FITS Center- Office of Provincial Agriculture- ZamboSur

Malampuson nga gipahigayon ang Harvest Festival on Hybrid Corn Production niadtong Marso 12, 2026 alas 8:00 sa buntag sa Provincial Government Demonstration Farm sa Tickwas, Dumalinao, Zamboanga del Sur. Ang kalihokan gitambongan sa mga mag-uuma, agricultural technicians, ug mga kauban sa sektor sa agrikultura aron sa pagsaulog sa ani ug sa pagpalambo sa teknolohiya sa hybrid corn production.

Nasugdan ang programa pinaagi sa Acknowledgement of Participants nga gipangunahan ni Anedem P. Ebillo, Supervising Agriculturist, nga nag-abiabi sa tanang mag-uuma, bisita, ug mga partner nga mitambong sa kalihokan. Gisundan kini sa Welcome and Opening Remarks nga gipahayag ni Lorenzo Alcantara, Municipal Vice Mayor sa Dumalinao, nga nagrepresentar sa Municipal Mayor sa Dumalinao nga si Raul Fiel Famor. Sa iyang mensahe, iyang gipahayag ang pasalamat sa Provincial Government ug sa tanang stakeholders sa ilang padayon nga suporta sa mga programa nga nagpalig-on sa sektor sa agrikultura ug nagtabang sa pagpauswag sa produksyon ug panginabuhi sa mga mag-uuma.

Ang Rationale sa Conduct of Technology Demonstration ug Field Day gipresentar ni Dante D. Lao-ay, OIC–Provincial Agriculturist. Sa iyang mensahe, iyang gipasiugda ang kamahinungdanon sa technology demonstration ug field day aron matabangan ang mga mag-uuma sa pagkat-on sa modernong pamaagi sa pagpanguma, ilabi na sa hybrid corn production nga makatabang sa pagdugang sa ani ug kita.

Naghatag usab og mensahe si Divina Grace C. Yu, Provincial Governor, nga nagpasalig sa padayon nga suporta sa provincial government sa mga programa nga nagpalig-on sa kapasidad sa mga mag-uuma ug nagpalambo sa malungtarong agrikultura sa probinsya.

Sa laing bahin, naghatag usab og Message of Support si Hernan "Nanding" Dela Cruz, Board Member, nga nagpasiugda sa kamahinungdanon sa kooperasyon tali sa mga mag-uuma, lokal nga panggamhanan, ug mga partner sa agrikultura aron makab-ot ang food security ug kalamboan sa agrikultura.

Usa sa mga highlight sa kalihokan mao ang Technology Transfer and Product Presentation gikan sa mga partner companies sama sa Aldiz Incorporated, Bayer Crop Science, Amway Philippines, ug Atlas Fertilizer Corporation. Gipaila nila ang lain-laing teknolohiya ug produkto nga makatabang sa mga mag-uuma aron mapaayo ang ilang hybrid corn production ug farm management.

Ang diskusyon ug presentasyon gipadagan ug gipangasiwaan ni Anedem P. Ebillo, nga nagsiguro nga malinawon ug makapahimulos ang pagbinayloay sa kahibalo tali sa mga presenter ug sa mga partisipante.

Gipahayag usab sa mga organisador ang ilang dakong pasalamat sa Pago family tungod sa ilang dako nga tabang ug suporta sa paghimo nga posible ug malampuson ang maong kalihokan. Pinaagi sa panaghiusa ug pagpaambit sa kahibalo ug teknolohiya, ang Harvest Festival nahimong usa ka importante nga plataporma sa pagpalambo sa produksyon ug kalungtaran sa hybrid corn farming sa probinsya. 🌽

𝐌𝐚𝐥𝐚𝐦𝐩𝐮𝐬𝐨𝐧𝐠 𝐆𝐫𝐚𝐝𝐮𝐚𝐭𝐢𝐨𝐧 𝐂𝐞𝐫𝐞𝐦𝐨𝐧𝐲 𝐬𝐚 𝐔𝐩𝐚𝐭 𝐤𝐚 𝐁𝐮𝐰𝐚𝐧 𝐧𝐠𝐚 𝐒𝐞𝐚𝐬𝐨𝐧-𝐋𝐨𝐧𝐠 𝐓𝐫𝐚𝐢𝐧𝐢𝐧𝐠 𝐬𝐚 𝐎𝐫𝐠𝐚𝐧𝐢𝐜 𝐑𝐢𝐜𝐞 𝐏𝐫𝐨𝐝𝐮𝐜𝐭𝐢𝐨𝐧

