04/08/2026
๐๐จ๐ ๐ฃ๐๐๐ง๐ข ๐ก๐๐ ๐๐๐ฌ๐ ๐ฆ๐ ๐ ๐๐ ๐๐๐ฆ๐ข ๐จ๐๐ข๐ฆ ๐ฆ๐ ๐๐๐ง๐๐ฅ๐จ๐ก๐๐๐ก๐ ๐ฃ๐๐ ๐๐๐ฅ๐๐ก๐๐๐ฌ โ๏ธ
Gusto ba nimong mahibaloan kon unsa nga mga reklamo o kaso ang pwedeng daitol, i-settle, ug sulbaron sa atong Barangay Lupon Tagapamayapa?
โ ๏ธ IMPORTANTENG PAHINUMDOM SA RESIDENCY UG HURISDIKSYON:
Aron maka-file sa Barangay: Kinahanglan nga ang duha ka partido (ang nagreklamo ug ang gireklamo) nagpuyo sa parehong lungsod o syudad (o sa katapad nga barangay sa magkaatbang nga lungsod).
Kon gikan sa Lahi nga Syudad/Lungsod: Kon ang pikas partido nagpuyo sa layong syudad o lungsod, dili na kinahanglan mag-agi sa Barangay Conciliation ug pwedeng modiretso og pasaka sa reklamo o kaso sa Korte o Kapolisan.
Mga Kaso nga Dili na Pambarangay: Kon ang krimen o reklamo lapas na sa hurisdiksyon sa Barangay (sama sa mga seryosong krimen nga labaw sa 1 ka tuig ang silot, may gi-harass nga bata, o may gamit nga nakamatay nga armas), pwede na kini pormal nga isang-at o idiretso sa Korte o Prosecutor's Office (Fiscal).
๐ MGA KASO NGA SAKOP SA KATARUNGANG PAMBARANGAY (KP LAW):
1. Unlawful Use of Means of Publication and Unlawful Utterances (Art. 154): Ang paggamit og tigbalita, radyo, o social media aron magpakatap og bakak nga balita (fake news) nga makadaut sa kaayohan sa publiko.
2. Alarms and Scandals (Art. 155): Ang paghimo og gubot o saba sa pampublikong dapit nga makadokdok sa kalinaw (sama sa pag-away sa dalan samtang hubog o pagpabuto nga walay intensyon nga makadaut).
3. Using False Certification (Art. 175): Ang pormal ug tuyo nga paggamit sa usa ka bakak nga sertipiko o dokumento nga giisyu sa usa ka opisyal o doktor.
4. Using Fictitious Names and Concealing True Names (Art. 178): Ang paggamit og bakak nga ngalan sa publiko aron makatago sa tinuod nga pagkatawo, makatago sa krimen, o makapang-ilad.
5. Illegal Use of Uniforms and Insignias (Art. 179): Ang pagsul-ob o paggamit sa opisyal nga uniporme, badge, o insignia sa mga pulis, sundalo, o opisina sa gobyerno nga walay katungod.
6. Physical Injuries Inflicted in Tumultuous Affray (Art. 252): Ang pagkaangol sa usa ka tawo sa taliwala sa gubot nga away diin pultas o daghang tawo ang nag-away ug dili na mailhan kon kinsa ang nakasamad.
7. Giving Assistance to Consummated Su***de (Art. 253): Ang pagtabang o paghatag og paagi sa usa ka tawo aron madayon ang iyang pag-suicide (basta nagmalamposon kini).
8. Physical Injuries Inflicted in a Duel (Art. 260): Ang pagkapanakit o pagkasamad gikan sa usa ka gituyo ug gisabutan nga duelo (formal duel).
9. Less Serious Physical Injuries (Art. 265): Ang pagpanakit diin ang samad o kaangolan nagkinahanglan og 8 hangtod 30 ka adlaw nga pagpatambal o pagpahuway.
10. Slight Physical Injuries and Maltreatment (Art. 266): Ang gamay nga pagpanakit diin ang samad nagkinahanglan ra og 1 hangtod 7 ka adlaw nga pagpatambal, o ang pagpangmaltrato (sama sa pagtamparos o pagdoot).
11. Unlawful Arrest (Art. 269): Ang pagdakop o pagpugong sa usa ka tawo nga walay legal nga balidong hinungdan o walay warrant of arrest.
12. Inducing a Minor to Abandon His/Her Home (Art. 271): Ang pag-aghat o pag-ulog-ulog sa usa ka minor de edad aron mabiyaan ug mulayas sa iyang panimalay.
13. Abandonment of a Person in Danger and Abandonment of One's Own Victim (Art. 275): Ang pagbiya sa usa ka tawo nga anaa sa peligro, o ang pagbangga sa usa ka tawo ug pagbiya niini nga walay paghatag og tabang.
