Howard Guintu, Panay (2026)

23/10/2026

𝐂𝐎𝐎𝐏𝐄𝐑𝐀𝐓𝐈𝐕𝐄 𝐌𝐎𝐍𝐓𝐇 𝐒𝐀 𝐏𝐑𝐎𝐁𝐈𝐍𝐒𝐘𝐀 𝐒𝐀𝐍𝐆 𝐂𝐀𝐏𝐈𝐙 𝐆𝐈𝐍𝐒𝐄𝐋𝐄𝐁𝐑𝐀𝐑 𝐒𝐀 𝐁𝐀𝐍𝐖𝐀 𝐒𝐀𝐍𝐆 𝐏𝐀𝐍𝐀𝐘

Isa ka matahum nga oportunidad agod ipakita ang kalidad nga mga produkto sang nagkalain-lain nga munisipyo sa aton pinalangga nga Probinsya sang Capiz. Ini nga selebrasyon nagapakita sang dedikasyon sang aton mga kooperatiba kag lokal nga mga negosyante nga padayon nga nagabulig sa pag-progreso kag pangabuhi-an sang aton mga kasimanwa.

Importante gid nga suportahan naton ang aton lokal nga mga produkto kag negosyo, bangod sa kada produkto nga aton ginabakal, may kabuhi, pangabuhi-an, kag pangabudlay nga aton ginabuligan.

Kon ang aton mga lider sang gobyerno magbinuligay kag mag-isa sa isa ka handom para sa progreso, wala sang imposible para sa aton pinalangga nga Capiz. Pa-agi sa pagbinuligay sang gobyerno, kooperatiba, kag pribado nga sektor, mas mapabakod naton ang lokal nga ekonomiya kag mas mapalapad ang oportunidad para sa tanan.

Padayon kita sa pagsuporta sa lokal nga industriya, pagpalig-on sang kooperatiba, kag paghi-usa para sa mas progresibo nga Probinsya sang Capiz!

Ka-upod naton selebrasyon sanday Mayor Jonathan Besa, Vice Mayor Paolo Besa, Sangguniang Panlalawigan Member Chairman Committee on Cooperatives - Hon. Cecilio Fecundo, D.A Regional Executive Director - Mr. Dennis Arpia, D.A Acting Regional Director - Mr. Anthony Arostique, kag DTI Acting Regional Director - Ms Mutya Eusores.

22/10/2026

𝐈𝐒𝐀 𝐍𝐀𝐌𝐀𝐍 𝐊𝐀 𝐓𝐈𝐊𝐀𝐍𝐆 𝐏𝐀𝐃𝐔𝐋𝐎𝐍𝐆 𝐒𝐀 𝐌𝐀𝐒 𝐌𝐀𝐒𝐀𝐍𝐀𝐆 𝐍𝐆𝐀 𝐏𝐀𝐋𝐀𝐀𝐁𝐔𝐓𝐎𝐍 𝐒𝐀𝐍𝐆 𝐀𝐓𝐎𝐍 𝐊𝐀𝐒𝐈𝐌𝐀𝐍𝐖𝐀!

Ang pagpatigayon sang Groundbreaking Ceremony para sa Multipurpose Building (Barangay Hall) sa Brgy. Tanza Sur nagamarka sang pagsugod sang isa ka importante nga proyekto nga mangin sentro sang pagserbisyo, pagbinuligay kag pag-isa sang komunidad.

Ini nga pasilidad magahatag sang mas maayo nga lugar para sa mga programa, aktibidad, kag mga serbisyo nga kinahanglan sang aton mga pumuluyo.

Madamo gid nga salamat kay Mayor Sonny Besa kay Barangay Captain Herman Acat kag sa bug-os nga Sangguniang Barangay sang Tanza Sur sa ila padayon nga suporta kag pagpakig-angot para sa kauswagan sang barangay.

Padayon kita sa pagbinuligay kag pagpatuman sang mga proyekto nga may kaayuhan kag benepisyo para sa aton mga kasimanwa.

