What are the opening hours?

Monday 8am - 5pm Tuesday 8am - 5pm Wednesday 8am - 5pm Thursday 8am - 5pm Friday 8am - 5pm

https://www.facebook.com/182061131666859/

MSWDO New Corella, POBLACION, New Corella (2026)

04/09/2026

𝗠𝗖𝗗𝗔, NAGPAHIGAYON SA UNANG PANAGTIGUM ALANG SA MAS INCLUSIVE NGA NEW CORELL`A

NEW CORELLA, DAVAO DEL NORTE — Malampusong gipahigayon karong adlawa, Septembre 4, 2026, sa Mayor's Conference Room, ang pinakaunang panagtigum sa Municipal Council on Disability Affairs (MCDA) sa Lungsod sa New Corella.

Ang maong tigum usa ka mahinungdanong lakang padulong sa mas lig-on nga koordinasyon ug pagpalambo sa mga programa, polisiya, ug serbisyo alang sa mga Persons with Disabilities (PWDs) sa munisipyo.

Atol sa tigum, gipaila ang mga miyembro sa MCDA ug gipahigayon ang orientation kabahin sa Executive Order No. 023, Series of 2026, nga nagmugna ug nag-institutionalize sa Municipal Council on Disability Affairs isip usa ka policy-making, advisory, coordinating, monitoring, ug consultative body alang sa mga isyu nga may kalabutan sa sektor sa PWD.

Gihisgutan usab ang mga gahum, katungdanan, ug responsibilidad sa MCDA, ilabi na sa paghimo ug pagrekomenda og mga polisiya, plano, estratehiya, ug mga programa nga makatubag sa panginahanglan sa Persons with Disabilities. Gipasiugda usab ang importansya sa meaningful participation sa PWD sector sa local governance ug decision-making.

Lakip sa mga importanteng agenda ang pag-ila sa mga prayoridad nga concern nga nakaapekto sa PWD sector, sama sa accessibility, health and rehabilitation, education, employment and livelihood, social protection, disaster preparedness, ug uban pang mga panginahanglan nga nagkinahanglan og konkretong aksyon.

Usa usab sa mga dakong gihisgutan mao ang presentasyon sa Municipal Comprehensive Plan for Persons with Disabilities (PWDs) CY 2027–2031, nga magsilbing long-term roadmap sa munisipyo alang sa mas inclusive, accessible, resilient, ug empowering nga komunidad. Ang plano naglangkob sa nagkalain-laing strategic development areas nga nagtumong sa pagpauswag sa kalidad sa kinabuhi ug pagpalig-on sa partisipasyon sa Persons with Disabilities sa kalamboan sa lungsod.

Gihisgutan usab ang mga umaabot nga kalihokan ug oportunidad alang sa pagpalig-on sa PWD sector, lakip ang 3-Day Inclusive and Transformative Leadership Training alang sa PWD Chapter Presidents ug ang proposed official visit sa Area Vocational Rehabilitation Center (AVRC III) sa Zamboanga City alang sa benchmarking, learning, ug posibleng partnership development.

Ang pinakaunang panagtigum sa MCDA dili lamang usa ka ordinaryong organizational meeting, kundili usa ka sinugdanan sa mas lig-on nga partnership ug collective commitment sa Local Government Unit, mga partner agencies, organisasyon, ug mismo sa PWD sector.

Pinaagi sa panaghiusa ug aktibong partisipasyon sa tanang miyembro, gilauman nga ang MCDA mahimong usa ka epektibong mekanismo sa pagpatuman sa mga konkretong aksyon nga makatubag sa mga panginahanglan ug hagit nga giatubang sa Persons with Disabilities.

Kay ang tinuod nga kalampusan dili masukod sa gidaghanon sa mga tigum nga nahimo, kundili sa gidaghanon sa mga kinabuhi nga nausab ug mga babag nga natangtang.

Padayon nga magtinabangay alang sa usa ka mas inclusive, accessible, responsive, ug disability-friendly nga New Corella — usa ka lungsod diin WALAY Persons with Disabilities nga mapabilin sa likod.

01/09/2026

INISYAL NGA HINABANG GITUNOL SA PAMILYA NGA NASUNOGAN

NEW CORELLA, DAVAO DEL NORTE – Agad nga gitunol ang inisyal nga hinabang ngadto sa pamilya nga nawad-an og pinuy-anan tungod sa insidente sa sunog, isip kabahin sa paspas ug responsive nga pagtabang sa lokal nga panggamhanan ngadto sa mga pamilyang naapektuhan sa kalamidad.

