Panukulan-Person with Disabilities Affairs Office

15/07/2026

"Kaisa ang Lokal na Pamahalaan ng Panukulan sa pagdiriwang ng National Disability Rights Week 2026!

Sa temang pagkakapantay-pantay, inklusyon, at paggalang sa dignidad ng bawat isa, muli nating pinagtitibay ang ating pangako na itaguyod at pangalagaan ang mga karapatan ng mga Persons with Disabilities.

Sama-sama nating buuin ang isang lipunang walang naiiwan at may pantay na oportunidad para sa lahat.

Walang hadlang sa karapatan, walang limitasyon sa kakayahan!

"

02/07/2026

Distribution of School Supplies to Persons with Disability enrolled in School
June 05, 16-19, 2026
Panukulan, Quezon

Bilang bahagi ng patuloy na pagsusulong ng inklusibong edukasyon at pagbibigay ng suporta sa mga mag-aaral na may kapansanan, isinagawa ng Lokal na Pamahalaan ng Panukulan (LGU), sa pangunguna ng Persons with Disability Affairs Office (PDAO) katuwang ang Municipal Social Welfare and Development Office (MSWDO), ang Pamamahagi ng School Supplies para sa mga Persons with Disabilities (PWDs) na naka-enrol sa paaralan noong Hunyo 05 at 16–19, 2026. Sa kabuuan, tatlumpung (30) rehistradong mag-aaral na may kapansanan ang nabigyan ng mga pangunahing kagamitang pang-eskwela.

Layunin ng nasabing gawain na mabigyan ng mga pangunahing kagamitang pang-eskwela ang mga rehistradong mag-aaral na may kapansanan upang makatulong sa kanilang pag-aaral at mahikayat silang ipagpatuloy ang kanilang edukasyon. Ang inisyatibong ito ay sumasalamin sa pagkilala ng Lokal na Pamahalaan sa kahalagahan ng pagbibigay ng pantay na pagkakataon sa edukasyon at pagtiyak na ang mga batang may kapansanan ay magkaroon ng akses sa de-kalidad at inklusibong pagkatuto.

Sa pamamagitan ng gawaing ito, muling pinagtibay ng Lokal na Pamahalaan ng Panukulan sa pangunguna ng mahal na Punong Bayan Kgg. Alfred Rigor S. Mitra ang kanyang pangako na pangalagaan at isulong ang kapakanan ng mga persons with disabilities sa pamamagitan ng mga programang tumutugon sa kanilang pangangailangan at nagtataguyod ng kanilang ganap na pakikilahok sa lipunan.

"Sama-sama para sa Edukasyong Inklusibo."

22/01/2026

30th National Autism Consciousness Week
January 19-25, 2026

Sa pagdiriwang ng National Autism Consciousness Week, ang Lokal na Pamahalaan ng Panukulan ay nakikiisa sa pagsusulong ng kamalayan, pag-unawa, at pagtanggap sa mga indibidwal na may autism. Ipinapaalala nito na ang bawat tao ay may natatanging kakayahan at paraan ng pag-iisip na dapat igalang at pahalagahan. Sa pamamagitan ng sama-samang pagkilos at malasakit, patuloy nating binubuo ang isang inklusibo at mapagkalingang komunidad kung saan walang naiiwan at lahat ay may pantay na pagkakataon.

"Autism is not a disability, it's a different ability."

𝟯𝟬𝗧𝗛 𝗡𝗔𝗧𝗜𝗢𝗡𝗔𝗟 𝗔𝗨𝗧𝗜𝗦𝗠 𝗖𝗢𝗡𝗦𝗖𝗜𝗢𝗨𝗦𝗡𝗘𝗦𝗦 𝗪𝗘𝗘𝗞 🧩🧩

The Department of the Interior and Local Government (DILG) Quezon joins the nation in commemorating the 30th National Autism Consciousness Week under the theme: “Mula Kamalayan Tungo sa Gawa: Pag-unlad ng Autism-OK Philippines.” Let us continue to raise awareness, foster understanding, and support the growth and development of persons with autism.

16/09/2025

22nd Cerebral Palsy Awareness and Protection Week
Setyembre 16–22, 2025

Ang Pamahalaang Lokal ng Panukulan, sa pamamagitan ng Persons with Disability Affairs Office (PDAO) at Municipal Social Welfare and Development Office (MSWDO) ay buong pusong nakikiisa sa pagdiriwang ng Ika-22 Cerebral Palsy Awareness and Protection Week na ginugunita ngayong Setyembre 16–22, 2025, na may temang: “Joining Together in Building Inclusive Innovation for Persons with Cerebral Palsy in the Communities.”

Sa ngalan ng ating Lokal na Pamahalaan, sa pangunguna ng ating mahal na Punong Bayan Kgg. Alfred Rigor S. Mitra, sabay-sabay nating isinusulong ang inklusibong pag-unlad, mas malawak na akses sa mga serbisyong panlipunan, at higit na pagkilala sa dignidad at kakayahan ng ating mga kababayang may cerebral palsy upang matiyak na sila ay hindi naiiwan sa pag-usbong at patuloy na progreso ng ating bayan.

05/09/2025

47th National Disability Rights Week Celebration cm Cash Aid Distribution
September 2-3, 2025
Panukulan, Quezon

Bilang pakikiisa sa 47th National Disability Rights Week Celebration, ang Pamahalaang Lokal ng Panukulan, sa pangunguna ng Persons with Disability Affairs Office (PDAO) katuwang ang Tanggapan ng Municipal Social Welfare and Development (MSWDO), ay namahagi ng cash aid sa mga Persons with Disabilities (PWD) noong Setyembre 2–3, 2025, na isinagawa sa 13 Barangay ng Panukulan, Quezon.

Sa pamamagitan ng programang ito, 228 rehistradong PWD ang nabigyan ng tig-₱500, na may kabuuang halagang ₱114,000. Ito ay bahagi ng patuloy na suporta at pangako ng Lokal na Pamahalaan upang isulong ang karapatan, dignidad, at kapakanan ng mga PWD.

Dahil dito, muling pinagtibay ng LGU ng Panukulan ang dedikasyon na tiyakin na walang PWD sa bayan ang mapag-iiwanan at ang kanilang mga karapatan at kapakanan ay patuloy na naipagtatanggol alinsunod sa pagdiriwang ng National Disability Rights Week.

Sa ngalan ng Lokal na Pamahalaan sa pangunguna ng ating mahal na Punong Bayan, Kgg. Alfred Rigor S. Mitra, taos-puso po kaming nagpapasalamat sa lahat ng naging katuwang at tumulong upang maisakatuparan ang makabuluhang programang ito.

09/07/2025

"Sa mata ng lipunan, tayo’y magkakaiba. Ngunit sa mata ng karapatang pantao, tayo’y pantay-pantay."

23/01/2025

"Together, we stand for a world of difference. Together, we will succeed."-unknown