LABANGAN, Zamboanga del Sur – Malampusong gipahigayon ang graduation ceremony sa Four-Month Season-Long Training on Organic Rice Production niadtong Marso 6, 2026 sa Barangay Hall sa Langapod, Labangan, Zamboanga del Sur. Ang maong kalihokan gipahigayon in partnership implementation of Social Action Commission - Diocese of Pagadian Sustainable Agriculture Program og Provincial Government of Zamboanga del Sur pinaagi sa Provincial Agriculture Office, kini nga mugna sa kalihukan anaa ang Innovation of technology from Palay Check System to Organic Way para sa nutrient management. Kini nga nagtinguha sa pagpalig-on sa kahibalo ug kapasidad sa mga mag-uuma sa paggamit sa organikong pamaagi sa produksyon sa humay pinaagi sa paghatag og teknikal nga giya ug praktikal nga pagbansay sama sa paghimo og organikong abono, natural nga pest management, ug husto nga pagdumala sa uma, aron mapalambo ang ani samtang ginapreserbar ang kahimsog sa yuta ug kalikupan, ug gilauman nga ang mga gradwado makapadayon sa paggamit ug pagpaambit sa ilang nakat-unan aron mapalambo pa ang produksyon sa humay sa ilang komunidad. 🌾

Gidala sa tema nga “Sa Organikong Pagpanguma, Kinaiyahan Giamuma,” gipasiugda sa kalihokan ang kahinungdanon sa sustainable nga agrikultura ug pag-atiman sa kinaiyahan pinaagi sa paggamit sa organikong pamaagi sa pagpanguma.

Gisugdan ang programa pinaagi sa welcome message ni Noel Q. Penaloza, Provincial Organic Agriculture Focal Person. Sa iyang mensahe, iyang gipasalamatan ug gipahalipay ang mga gradwado ug gipasiugda ang kahinungdanon sa paggamit sa organikong pamaagi sa pagpanguma aron mapalambo ang kahimsog sa yuta, makahatag og luwas nga pagkaon, ug mapalig-on ang malungtarong sistema sa agrikultura.

Naghatag usab og inspirational message si Elizabeth H. Monteza, SAC Coordinator. Giawhag niya ang mga gradwado nga gamiton ang kahibalo ug kahanas nga ilang nakat-unan sulod sa upat ka bulan nga pagbansay ug mahimong mga tigpasiugda sa organikong agrikultura sa ilang mga komunidad.

Usa sa mga highlight sa kalihokan mao ang testimonyo sa mga partisipante nga sila Kevin Villamor, Rodel Bontes, ug Virgilio Llagas. Ilang gipadayag ang ilang kasinatian sa tibuok nga panahon sa pagbansay ug ang ilang pasalamat sa oportunidad nga makat-on og mas maayong pamaagi sa organikong pagpanguma sa humay. Ilang giila nga dako ang natabang sa programa sa pagpalig-on sa ilang pagsalig sa paggamit sa sustainable nga pamaagi sa produksyon sa humay.

Sa laing bahin, naghatag og mensahe sa suporta si Dante Lao-ay, OIC Provincial Agriculturist. Gipahayag niya ang padayon nga suporta sa provincial government nga gipanguluhan sa atong Gobernador Divina Grace Yu sa pagpalambo sa mga programa sa organikong agrikultura ug sa pagtabang sa mga mag-uuma nga naggamit og mga pamaagi nga mahigalaon sa kinaiyahan.

Ang maong graduation ceremony dili lamang nagtimaan sa pagtapos sa pagbansay, kondili usa usab ka sinugdanan sa mas lig-on nga paningkamot sa mga mag-uuma sa pagpalambo sa organic rice production ug sa pag-atiman sa kinaiyahan sa ilang mga komunidad. 🌾🌱

𝐏𝐚𝐠𝐩𝐚𝐥𝐚𝐦𝐛𝐨 𝐬𝐚 𝐎𝐫𝐠𝐚𝐧𝐢𝐤𝐨𝐧𝐠 𝐏𝐚𝐧𝐠𝐩𝐚𝐧𝐠𝐮𝐦𝐚 𝐬𝐚 𝐙𝐚𝐦𝐛𝐨𝐚𝐧𝐠𝐚 𝐝𝐞𝐥 𝐒𝐮𝐫

Malampuson nga gipahigayon sa PRAISE Project of Sustainable Agriculture Program in Diocese of Pagadian - Social Action Comission ang culmination activity alang sa Intensive Season-Long Training on Organic Rice Production Phase 1 didto sa Barangay Bagalupa, Labangan, Zamboanga del Sur

Usa ka tinambayayongan na project sa Provincial Government of Zamboanga del Sur pinaagi sa Provincial Agriculture Office ug Praise Project alang sa Season-Long Training on Organic Rice Production Phase 1. Mitambong sa maong kalihokan ang mga mag-uuma sa Barangay Bagalupa, kinsa nagpasalamat sa kahibalo ug teknikal nga giya nga ilang nadawat atol sa training.

