap. Para kay Mayor Biazon, ang literacy ay pundasyon ng lahat ng pangarap, at ang Pamahalaang Lungsod ay may tungkuling tiyakin na walang batang maiiwan tungo sa mas maliwanag na kinabukasan.

Tagumpay na Paghahain ng Kandidatura para sa Senior Election Federation!

Isang opisyal at maayos na paghahain ng Certificate of Candidacy (COC) para sa Senior Election Federation ang matagumpay na isinagawa sa OSCA Center nitong nakaraang Mayo 26 at 28. Sa loob ng dalawang araw na ito, umabot sa kabuuang 298 na aplikante ang matagumpay na nag-file mula sa ating buong barangay.

Lubos ang ating pasasalamat sa gabay at pag aasikaso ng mga kawani mula sa CADO at OSCA Staff na naging katuwang upang maging mabilis, organisado, at matiwasay ang buong proseso para sa lahat ng ating mga nakatatanda.

Handang-handa na para sa susunod na yugto ng paglilingkod! 🇵🇭✨

𝐑𝐞𝐭𝐢𝐫𝐞𝐝 𝐓𝐞𝐚𝐜𝐡𝐞𝐫𝐬, 𝐊𝐚𝐭𝐮𝐰𝐚𝐧𝐠 𝐬𝐚 𝐏𝐚𝐠𝐩𝐚𝐩𝐚𝐥𝐚𝐤𝐚𝐬 𝐧𝐠 𝐑𝐞𝐚𝐝𝐢𝐧𝐠 𝐅𝐨𝐮𝐧𝐝𝐚𝐭𝐢𝐨𝐧

Kasama na ang mga retired public elementary school teachers sa bagong batch ng SuMiKap (Suporta sa Muntinlupeño para sa Inklusibong Kabuhayan Program) ng Pamahalaang Lungsod ng Muntinlupa.

Sa pagtutulungan ng Office for Senior Citizens Affairs (OSCA) at Public Employment Service Office (PESO), nabibigyan ng temporary employment opportunities ang mga sektor na nais muling makapagtrabaho.

Unang pagkakataon na isinama sa SuMiKap ang mga retired teachers, kung saan sila ang magsisilbing reading tutors ng incoming Grade 2 pupils bilang bahagi ng literacy initiatives ng lungsod. Sa loob ng 10 araw, makatatanggap sila ng ₱695 na daily wage o kabuuang ₱6,950 bilang dagdag kabuhayan.

Bukod sa pagbibigay ng kita, layunin din ng programa na makatulong sa pagpapalakas ng reading foundation ng mga batang Muntinlupeño.

Maaaring mag-inquire sa OSCA offices sa Bayanan Baywalk at South Park Center sa Alabang para sa mga interesadong mapabilang sa programa.



📸: OSCA

𝐑𝐈𝐃𝐄𝐌𝐞𝐝, 𝐓𝐮𝐥𝐨𝐲-𝐓𝐮𝐥𝐨𝐲 𝐩𝐚𝐫𝐚 𝐬𝐚 𝐊𝐚𝐥𝐮𝐬𝐮𝐠𝐚𝐧 𝐍𝐢𝐧𝐚 𝐋𝐨𝐥𝐨 𝐚𝐭 𝐋𝐨𝐥𝐚

Personal na inihatid ni Mayor Ruffy Biazon ang maintenance medicines ng mga bedridden at senior citizens sa ilalim ng RIDEMed program.

Bukod sa gamot, nakatanggap din ang mga benepisyaryo ng iba pang pangunahing pangangailangan tulad ng bed pads, kumot, sabon, ointments, at bigas upang makatulong sa kanilang araw-araw na pangangalaga.

Patuloy na pinalalakas ng Pamahalaang Lungsod ang RIDEMed upang mas matiyak ang tuloy-tuloy na suporta at serbisyong pangkalusugan para sa ating mga lolo at lola sa Muntinlupa.

Kung may senior citizen sa inyong pamilya na 80 years old pataas o bedridden, maaari silang i-register sa RIDEMed program. Para sa inquiries, tumawag sa:

📞 0908-208-1044
📞 0908-725-4288
📞 8541-3485

Maaaring caregiver o kamag-anak ang mag-register para sa senior citizen. Dalhin lamang ang sumusunod:
• Muntinlupa-issued senior citizen’s ID
• Reseta ng gamot
• ID ng caregiver o kamag-anak
• Certification mula sa barangay bilang caregiver ni lolo o lola

Registration schedule sa health centers:
• Monday, Tuesday, Thursday | 8:00 AM – 5:00 PM
• Wednesday, Friday | 1:00 PM – 5:00 PM

Para naman sa mga hindi bedridden o hindi pasok sa age requirement, maaari pa ring makakuha ng libreng maintenance medicines sa ilalim ng “Love Ko si Lolo, Love Ko si Lola” program sa inyong health centers.