Gibisita ug gipahigayon usab ang profiling sa apektadong pamilya sa mga personnel sa Municipal Social Welfare and Development Office (MSWDO) aron masuta ang kahimtang ug mga panginahanglanon sa pamilya ug aron matakda ang hustong mga interbensyon ug dugang nga serbisyo nga mahimong ikahatag kanila.

Atol sa paghatag sa hinabang, anaa usab ang representante gikan sa Provincial Social Welfare and Development Office (PSWDO), uban ni Mrs. Lalay Federiso Daray, representante ni Mayor Jorjan “Monet” B. Federiso, isip pagpakita sa panaghiusa ug kooperasyon sa nagkalain-laing opisina sa pag-atiman sa kahimtang sa pamilya nga naapektuhan.

Lakip sa mga inisyal nga hinabang nga gitunol mao ang bugas, hygiene kit, ug mga non-food items, nga makatabang sa pamilya sa ilang pangunang panginahanglan human sa nasinati nga kalisdanan tungod sa sunog.

Sumala sa MSWDO, padayon nga pagabantayan ang kahimtang sa pamilya aron maseguro nga ang ilang dugang pang mga panginahanglanon matubag pinaagi sa hustong referral ug koordinasyon sa mga may kalabutan nga ahensya ug opisina.

Ang maong kalihukan nagpamatuod sa padayon nga paningkamot sa lokal nga panggamhanan ug mga katuwang nga ahensya sa paghatag og dali ug angay nga serbisyo ngadto sa mga pamilyang nanginahanglan, ilabi na kadtong naapektuhan sa mga emerhensiya ug kalamidad.

28/08/2026

MINOR DE EDAD DILI CONTENT

PAGGAMIT SA LITRATO SA BATA, ILABI NA SA AI, KINAHANGLAN OG RESPONSABLE NGA PAG-AMPING

Gipahinumdoman ang mga ginikanan, guardians, content creators, ug social media users nga ang mga bata dili himan alang sa views, likes, shares, followers, o kita.

Sa panahon sa Artificial Intelligence (AI), mas sayon ang pag-edit ug paghimo og digital content gamit ang litrato sa bata. Apan kung ang litrato gigamit nga wala kahibalo ang bata, walay hustong pagtugot sa ginikanan o legal guardian, o mahimong makadaot sa iyang dignity, privacy, safety, ug well-being, kinahanglan kini seryosong tagdon.

Mas kinahanglan ang dugang nga pag-amping kung ang bata adunay special needs o disability, aron malikayan ang child abuse, exploitation, humiliation, discrimination, ug online harm.

CHILD EXPLOITATION IS NOT CONTENT

Ang paggamit sa bata alang sa personal nga ganansya, engagement, o online popularity pinaagi sa paagi nga makadaot o makapahimulos kaniya mahimong mosangpot sa child exploitation.

Ubos sa Republic Act No. 11930 (Anti-OSAEC and Anti-CSAEM Act) ug Republic Act No. 7610, gipanalipdan ang mga bata batok sa online sexual abuse and exploitation, child abuse, exploitation, discrimination, ug uban pang buhat nga makadaot sa ilang dignity ug development.

Dili tanan nga litrato o video nga adunay bata illegal. Apan ang matag content kinahanglan child-safe, age-appropriate, respectful, ug nakasentro sa best interests of the child.

SA DILI PA MAG-POST, MAG-EDIT, O MAG-AI GENERATE:

Luwas ba kini para sa bata?
Marespeto ba niini ang iyang privacy ug dignity?
Mahimo ba kini gamiton sa uban aron ma-exploit siya?

ATONG HINUMDOMAN:

ANG BATA DILI CONTENT.
ANG BATA DILI PARA SA VIEWS.
ANG BATA DILI PARA SA KITA.
ANG BATA DILI PARA SA EXPLOITATION.
ANG AI DILI LISENSYA SA PAGLAPAS SA KATUNGOD SA BATA.

PROTEKTAHI ANG BATA. RESPETUHI ANG BATA. THINK BEFORE YOU CREATE. THINK BEFORE YOU SHARE.

Information Dissemination | Municipal Social Welfare and Development Office (MSWDO) – New Corella

28/08/2026

PWD CHAPTER PRESIDENTS NAGKATIGOM PARA SA BINULAN NGA MEETING, NAKADAWAT SA UNOM KA BULAN NGA HONORARIUM

New Corella, Davao del Norte — Malampusong gipahigayon karong adlawa, Agosto 28, 2026, ang binulan nga tigum sa mga PWD Chapter Presidents sa Senior Citizens Building, Municipality of New Corella, isip kabahin sa padayon nga pagpalig-on sa koordinasyon, partisipasyon, ug representasyon sa mga Persons with Disabilities (PWDs) sa matag barangay.

