City Health Office-Muntinlupa

𝐓𝐮𝐥𝐨𝐲-𝐭𝐮𝐥𝐨𝐲 𝐚𝐧𝐠 𝐩𝐚𝐠-𝐢𝐢𝐤𝐨𝐭 𝐧𝐠 𝐦𝐠𝐚 𝐡𝐞𝐚𝐥𝐭𝐡 𝐰𝐨𝐫𝐤𝐞𝐫𝐬 𝐧𝐠 𝐂𝐢𝐭𝐲 𝐇𝐞𝐚𝐥𝐭𝐡 𝐎𝐟𝐟𝐢𝐜𝐞 𝐮𝐩𝐚𝐧𝐠 𝐦𝐚𝐠𝐛𝐢𝐠𝐚𝐲 𝐧𝐠 𝐛𝐚𝐤𝐮𝐧𝐚 𝐤𝐨𝐧𝐭𝐫𝐚 𝐓𝐢𝐠𝐝𝐚𝐬 𝐚𝐭 𝐓𝐢𝐠𝐝𝐚𝐬-𝐇𝐚𝐧𝐠𝐢𝐧

Tuloy-tuloy ang pag-iikot ng mga health workers ng City Health Office kasama ang DOH - Human Resource for Health (HRH) sa iba't ibang komunidad ng Lungsod ng Muntinlupa upang magbigay ng 𝐛𝐚𝐤𝐮𝐧𝐚 𝐤𝐨𝐧𝐭𝐫𝐚 𝐓𝐢𝐠𝐝𝐚𝐬 (Measles) 𝐚𝐭 𝐓𝐢𝐠𝐝𝐚𝐬-𝐇𝐚𝐧𝐠𝐢𝐧 (Rubella), gayundin ng 𝐕𝐢𝐭𝐚𝐦𝐢𝐧 𝐀 para sa mga 𝐛𝐚𝐭𝐚𝐧𝐠 𝐞𝐝𝐚𝐝 𝟔 𝐡𝐚𝐧𝐠𝐠𝐚𝐧𝐠 𝟓𝟗 𝐛𝐮𝐰𝐚𝐧𝐠 𝐠𝐮𝐥𝐚𝐧𝐠 (𝐰𝐚𝐥𝐚 𝐩𝐚𝐧𝐠 𝟓 𝐭𝐚𝐨𝐧𝐠 𝐠𝐮𝐥𝐚𝐧𝐠).

Bahagi ito ng pinaigting na kampanyang " 𝐋𝐢𝐠𝐭𝐚𝐬 𝐓𝐢𝐠𝐝𝐚𝐬: 𝐌𝐞𝐚𝐬𝐥𝐞𝐬-𝐑𝐮𝐛𝐞𝐥𝐥𝐚 𝐒𝐮𝐩𝐩𝐥𝐞𝐦𝐞𝐧𝐭𝐚𝐥 𝐈𝐦𝐦𝐮𝐧𝐢𝐳𝐚𝐭𝐢𝐨𝐧 𝐀𝐜𝐭𝐢𝐯𝐢𝐭𝐲 (𝐒𝐈𝐀) at 𝐕𝐢𝐭𝐚𝐦𝐢𝐧 𝐀 𝐒𝐮𝐩𝐩𝐥𝐞𝐦𝐞𝐧𝐭𝐚𝐭𝐢𝐨𝐧" na naglalayong maprotektahan ang kalusugan ng bawat batang Muntinlupeño.

✅ Ang pagbabakuna ay nagbibigay-proteksyon laban sa pagka-ospital at pagkamatay dulot ng Tigdas at Tigdas-Hangin.
✅ Ang Vitamin A supplementation naman ay nakatutulong sa pagpapalakas ng resistensya at pagpapanatili ng mabuting kalusugan ng mga bata.

📍 Libre at madaling makuha ang bakuna sa pinakamalapit na health center sa inyong lugar.

Huwag palampasin ang pagkakataong maprotektahan ang inyong mga anak—ang bakuna at Vitamin A ay ligtas, epektibo, at mahalagang sandata laban sa sakit.

👨‍👩‍👧‍👦 Magpabakuna na at makiisa sa layuning mapanatiling malusog, ligtas, at protektado ang bawat batang Muntinlupeño!

💚 Sa sama-samang pagkilos ng pamahalaan at ng bawat pamilya, mas mapapalakas ang depensa ng mga bata laban sa mga sakit na maaaring maiwasan sa pamamagitan ng bakuna.