14โ15. Abandoning a Minor / Abandonment by Custodian (Art. 276 & 277): Ang pagbiya sa bata nga ubos sa 7 anyos o ang pagpabaya sa mga ginikanan/guardians sa responsibilidad sa pag-atiman sa bata.
16. Other Forms of Trespass (Art. 281): Ang pagsulod sa fenced o pribadong propedad sa uban nga adunay "No Trespassing" o walay pagtugot sa tag-iya.
17โ18. Light Threats & Other Light Threats (Art. 283 & 285): Ang pagbahad sa pulong nga makadaot sa usa ka tawo nga walay kaubang kondisyon ug wala gigamitan og makamatay nga hinagiban.
19โ20. Grave Coercion & Light Coercion (Art. 286 & 287): Ang pagpugos sa usa ka tawo sa pagbuhat sa usa ka butang batok sa iyang kabubut-on, o ang pag-embargo og gamit aron ipabayad sa utang.
21. Other Similar Coercions (Art. 288): Ang pagpugos sa mga trabahante nga mopalit sa baligya sa amo o ang pagsuhol gamit ang voucher/token imbes nga kwarta.
22. Combination of Capital or Labor Through Violence (Art. 289): Ang paggamit og violente ug hulga aron pugson ang mga trabahante o employers nga mopaubos o mopasaka sa suholan.
23โ24. Discovering & Revealing Secrets (Art. 290 & 291): Ang pagnakaw/pag-abli sa sulat o mensahe sa uban aron mahibal-an ang sekreto, o ang pagbutyag sa mga sekreto sa negosyo pamaagi sa pag-abuso sa posisyon.
25. Theft (Art. 309): Ang pagpangawat sa gamit nga dili molapas sa โฑ50.00 ang bili.
26. Qualified Theft (Art. 310): Ang pagpangawat nga gihimo sa katabang o empleyado diin ang bili dili molapas sa โฑ500.00.
27. Occupation of Real Property / Usurpation (Art. 312): Ang pag-angkon o pag-okupar sa yuta o balay sa uban gamit ang pagpanghulga o panakit.
28. Altering Boundaries or Landmarks (Art. 313): Ang pagbalhin o pagguba sa mga mohon (boundary markers) sa yuta.
29โ32. Swindling / Estafa & Other Deceits (Art. 315, 316, 317, 318): Ang pagpanlimbong sa kwarta/propedad (Estafa nga dili molapas sa โฑ200.00), pagpang-ilad sa minor de edad, o paggamit og bakak nga paagi aron makakuha og bintaha.
33. Removal, Sale or Pledge of Mortgaged Property (Art. 319): Ang pagbaligya o pagprenda sa sakyanan/gamit nga gi-chattel mortgage nga walay permiso sa nagpautang.
34โ35. Malicious Mischief / Other Mischief (Art. 328 & 329): Ang tuyo nga pagguba o pagpadaut sa propedad sa uban diin ang danyos dili molapas sa โฑ1,000.00.
36. Simple Seduction (Art. 338): Ang pag-ilad sa usa ka dalaga (12-18 anyos) pamaagi sa bakak nga saad nga pangangasaw-on aron makadulog niini.
37. Acts of Lasciviousness with Consent (Art. 339): Ang paghimo og malaw-ay nga buhat sa menor de edad nga may pagtugot niini apan gi-ilad.
38. Threatening to Publish / Blackmail (Art. 356): Ang pagbahad nga imantala ang usa ka sekreto sa usa ka tawo gawas kon magbayad kini og kwarta.
39. Prohibiting Publication of Official Proceedings (Art. 357): Ang pagpugong sa pagmantala sa mga opisyal nga nahitabo sa korte o opisina sa gobyerno.
40. Incriminating Innocent Persons (Art. 363): Ang pagtanom og ebidensya aron pasangilag krimen ang usa ka inosenteng tawo.
41. Intriguing Against Honor (Art. 364): Ang paghimo-himo og tsismis o paglibak nga makaguba sa dungog sa usa ka tawo.
42. BP 22 (Bouncing Checks Law): Ang pagpagawas og tseke nga walay igong pondo sa bangko.
43. Fencing of Stolen Properties (PD 1612): Ang pagpalit o pagtago sa mga gamit nga gikan sa kawat nga dili molapas sa โฑ50.00 ang bili.
๐ก Pahinumdom: Ang pag-areglo sa barangay level makatabang aron makadaginot sa gasto ug makab-ot ang malinawon nga kasabutan sa isigka-ingon!
๐ Alang sa mga Pangutana o Reklamo:
๐ฒ Hotline: 0919-093-1481
๐ Address: Zone 2B, Barangay Site, Igpit, Opol, Mis. Or.
FB Page: Katarungang Pambarangay - IGPIT
