Liberal Youth - Naic

"MARIING KINO KONDENA NG AMING GRUPO ANG TAHASAN AT MALISYOSONG PAGSUSPINDE NANG WALANG KAUKULANG PROSESO KAY ATTY. FLORES"

Paninindigan at Suporta para kay Atty. Ryan Wakay Flores
Pahayag ng Suporta at Paninindigan para sa Katarungan at Demokrasya sa Bayan ng Naic.

Napanood namin at maingat na pinag-aralan ang nagdaang sesyon ng Sangguniang Bayan ng Naic noong Nobyembre 3, 2025, kung saan malinaw na makikita ang tila tahasang pagbibigay-limitasyon sa demokratikong pagpapahayag ng opinyon hinggil sa mga usaping pampubliko ng bayan.

Ang paulit-ulit na pagbanggit sa salitang “disrespectful” sa nasabing video ay nagdulot ng tanong sa aming isipan: “Ang malayang pagpapahayag at pagsagot sa mga katanungan ba ay maituturing na kawalang-galang?” Lalo’t higit na ang sesyon ay isang pormal na pagtitipon kung saan normal at inaasahan ang mga talakayan at pagtutuwid ng pananaw. Ang mga hindi pagkakasundo sa loob ng session hall ay bahagi ng healthy discussion at daan tungo sa katotohanan. Sapagkat sa aming paniniwala, kung walang kokontra, walang balanse sa demokrasya.

Muling binalikan namin ang video kung saan tila planado ang lahat, habang ang iba naman ay humuhugot ng argumento mula sa mga papel na hawak — tila binasa lamang mula sa pinagsama-samang payo ng mga abogado. Ngunit ito ba ang sukatan ng talino? Ang pagbawi ng karapatan ng minorya na magsalita at ang pagpupumilit na manaig ang mayorya?

Nakakatawang pakinggan na habang ipinagmamalaki ang kaalaman sa Local Government Code, may nabanggit pang “I think you have very small knowledge of the Local Government Code” (1:17:12 ng live video), ngunit halatang binabasa lamang ang mga sipi ng batas. Hindi ba ito mismo ang halimbawa ng disrespectful attitude? Kung tunay na kabisado ang batas, bakit hindi ito maibahagi nang walang sandigan sa papel o kodigo?

Bilang isang Bulwagan ng Bayan sa isang demokratikong bansa, nararapat lamang na ang presiding officer ay maging patas at neutral. Dapat balanse ang boses ng minorya at mayorya — sapagkat walang demokrasya kung walang minorya. Kapag iisang panig lamang ang pinapakinggan, ang tawag dito ay Authoritarian Rule.

Sa loob ng dalawang sesyon na wala ang kinatawan ng minorya, maituturing bang demokratiko ang pulong? Higit pa rito, nakabanta pa ang suspensyon ng isa pang miyembro ng minorya sa konseho.

Isang malaking katanungan din ang bumabalot sa aming isipan: kung tunay na alam ninyo ang Local Government Code, bakit hindi dumaan sa Ethics Committee ang reklamo? Hindi ba’t ito ang tamang proseso at institusyong dapat dinggin ang mga ganitong usapin? Samantalang sa mga simpleng kooperatiba, tatlong hearing pa ang isinasagawa ng Ethics Committee bago maglabas ng pinal na desisyon.

Hindi dito talo ang isang opisyal ng bayan — ang talo rito ay ang buong bayan. Ang tungkulin ng isang presiding officer ay maging patas, hindi maging taga-usig o fiscalizer.

Kami, ang mga mamamayan at tagasuporta ng Bayan ng Naic, ay mahigpit na nananawagan laban sa hindi makatarungang dalawang sesyon na suspensyon (dalawang sesyon pagbabawal na mag partesipa sa diskusyon pang local na pamahalaan) na ipinataw kay Atty. Ryan Wakay Flores. Sa aming paniniwala, ang desisyong ito ay may halong pulitikal na motibo at lumalabag sa prinsipyo ng due process at malayang pamamahayag.

Ang isang lingkod-bayan ay may karapatang magpahayag ng saloobin at prinsipyo, lalo na kung ito ay para sa ikabubuti ng nakararami. Ang pagkakaiba ng opinyon ay hindi dapat ituring na kasalanan. Sa halip, ito ang nagpapatibay sa tunay na diwa ng demokrasya — ang malayang talakayan, hindi ang katahimikan o kontrol ng iisang grupo.