Usa sa mga importanteng kalihokan atol sa tigum mao ang pag-release sa unom ka bulan nga honorarium alang sa mga PWD Chapter Presidents isip pag-ila sa ilang padayon nga serbisyo, responsibilidad, ug aktibong partisipasyon sa mga kalihokan ug programa alang sa PWD sector.

Gipadayag sa mga PWD Chapter Presidents ang ilang dakong pagpasalamat ug kalipay sa Federiso-Lagumbay Administration alang sa maong insentibo nga ilang nadawat. Alang kanila, ang honorarium dili lamang pinansyal nga tabang, kundili usa usab ka pag-ila ug pag-appreciate sa ilang boluntaryong serbisyo ug dedikasyon sa pagrepresentar ug pagtabang sa ilang mga kauban nga PWD sa barangay.

Gihisgutan usab sa maong tigum ang mga umaabot nga programa ug kalihokan sa PWD sector, ilabina ang Three-Day Inclusive and Transformative Leadership Training alang sa mga PWD Chapter Presidents. Ang maong training gitumong sa pagpalambo sa ilang kahibalo, leadership skills, organizational capacity, ug abilidad sa pagrepresentar sa mga panginahanglan ug katungod sa mga PWD sa ilang tagsa-tagsa ka barangay.

Gipasiugda usab ang kahinungdanon sa aktibong partisipasyon sa matag Chapter President aron masiguro nga ang mga programa ug serbisyo alang sa PWDs mahimong mas inclusive, responsive, ug participatory. Lakip usab sa agenda ang paghisgot sa uban pang umaabot nga mga kalihokan, programa, ug advocacy activities nga ipatuman alang sa kaayuhan ug paglambo sa PWD community.

Ang regular nga pagpundok sa mga PWD Chapter Presidents nahimong importante nga plataporma alang sa pagpaambit sa mga isyu, panginahanglan, suhestyon, ug mga kasinatian gikan sa matag barangay. Pinaagi niini, mas mapalig-on ang panaghiusa ug koordinasyon tali sa PWD organizations ug sa Municipal Persons with Disability Affairs Office (PDAO).

Nagpadayon ang Municipality of New Corella sa pagpalambo sa mga inisyatibo nga naghatag og oportunidad sa mga PWD nga mahimong aktibong partisipante sa lokal nga panggobyerno ug sa mga desisyon nga direktang nakaapekto sa ilang kinabuhi.

“Ang paghatag og suporta sa PWD Chapter Presidents usa ka pamaagi sa pagpasidungog sa ilang serbisyo ug pagpalig-on sa ilang papel isip mga lider ug tingog sa PWD sector.”

Sa hiniusang paningkamot sa mga PWD leaders, PDAO, MSWDO, ug Municipal Government, padayon nga gipaningkamotan ang pagtukod sa usa ka mas inklusibo, patas, ug PWD-friendly nga New Corella diin ang matag Persons with Disability adunay kahigayonan nga mapaminaw, mapasidunggan, ug mahimong aktibong kabahin sa kalamboan sa komunidad.

21/08/2026

📢 MSWDO INFORMATION DISSEMINATION | PROTECTING OUR CHILDREN ONLINE

Sa mga recent incidents involving violence among young people—from the tragic school shooting incident in Tacloban to the recent incident in Zamboanga—reminded kita nga child protection is not only about keeping children safe physically, but also protecting them from harmful influences online.

Karun, our children are growing up in a digital world. Daghan kaayo sila’g access sa social media, online games, chat groups, videos, and different online communities. Along with the benefits of technology, naa pud ang risks such as online grooming, manipulation, harmful content, violent ideologies, and other forms of exploitation.

💙 As parents, guardians, and adults, unsa man atong mahimo?

🔹 Build trust.
Talk to your children. Paminawa sila without immediately judging or getting angry. Let them know nga safe sila to share what they see and experience online.

🔹 Monitor their digital activity.
Know what apps, games, websites, and online communities they are using. Monitoring is not simply about controlling them—it is about guiding and protecting them.

🔹 Educate together.
Storyahi sila about online safety, manipulation, misinformation, violent content, and how to recognize things that may be harmful or suspicious.

🔹 Watch for warning signs.
Be attentive to sudden changes in behavior, increased secrecy, social withdrawal, unusual fixation on violent content, or other behaviors that may indicate that something is wrong.

🔹 Report suspicious activities.
If makakita ta og online content or interaction nga potentially harmful to a child or another person, do not simply ignore it. Seek help and report through the proper channels.