Kini nga programa nagsilbing entry ug enhancement training para sa mga mag-uuma nga nag-transition gikan sa conventional padulong sa organic rice production system. Gipatuman kini sulod sa usa ka tibuok cropping season nga modugay ug 4 hangtod 6 ka bulan, diin gisagol ang community discussions, field demonstrations, ug hands-on nga kasinatian sa uma—gikan sa land preparation hangtod sa pag-ani. Tumong niini nga mahatagan ang mga mag-uuma ug hustong kahibalo ug abilidad aron makasunod sa hapsay, lig-on, ug eco-friendly nga pamaagi sa pag-uma.

Ang aktibidad gipangunahan ni Mr. Noel Q. Peñaloza, Provincial Organic Agriculture Coordinator. Iyang giemphasize ang kahinungdanon sa pagpili sa Organic Agriculture, diin gawas sa makapamenos sa gasto, importante usab ang pagtuman sa insaktong proseso ug pagsunod sa upat ka prinsipyo sa organic agriculture: Health, Ecology, Fairness, ug Care. Isip focal person sa organic agriculture sa Zamboanga del Sur, iyang gi-awhag ang mga mag-uuma nga ibalik ug ipadayon ang natural nga pamaagi sa pag-uma.

Ang maong programa kabahin sa paningkamot sa probinsya nga gipanguluhan ni Gov. Divina Grace Yunga masuportahan ang mga mag-uuma ug mapalambo ang Organic na humay sa atong probinsya.

𝐏𝐀𝐆 𝐀𝐏𝐎𝐃-𝐀𝐏𝐎𝐃 𝐒𝐀 𝟓𝟗𝟒 𝐊𝐀 𝐒𝐀𝐊𝐎 𝐒𝐀 𝐁𝐈𝐍𝐇𝐈 𝐒𝐀 𝐇𝐔𝐌𝐀𝐘, 𝐍𝐀𝐊𝐀𝐁𝐄𝐍𝐄𝐏𝐈𝐒𝐘𝐎 𝐀𝐍𝐆 𝟐𝟖𝟓 𝐊𝐀 𝐌𝐀𝐆 𝐔𝐔𝐌𝐀 𝐒𝐀 𝐏𝐀𝐆𝐀𝐃𝐈𝐀𝐍 𝐂𝐈𝐓𝐘

Malampusong gipahigayon sa 𝐏𝐫𝐨𝐯𝐢𝐧𝐜𝐢𝐚𝐥 𝐀𝐠𝐫𝐢𝐜𝐮𝐥𝐭𝐮𝐫𝐞 𝐎𝐟𝐟𝐢𝐜𝐞 (𝐏𝐀𝐠𝐎)
ang 𝐩𝐚𝐠 𝐚𝐩𝐨𝐝-𝐚𝐩𝐨𝐝 𝐬𝐚 𝟓𝟗𝟒 𝐤𝐚 𝐬𝐚𝐤𝐨 𝐬𝐚 𝐛𝐢𝐧𝐡𝐢 sa humay ngadto sa 285 ka mag-uuma sa nagkadaiyang barangay sa Pagadian City, Zamboanga del Sur, gikan Enero 7 hangtod 9, 2026. Lakip sa mga barangay nga nakabenepisy mao ang Barangay Lison Valley, Lourdes, Deborok, Lower Sibatang, Gubang, Lumad, La Suerte, Tulawas, Macasing ug Upper Sibatang, Pagadian City, Zamboanga del Sur.

Ang maong kalihokan gitumong sa pagsuporta sa mga mag-uuma isip kabahin sa padayong paningkamot sa probinsya aron mapalambo ang produkson sa humay ug mapalig-on ang kasiguruhan sa pagkaon. Pinaagi sa panghatag og de-kalidad nga binhi sa humay, gilauman nga mosaka ang ani sa uma ug mapauswag ang panginabuhian sa mga komunidad sa agrikultura.