Kaya naman maging 𝐇𝐀𝐍𝐃𝐀, 𝐏𝐑𝐎𝐓𝐄𝐊𝐓𝐀𝐃𝐎, 𝐁𝐀𝐊𝐔𝐍𝐀𝐃𝐎! 💉🛡️

𝐎𝐧𝐠𝐨𝐢𝐧𝐠 𝐚𝐧𝐠 𝐌𝐨𝐛𝐢𝐥𝐞 𝐁𝐥𝐨𝐨𝐝 𝐃𝐨𝐧𝐚𝐭𝐢𝐨𝐧 𝐧𝐠𝐚𝐲𝐨𝐧𝐠 𝐚𝐫𝐚𝐰 𝐉𝐮𝐧𝐞 𝟓, 𝟐𝟎𝟐𝟔 🩸❤️

Isinasagawa ngayong araw, Hunyo 5, 2026, ang Mobile Blood Donation sa Hyundai RMT, Tunasan, Muntinlupa City. Pinangunahan ito ni Dr. Avegail Bartolome-Barreda, MVBSP Medical Coordinator, sa ilalim ng pamumuno ni Dr. Carolyn Magalong, Acting Head ng City Health Office, katuwang ang mga kawani ng City Health Office.

Layunin ng gawaing ito na makatulong sa pagpapanatili ng sapat na suplay ng dugo para sa mga pasyenteng nangangailangan at mapalaganap ang kamalayan sa kahalagahan ng boluntaryong pagdo-donate ng dugo.

Patuloy po nating suportahan ang mga gawaing pangkalusugan ng Pamahalaang Lungsod ng Muntinlupa.

🦟🚨 𝐒𝐀𝐀𝐍 𝐍𝐆𝐀 𝐁𝐀 𝐍𝐀𝐇𝐀𝐇𝐀𝐍𝐀𝐏 𝐀𝐍𝐆 𝐌𝐆𝐀 𝐊𝐈𝐓𝐈-𝐊𝐈𝐓𝐈? 🚨🦟

Ang mga kiti-kiti o larvae ng lamok ay madalas makita sa mga lugar na may naipong malinis na tubig. Kapag hindi agad naalis, maaari itong maging lamok na nagdadala ng dengue!

📍 𝐌𝐠𝐚 𝐤𝐚𝐫𝐚𝐧𝐢𝐰𝐚𝐧𝐠 𝐩𝐢𝐧𝐚𝐦𝐮𝐦𝐮𝐠𝐚𝐫𝐚𝐧 𝐧𝐠 𝐤𝐢𝐭𝐢-𝐤𝐢𝐭𝐢 𝐚𝐭 𝐚𝐧𝐠 𝐝𝐚𝐩𝐚𝐭 𝐠𝐚𝐰𝐢𝐧:

🪣 𝙎𝙖 𝙡𝙤𝙤𝙗 𝙣𝙜 𝙢𝙜𝙖 𝙗𝙖𝙡𝙙𝙚, 𝙙𝙧𝙪𝙢, 𝙗𝙖𝙩𝙮𝙖 𝙖𝙩 𝙞𝙗𝙖 𝙥𝙖𝙣𝙜 𝙡𝙖𝙡𝙖𝙜𝙮𝙖𝙣 𝙣𝙜 𝙩𝙪𝙗𝙞𝙜
➡️ Itapon ang naipong tubig at siguraduhing nakatakip ang mga lalagyan.

🛞 𝙈𝙜𝙖 𝙜𝙪𝙡𝙤𝙣𝙜 𝙨𝙖 𝙞𝙗𝙖𝙗𝙖𝙬 𝙣𝙜 𝙗𝙪𝙗𝙤𝙣𝙜
➡️ Mas mainam na butasan upang hindi maipunan ng tubig-ulan.

🥫 𝙈𝙜𝙖 𝙡𝙖𝙩𝙖, 𝙜𝙖𝙧𝙖𝙥𝙤𝙣 𝙖𝙩 𝙗𝙤𝙩𝙚
➡️ Maaaring gamitin ang mga garapon ngunit siguraduhing araw-araw itong nililinis at pinapalitan ng tubig. Patuyuin at itaob kung hindi gagamitin.