Kung tunay na ang layunin ng konseho ay serbisyo sa tao, hindi dapat manaig ang pulitika. Ang anumang hakbang laban sa isang halal ng bayan ay dapat dumaan sa tamang proseso — mula sa verbal warning, written explanation, hanggang sa imbestigasyon ng Ethics Committee, at hindi sa biglaang suspensyon.

Naniniwala kami na si Atty. Ryan Wakay Flores ay isang lider na may malasakit, tapat sa tungkulin, at handang manindigan para sa katotohanan at bayan. Sa halip na parusahan, dapat siyang kilalanin bilang inspirasyon ng katapatan at malasakit sa serbisyo publiko.

Ang pagkakaisa, katotohanan, at katarungan ang tunay na haligi ng mabuting pamahalaan.
Sa laban na ito, malinaw ang aming paninindigan — ang panig ng demokrasya, katarungan, at kapakanan ng mamamayan ng Naic.

Malayo pa ang Eleksyon, trabaho muna, saka na isipin ang pulitika at pagkampi kampihan kong malapit na, sa taong nag endorso at nag mosyon ng suspension, "Wag muna isipin ang mataas na posisyon, magpakita ka muna ng malasakit at galing sa mga Brgy. na nasasakupan, subukan mong bumaba sa mga Brgy hindi yung mosyon mo lang ang isa sa malaking accomplishment mong maituturing.







LP Naic Magwagi
Hilda Plaza

Tigilan na ang panonood lang. Panahon na para kumilos.

Ikaw, na kabataan sa Naic, may boses ka na mahalaga. Oras na para gamitin 'yan para sa kinabukasan na gusto mo. Sa Liberal Youth, hindi lang kami nagsasalita, kumikilos kami.

Kung handa ka nang maging tunay na pagbabago, sumali ka na sa amin. I-fill out ang form sa link na ito para maging opisyal na miyembro:

https://forms.gle/bBWe1qDwo8ix1uc5A

Tara na! Sama-sama nating gawing mas maganda ang Naic.💛

Maligayang Kaarawan sa dating SK Federation President ng Naic, Momshie Raven Pinpin! 🎉
Mula sa Liberal Youth Naic, kami ay nagpapasalamat sa iyong naging serbisyo at pamumuno na nagsilbing inspirasyon sa maraming kabataan. Nawa’y patuloy kang maging liwanag at gabay sa mga susunod pang henerasyon.

Happy Birthday, Mother Raven VP!!
Mabuhay ka, at mabuhay ang kabataan ng Naic!

✍️: Pres Lorraine Anne Cruz
🧑‍💻:

PAHAYAG NG LIBERAL YOUTH PARA SA AGARANG IMPEACHMENT TRIAL NI VICE PRESIDENT SARA DUTERTE

Kami sa Liberal Youth, bilang mga kabataang naniniwala at naninindigan para sa katotohanan, katarungan, demokrasya, at rule of law ay nananawagan sa ating mga mambabatas na ituloy na ang impeachment trial ni Vice President Sara Duterte. Isang malaking kalapastanganan sa Saligang Batas at sa mga Pilipino ang ginagawa nilang pagpapatagal ng proseso. Malinaw ang nakasaad sa Konstitusyon na dapat agad-agad na isinasagawa ang impeachment proceedings. Sampal na nga sa pagmumukha natin ang ginawa ng Senadong ito na pagpapalipas pa ng higit apat na buwan bago ito talakayin. Kagabi, isang malaking pambabastos na naman at pagtalikod sa kanilang mga tungkulin bilang mga Senador ang ating nasaksihan nang magdesisyon ang labing-walong Senador na ibalik ang impeachment articles sa House of Representatives. Ano ba ang kinatatakutan nila? Gaano ba kalaki ang bahong masisiwalat kung ituloy ang impeachment trial kung kaya’t tila gigil na gigil na ang mga Senador na dapat sana ay walang kinikilingan bilang mga Senator-Judges, na patagalin at ibasura ang impeachment trial? Naduduwag ba ang mga Senador na mabuking kung kanino talaga sila kumakampi — na tapat sila hindi sa mga Pilipino, kung hindi sa mga Duterte na kapwa rin mga duwag na humarap sa mga Kongresista sa QuadComm noon at tila naduduwag na ulit na harapin ang mga House Prosecutors tulad ni CongSen Leila de Lima ngayon kung kaya’t nagtatago si VP Sara sa likod ng saya ng mga kakampi niya sa Senado?!

