FITS Center - Rosario, Batangas

10/10/2026

𝐊𝐔𝐌𝐔𝐒𝐓𝐀 𝐊𝐀, 𝐓𝐀𝐋𝐀𝐆𝐀?

Sa likod ng bawat responsibilidad sa trabaho, sa tahanan, at sa paghahanapbuhay, may taong napapagod, nahihirapan, at nangangailangan ding maunawaan.

Empleyado man, mamamayan, o magkakalabaw, bawat isa ay may pinagdaraanan na hindi laging nakikita o naibabahagi sa iba. Kaya ngayong World Mental Health Day, at hindi lamang sa araw na ito, piliin nating makinig nang walang panghuhusga, umunawa nang may malasakit, at mangumusta nang buong puso.

Dahil ang tunay na malasakit ay hindi pang-isang araw lamang.

Kaya ikaw, kumusta ka, talaga? Hindi kailangang magpanggap. May handang makinig at dumamay.

10/10/2026

Ngayong National Agriculture and Fisheries Extension System (NAFES) Month, hatid ng DA-ATI CALABARZON ang isang espesyal na talakayan tungkol sa mga oportunidad sa crayfish aquaculture, mula sa potensyal nito bilang negosyo hanggang sa mga patakarang gumagabay sa industriya.

Mas espesyal ang episode na ito dahil sa kauna-unahang pagkakataon, magkakaroon ng CPD points para sa mga rehistradong Fisheries Professional sa ATI@HOME!

Tampok sa talakayan si G. Albert P. Sacabon, RFP, Aquaculturist II ng BFAR CALABARZON, na magbabahagi ng kaalaman tungkol sa crayfish aquaculture at sa mga oportunidad nito sa negosyo at industriya ng pangisdaan.

📅 Oktubre 16, 2026 (Biyernes)
🕘 9:00 AM - 12:00 NN
📱 Facebook at YouTube Live

May 1 CPD point para sa mga rehistradong Fisheries Professional at Agriculturist.

Magrehistro na rito:
https://ati2.da.gov.ph/ati-4a/content/CrayfishAquaculture

Makibahagi sa pagdiriwang ng NAFES Month at samahan kami sa pagsusulong ng patuloy na pagkatuto at pagpapaunlad ng sektor ng agrikultura at pangisdaan!

10/10/2026

𝐊𝐚𝐡𝐢𝐭 𝐚𝐧𝐠 “𝐊𝐢𝐧𝐠 𝐨𝐟 𝐅𝐫𝐮𝐢𝐭𝐬” 𝐦𝐚𝐲 𝐩𝐚𝐦𝐚𝐧𝐭𝐚𝐲𝐚𝐧!

Matinik sa labas, malinamnam sa loob—kilala ang durian sa kakaibang amoy at lasa nito. 𝑃𝑒𝑟𝑜 𝑎𝑙𝑎𝑚 𝑚𝑜 𝑏𝑎𝑛𝑔 𝑚𝑎𝑦 𝑝𝑎𝑚𝑎𝑛𝑡𝑎𝑦𝑎𝑛 𝑑𝑖𝑛 𝑝𝑎𝑟𝑎 𝑠𝑎 𝑝𝑒𝑠𝑡𝑖𝑐𝑖𝑑𝑒 𝑟𝑒𝑠𝑖𝑑𝑢𝑒𝑠 𝑠𝑎 𝑝𝑟𝑢𝑡𝑎𝑠 𝑛𝑎 𝑖𝑡𝑜?

Ang 𝐏𝐍𝐒/𝐁𝐀𝐅𝐒 𝟒𝟐𝟕:𝟐𝟎𝟐𝟔 ng DA-BAFS ay nagtatakda ng 𝐌𝐚𝐱𝐢𝐦𝐮𝐦 𝐑𝐞𝐬𝐢𝐝𝐮𝐞 𝐋𝐢𝐦𝐢𝐭𝐬 (𝐌𝐑𝐋𝐬) para sa durian na inilaan para sa pagkain.

Ibig sabihin, may itinakdang limitasyon sa dami ng pesticide residues na pinapayagan sa durian para sa bawat pesticide na nakalista sa pamantayan. Ang mga limitasyong ito ay nakasaad sa 𝐦𝐢𝐥𝐥𝐢𝐠𝐫𝐚𝐦𝐬 𝐩𝐞𝐫 𝐤𝐢𝐥𝐨𝐠𝐫𝐚𝐦 (𝐦𝐠/𝐤𝐠).

Layunin ng pamantayang ito na makatulong sa pagprotekta sa kalusugan ng mamimili, pagsusulong ng responsableng paggamit ng pesticides, at pagpapadali ng kalakalan sa pamamagitan ng malinaw at nasusukat na mga pamantayan.

I-scan ang QR code upang mabasa ang buong pamantayan

09/10/2026

09/10/2026

MAS MATATAG sa mga hamon ng klima at ekonomiya 💪

Sa gitna ng pabago-bagong panahon at tumataas na presyo ng gastusing pambukid, may mga ka-Palay na nagtatanim din ng mais, bawang, sibuyas, at iba pang pananim kasabay o kahalili ng palay. Ito ay tinatawag na crop diversification.

Sa pag-aaral sa piling lugar sa Ilocos Norte, Tarlac, at Nueva Ecija, mas mataas ng higit anim na beses ang net income ng mga magsasakang may iba pang pananim kumpara sa mga palay lang ang itinatanim. Umabot sa 82% ng kanilang kita ang galing sa mga pananim maliban sa palay.