Nanguna sa kalihokan ang Provincial Agriculture Office, uban ang presensya og suporta ni 𝐏𝐚𝐠𝐚𝐝𝐢𝐚𝐧 𝐂𝐢𝐭𝐲 𝐕𝐢𝐜𝐞 𝐌𝐚𝐲𝐨𝐫 𝐀𝐢𝐤𝐨 𝐘𝐮 𝐓𝐨
, nga nagpahayag sa lig-on nga suporta sa lokal nga panggobyerno sa pagtabang sa mga mag-uuma. Mitambong usab si 𝐍𝐞𝐫𝐢𝐨 𝐏𝐨𝐧, Provincial Coordinator sa DA PhilRice, nga naghatag og kasayuran ug pagsabot kabahin sa humay.

Nagpasalamat usab ang Provincial Agriculture Office sa mga 𝐁𝐚𝐫𝐚𝐧𝐠𝐚𝐲 𝐊𝐚𝐩𝐢𝐭𝐚𝐧 𝐮𝐠 𝐦𝐠𝐚 𝐨𝐩𝐢𝐬𝐲𝐚𝐥, lakip na ang 𝐂𝐁𝐅, tungod nga nakatampo sa hapsay ug malinawong pagpatuman sa maong kalihokan para sa 285 ka benepisyaryo nga mag-uuma.

Ang maong ininsyatibo kabahin sa mga halapad nga programa sa probinsyal nga panggobyerno ilalom sa pagpangulo ni 𝐆𝐨𝐯. 𝐃𝐢𝐯𝐢𝐧𝐚 𝐆𝐫𝐚𝐜𝐞 𝐘𝐮, nga nagpadayag sa padayong suporta sa probinsya sa mga mag-uuma ug sa pagpalambo sa industriya sa humay sa Zamboanga del Sur.

Before this day ends, we want to extend our warmest birthday greetings to two amazing and dedicated individuals from the Provincial Agriculture Office — Ma’am Lablab Rodrigo and Sir Glenn Romanos.

Your hard work, passion, and commitment to serving our farmers and communities truly inspire everyone around you. May this special day bring you joy, good health, and more blessings in the years ahead.

𝐆𝐫𝐞𝐞𝐭𝐢𝐧𝐠𝐬 𝐟𝐫𝐨𝐦 𝐭𝐡𝐞 𝐏𝐀𝐠𝐎 𝐅𝐚𝐦𝐢𝐥𝐲

𝐇𝐚𝐩𝐩𝐲 𝐁𝐢𝐫𝐭𝐡𝐝𝐚𝐲, 𝐌𝐚’𝐚𝐦 𝐋𝐚𝐛𝐥𝐚𝐛 𝐚𝐧𝐝 𝐒𝐢𝐫 𝐆𝐥𝐞𝐧𝐧! 🎉🎂🎈

𝐆𝐢𝐩𝐚𝐧𝐠-𝐚𝐩𝐨𝐝-𝐚𝐩𝐨𝐝 𝐧𝐠𝐚 𝐂𝐨𝐜𝐨𝐧𝐮𝐭 𝐮𝐠 𝐂𝐨𝐟𝐟𝐞𝐞 𝐒𝐞𝐞𝐝𝐥𝐢𝐧𝐠𝐬 𝐬𝐚 𝐦𝐠𝐚 𝐌𝐚𝐠-𝐮𝐮𝐦𝐚 𝐬𝐚 𝐋𝐚𝐤𝐞𝐰𝐨𝐨𝐝

LAKEWOOD, Zamboanga del Sur — Nakadawat og dugang suporta ang mga mag-uuma sa Lakewood human mapang-apod-apod ang coconut ug coffee seedlings sa Municipal Gym pinaagi sa panaghugpong nga paningkamot sa Philippine Coconut Authority (PCA) ug Provincial Government sa Zamboanga del Sur pinaagi sa Provincial Agriculture Office (PAO).

Nagpakita ang maong kalihokan sa dakong pagtutok sa probinsya ug kaabag niini nga mga ahensya sa pagpabakod sa mga nag-unang tanom sa lalawigan ug pagpalambo sa panginabuhi sa mga gagmay’ng mag-uuma.
Mitambong sa aktibidad si Board Member Hernan “Nanding” Dela Cruz, nga nagpakita sa iyang tibuok suporta sa mga inisyatiba sa agrikultura sa munisipyo.