⚠️ Most importantly, prevention starts with connection.

Dili kinahanglan nga maghulat pa ta og another tragedy before we start paying attention.

Sometimes, a simple “Okay ra ka?”, a sincere conversation, or simply being willing to listen can make a difference.

As the Municipal Social Welfare and Development Office (MSWDO), we believe that protecting children is a shared responsibility. Parents, schools, barangays, LGUs, law enforcement, social workers, mental health professionals, and the entire community have a role in keeping our children safe.

Atong bantayan. Atong paminawon. Atong protektahan.
Online man or offline, every child deserves to feel safe, heard, and protected. 💙

📌 This post is part of the MSWDO’s Information Dissemination Initiative on Child Protection, Online Safety, and Prevention of Violence.

For concerns involving the safety and protection of children, please coordinate with the MSWDO or your Barangay Council for the Protection of Children (BCPC) for appropriate assistance and referral.

Video Credit: https://vt.tiktok.com/ZSVfTjkVr/

19/08/2026

4,380 ka Senior Citizens nakadawat sa Ikatulong Kwarter nga Social Pension Pay-Out

NEW CORELLA, DAVAO DEL NORTE – Malampusong gipahigayon sa Municipal Social Welfare and Development Office (MSWDO) – Municipality of New Corella, pinaagi sa Senior Citizens Program, ang duha ka adlaw nga Ikatulong Kwarter nga Social Pension Pay-Out alang sa mga benepisyaryo sa Social Pension para sa mga bulan sa Hulyo, Agosto, ug Setyembre 2026.

Gidawat sa mokabat sa 4,380 ka Senior Citizens gikan sa nagkalain-laing barangay sa lungsod ang ilang social pension atol sa duha ka adlaw nga payout nga gipahigayon niadtong Agosto 18 ug 19, 2026 sa nagkalain-laing designated pay-out areas.

Ang payout gihimo pinaagi sa daghang teller stations aron mas mapadali ang proseso, malikayan ang taas nga pila, ug masiguro ang hapsay ug organisadong pag-release sa benepisyo sa mga senior citizens.

Niadtong Agosto 18, 2026, gipahigayon ang payout sa New Cortez Gymnasium, Mesaoy Gymnasium, Del Pilar Gymnasium, ug Municipal Gymnasium, nga nagsilbi sa mga benepisyaryo gikan sa New Bohol, Carcor, San Jose, New Cortez, Mesaoy, Del Pilar, ug Poblacion.

Samtang niadtong Agosto 19, 2026, gipadayon ang payout sa Sta. Fe Gymnasium, Limbaan Gymnasium, ug San Roque Gymnasium, alang sa mga senior citizens gikan sa Mambing, El Salvador, Patrocenio, Sta. Fe, Del Monte, Cabidianan, Macgum, Suawon, Limbaan, Sta. Cruz, Sto. Niño, San Roque, ug New Sambog.

Gipasiugda sa MSWDO ang importansya sa koordinasyon tali sa mga barangay, Senior Citizens Program, payout personnel, ug mga benepisyaryo aron masiguro nga hapsay ug episyente ang paghatag sa social pension.

Ang Social Pension Program nagtumong sa paghatag og dugang nga suporta sa mga kwalipikadong senior citizens aron makatabang sa ilang adlaw-adlaw nga panginahanglan ug mapalambo ang ilang kahimtang sa kinabuhi.

UNCLAIMED SOCIAL PENSION PAY-OUT

Alang sa mga Senior Citizens nga wala makapang-claim sa gitakdang schedule niadtong Agosto 18 ug 19, 2026, ang MSWDO magpahigayon og Unclaimed Social Pension Pay-Out sa mosunod nga schedule:

📅 AGOSTO 20–21, 2026
📍 Senior Citizen Day Center Office

Gipahinumdoman ang mga benepisyaryo nga dili makapang-claim sa ilang original schedule nga motunga sa gitakdang lugar alang sa unclaimed payout ug magdala sa gikinahanglang mga dokumento.

MGA GIKINAHANGLAN NGA DOKUMENTO

Palihug pagdala sa:
• National ID
• Usa (1) ka photocopy sa National ID
• Usa (1) ka kopya nga adunay tulo (3) ka pirma
• Uban pang gikinahanglang dokumento alang sa verification ug pagproseso sa benepisyo.

Gipahinumdoman usab ang tanang senior citizens nga ang payout schedule gihimo aron malikayan ang paghuot, taas nga linya, ug kalibog sa proseso. Busa, gidasig ang mga benepisyaryo nga sundon ang gitakdang schedule ug magtinabangay alang sa hapsay nga pag-release sa ilang benepisyo.