21/10/2026

𝐏𝐀𝐃𝐀𝐘𝐎𝐍 𝐍𝐆𝐀 𝐒𝐔𝐏𝐎𝐑𝐓𝐀 𝐏𝐀𝐑𝐀 𝐒𝐀 𝐀𝐓𝐎𝐍 𝐌𝐆𝐀 𝐌𝐀𝐍𝐆𝐈𝐍𝐆𝐈𝐒𝐃𝐀!

Sobra sa 1,000 ka mangingisda sa aton probinsya ang nakabaton sang pinansyal nga bulig agud makabulig sa ila adlaw-adlaw nga pangabuhi kag sa mga kinahanglanon sang ila pamilya.

Sa likod sang kada patak isda nga ara sa aton lamesa amo ang aton mga mangingisda. Ang ila sakripisyo kag pagpaninguha nga makahatag sang mas maayo nga palaabuton sa ila mga pinalangga kag makabulig sa aton komunidad. Gani, importante nga padayon naton sila nga suportahan kag hatagan sang oportunidad nga mapalig-on ang ila pangabuhian.

Ang aton sinsero nga pagpasalamat kay Governor Fredenil Castro sa iya padayon nga pagpaninguha sa pagpangita sang pondo agud mahatagan sang bulig ang aton mga mangingisda. Ang iya inisyatibo nagapakita sang importansya sang paghatag prayoridad sa panginahanglan sang aton mga kasimanwa nga nagapangabudlay sa kadagatan.

21/10/2026

𝐏𝐀𝐃𝐀𝐘𝐎𝐍 𝐍𝐆𝐀 𝐏𝐀𝐆𝐏𝐀-𝐀𝐘𝐎 𝐏𝐀𝐑𝐀 𝐒𝐀 𝐌𝐀𝐒 𝐋𝐔𝐖𝐀𝐒 𝐊𝐀𝐆 𝐌𝐀𝐇𝐀𝐏𝐎𝐒 𝐍𝐆𝐀 𝐏𝐀𝐆𝐁𝐈𝐘𝐀𝐇𝐄

Nagapadayon ang rehabilitasyon sang Pontevedra Bridge agod masiguro ang mas ma-ayo, mapag-on, kag mas luwas nga pag-agi sang aton mga kasimanwa.

Isa ini ka tikang sa padayon nga pagpa-uswag sang imprastraktura para sa ka-ayuhan kag progreso sang aton komunidad.

20/10/2026

Malipayon nga ka-adlawan, Congresswoman Jane Castro!

Sa isa ka abyan kag ka-upod sa serbisyo publiko nga malapit gid sa akon tagipusu-on, madamo gid nga salamat sa imo padayon nga suporta kag pagpakig-upod sa pila naton ka mga programa para sa ka-ayuhan sang aton mga kasimanwa.

Sa imo espesyal nga adlaw, ginapangamuyo ko nga kabay pa hatagan ka sang Ginoo sang mayo nga panglawason, madamo nga kalipay, dugang nga ka-alam, kag madinalag-on sa kabuhi kag serbisyo.

19/10/2026

𝐆𝐈𝐏 𝐋𝐄𝐀𝐑𝐍𝐈𝐍𝐆 𝐒𝐄𝐒𝐒𝐈𝐎𝐍 𝐀𝐍𝐃 𝐂𝐀𝐏𝐀𝐂𝐈𝐓𝐘 𝐁𝐔𝐈𝐋𝐃𝐈𝐍𝐆

Ang pagpanghanda para sa mas masanag nga palaabuton nagasugod sa pagtuon kag pag-angkon sang eksperyensya!

Paagi sa GIP Learning Session and Capacity Building, nga ginpatigayon sang Department of Labor and Employment nga ginasuportahan sang aton opisina ginahatagan naton ang aton mga GIP beneficiaries sang oportunidad nga mapauswag ang ila kaalam, ikasarang, kag kumpiyansa antes sila magsulod sa mas madamo nga responsibilidad sa propesyonal nga kalibutan.

Bangod ang pag-eskwela kag pag-angkon sang diploma importante, pero ang aktuwal nga eksperyensya kag padayon nga pagtuon amo man ang magapabakod sa aton para maatubang ang mga challenges sa matuod nga kalibutan.