Kauban usab niya si Davon T. Galgao, PCA/CDO, nga mitunol og masabtanong mensahe kabahin sa hustong pag-atiman ug pagpananom sa lubi ug ang dugay nga kaayohan nga madawat niini.

Gihatagan sab og bililhong impormasyon ni Eddie Baylin, Coffee Agronomist, ang mga mag-uuma kabahin sa tukmang pamaagi sa pagtanom ug pagdumala sa kape—gikan sa pagtanom, pagmentinar, hangtod sa pag-ani—aron masiguro nga makab-ot sa mga mag-uuma ang maayong ani ug malungtarong paglambo.

Ang pag apod apod sa semilya maoy tinguha sa probinsya pinaagi sa liderato ni Gov. Divina Grace C. Yu aron sa pagpalambo sa coffee ug coconut industry ug pagdasig sa mga mag uuma nga palapdan ug mapalambo ang ilang pagtanom aron mosaka ang produksyon ug kita sa Agrikultura sa Lakewood ug sa probinsya sa Zamboanga del Sur.

𝐌𝐚𝐥𝐚𝐦𝐩𝐮𝐬𝐨𝐧𝐠 𝐍𝐚𝐭𝐚𝐩𝐨𝐬 𝐚𝐧𝐠 𝐏𝐫𝐨𝐯𝐢𝐧𝐜𝐢𝐚𝐥 𝐂𝐨𝐦𝐦𝐨𝐝𝐢𝐭𝐲 𝐈𝐧𝐯𝐞𝐬𝐭𝐦𝐞𝐧𝐭 𝐏𝐥𝐚𝐧 (𝐏𝐂𝐈𝐏) 𝐔𝐩𝐝𝐚𝐭𝐢𝐧𝐠 𝐖𝐨𝐫𝐤𝐬𝐡𝐨𝐩 𝐬𝐚 𝐙𝐚𝐦𝐛𝐨𝐚𝐧𝐠𝐚 𝐝𝐞𝐥 𝐒𝐮𝐫

Pagadian City, Zamboanga del Sur — Malampusong natapos sa Probinsya sa Zamboanga del Sur ang Provincial Commodity Investment Plan (PCIP) Updating Workshop nga gipahigayon niadtong Nobyembre 24–27, 2025 sa Chandler Suites, Pagadian City, nga nagtimaan sa usa ka dakong lakang padulong sa mas lig-on nga plano alang sa agrikultura ug pangisda sa probinsya sa umaabot nga mga tuig.

Gipahigayon ang kalihokan isip tubag sa naka-iskedyul nga pag-update sa 2023–2025 Provincial Commodity Investment Plan, usa ka hinungdanong dokumento nga nagagiya sa mga pamuhunan, interbensyon, ug programa alang sa mga prayoridad nga komodidad sa tibuok probinsya. Aron masiguro ang tukma ug hapsay nga pagkompleto sa gi update nga plano, nag tigom ang Provincial Core Planning Team (PCPT) sa Provincial Planning and Devt Office, Provincial Agriculture Office, ug Provincial Veterinary Office kauban ang mga Municipal planning and devt office and Municipal agriculture office sa tibook probinsya.

Sa upat ka adlaw nga workshop, ang mga partisipante miapil sa lawom nga diskusyon, pag-validate sa datos, ug pagplano. Ang mga miyembro sa PCPT, ilabi na kadtong gi-assign isip mga preparer, mipakita sa ilang teknikal nga kahanas sa pag-review sa datos, pag-hapsay sa mga prayoridad nga komodidad, ug pag-align sa mga gi-propose nga interbensyon uban sa dugayng tumong sa probinsya alang sa kalamboan sa agrikultura ug pangisda. Ang ilang aktibo nga partisipasyon nakatabang sa paghimo og usa ka komprehensibo ug makatubag nga updated PCIP.

Usa usab sa importante nga bahin sa workshop mao ang Enhanced Vulnerability and Suitability Assessment (eVSA) validation ug presentation, nga naghatag ug giya sa pag-ila sa labing angay nga mga lugar alang sa pagpalambo sa komodidad samtang giisip ang risgo sa klima ug kapabilidad sa yuta. Aron masuportahan ang maong proseso, nangayo og tabang ang Probinsyal nga Gobyerno gikan sa Provincial Planning and Development Office (PPDO) ug sa Provincial Agriculture Office (PAGO) sa pag-kordinar sa partisipasyon sa Municipal Planning and Development Coordinators (MPDCs) ug Municipal Agriculturists (MAs). Ang ilang kontribusyon naghatag ug bililhon nga impormasyon gikan sa municipal level ug nagsiguro nga makita kini sa provincial plan.

