Mayor Elmor Vitangcol Vita

Directions Contact the organization

Mayor Elmor Vitangcol Vita The Official page of Arch/CE Mayor Elmor Vitangcol Vita.

𝐂𝐈𝐕𝐈𝐋 𝐖𝐄𝐃𝐃𝐈𝐍𝐆 𝐂𝐄𝐑𝐄𝐌𝐎𝐍𝐘November 9, 2026 | Nagcarlan PresidenciaIsinagawa kahapon, Nobyembre 9, 2026, ang isang makabuluha...
10/11/2026

𝐂𝐈𝐕𝐈𝐋 𝐖𝐄𝐃𝐃𝐈𝐍𝐆 𝐂𝐄𝐑𝐄𝐌𝐎𝐍𝐘
November 9, 2026 | Nagcarlan Presidencia

Isinagawa kahapon, Nobyembre 9, 2026, ang isang makabuluhan at taimtim na seremonya ng kasal sa pangunguna ng ating Punong Bayan, Ark./Inh. Elmor Vitangcol Vita.

Sa nasabing okasyon, opisyal na pinag-isa sina Marlo at Cristy Monteza sa isang sagradong tipan ng pagmamahalan at pagsasama bilang mag-asawa, na nagsisilbing simula ng panibagong yugto ng kanilang buhay.

Nawa'y maging matatag ang kanilang pagsasama na nakasalig sa pagmamahalan, paggalang, pagtitiwala, at pagkakaunawaan. Hangad namin ang isang buhay may-asawa na puno ng biyaya, kaligayahan, at walang hanggang pagmamahalan.

Taos-pusong pagbati sa bagong kasal!

LINGGUHANG PAGTATAAS NG WATAWAT NG PILIPINAS SA BAYAN NG NAGCARLANNobyembre 9, 2026 | Municipal Multipurpose GymnasiumPi...
09/11/2026

LINGGUHANG PAGTATAAS NG WATAWAT NG PILIPINAS SA BAYAN NG NAGCARLAN
Nobyembre 9, 2026 | Municipal Multipurpose Gymnasium

Pinangunahan ng Municipal Treasury Office at General Services Office (GSO) ang lingguhang pagtataas ng watawat ng Pilipinas ng Pamahalaang Bayan ng Nagcarlan, at dinaluhan ng mga opisyal at kawani ng pamahalaang bayan, mga kinatawan ng pambansang ahensya, mga opisyal ng barangay, at iba pang mga kababayan nating Nagcarlangin.

Sinimulan ang programa sa panalangin na pinangunahan ni Marielle U. Rorman, na sinundan ng pagbasa at pagbabahagi ng mensahe mula sa Banal na Ebanghelyo sa pangunguna ni Pastor Miguel Urriza. Kasunod nito ang pag-awit ng Lupang Hinirang sa pangunguna ni Mark Joseph Belen. Pinangunahan naman nina Christine Joy C. Consignado ang Panunumpa sa Watawat ng Pilipinas, Carlo M. Angeles ang Panunumpa ng Lingkod-Bayan, at Mark Jayson D. Pionela ang Panata sa Bagong Pilipinas.

Bilang bahagi ng programa, inilahad ni G. John Carlo B. Vocales, OIC- Pambayang Ingat-Yaman, ang ulat at mahahalagang impormasyon mula sa Municipal Treasury Office. Sinundan ito ng ulat ni Bb. Lorelie S. Vitangcol, GSO-Designate, hinggil sa mga gawain at serbisyong saklaw ng General Services Office.

Naghandog din ng isang espesyal na pagtatanghal ang mga kawani ng Municipal Treasury Office at GSO, bilang bahagi ng pagpapahalaga sa talento at pakikiisa ng bawat sektor sa mga gawain ng pamahalaan.

Nagbigay rin ng kanyang mensahe si Punong Bayan Ark/Inh Elmor Vitangcol Vita, kung saan binigyang-diin ang patuloy na pagsusulong ng maayos, tapat, at mahusay na paglilingkod para sa kapakanan ng bawat Nagcarlangin.

Kasabay nito, muling iginawad sa Rural Health Unit (RHU) ang mga pagkilalang kanilang natanggap bilang pagpapahalaga sa kanilang dedikasyon, pagsisikap, at patuloy na pagsusulong ng mga programang pangkalusugan. Sumasalamin ang mga pagkilalang ito sa sama-samang pagsusumikap ng mga kawani ng RHU upang maitaguyod ang mas maayos at de-kalidad na serbisyong pangkalusugan para sa bawat Nagcarlangin.

Nagtapos ang programa sa sama-samang pag-awit ng Martsa ng Nagcarlan, bilang pagpapahayag ng pagkakaisa at pagmamalaki sa ating bayan.