Ang kada training isa ka kahigayunan nga magtuon. Ang kada eksperyensya isa ka leksyon. Kag ang kada hagna isa ka tikang padulong sa mas maayo nga palaabuton.

Padayon ang aton suporta sal aton kabataan kag sa paghatag sa ila sang mga oportunidad nga makabulig sa ila nga mangin mas preparado, responsable, kag kompetente nga mga propesyonal sa palaabuton.

Aton man ginapasalamatan si Ms. Jahara Suzane Sta. Maria ang aton GIP focal Person kag ang aton Dole Family pag organize sang sini nga programa.

16/10/2026

Wala kita nag-untat sa pakipag-istorya sa DICT halin pa sang 2024 para mataga-an sang sabat ang aton tinutuyo nga ang mga buluthuan halin elementarya tubtob sa kolehiyo kag pampubliko nga lugar mabutangan sang libre nga internet connection.

Kag nalipay kita nga nagtililipon ang nagkalain-lain nga ahensya, government leaders para sa opisyal nga pag launching sang free wifi connection sa bug-os nga probinsya

16/10/2026

𝐀𝐍𝐆 𝐏𝐀𝐆𝐒𝐄𝐑𝐁𝐈𝐒𝐘𝐎 𝐒𝐀 𝐏𝐔𝐌𝐔𝐋𝐔𝐘𝐎 𝐖𝐀𝐋𝐀 𝐒𝐀𝐍𝐆 𝐏𝐈𝐍𝐈𝐋𝐈 𝐍𝐆𝐀 𝐎𝐑𝐀𝐒 𝐊𝐀𝐆 𝐊𝐀𝐇𝐈𝐌𝐓𝐀𝐍𝐆𝐀𝐍

Pila sa aton mga pumuluyo ang nagdangop sang ila mga balayran pa-agi sa aton talatapan:

Isa si tatay Rizalde Donguines Sr, 68 anyos nga nagapuyo sa Brgy. Dayao, sining syudad ang nagdangop sa aton talatapan para iban-ibanan ang ila problema sa hospital bill nga nagabalor sa ₱79,000 para sa iya bata nga si Resan Arroza, 41 anyos nga magwa sa hospital sang tinalikdan nga Oktubre 12, 2026.

Dako man ang pagpasalamat sanday John Mark Magno, Charles Kim Lava, Patrick Lance Demapendan, Jeffrey Delfin, Felimon Dichosa Jr. nga na solbar ang ila pagpamedical para sa ila nga requirements sa eskwelahan.

Para naman sa funeral services nga galab-ot sa ₱70,000 ang gindangop ni Juhn Cosipe, 51 anyos nga pumuluyo sang Brgy. Libas sining syudad para sa iya nga nagtaliwan nga nanay.

Dako man ang pagpasalamat ni nanay Cherlyn Brodeth, 61 anyos nga taga Banica, sining syudad nga na iban-ibanan ang ila problema para sa funeral services man nga gabalor ₱70,000 para sa iya utod nga nagtaliwan man sa pihak nga kinabuhi.

Amo man ang gindangop ni Lorena Bejo, 57 anyos nga taga Brgy. Linampongan banwa sang Pontevedra para sa funeral services nga nagabalor sang ₱58,000 para man sa iya nga nanay nga nagtaliwan na sa pihak nga kinabuhi.

Bisan ano man kabug-at sang pagtilaw, mapa-hospital man o ang pagtaliwan sang aton mga hinugugma, wala kamo naga-isahanon. Ang aton talatapan nakahanda gihapon sa pagbulig kag maghatag sang serbisyo nga maka piyan-piyan sang inyo kalisdanan.

15/10/2026

𝐇𝐀𝐓𝐀𝐆 𝐆𝐈𝐍𝐇𝐀𝐖𝐀: 𝐒𝐄𝐑𝐁𝐈𝐒𝐘𝐎𝐍𝐆 𝐆𝐔𝐈𝐍𝐓𝐔 𝐌𝐎𝐁𝐈𝐋𝐄 𝐂𝐋𝐈𝐍𝐈𝐂 𝐏𝐀𝐆𝐀 𝐃𝐀𝐋-𝐎𝐍 𝐒𝐀 𝐁𝐀𝐑𝐀𝐍𝐆𝐀𝐘 𝐃𝐀𝐆𝐀, 𝐏𝐀𝐍𝐀𝐘, 𝐂𝐀𝐏𝐈𝐙

Sa mga Lolo, Lola, Nanay, Tatay, kag Kabata-an nga naga problema kung paano maka pacheck-up kag laboratory?