Bukod sa dagdag kita, nakatutulong din ito sa mas maayos na paggamit ng lupa at iba pang resources, at maaaring makatulong sa pagpapanatili ng kalusugan ng lupa at pagbawas ng problema sa peste at sakit.

Sa kabila ng mas mataas na kita, malaki rin ang puhunang kailangan sa diversified farming. Kaya naman binigyang-diin ng ating mga ka-Palay na kanilang kailangan ang suportang pinansyal, teknikal, at postharvest.

Basahin ang pag-aaral: bit.ly/3Vbip2a

08/10/2026

HUWAG hayaang masayang ang iyong pagod sa pagpapalayan. 🌾

Tuklasin ang kahalagahan ng Soil pH at Calcium Nutrition na nagsisilbing pundasyon para sa mas matibay na pananim at mas mataas na kita.

Sali na tayo sa ating Lifelong Learning Series, Oct. 13, 1:30 p.m, na may paksang "Philippine Farmers: Are We Forgetting Soil pH and Calcium Nutrition?" The Foundation for Better Nutrient Efficiency, Stronger Crops, and Higher Yields

✍🏽 Mag-register: https://forms.gle/NkNngZyBroX3Ns8X8
🧑🏽‍💻 Makilahok sa Zoom: https://zoom.us/j/92754750693?pwd=jBWRVaxCB61frgKiDQa5psYAm1iIMj.1
🌐 Meeting ID: 927 5475 0693
Passcode: 435641

08/10/2026

𝘖𝘤𝘵𝘰𝘣𝘦𝘳 8, 2026
🌱 𝙏𝙍𝘼𝙄𝙉𝙄𝙉𝙂 𝙊𝙉 𝙄𝙉𝙏𝙀𝙂𝙍𝘼𝙏𝙀𝘿 𝙋𝙀𝙎𝙏 𝙈𝘼𝙉𝘼𝙂𝙀𝙈𝙀𝙉𝙏 (𝙄𝙋𝙈) 𝙁𝙊𝙍 𝙃𝙄𝙂𝙃-𝙑𝘼𝙇𝙐𝙀 𝘾𝙍𝙊𝙋𝙎

Isinagawa ang 𝙏𝙧𝙖𝙞𝙣𝙞𝙣𝙜 𝙤𝙣 𝙄𝙣𝙩𝙚𝙜𝙧𝙖𝙩𝙚𝙙 𝙋𝙚𝙨𝙩 𝙈𝙖𝙣𝙖𝙜𝙚𝙢𝙚𝙣𝙩 (𝙄𝙋𝙈) 𝙛𝙤𝙧 𝙃𝙞𝙜𝙝-𝙑𝙖𝙡𝙪𝙚 𝘾𝙧𝙤𝙥𝙨 𝙖𝙣𝙙 𝙋𝙧𝙤𝙥𝙚𝙧 𝘿𝙤𝙘𝙪𝙢𝙚𝙣𝙩𝙖𝙩𝙞𝙤𝙣 𝙖𝙣𝙙 𝙍𝙚𝙥𝙤𝙧𝙩𝙞𝙣𝙜 𝙤𝙛 𝙋𝙚𝙨𝙩 𝙖𝙣𝙙 𝘿𝙞𝙨𝙚𝙖𝙨𝙚 𝘿𝙖𝙢𝙖𝙜𝙚 sa 3𝙧𝙙 𝙁𝙡𝙤𝙤𝙧 𝙁𝙄𝙏𝙎 𝘾𝙚𝙣𝙩𝙚𝙧, 𝙊𝙛𝙛𝙞𝙘𝙚 𝙛𝙤𝙧 𝘼𝙜𝙧𝙞𝙘𝙪𝙡𝙩𝙪𝙧𝙖𝙡 𝙎𝙚𝙧𝙫𝙞𝙘𝙚𝙨.

Layunin ng pagsasanay na mapalawak ang kaalaman at kasanayan ng mga magsasaka sa wastong pagkilala, pag-iwas, at pamamahala sa mga peste at sakit ng high-value crops. Tinalakay rin ang tamang documentation at reporting ng pest and disease damages upang magkaroon ng maayos at napapanahong datos para sa nararapat na intervention.

Ang aktibidad ay bahagi ng patuloy na suporta ng Pamahalaang Bayan, sa pangunguna ni Mayor Kuya Leovy Morpe, para sa pagpapalakas ng sektor ng agrikultura at pagsusulong ng mas produktibo at napapanatiling pagsasaka. 🌱

📸 PM

08/10/2026

08/10/2026

Ang mummification effect ay nangyayari kapag ang amag (entomopathogenic fungi) ay pumasok at dumami sa katawan ng peste, na nagiging sanhi ng pagkamatay, pagkatuyo, at pagtigas nito.

Paano Nagaganap ang Mummification Effect?

1.) Pagkapit at Pagpasok (Pe*******on) – Dumidikit ang mga spore ng fungus sa balat ng peste at pumapasok sa katawan nito.
2.) Pagkaubos ng Sustansya (Nutrient Depletion) – Dumarami ang fungus sa loob ng peste at ginagamit ang mga sustansya nito.
3.) Pagkatuyo (Desiccation) – Natutuyo at tumitigas ang katawan ng peste matapos itong mamatay.
4.) Pagsibol sa Labas (Mycosis at Sporulation) – Tumutubo ang amag sa katawan ng peste at gumagawa ng mga bagong spore na maaaring makahawa sa iba pang peste.