🌸 𝙈𝙜𝙖 𝙥𝙡𝙤𝙧𝙚𝙧𝙖, 𝙡𝙖𝙡𝙖𝙜𝙮𝙖𝙣 𝙣𝙜 𝙗𝙪𝙡𝙖𝙠𝙡𝙖𝙠 𝙖𝙩 𝙥𝙖𝙨𝙤
➡️ Linisin isang beses kada linggo dahil maaari itong pamugaran ng lamok.

🛤️ 𝙈𝙜𝙖 𝙖𝙡𝙪𝙡𝙤𝙙, 𝙠𝙖𝙣𝙖𝙡 𝙖𝙩 𝙞𝙢𝙗𝙪𝙧𝙣𝙖𝙡 𝙨𝙖 𝙠𝙤𝙢𝙪𝙣𝙞𝙙𝙖𝙙
➡️ Linisin at tanggalin ang nakabarang basura at dahon upang hindi maipon ang tubig.

⏰ Tuwing 4PM, Mag-TAOB, TAKTAK, TUYO, at TAKIP!

✅ TAOB – Itaob ang mga lalagyan
✅ TAKTAK – Itaktak ang naiwang tubig
✅ TUYO – Punasan at patuyuin
✅ TAKIP – Takpan ang mga lalagyan ng tubig

Maglaan ng ilang minuto araw-araw para linisin ang paligid at alisin ang mga pinamumugaran ng lamok. Tandaan: Kapag walang kiti-kiti, walang dengue! 💚

💪✨ 𝐇𝐀𝐍𝐃𝐀, 𝐏𝐑𝐎𝐓𝐄𝐊𝐓𝐀𝐃𝐎, 𝐁𝐀𝐊𝐔𝐍𝐀𝐃𝐎! 💉🛡️

Nagsimula na ngayong Hunyo 2026 ang 𝐋𝐢𝐠𝐭𝐚𝐬 𝐓𝐢𝐠𝐝𝐚𝐬: 𝐌𝐞𝐚𝐬𝐥𝐞𝐬-𝐑𝐮𝐛𝐞𝐥𝐥𝐚 𝐒𝐮𝐩𝐩𝐥𝐞𝐦𝐞𝐧𝐭𝐚𝐥 𝐈𝐦𝐦𝐮𝐧𝐢𝐳𝐚𝐭𝐢𝐨𝐧 𝐀𝐜𝐭𝐢𝐯𝐢𝐭𝐲 (𝐒𝐈𝐀) at 𝐕𝐢𝐭𝐚𝐦𝐢𝐧 𝐀 𝐒𝐮𝐩𝐩𝐥𝐞𝐦𝐞𝐧𝐭𝐚𝐭𝐢𝐨𝐧 para sa mga batang edad 𝟔 𝐡𝐚𝐧𝐠𝐠𝐚𝐧𝐠 𝟓𝟗 𝐛𝐮𝐰𝐚𝐧𝐠 𝐠𝐮𝐥𝐚𝐧𝐠 (𝐰𝐚𝐥𝐚 𝐩𝐚𝐧𝐠 𝟓 𝐭𝐚𝐨𝐧𝐠 𝐠𝐮𝐥𝐚𝐧𝐠).

Kaya naman ang ating mga health workers mula sa iba't ibang health center ng Lungsod ng Muntinlupa ay nagsimula nang mag-ikot sa mga komunidad upang magbigay ng bakuna laban sa Tigdas (Measles) at Tigdas-Hangin (Rubella) at magbigay ng Vitamin A sa mga bata.

✅ Ang pagbabakuna ay nagbibigay-proteksyon laban sa pagka-ospital at pagkamatay dulot ng Tigdas at Tigdas-Hangin.
✅ Ang Vitamin A supplementation naman ay nakatutulong sa pagpapalakas ng resistensya at pagpapanatili ng mabuting kalusugan ng mga bata.

📍 Libre at madaling makuha ang bakuna sa pinakamalapit na health center sa inyong lugar.

Huwag palampasin ang pagkakataong maprotektahan ang inyong mga anak—ang bakuna at Vitamin A ay ligtas, epektibo, at mahalagang sandata laban sa sakit.

👨‍👩‍👧‍👦 Magpabakuna na at makiisa sa layuning mapanatiling malusog, ligtas, at protektado ang bawat batang Muntinlupeño!

🦟🚫 𝐓𝐮𝐰𝐢𝐧𝐠 𝟒𝐏𝐌, 𝐌𝐚𝐠-𝐓𝐀𝐎𝐁, 𝐓𝐀𝐊𝐓𝐀𝐊, 𝐓𝐔𝐘𝐎, 𝐚𝐭 𝐓𝐀𝐊𝐈𝐏! 🚫🦟

Walang dapat pamahayan ang lamok na Aedes aegypti na nagkakalat ng dengue! Sama-sama nating sugpuin ang dengue sa simpleng hakbang na kayang gawin araw-araw.