Gani sa ma-abot nga Oktobre 22, 2026 sa Covered Gym sang Barangay Daga, Panay, Capiz ang aton opisina may patigayunon nga Hatag Ginhawa: Serbisyong Guintu Mobile Clinic nga may ara sang libre nga konsultasyon, blood test, urinalysis, laboratories kag bulong sa sulod sang isa ka bulan.

Ini bukas gid sa aton mga kasimanwa nga malapit sa nasabit nga lugar Barangay Linao, Lus-onan, Bago Grande, kag Bago Chiquito.

Kag kita maga-akomodar sang tanan nga luyag magpa check-up sang ila nga mga balati-an.

15/10/2026

𝐅𝐑𝐄𝐄 𝐖𝐈𝐅𝐈 𝐅𝐎𝐑 𝐀𝐋𝐋 𝐀𝐓𝐎𝐍 𝐆𝐈𝐍𝐋𝐔𝐍𝐒𝐀𝐑 𝐒𝐀 𝐏𝐑𝐎𝐁𝐈𝐍𝐒𝐘𝐀 𝐒𝐀𝐍𝐆 𝐂𝐀𝐏𝐈𝐙.

Ang komunikasyon amu ang gapanguna nga kinahanglanon sang tagsa-tagsa sa aton karon nga panahon. Pinaagi sini, mas madasig ang pagbaylohanay sang impormasyon, pag-isulod sang koneksyon sa pamilya kag abyan, kag paghatag sang mas maayo nga oportunidad sa edukasyon kag negosyo.

Halin pa 2024 tinutuyo na naton nga mabutangan sang libre nga internet connection ang aton mga buluthuan halin sa elementarya, high school kag college subong man ang importanti nga mga pampubliko nga lugar para mas mahupos ang komunikasyon kag magamit sa ila pagtu-on.

Sa aton padayon nga pakipag hinun-anon sa DICT, nalipay kita nga ginhiwat ang Ceremonial Launching sang Free Wi-Fi for All Sites sa aton probinsya pinaagi sa aton pagtinguha. Ang ini nga aktibidad ginhiwat kahapon, Miyerkules, Oktubre 14, 2026, CapSU Main, Roxas City.

Dugang pa sini ang aton mga ginpatindog nga multipurpose building, school building luyag man naton mabutangan sang libre nga internet connection. Aton man siguraduhon nga mga wala na include subong aton tinguhaan nga masunod nga mga inadlaw sila naman ang masunod naton nga recipient.

Gintambungan sang nagkalain-lain nga ahensya sang gobyerno, School Administrators sa pagpanguna ni SDS Roel Bermejo sang Capiz Division, SDS Adonis Mosquera sang Roxas City School Division.

Yara man sa amu nga okasyon si Congresswoman Baby Jane Castro sang segundo distrito sa Capiz, Dr. Efren L. Linan SUC President III, Capiz State University Local Chief Executives sang nagkalain lain nga banwa nga ginpangunahan ni LMP President Mayor Raymond D. Malapajo, mga opisyales sang Department of Information and Communications Technology (DICT) nga sanday Engr. Gymeo Y. Solano kag Engr John Felix Jorino

Dako gid nga pasalamat sa DICT, kay keynote speaker Dir. Edgar M. Navarro, Assistant Project Director kag sa tanan nga aton mga opisyales sa padayon nga pagpaninguha nga mapalapit ang libre, madasig, kag kalidad nga internet access sa tagsa-tagsa ka Capiznon.

Howard Guintu

23/10/2026

22/10/2026

21/10/2026

21/10/2026

20/10/2026

19/10/2026

16/10/2026

16/10/2026

15/10/2026

15/10/2026

Address

Website

Alerts

Shortcuts

Share

Category

Listing takedown request