Sa malampusong pagpatuman sa duha ka adlaw nga payout, gipakita sa MSWDO – Municipality of New Corella ang padayon nga paningkamot sa lokal nga panggamhanan sa paghatag og responsive, accessible, ug organisadong serbisyo alang sa mga senior citizens.

Alang sa mga wala pa makapang-claim: Agosto 20–21, 2026 – Senior Citizen Day Center Office.

Palihug ipahibalo kini sa tanang Senior Citizens nga benepisyaryo aron walay mahibalik ug walay mapakyas sa pag-claim sa ilang benepisyo.

19/08/2026

MSWDO nagpahibalo sa katawhan bahin sa Children in Conflict with the Law pinaagi sa Regular Radio Program

NEW CORELLA, DAVAO DEL NORTE – Gipasiugda sa Municipal Social Welfare and Development Office (MSWDO) sa Municipality of New Corella ang kahinungdanon sa hustong pagsabot, pagpanalipod, rehabilitasyon, ug reintegration sa mga Children in Conflict with the Law (CICL) atol sa regular nga radio program sa opisina.

Atol sa maong programa, gihisgutan sa MSWDO ang CICL isip mga batang ubos sa 18 anyos nga giakusahan, giimbestigahan, o nakit-ang nalambigit sa paglapas sa balaod. Gipatin-aw usab nga ang usa ka bata nga nakalapas sa balaod dili angay dayon tan-awon isip “criminal,” kondili usa ka bata nga nanginahanglan og hustisya, proteksyon, intervention, paggiya, ug higayon alang sa pagbag-o.

Gihatagan og gibug-aton sa diskusyon nga ang pag-atubang sa CICL lahi kumpara sa hamtong tungod kay ang bata anaa pa sa proseso sa paglambo sa iyang panghunahuna, emosyon, pamatasan, ug social skills. Busa, ang juvenile justice system naghatag og child-appropriate nga pamaagi nga dili lamang nagtan-aw sa nahimong offense, kondili usab sa background, kahimtang sa pamilya, edukasyon, psychosocial condition, ug uban pang hinungdan nga mahimong nakaamot sa iyang paglapas.

Usa usab sa mga importanteng hilisgutan nga gihisgutan mao ang discernment, o ang kapasidad sa bata nga makasabut sa kalainan tali sa husto ug sayop ug sa posibleng sangputanan sa iyang gibuhat. Gipatin-aw nga dili awtomatikong matawag nga criminal ang usa ka bata tungod lamang sa iyang edad, kay ang hustong assessment ug proseso gikinahanglan aron masabtan ang iyang kahimtang.

Gipatin-aw usab sa MSWDO ang kalainan tali sa intervention ug diversion. Ang intervention naglakip sa mga programa ug serbisyo sama sa counseling, psychosocial intervention, education, skills development, family intervention, values formation, ug uban pang angay nga serbisyo alang sa bata.

Samtang, ang diversion usa ka child-appropriate nga pamaagi sa pag-atubang sa accountability sa kwalipikadong mga kaso nga dili kinahanglan moagi dayon sa formal court proceedings. Gipasabot nga ang diversion dili nagpasabot nga wala nay accountability ang bata, kondili usa kini ka pamaagi aron mahatagan siya og higayon nga atubangon ang iyang sayop pinaagi sa angay nga intervention ug restorative measures.

Gihisgutan usab ang konsepto sa restorative justice, diin dili lamang ang silot ang sentro sa proseso. Apil niini ang pagsabot kung kinsa ang naapektuhan, unsa ang kadaot nga nahimo, unsaon kini pag-ayo kung mahimo, ug unsaon pagtabang sa bata nga makakat-on gikan sa iyang nahimo ug makabalik nga responsable nga miyembro sa pamilya ug komunidad.

Sa maong diskusyon, gipasiugda usab ang dakong papel sa Social Worker ug MSWDO sa pagdumala sa mga kaso sa CICL. Dili lamang kutob sa pag-interview sa bata ang trabaho sa social worker, apan apil ang pagtan-aw sa kinatibuk-ang kahimtang sa bata—lakip ang relasyon sa pamilya, edukasyon, peer influence, psychosocial condition, family circumstances, ug mga panginahanglan alang sa rehabilitation ug reintegration.

Gihatagan usab og gibug-aton ang papel sa pamilya isip unang support system sa bata. Sumala sa diskusyon, ang bata kinahanglan paminawon, sabton, giya-an, disiplinahon sa hustong paagi, ug suportahan aron malikayan ang pagbalik sa dili maayong pamatasan.

