Barangay Lumad, Pagadian City

𝐓𝐫𝐚𝐛𝐚𝐡𝐨 𝐀𝐛𝐫𝐨𝐚𝐝 𝐈𝐭𝐚𝐧𝐲𝐚𝐠 𝐒𝐚 𝐒𝐩𝐞𝐜𝐢𝐚𝐥 𝐑𝐞𝐜𝐫𝐮𝐢𝐭𝐦𝐞𝐧𝐭 𝐀𝐜𝐭𝐢𝐯𝐢𝐭𝐲 𝐊𝐚𝐫𝐨𝐧𝐠 𝐌𝐚𝐲 𝟐𝟖

Magpahigayon og usa ka Special Recruitment Activity ang Zamboanga del Sur Provincial Government pinaagi sa Provincial Employment Services Office kauban ang EyeQuest International Manpower Services, Inc., karong Mayo 28, 2026, gikan alas 8:00 sa buntag hangtod alas 4:00 sa hapon sa Capitol Covered Court, Sto. Nino, Pagadian City.

Ang maong kalihukan nagtinguha sa paghatag og oportunidad sa trabaho sa gawas sa nasod para sa mga kwalipikadong aplikante, nga adunay mga bakanteng posisyon sa Taiwan, Saudi Arabia, Hong Kong, ug Singapore.

Adunay 400 ka mga bakanteng posisyon para sa electronics factory workers sa Taiwan. Ang mga aplikante kinahanglan nga nakatapos og 2-year vocational course, college level, o mga graduate sa electronics, electrical, mechanical o industrial engineering, computer science, ug information technology-related nga kurso.

Ang mga aplikante kinahanglang magdala lamang og photocopies sa mga kinahanglan nga dokumento sama sa valid passport, National ID, voter’s certificate, diploma ug transcript of records, PSA birth certificate, NBI clearance, SSS records, ug uban pa nga dokumento depende sa civil status ug employment history.

Sa parehas nga Special Recruitment Activity, aduna usab oportunidad para sa mga domestic workers nga ipadala sa Saudi Arabia, Hong Kong, ug Singapore.

Ang mga kwalipikado nga aplikante kinahanglan babaye, 24 hangtod 40 anyos, nakatapos og labing menos high school, ug makahimo sa pagsulti ug pagsabot sa English. Ang mga kinahanglan nga dokumento naglakip sa valid passport, updated resume, NBI clearance, diploma o transcript of records, ug PSA birth certificate nga adunay official receipt.

Giawhag sa PESO Zambosur ang tanang interesado nga aplikante nga kompletohon daan ang ilang mga dokumento aron mapadali ang proseso sa adlaw sa recruitment.

Kini nga inisyatiba kabahin sa padayon nga paningkamot sa probinsya sa pagpalapad sa mga oportunidad sa trabaho ug pagpalig-on sa panginabuhian sa mga residente sa Zamboanga del Sur pinaagi sa pakigtambayayong sa international employment agencies.

Salamat sa sponsor VM Aiko Yu To
Sundang para sa mga Tanod!
Dakong tabang sa mga Brgy. Tanod para sa pag maintain sa kalinaw ug kahapsay diri sa among Barangay.

Daghang Salamat Gov. Divina Grace Yu
Ug VM Aiko Yu To sa inyung walay puas nga pag suporta kanunay sa grupo sa Kababahin diri sa brgy. Lumad!

Turnover of Lumad Women’s SLPA
(Water Refilling Station)

CONGRATULATIONS! EMPOWERING WOMENS!