𝐓𝐮𝐥𝐨𝐲-𝐭𝐮𝐥𝐨𝐲 𝐧𝐚 𝐏𝐚𝐠𝐬𝐮𝐬𝐮𝐥𝐨𝐧𝐠 𝐧𝐠 𝐏𝐫𝐨𝐭𝐞𝐤𝐬𝐲𝐨𝐧 𝐧𝐠 𝐦𝐠𝐚 𝐒𝐞𝐧𝐢𝐨𝐫 𝐂𝐢𝐭𝐢𝐳𝐞𝐧𝐬 𝐚𝐭 𝐊𝐚𝐫𝐚𝐩𝐚𝐭𝐚𝐧 𝐧𝐠 𝐦𝐠𝐚 𝐁𝐚𝐫𝐚𝐧𝐠𝐚𝐲

Kamakailan ay dumalo at nakibahagi tayo sa dalawang pagpupulong ng mga komite na malapit sa aking puso at adhikain bilang isang senior citizen at dating punong lungsod ng Muntinlupa.

Kaninang umaga, sinimulan natin ang ating trabaho sa pagdalo sa pagpupulong ng Committee on Senior Citizens. Maraming mahahalagang panukalang batas para sa kapakanan ng ating mga nakatatanda ang tinalakay, kabilang na ang pag-apruba sa Substitute Bill na naglalaman ng ating House Bill No. 515 na naglalayong protektahan ang mga senior citizen laban sa fraud at iba’t ibang uri ng panloloko.

Sa pamamagitan ng panukalang ito, mas paiigtingin natin ang laban kontra sa mga mapagsamantalang indibidwal na nagtatangkang linlangin at pagsamantalahan ang ating mga nakatatanda na madalas nagiging bulnerable sa ganitong uri ng krimen.

Samantala, sa hapon ay naging prayoridad naman natin ang pagdalo at pakikilahok sa pagpupulong ng Committee on Local Government. Tinalakay at inaprubahan dito ang draft Substitute Bill ng Magna Carta for Barangays, kung saan tayo ay isa sa mga pangunahing may-akda. Sa aking panunungkulan bilang punong lungsod ng Muntinlupa, lubos kong nauunawaan ang kahalagahan at magiging positibong implikasyon ng pagsasabatas ng Magna Carta para sa ating mga barangay.

Tuloy-tuloy ang ating pagsusulong ng mga panukalang batas na tunay na makatutugon sa pangangailangan ng ating mamamayan, lalo na ng ating mga nakatatanda at mga pamayanang barangay.

𝐌𝐮𝐧𝐭𝐢𝐧𝐥𝐮𝐩𝐚 𝐖𝐢𝐧𝐬 𝐏𝐮𝐛𝐥𝐢𝐜 𝐒𝐞𝐜𝐭𝐨𝐫 𝐄𝐱𝐜𝐞𝐥𝐥𝐞𝐧𝐜𝐞 𝐀𝐰𝐚𝐫𝐝

Kinilala ng National Privacy Commission ang Muntinlupa Data Privacy Committee sa Privacy Awareness Week Awards 2026, sa pangunguna ni Atty. Nemei Santiago at ng ating mga Data Privacy Officers.

🏆 Public Sector Excellence Award – Winner
🔹 Privacy Management Program of the Year – Finalist
🔹 Privacy Initiative of the Year – Finalist
🔹 NPC Seal of Registration Compliance Excellence Award – Finalist

Ang Public Sector Excellence Award ang pinakamataas na pagkilala para sa mga ahensya ng gobyerno na nagiging modelo ng best practices sa data privacy. Ibig sabihin, ang Muntinlupa ay hindi lang sumusunod sa batas, kundi nangunguna sa transparency, accountability, at proteksyon ng personal data ng mga mamamayan.

Patuloy na isinusulong ni Mayor Ruffy Biazon ang mga programang nakabatay sa tiwala at integridad. Ang pagkilalang ito ay patunay na ang ating lungsod ay may matatag na Privacy Management Program, active Privacy Initiatives, at compliance excellence na nagbibigay ng kumpiyansa sa bawat Muntinlupeño na ligtas ang kanilang impormasyon sa bawat transaksyon sa pamahalaan.