✅ 𝐓𝐀𝐎𝐁 – Itaob ang mga nakatambak na lalagyan na maaaring maipunan ng tubig.
✅ 𝐓𝐀𝐊𝐓𝐀𝐊 – Itaktak nang mabuti upang masigurong walang matitirang tubig.
✅ 𝐓𝐔𝐘𝐎 – Patuyuin ang loob ng mga lalagyan gamit ang tela o basahan.
✅ 𝐓𝐀𝐊𝐈𝐏 – Takpan ang mga bukas na lalagyan o balde upang hindi mapasukan ng tubig at pamugaran ng lamok.

⏰ Araw-araw tuwing alas-4 ng hapon, maglaan ng ilang minuto para linisin ang paligid at alisin ang mga pinamumugaran ng lamok.

Ang dengue ay maiiwasan kung tayo ay magiging responsable at mapagmatyag. Tandaan: kapag walang naipong tubig, walang lamok na mabubuhay! 💧❌🦟

Makiisa, makibahagi, at protektahan ang pamilya at komunidad laban sa dengue! 💚

📢 𝐍𝐠𝐚𝐲𝐨𝐧𝐠 𝐇𝐮𝐧𝐲𝐨 𝟐𝟎𝟐𝟔, isasagawa ang 𝐋𝐈𝐆𝐓𝐀𝐒 𝐓𝐈𝐆𝐃𝐀𝐒: 𝐌𝐞𝐚𝐬𝐥𝐞𝐬-𝐑𝐮𝐛𝐞𝐥𝐥𝐚 𝐒𝐮𝐩𝐩𝐥𝐞𝐦𝐞𝐧𝐭𝐚𝐥 𝐈𝐦𝐦𝐮𝐧𝐢𝐳𝐚𝐭𝐢𝐨𝐧 𝐀𝐜𝐭𝐢𝐯𝐢𝐭𝐲 (𝐒𝐈𝐀) 𝐚𝐭 𝐕𝐢𝐭𝐚𝐦𝐢𝐧 𝐀 𝐒𝐮𝐩𝐩𝐥𝐞𝐦𝐞𝐧𝐭𝐚𝐭𝐢𝐨𝐧 para sa mga batang edad 6–59 buwang gulang (wala pang 5 taong gulang).

👶 Dalhin ang inyong mga anak sa mga vaccination site o sa pinakamalapit na health center upang mabigyan sila ng proteksyon laban sa pagka-ospital at pagkamatay dulot ng tigdas at tigdas-hangin.

💪✨ 𝐇𝐀𝐍𝐃𝐀, 𝐏𝐑𝐎𝐓𝐄𝐊𝐓𝐀𝐃𝐎, 𝐁𝐀𝐊𝐔𝐍𝐀𝐃𝐎! 💉🛡️

🚭 𝐌𝐚𝐲 𝟑𝟏 — 𝐖𝐨𝐫𝐥𝐝 𝐍𝐨 𝐓𝐨𝐛𝐚𝐜𝐜𝐨 𝐃𝐚𝐲 🚭

“𝙐𝙣𝙢𝙖𝙨𝙠𝙞𝙣𝙜 𝙩𝙝𝙚 𝘼𝙥𝙥𝙚𝙖𝙡: 𝘾𝙤𝙪𝙣𝙩𝙚𝙧𝙞𝙣𝙜 𝙉𝙞𝙘𝙤𝙩𝙞𝙣𝙚 𝙖𝙣𝙙 𝙏𝙤𝙗𝙖𝙘𝙘𝙤 𝘼𝙙𝙙𝙞𝙘𝙩𝙞𝙤𝙣”

Hindi lahat ng uso at mukhang astig ay ligtas sa kalusugan. Sa likod ng sigarilyo at v**e ay ang banta ng ni****ne addiction na maaaring makasira sa kalusugan ng bawat isa. Panahon na upang piliin ang buhay na malaya sa bisyo at mas makakabuti sa ating kalusugan.

𝐒𝐚𝐲 𝐍𝐎 𝐭𝐨 𝐭𝐨𝐛𝐚𝐜𝐜𝐨 𝐚𝐧𝐝 𝐯𝐚𝐩𝐞!