Ang lingguhang pagtataas ng watawat ay hindi lamang isang gawaing nakaugat sa ating tungkulin bilang mga lingkod-bayan, kundi isang paalala rin ng ating katapatan sa bansa, pananagutan sa mamamayan, at patuloy na paninindigan sa mga prinsipyong Maka-Diyos, Maka-tao, Makakalikasan, at Makabansa.



LUKSANG PARANGAL PARA KAY DATING BRGY. KAGAWAD NENITA D. BAÑEZ NG TIPACANNobyembre 7, 2026 | Brgy. Bambang, Nagcarlan, L...
09/11/2026

LUKSANG PARANGAL PARA KAY DATING BRGY. KAGAWAD NENITA D. BAÑEZ NG TIPACAN
Nobyembre 7, 2026 | Brgy. Bambang, Nagcarlan, Laguna

Isinagawa noong Nobyembre 7, 2026 ang isang Luksang Parangal bilang pagkilala at pagbibigay-pugay sa naging buhay at paglilingkod ni dating Barangay Kagawad Nenita D. Bañez ng Barangay Tipacan.

Dumalo sa nasabing seremonya sina G. Arthur Cabusas, Pambayang Administrador, at G. Guillermo Bueno- Executive Assistant V, bilang mga kinatawan ni Punong Bayan Ark./Inh. Elmor Vitangcol Vita. Kanilang ipinarating ang taos-pusong pakikiramay at pakikidalamhati ng Punong Bayan at ng buong Pamahalaang Bayan ng Nagcarlan sa naulilang pamilya at mga mahal sa buhay ng yumao.

Nakibahagi rin sa pagbibigay-pugay ang iba pang mga opisyal ng pamahalaang bayan, mga dating kasamahan sa paglilingkod, at mga kasalukuyang opisyal ng Sangguniang Barangay ng Tipacan, bilang pagkilala sa kanyang naging mahalagang bahagi sa paglilingkod sa publiko.

Tunay na hindi matatawaran ang naging ambag ni dating Kagawad Nenita D. Bañez, hindi lamang sa kanyang nasasakupang barangay kundi maging sa mas malawak na komunidad ng Nagcarlan. Sa pamamagitan ng kanyang panahon, pagsisikap, at dedikasyon sa paglilingkod, nakapag-iwan siya ng makabuluhang alaala at pamana sa mga taong kanyang napaglingkuran.

Bagama't tuluyan nang nagpaalam ang isang lingkod-bayan, mananatiling buhay ang kanyang alaala at ang mga mabubuting gawa na kanyang iniwan. Ang kanyang naging paglilingkod ay patuloy na magsisilbing inspirasyon at paalala ng tunay na diwa ng paglilingkod sa kapwa at bayan.

Muli, taos-puso ang pakikiramay ng Pamahalaang Bayan ng Nagcarlan sa buong pamilya at mga naulilang mahal sa buhay.


𝐒𝐔𝐏𝐎𝐑𝐓𝐀 𝐒𝐀 𝐌𝐆𝐀 𝐌𝐀𝐆𝐒𝐀𝐒𝐀𝐊𝐀, 𝐏𝐀𝐓𝐔𝐋𝐎𝐘 𝐍𝐀 𝐈𝐒𝐈𝐍𝐔𝐒𝐔𝐋𝐎𝐍𝐆!Nagpapasalamat tayo sa Department of Agriculture – Regional Field Offic...
09/11/2026

𝐒𝐔𝐏𝐎𝐑𝐓𝐀 𝐒𝐀 𝐌𝐆𝐀 𝐌𝐀𝐆𝐒𝐀𝐒𝐀𝐊𝐀, 𝐏𝐀𝐓𝐔𝐋𝐎𝐘 𝐍𝐀 𝐈𝐒𝐈𝐍𝐔𝐒𝐔𝐋𝐎𝐍𝐆!
Nagpapasalamat tayo sa Department of Agriculture – Regional Field Office IV-A, Philippine Coconut Authority (PCA), at sa lahat ng katuwang na ahensya sa patuloy na pagbibigay ng suporta at mga programang pang-agrikultura para sa ating mga magsasaka sa Bayan ng Nagcarlan.

Gayundin, kinikilala natin ang pagsisikap ng ating Municipal Agriculture Office, sa pangunguna ni Municipal Agriculturist Alvin C. Ardeza, sa pagpapatupad ng mga programang nagbibigay ng makabuluhang tulong sa ating mga samahan ng magsasaka.

Lubos din ang ating pasasalamat kay Ms. Lovely Formales Sumague Artiaga-Labor ng PCA, kay G. Elmer A. Belen ng EAB Agriventures Integrated Farm, at sa lahat ng mga indibidwal at organisasyong naging bahagi ng matagumpay na pamamahagi ng mga agricultural inputs at iba pang tulong pangkabuhayan.