Ang malampusong pagpatuman sa workshop nagpakita sa dakong suporta ug komitment sa atong probinsyal Governor Divina Grace Yu sa zamboanga del sur sa maayong plano, kooperasyon tali sa mga opisina sa lokal nga kagamhanan, ug sa padayong pagpaayo sa serbisyo sa agrikultura ug pangisda. Sa paghuman sa updated PCIP, andam na ang probinsya sa pagpatuman sa estratehikong mga interbensyon nga mosuporta sa malungtaron nga pagtubo, lig-on nga panginabuhian, ug mas taas nga produktibidad alang sa atong mga mag-uuma ug mananagat.

𝐊𝐚𝐥𝐢𝐝𝐚𝐝 𝐧𝐚 𝐁𝐢𝐧𝐡𝐢 𝐩𝐚𝐫𝐚 𝐬𝐚 𝐦𝐠𝐚 𝐌𝐚𝐠-𝐮𝐮𝐦𝐚

Nagpahigayon og rice tagging ang Provincial Agriculture Office sa Labangan, Zamboanga del Sur aron masiguro nga magpadayon ang paghatag og taas-kalidad nga binhi sa atong lokal nga mga mag-uuma. Ang maong kalihokan kabahin sa paningkamot sa probinsiya nga palig-onon ang produksyon sa humay ug suportahan ang panginahanglan sa sektor sa agrikultura.

Gipangulohan kini sa mga personahe sa Provincial Agriculture Office nga sila si Jaleth Sajol, Douvie Angelove Leopoldo, Diana Rose Opon, Charmaine Ordaniza og Angel Lloyd Talpis aron masiguro nga ang mga liso sa humay nga gimugna ug ipanghatag sa atong mga lokal nga mag-uuma adunay maayong kalidad ug angay gamiton sa pagpangtanom.

Sumala sa inspection team, importante ang rice tagging aron mapadayon ang taas nga kalidad sa produksiyon sa liso. Pinaagi niini, masiguro nga ang mga mag-uuma makadawat og lig-on ug himsog nga tanumon, nga makatabang sa mas taas nga ani ug mas maayong produksyon sa agrikultura sa probinsya.

Nagpamatood kini nga padayon ang paningkamot sa Provincial Agriculture Office sa pagtabang sa mga mag-uuma ug sa pagpalig-on sa industriya sa humay sa Zamboanga del Sur.

5-Day Intensive Season-Long Training on Organic Rice Production Phase 1 nga gipahigayon sa Langapod, Labangan

Usa ka tinambayayongan na project sa Provincial Government of Zamboanga del Sur pinaagi sa Provincial Agriculture Office ug Praise Project alang sa Season-Long Training on Organic Rice Production Phase 1 didto sa Langapod Barangay Hall, Langapod, Labangan, Zamboanga del Sur. Mitambong sa maong kalihokan ang mga mag-uuma sa Barangay Langapod, kinsa nagpasalamat sa kahibalo ug teknikal nga giya nga ilang nadawat atol sa training.

Kini nga programa nagsilbing entry ug enhancement training para sa mga mag-uuma nga nag-transition gikan sa conventional padulong sa organic rice production system. Gipatuman kini sulod sa usa ka tibuok cropping season nga modugay ug 4 hangtod 6 ka bulan, diin gisagol ang community discussions, field demonstrations, ug hands-on nga kasinatian sa uma—gikan sa land preparation hangtod sa pag-ani. Tumong niini nga mahatagan ang mga mag-uuma ug hustong kahibalo ug abilidad aron makasunod sa hapsay, lig-on, ug eco-friendly nga pamaagi sa pag-uma.

Ang aktibidad gipangunahan ni Mr. Noel Q. Peñaloza, Provincial Organic Agriculture Coordinator. Iyang giemphasize ang kahinungdanon sa pagpili sa Organic Agriculture, diin gawas sa makapamenos sa gasto, importante usab ang pagtuman sa insaktong proseso ug pagsunod sa upat ka prinsipyo sa organic agriculture: Health, Ecology, Fairness, ug Care. Isip focal person sa organic agriculture sa Zamboanga del Sur, iyang gi-awhag ang mga mag-uuma nga ibalik ug ipadayon ang natural nga pamaagi sa pag-uma.