Asenso Pagadian

10/10/2026

Fire-Affected Families in Brgy. San Pedro Received Relief Aid from Sen. Pia Cayetano and Sen. Alan Peter Cayetano

🗓️October 10,2026
📍Brgy. San Pedro, Pagadian City

Nakadawat ug food assistance gikan kang Sen. Pia Cayetano ug kang Sen. Alan Peter Cayetano ang mga pamilyang apektado sa sunog sa Brgy. San Pedro. Ang kalihokan gipahigayon sa Barangay San Pedro Hall.

Ang maong hinabang naglangkob sa mga pagkaon ug suplay nga gidawat sa mga nasunugan aron matabangan sila sa ilang adlaw-adlaw nga panginahanglan. Gipasalamatan sa mga residente ug sa City Government of Pagadian ubos sa pagpanguna ni Mayor Sammy Co ang maong tabang nga dako og ikatabang sa ilang kahimtang karon.

Kini nga lakang nagpakita sa padayong pagpakabana ug suporta sa mga pamilyang naa sa kalisod. Ang panaghiusa ug pagtinabangay mao ang atong kusog aron makabangon gikan sa kalisdanan.

10/10/2026

Micro-Enterprise Training Day 2: Participants Master Mushroom Noodles and Pickles

🗓️October 9, 2026

Malipayong gitapos ang Micro-Enterprise Training diin nakakat-on ang mga kababayen-an ug mga miyembro sa komunidad og bag-ong pamaagi sa panginabuhian.

Gitudloan sila sa paghimo og mushroom noodles ug mushroom pickles uban ang mga eksperto gikan sa Department of Agriculture RFO 9. Ang kalihokan naghatag og higayon alang sa dugang kita ug malungtarong panginabuhian sa ilang pamilya. Mapasalamaton kita sa tanang namuno ug miapil sa maong kalihokan.

Ang bag-ong kahibalo ug kahanas maoy yawe sa mas maayong kaugmaon. Magtinabangay kita alang sa mas lig-on nga panginabuhian sa tanan.

10/10/2026

Honoring Wisdom and Contributions: City Goverment of Pagadian celebrates Elderly Filipino Week Culmination

🗓️October 9, 2026
📍Asenso Convention Center, Rotunda, Pagadian City

Gipahigayon ang malipayong culmination sa Elderly Filipino week Oktubre 9, 2026, sa Asenso Convention Center. Ang kalihokan gipangunahan sa city government of Pagadian ubos sa CSWDO isip pagpasidungog sa atong mga katigulangan.

Uban sa tema nga “May halaga at karapatan, may boses at ambag sa bayan”, ang kalihokan nagpasidungog sa bililhong papel sa mga katigulangan sa komunidad. Gipasiugda usab ni Mayor Sammy Co kauban si Ar. Sam Tyra Co nga ang pagtahod ug pag-atiman kanila mao ang tinuod nga pagpasalamat sa ilang dakong kontribusyon sa atong komunidad.

Ang kalihokan nagpahinumdom kanato nga ang atong mga katigulangan takus sa gugma, pagtahod, ug maayong pag-atiman. Magtinabangay kita aron sila makapuyo nga malipayon ug luwas.

09/10/2026

09/10/2026

WATCH: Celebrating Service and Excellence: Mayor Sammy Co as the Guest Speaker for 'Gawad Kaabag Awards' during the celebration of the 35th Araw ng Guipos.

09/10/2026

Pagadian City Unveils ₱15M Solar-Powered Lingap Center for abused and rescued young girls

Ang Lingap Center for Girls, usa ka solar-powered nga pasilidad, diin maghatag og luwas nga puy-anan alang sa mga batang babaye nga nabiktima ug giluwas gikan sa pang-abuso. Ang proyekto nagkantidad og ₱15 milyon ug adunay 20 beds capacity.

Ang pasilidad adunay library for children, counseling room alang sa emosyonal nga pag-atiman, ug mga lawak nga magsilbing luwas nga puluy-an. Isip usa ka solar-powered nga pasilidad, masiguro ang padayon nga suplay sa kuryente alang sa haruha ug kasegurohan sa mga bata. Sa pagkakaron, adunay 11 na ka bata ang nagpuyo , moadawat ang maong pasilidad ug batang babaye nga nag-edad og 7 hangtod 17 anyos, nga giluwas gikan sa mga sitwasyon sa pang-abuso.

Kini nga proyekto nagpakita sa dedikasyon ni Mayor Sammy Co inubanan sa tabang ni Sen. Risa Hontiveros sa pagpanalipod sa katungod ug kaayohan sa mga bata. Ang Lingap Center for Girls dili lang puy-anan — kini dapit sa pagpasig-uli ug paglaum aron ang matag bata makabangon ug makatukod og mas maayong kaugmaon.

09/10/2026

Pagadian City and General Santos City Information Offices Exchange Ideas to Elevate Public Information Delivery

Ang Pagadian City Information Office pinangunahan ni City Information Officer IV Teban Soriano ug ang City Public Information Office sa General Santos City, nga gipangunahan ni Information Officer IV Rombel S. Catolico, nagpahigayon og mapuslanong pagpailisay og mga ideya aron mapalambo ang paghatag og impormasyon ngadto sa publiko.

Ang maong panag-uban nagtutok sa pagpaambit sa labing maayong pamaagi sa paghatag og tukma, tin-aw, ug dali masabtan nga balita ug mga pahibalo. Pinaagi sa pagkat-on sa kasinatian sa usag-usa, masiguro nga ang publiko makadawat sa saktong impormasyon gikan sa kagamhanan.

Kini nga panaghiusa nagpakita nga ang maayong komunikasyon mao ang yawe sa mas maayong serbisyo publiko. Magpadayon ang pagtinabangay alang sa kaayohan sa tanan.

09/10/2026

Caring for Our Seniors: LGU Pagadian Celebrates Elderly Filipino Week with Home Visits

Isip kabahin sa pagsaulog sa Elderly Filipino Week, personal nga mibisita ang CSWDO ug LGU Pagadian City, kauban si Ar. Sam Tyra Co, sa mga Lolo ug Lola sa nagkalain-laing barangay.

Ilang gibisita ang panimalay sa mga lolo ug lola dala ang mga grocery ug assisstive devices, sama sa wheelchair,hearing aid, ug sungkod. Kini nagpakita sa pag-amuma ug pagpangga ni Mayor Sammy Co sa mga katigulangan. Gikamusta usab ang ilang kahimtang ug gipanghinaot ang ilang maayong panglawas.

Kini usa ka gamay nga paagi aron ipakita nga ang atong mga tigulang bililhon ug kanunay nga gipangga. Amping kanunay sa atong mga Lolo ug Lola!

09/10/2026

09/10/2026

Cultivating opportunities: Day 1 of the Micro-Enterprise Training

🗓️October 8,2026

Malampusong gisugdan ang Micro-Enterprise Training para sa mga kababayen-an ug uban pang mahuyangong sektor sa mga komunidad nga nagpanguma og humay niadtong October 8,2026.

Gipahigayon ang praktikal nga pagtudlo sa pagpananom og oyster mushroom isip dugang tinubdan sa kita. Gipangulohan kini sa mga eksperto gikan sa Department of Agriculture Region IX, uban sa suporta ni City Agriculturist Engr. Ramon M. Rodrigo, Jr.

Kini nga programa naghatag og kahanas ug oportunidad sa mas maayong panginabuhian alang sa mga pamilyang mag-uuma.