Apil usab sa responsibilidad sa komunidad ang Barangay Council for the Protection of Children (BCPC) ug uban pang stakeholders. Gikinahanglan ang koordinasyon tali sa pamilya, barangay, MSWDO, social workers, eskwelahan, health sector, law enforcement agencies, ug uban pang ahensya aron masiguro ang angay nga intervention ug protection alang sa bata.

Gipasidan-an usab ang publiko batok sa pag-label o pag-stigmatize sa CICL. Gipasiugda nga ang usa ka sayop nga nahimo sa bata dili angay mahimong permanenteng identidad sa iyang kinabuhi.

“Sayop ang iyang gibuhat, apan dili pasabot nga sayop na usab ang iyang tibuok kinabuhi.”

Mao kini ang usa sa mga importanteng mensahe nga gipasiugda atol sa radio program aron mapahinumdoman ang publiko nga ang accountability ug compassion mahimong mag-uban sa pag-atubang sa mga kaso sa CICL.

Sa katapusan, gipasiugda sa MSWDO nga ang tumong sa juvenile justice dili lamang ang pagpugong sa paglapas sa balaod, kondili ang pagpanalipod sa kaugmaon sa bata pinaagi sa assessment, accountability, intervention o diversion, rehabilitation, family support, reintegration, ug paghatag og ikaduhang higayon.

“Ang CICL dili lamang istorya sa usa ka bata nga nakasala. Istorya kini sa usa ka bata nga mahimong nawala sa husto nga dalan ug nanginahanglan og higayon nga makabalik.”

Pinaagi sa padayon nga information and education campaign sa regular radio program sa MSWDO, gitumong sa opisina nga mapalapad ang kahibalo sa komunidad bahin sa child protection ug juvenile justice, ug mapalig-on ang panaghiusa sa pamilya, barangay, ahensya sa gobyerno, ug komunidad sa pagtabang sa mga bata nga nalambigit sa conflict with the law.

Ang mensahe sa MSWDO klaro: Protection, Accountability, Rehabilitation, Restoration, and Reintegration—not punishment alone.

11/08/2026

617 ka mga Benepisyaryo sa UPLIFT Program Malampusong Nakadawat sa Cash Assistance sa Katapusang Batch sa Pay-out

NEW CORELLA, Davao Del Norte – Malampusong gipahigayon sa Municipal Social Welfare and Development Office (MSWDO) – Municipality of New Corella, sa pakigtambayayong sa Department of Social Welfare and Development (DSWD), ang katapusang batch sa Cash Assistance Pay-out alang sa UPLIFT Program (Unified Package for Livelihoods, Industry, Food, and Transport) – Group 2 (Poor ug Near-Poor Households) karong Martes, Agosto 11, 2026, sa Municipal Gymnasium, New Corella.

Sa katapusang adlaw sa payout, 617 ka kwalipikadong benepisyaryo ang malampusong nakadawat sa ilang cash assistance. Pinaagi sa maayong koordinasyon sa MSWDO, DSWD, ug mga partner personnel, nahimo ang payout nga organisado, malinawon, ug episyente, nga nakasiguro sa hapsay ug transparent nga paghatod sa ayuda ngadto sa mga kwalipikadong benepisyaryo.

Ang matag benepisyaryo miagi sa hustong verification ug validation sa mga dokumento aron masiguro nga ang cash assistance mahatag lamang ngadto sa mga benepisyaryo nga anaa sa opisyal nga listahan nga giaprobahan sa DSWD. Gikinahanglan usab ang pagpresentar sa original ug photocopy sa valid government-issued ID, mas maayo kung National ID, isip kabahin sa proseso sa pag-verify sa identidad sa benepisyaryo.

Gipahigayon usab sa maong katapusang batch ang pagserbisyo sa mga kwalipikadong benepisyaryo nga wala pa nakadawat sa ilang cash assistance sa miaging mga payout tungod sa lig-on nga rason. Human sa hustong verification ug validation, gihatagan sila og higayon nga makadawat sa ilang ayuda sa katapusang payout schedule.

Alang usab sa mga benepisyaryo nga dili personal nga makatambong tungod sa lig-on nga hinungdan o anaa sa laing lugar, gitugotan ang pagrepresentar sa ilang immediate family member, subay sa mga lagda ug requirements sa programa. Ang representante kinahanglan nga anaa sa family roster sa sistema sa DSWD ug makapresentar sa gikinahanglang mga dokumento alang sa verification ug validation sa dili pa i-release ang cash assistance.