Bakit tila nakalimutan na ng mga Senador na ang pangunahin nilang tungkulin ay ang sundin ang Konstitusyon at ang sigaw ng taumbayan. Sabi sa survey, 9 out of 10 sa mga Pilipino ay nagnanais na matuloy ang impeachment trial para malaman na nating lahat kung may bigat at katotohanan ba talaga sa mga ikinakaso kay VP Sara Duterte. Hindi rin totoo ang sinasabi ng mga Senador tulad ni B**g Go na malayo sa bituka at hindi makakain ang impeachment trial na ito. Paano naging malayo sa bituka ang impeachment kung ang milyon-milyong confidential funds na inilustay ni VP Sara ay kaya sanang magpondo sa mga programang pangkabuhayan para sa mga Pilipino o kaya magtayo ng dagdag na mga classrooms sa pampublikong paaralan o kaya gawing pondo ng PhilHealth at ng mga pampublikong opsital? Itigil na ang pamumulitika at ang tahasang panloloko sa mga Pilipino.

Noong Drug War ni Duterte, ang lagi nilang sinasabi, “bakit matatakot ang mga Pilipino kung hindi naman sila adik?” Ngayon, ang tanong namin, “bakit matatakot si VP Sara Duterte at ang mga kakampi niya kung wala naman silang ninakaw at tinatago?”Ang sigaw namin, ituloy ang impeachment trial. Sundin ang Konstitusyon. Hayaang ang taumbayan ang makarinig at manghusga sa mga alegasyon kay VP Sara.

KWENTUHAN SA BARANGAY: Tungo sa Demokrasya at Pagiging Responsableng Mamamayan 🇵🇭
Isinagawa sa Brgy. Halang kasama ang Kababaihang Liberal, LY President Lorraine Cruz, LY Vice President Leonard Robiso, at LP Vice Chairman Engr. Nina Repil, katuwang ang Friedrich Naumann Foundation for Freedom.

RESPONSABLENG MAMAMAYAN hindi lang titulo, kundi tungkulin:
✅ Makadiyos
✅ Makatao
✅ Makakalikasan
✅ Makabansa

Sumunod sa batas. Bumoto nang tapat. Makialam, makinig, magsalita.

SUNDIN ANG KONSTITUSYON, IMPEACHMENT TRIAL NGAYON!

Magkita kita tayo sa darating na June 9, 10 at 11 para sama samang manawagan sa ating mga Senador na simulan na ang impeachment trial ni Vice President Sara Duterte. Ipakita natin ang lakas ng taumbayan sa harap ng Senado para malaman na ang katotohanan at masimulan na ang pananagutan at hustisya.

📷 Tindig Pilipinas

Mainit na pagbati sa aming Liberal Naic Magwagi Chairman, Atty. Ryan O. Flores, sa kanyang pagkakahalal bilang Konsehal ng Bayan ng Naic!💛

Mula sa Liberal Youth Naic, kami ay taos-pusong bumabati at sumusuporta sa iyo sa bagong yugto ng iyong paglilingkod. Ang iyong tagumpay ay tagumpay rin ng bawat kabataang naniniwala sa tapat, makatao, at makabansang pamumuno.

Lubos ang aming pasasalamat sa patuloy mong suporta sa aming grupo at sa walang-sawang pagbibigay ng libreng serbisyong legal sa mga nangangailangan. Patunay ito ng iyong malasakit at dedikasyon sa tunay na serbisyo publiko.

Lubos ang aming tiwala na sa iyong panunungkulan, patuloy mong dadalhin ang tinig ng mamamayan lalo na ng kabataan sa loob ng sangguniang bayan. Nawa’y magsilbing inspirasyon ang iyong tagumpay sa mas marami pang kabataang nais maglingkod sa bayan.

Mabuhay ka, Atty Ry Flores!🫶🏻
Mabuhay ang Liberal Naic!
Tuloy ang laban para sa makabago at makatarungang pamahalaan!

✍️: russel badilla
📝: Pres Lorraine Cruz