Higit sa lahat, nagpapasalamat tayo sa ating mga magsasaka sa kanilang patuloy na pagsisikap at mahalagang ambag sa pagpapaunlad ng agrikultura at seguridad sa pagkain ng ating bayan.

Sa ilalim ng ating pamahalaan, patuloy nating susuportahan ang mga programang magpapalakas sa produksyon, magpapalawak ng oportunidad, at magtataguyod sa kabuhayan ng ating mga magsasaka.

Maraming salamat sa lahat ng katuwang natin sa pagsusulong ng isang mas matatag at maunlad na sektor ng agrikultura sa Nagcarlan!


09/11/2026

Panoorin ang ulat at mensahe ni Punong Bayan Ark/Inh Elmor Vitangcol Vita na ibinahagi sa isinagawang Lingguhang Pagtataas ng Watawat ng Pilipinas ngayong araw, Nobyembre 09, 2026.

Patuloy ang ating pagkakaisa sa pagtataguyod ng isang maunlad, maayos, at mas progresibong Nagcarlan sa pamamagitan ng mahusay, tapat, at makataong paglilingkod.



09/11/2026
06/11/2026

TOPIC 2: LET’S TALK ABOUT BURNOUT

Isinasagawa ang ikalawang talakayan sa ilalim ng paksang “Let’s Talk About Burnout,” sa pangunguna ni Dr. Alvin Michael M. de Luna bilang tagapagsalita.

Tinalakay sa sesyon ang kahalagahan ng pagkilala sa mga senyales ng burnout, pag-unawa sa epekto nito sa pisikal at mental na kalagayan, at ang mga praktikal na paraan upang mapangalagaan ang sariling kapakanan at mapanatili ang maayos na balanse sa trabaho at personal na buhay.

Bahagi ito ng patuloy na pagsisikap ng Pamahalaang Bayan ng Nagcarlan na itaguyod hindi lamang ang kakayahan kundi maging ang pangkalahatang kapakanan ng mga kawani nito.




06/11/2026

GENDER SENSITIVITY TRAINING

Kasalukuyang isinasagawa sa Villa Elena Mountainview Resort, Brgy. Silangan Ilaya, Nagcarlan, Laguna ang Gender Sensitivity Training Program para sa mga kawani ng Pamahalaang Bayan ng Nagcarlan.

Sinimulan ang programa sa talakayan tungkol sa Gender Sensitivity, sa pangunguna ni
PSMS Cherylou Felicitas bilang tagapagsalita, na naglalayong higit na mapalawak ang kaalaman at pag-unawa ng mga kawani hinggil sa gender awareness, equality, at respeto sa bawat indibidwal.

Bahagi rin sa araw na ito ang Team Building ng mga kawani ng lokal na pamahalaan na naglalayong mapatatag ang samahan at pagkakaisa ng mga kawani.




𝐏𝐀𝐆𝐁𝐀𝐓𝐈 | 𝐆𝐎𝐎𝐃 𝐅𝐈𝐍𝐀𝐍𝐂𝐈𝐀𝐋 𝐇𝐎𝐔𝐒𝐄𝐊𝐄𝐄𝐏𝐈𝐍𝐆 𝐏𝐀𝐒𝐒𝐄𝐑 – 𝐂𝐘 𝟐𝟎𝟐𝟓Malugod na binabati ng Pamahalaang Bayan ng Nagcarlan ang lahat ng...
04/11/2026

𝐏𝐀𝐆𝐁𝐀𝐓𝐈 | 𝐆𝐎𝐎𝐃 𝐅𝐈𝐍𝐀𝐍𝐂𝐈𝐀𝐋 𝐇𝐎𝐔𝐒𝐄𝐊𝐄𝐄𝐏𝐈𝐍𝐆 𝐏𝐀𝐒𝐒𝐄𝐑 – 𝐂𝐘 𝟐𝟎𝟐𝟓

Malugod na binabati ng Pamahalaang Bayan ng Nagcarlan ang lahat ng kawani at tanggapan ng pamahalaang bayan sa pagkilalang Good Financial Housekeeping Passer para sa Calendar Year 2025.

Ang pagkilalang ito ay sumasalamin sa patuloy na pagsisikap ng lokal na pamahalaan na itaguyod ang maayos na pamamahala sa pananalapi, pananagutan, at transparency sa paggamit ng pondo ng bayan.

Sa pangunguna ni Punong Bayan Ark./Inh. Elmor Vitangcol Vita, patuloy na isinusulong ng Pamahalaang Bayan ng Nagcarlan ang responsableng pamamahala at paghahatid ng serbisyong may integridad para sa bawat Nagcarlangin.

Mabuhay ang Pamahalaang Bayan ng Nagcarlan!



Address

Nagcarlan
4002

Website

Alerts

Be the first to know and let us send you an email when Mayor Elmor Vitangcol Vita posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Mayor Elmor Vitangcol Vita:

Shortcuts

Share