WALA NAY UNCLAIMED BENEFICIARIES

Importante usab nga ipahibalo sa MSWDO – Municipality of New Corella nga, human sa pagpatuman sa tulo ka batch sa UPLIFT Program Cash Assistance Pay-out, wala nay nahibiling unclaimed beneficiaries sa lungsod. Ang tanang kwalipikadong benepisyaryo nga naapil sa opisyal nga listahan ug nakakompleto sa gikinahanglang verification ug validation malampusong nakadawat sa ilang cash assistance.

Kini nga kalampusan resulta sa padayon nga koordinasyon ug paningkamot sa MSWDO, DSWD, mga partner agencies, personnel, barangay officials, ug sa mga benepisyaryo mismo nga misunod sa gitakdang schedule ug mga proseso sa payout.

Gipahayag sa MSWDO ang dakong pagpasalamat sa tanang benepisyaryo sa ilang kooperasyon, pagpailub, ug pagsunod sa mga requirements ug procedures. Gipasalamatan usab ang DSWD ug tanang partner agencies ug personnel nga mitabang aron mahimong hapsay, episyente, ug transparent ang tibuok implementasyon sa cash assistance payout.

Ang UPLIFT Program nagpadayon isip usa sa mga inisyatibo sa gobyerno nga nagtumong sa paghatag og pinansyal nga suporta ngadto sa mga kabus ug near-poor nga mga panimalay, isip tabang sa ilang adlaw-adlaw nga panginahanglan, panginabuhian, ug pagpalig-on sa ilang kahimtang sa kinabuhi.

Pinaagi sa malampusong pagkompleto sa katapusang batch sa payout, ang Municipality of New Corella, pinaagi sa MSWDO, nagpamatuod sa iyang padayon nga paningkamot sa paghatod sa mga programa sa social protection nga hapsay, patas, transparent, episyente, ug responsive alang sa kaayohan sa katawhan.

10/08/2026

PAHIBALO

IKATULONG KWARTER NGA SOCIAL PENSION PAY-OUT
(HULYO – AGOSTO–SETYEMBRE 2026)

Gipahibalo sa tanang Senior Citizens nga benepisyaryo sa Social Pension nga ang Ikatulong Kwarter nga Social Pension Pay-Out alang sa mga bulan sa Hulyo, Agosto ug Setyembre 2026 ipahigayon sa mosunod nga petsa, lugar, ug oras:

AGOSTO 18, 2026
TELLER 1 – NEW CORTEZ GYMNASIUM

• New Bohol – 8:00 AM – 10:00 AM
• Carcor – 10:00 AM – 12:00 NN
• San Jose – 1:00 PM – 2:00 PM
• New Cortez – 2:00 PM – 3:00 PM

TELLER 2 – MESAOY GYMNASIUM
• Mesaoy – 1:00 PM – 4:00 PM

TELLER 2 – DEL PILAR GYMNASIUM
• Del Pilar – 8:00 AM – 12:00 NN

TELLER 3 – MUNICIPAL GYMNASIUM
• Poblacion – 8:00 AM – 12:00 NN

AGOSTO 19, 2026
TELLER 1 – STA. FE GYMNASIUM
• Mambing – 8:00 AM – 10:00 AM
• El Salvador – 10:00 AM – 12:00 NN
• Patrocenio – 12:00 NN – 1:00 PM
• Sta. Fe – 1:00 PM – 2:00 PM
• Del Monte – 1:00 PM – 2:00 PM

TELLER 2 – LIMBAAN GYMNASIUM
• Cabidianan – 8:00 AM – 10:00 AM
• Macgum – 10:00 AM – 12:00 NN
• Suawon – 12:00 NN – 2:00 PM
• Limbaan – 2:00 PM – 4:00 PM

TELLER 3 – SAN ROQUE GYMNASIUM
• Sta. Cruz – 8:00 AM – 10:00 AM
• Sto. Niño – 10:00 AM – 12:00 NN
• San Roque – 1:00 PM – 2:00 PM
• New Sambog – 2:00 PM – 4:00 PM
PARA SA MGA DILI MA CLAIM SUBAY SA SCHEDULE

Ang dili maka claim sa gitakdang schedule mahimong maka-claim sa Agosto 20–21, 2026 sa:
SENIOR CITIZEN DAY CENTER OFFICE

Palihug pagdala sa inyong National ID, usa (1) ka photocopy niini, ug usa (1) ka kopya nga adunay tulo (3) ka pirma, uban sa uban pang gikinahanglang dokumento, alang sa pagproseso sa inyong benepisyo.

Pahinumdom: Palihug sundon ang gitakdang petsa, lugar, ug oras aron malikayan ang paghuot ug kalibog sa pay-out.

Palihug ipahibalo kini sa tanang Senior Citizens nga benepisyaryo.

Daghang salamat sa inyong kooperasyon.

07/08/2026

640 ka mga Benepisyaryo sa UPLIFT Program Malampusong Nadawat ang Cash Assistance sa Ikaduhang Adlaw sa Pay-out

NEW CORELLA, Davao Del Norte – Malampusong gipahigayon sa Municipal Social Welfare and Development Office (MSWDO) – Municipality of New Corella, sa pakigtambayayong sa Department of Social Welfare and Development (DSWD), ang ikaduhang adlaw sa Cash Assistance Pay-out alang sa UPLIFT Program (Unified Package for Livelihoods, Industry, Food, and Transport) – Group 2 (Poor ug Near-Poor Households) karong adlawa, Biyernes, Agosto 7, 2026, sa Municipal Gymnasium, New Corella.

Niining ikaduhang adlaw sa payout, 640 ka kwalipikadong benepisyaryo ang malampusong nakadawat sa ilang cash assistance. Ang kalihokan gipahigayon sa organisado, malinawon, ug episyenteng paagi pinaagi sa maayong koordinasyon sa MSWDO, DSWD, ug uban pang partner agencies aron masiguro ang transparent ug hapsay nga paghatod sa ayuda ngadto sa mga kwalipikadong pamilya.

Sama sa unang adlaw sa payout, ang matag benepisyaryo miagi sa hustong verification ug validation pinaagi sa pagpresentar sa mga gikinahanglang dokumento, lakip ang original ug photocopy sa valid government-issued ID, aron masiguro nga ang cash assistance mahatag lamang sa mga opisyal nga benepisyaryo nga anaa sa listahan nga giaprobahan sa DSWD.

Gipasalamatan sa MSWDO ang tanang benepisyaryo sa ilang kooperasyon ug pagsunod sa gitakdang iskedyul ug proseso sa payout, nga nakatabang sa malampusong pagpatuman sa programa. Dako usab ang ilang pagpasalamat sa suporta sa mga partner agencies ug mga personnel nga nagtinabangay aron masiguro ang hapsay nga serbisyo ngadto sa publiko.

Samtang, ang katapusang hugna sa UPLIFT Program Cash Assistance Pay-out ipahigayon karong Martes, Agosto 11, 2026, sa Municipal Gymnasium, New Corella. Giawhag ang tanang nahibiling kwalipikadong benepisyaryo nga motambong sa ilang gitakdang iskedyul aron madawat ang ilang cash assistance.

Gipahibalo usab sa MSWDO nga apil sa pagaserbisyohan sa Agosto 11 ang mga kwalipikadong benepisyaryo nga wala pa makakuhà sa ilang cash assistance sa miaging mga payout tungod sa lig-ong rason, basta sila moagi gihapon sa hustong verification ug validation sa ilang mga dokumento.

Dugang pa, alang sa mga benepisyaryo nga wala makaanhi tungod kay anaa sa laing lugar o adunay lig-ong hinungdan nga dili personal makatambong, mahimo silang ma-representahan sa ilang immediate family member, basta ang maong representante anaa sa family roster sa sistema sa DSWD ug makahatag sa tanang gikinahanglang dokumento alang sa verification ug validation sa wala pa i-release ang cash assistance.

Padayon nga gipahinumdoman sa MSWDO ang tanang kwalipikadong benepisyaryo ug ilang mga awtorisadong representante nga magdala sa original ug photocopy sa valid government-issued ID, mas maayo kung National ID, aron mapadali ang proseso sa verification ug pag-release sa cash assistance.

Ang UPLIFT Program nagpadayon sa paghatag og pinansyal nga suporta ngadto sa mga kabus ug near-poor nga mga panimalay isip kabahin sa paningkamot sa gobyerno sa pagpalig-on sa ilang panginabuhian ug pagpauswag sa ilang kahimtang sa kinabuhi.

Ang Municipality of New Corella, pinaagi sa MSWDO, nagpabiling matinud-anon sa iyang misyon sa paghatod sa mga social protection programs nga episyente, patas, transparent, ug responsive alang sa kaayohan sa tanang kwalipikadong mga benepisyaryo.

MSWDO New Corella

04/09/2026

01/09/2026

28/08/2026

28/08/2026

21/08/2026

19/08/2026

19/08/2026

11/08/2026

10/08/2026

07/08/2026

Address

Opening Hours

Telephone

Website

Alerts

Contact The Organization

Shortcuts

Share

Category

Listing takedown request

Monday	8am - 5pm
Tuesday	8am - 5pm
Wednesday	8am - 5pm
Thursday	8am - 5pm
Friday	8am - 5pm